الموضوع: استفسار عن رقم مكتب خطوط الجارودا بالرياض

بالنسبة لرقمهم ما اعرفه بس تقدر تاخذه من 905

موقع المكتب في طريق العليا

وانت جاي مع طريق خريص متجه غرب ومدينة الملك فهد خلفك تجيك اشارة العليا لف يسار باتجاه وزارة الداخلية تمشي كيلو وقبل الاشارة يجيك مكتبهم على اليمين بنفس الشارع يمكن قبل الاشارة بثلاث مباني

سم يالحبيب

عنوانهم العليا و هذا رقم تلفونهم 4660955

تسلم يا ملك

السلام عليكم ورحمه الله وبركاته..

اخواني بخصوص اسعار التذاكر انا في 25 رمضان حصلت سعر التذاكر على الخطوط الاماراتيه الذهاب سبتمبر
20 والعوده 30 وكانت اسعار التذاكر 2700 لكن المكتب نصحني احجز ثالث او رابع العيد يقول بتنزل الاسعار ؟؟
انا شخصيا ما اقتنعت بالموضوع لكن وش رايكم ؟؟

يارجال انا حاجز ثالث العيد على الاتحاد بنفس السعر ماعليك منه

يارجال التذاكر اسعارها متذبذبة .. انا حاجز قبل دخول رمضان على الاتحاد بسعر 2500 ريال ودق علي واحد ب15 رمضان يقول انه لقي على الجارودا ب2600 ريال وانا قبل رمضان اسال عنها ويقول ب3600 ريال ... الدعوى انت وحظك ...

فعلا اسعار التذاكر متذبذبه

وتعتمد على الدرجه التي يحجز لك عليها الموظف فاذا رحت لمكتب وقدر يلاقي لك حجز على التذاكر المخفضه راح يكون سعر التذكره رخيص واذا رحت مكتب ثاني وكانت كل المقاعد المخفضه قد حجزت فما راح يطلع عنده السعر المخفض وراح ينتقل مباشره للسعر الاعلى

وهكذا ........

بالعيد الاسعار دون الـ3000 خذها وانت مغمض وما راح تلقى من دونها يعني الرخيصه بتاخذها بـ 2600