السلااام عليكم ورحمة الله وبركااااته
اولااا احب اشكر المشرف فيصل على سرعة استجابته لاستفساراتي
ومن لايشكر لا يُشكر
الشي الثاني
احب اقولكم انه جو باريس روعه بالنهار يميل للحر قليلا وفي الليل برد خفيف يعني بالعاميه بلوفر يدفيك(على قولة السعوديين تكه بارد ههههههه)
شعب باريس فعلااا ودود مبتسم
والمشي بتتعبون باللوفر محطنا لين رجولنا تكسرت وفي النهاية طمرنا المونليزا مادرينا عنها ونتعداها ندورها في الاخير لقينا الناس زحمه قلنا اكيد في شي والا مصيبه واخرتها طلعت السيدة مونليزااا متربعه جالسه وانواع الكميرات عليها
وعلى قولة زوجي هاذي اخرتها لو دارين ماجينا هههههههههه
وقمنا انا وزوجي نروح يمينها وشمالها على بالنا بنشوفها تناظرنا من جميع الجهات والا لا
الزبده مرينا اللوحات كلها ولاندري وش سالفة هاللوحات بس اللي يصورنها العالم نصورها معهم نحس انها كشخه هههههههه
في الاخير تعبنا وجلسنا ندور كلمةEXIT لين طلعناا ههههههههه
طبعاا زرنا دزني لاند روووعه اخيرا شفنا ميكي ماوووس وصورنا معه
وانصحكم تجربون لعبة الاصنصير تراها على شكل بيت هوليوود
وأعدنا ذكريات الطفوله *^
وبرج ايفل مايحتاج اشرح اكيد وناسه خصوصا انه في غرفة فوق اعلى شي فيها اثنين جالسين تماثيل بس مدري منهم والناس تصور هههههههههه
وحنا مع الخيل ياشقراااا
سعر التذكره كان 13 يورو اعلى شي بالبرج
انصحكم بتجربة الكريب اللي عند برج ايفل تراه مره خيال عند الكشكات اللي تحت البرج مو مثل اللي برى عند الشانز
جلسنا في باريس 3 ايام كانت روعه وكان السكن في فندق الكونكورد خيال الفندق واحسن مافيه فيه محطة مترو
الغرفة من نوعclub room مطله على برج ايفل في الدور 33 اعلى دور
والفطور في الدور 30
وراح يكون لنا عوده انشاء الله لباريس في نهاية الرحله بعد برشلونه لمدة 3 ايام
--------------
اليوم انا في امستردام طبعاا بلد مافيه شي مره مايستاهل تجونها كلها كافيهات ومطاعم ماتسوى بصراحه
حتى رحلة الكنال بايخه ومتحف الشمع بايخ احلى ماعندهم مطعم شاورما واخيراا ههههههههه
الجو فيها حلووو يميل للبروده قليلا ليلاااا
---------------
غداً باذن الله الرحله الى برشلونه طبعاا ما اعرف عنها شي
والحمد الله فكه من هولنداا
موضوع بسيط تم طرحه فقط للمساعدة لمن قربو على السفر وشكر للمشرفين الموقرين والاعضاءمواضيع عشوائيه ممكن تكون تعجبك اخترناها لك:
- مابين باريس و ميونخ
- التاكس فرري عاجل
- أربعه ايام في باريس بالعمر كله تقرير مفصل بالصور والأسعار لعام
- افضل فنادق باريس
- باص او ميترو
- استفساار عن محطة قطار فى بارييس
- مشكلة في حجز تذاكر برج ايفل
- الزحليقة في شامونيكس
- في كسب
- طريقة الوصول الى الشقة ؟؟
- اريد الذهاب من انسي الى جنيف
- رحلة العمـر إلى بلاد تــــــدمــــــــر صيف هــ
- فنادق باريس بين الزين والمخيس استفسااار
- بغينا فزعتكم يا أهل الخبره
- متى تغلق هذه الأماكن
- استفسار بخصوص السياره والتامين
- تخطيطي بعد جهد جهيد رأيكم يهمني
- وين ممكن أحصل بطاقة من مطار باريس
- باريـسـيات اللـورد
- اي الفنادق افضل
المفضلات