الموضوع: تعالوا نرشح احسن ولاية

[align=center]السلام عليكم

اغلبنا مترددين ومحتارين وين احسن ولاية
اي واحد عنده خلفيه عن الولايات يرشح لنا مع ذكر الاسباب
اتمنى من الجميع المشاركه لتعم الفائده

ملاحظة: الولايات فقط وليس الجامعات

وشكررررا[/align]

مواضيع عشوائيه ممكن تكون تعجبك اخترناها لك:

• ملبورن كليفلاندسينسيناتي بليييز جاوبوني
• تخصص العلوم الصحيه
• موقع أمريكي باللغة العربية مفيد للدارسين
• يا بنت الصقور افيدينى ضرورى افادك الله
• محتااج رايكم
• أيهما أفضل
• اخواني في السفارة هل يدققون على معدلك في الجامعه ؟
• سؤال عن مدينة بليزززز مساعدة
• ماهي الجامعات الامريكية المعترف بها
• ابي الشووووووووور
• عاجل مطلوب سكن مع عائله دنفر
• قبول للدكتوراة في جامعات بريطانيا
• كاليفورنيا ممكن مساعدة
• بلييز بس مجرد استفساار
• أين يمكن أخذ اختبار و
• الى بنت الصقور ولكم جميعا
• ابي ادرس تخصص اذاعة وتلفزيون
• لندن يا ملبرونساعدوني
• استفسار عن معاهد اللغة للاطفال بمدينة لوس انجلوس
• ناوي ادرس في اورلاندو بولاية فلوريد وطبعا بدي مساعدتكم

وش رايكم في ولاية تكساس وبالذات مدينة اوستن؟

اخوي سعيد وش رايك في تكساس وبالذات مدينة اوستن فيها؟

الف شكر يا Dr.FADI على مشاركتك وطرح وجهة نظرك
واتمنى لك التوفيق

شكرا سعيد555 على نصائحك الذهبية
وننتظر المزيد
الله يوفقك

اشرايكم ياشباب بولاية يوتا Utah
ضروري هي تنفع للعيشة والدراسة ولا لا ؟ هي مع الحدود مع ولاية كولارادو

والله انا سالت خالي بحكم انه دارس في امريكا وش احسن ولاية للدراسة قالي لي ما فيه الا اوريغون من كل النواحي الامن مستوى المعيشة والشعب ... الخ

لكن للاسف ما لقيت الجامعه اللي في خاطري في اوريغون

حيث اني ارغب الدراسة في انديانا
تحياتي

موضوع جميل وهاااااااااااام للغاية خصوصآ للأحبة الذين لايملكون خلفية سابقة عن أمريكا ..
بحكم التجربة أنصح بعدد من الولايات منها : ميشيغان ..إلينوي ..أوريجون .. ولاية واشنطن في أقصى الشمال الغربي...

وأؤكد على تميز ميشيغان لأسباب : وجود الجامعات القوية في عدد من المدن ..
ثانيآ: طبيعة تضاريس الأرض المتساوية ممايعطي إرتياحآ ملحوظآ ..
ثالثآ: وجود ديترويت بمطارها الكبير وجالياتها العربية التي أعطت الأمريكان إعتيادآ على السحنة العربية وبالتالي إمكانية التعايش الآمن ..
رابعآ :وجود المدن الجيدة بجامعاتها المتميزة مثل آن آربور.. لانسنج .. كالامازو ..
خامسآ : قربها من شيكاغو الساحرة .. ووجود البحيرات العظمى فيها .

شكرا بلا هوية على مشاركتك
فعلا كثير مدحوا اوريغون وخاصة بورتلاند
ويقولون الولاية مافيها ضرائب
والله يوفقك وتلقى الجامعة اللي تناسبك

شكرا اباالخيل على مشاركتك وافادتنا بمعلوماتك
وملاحظاتك في ميتشيغان في محلها
وياليت تفيدنا عن باقي الولايات اللي ذكرتها

شكرا خالد على مشاركتنا الموضوع
وانا عن نفسي ماانكر خبرتك في امريكا
وزي ماقلت الولايات الجنوبية معروفة بعنصريتها
وننتظر المزيد

المشاركة الأصلية كتبت بواسطة ka_leed


على العموم انا شخصيا هذه الولايات مافي امل اقرب منها ولا حتى اخلي احد يعز علي يروحها بسب العنصرية او البرد او كلهم متخلفين ابو بداوة او ما يطلق عليهم (White Trash)
Montana, Alabama, Mississippi, Arkansas, Utah, Wyoming, Idaho, Nebraska, North and South Dakota, or Iowa also known as pigs state



Wyoming
اعرف واحد من الشباب يمدح هذي الولاية
عاش هناك لاكثر من سبع سنوات
العرب فيها قليلين جدا
طبيعتها حلوة
لكنها باردة
واراه متأقلم ومرتاح بدرجة كبيرة هناك

وش رايكم في

كالورينا الجنوبيه

من حيث المعيشه والاستقرار

يا اخوان اذا احد عنده معلومات عن الولايات هذي يفيدنا الله يعطيكم العافية لاني حاطها في بالي لو الله فتح علينا بالبعثة

اركانساس - اوريجون - اوهايو

من ناحية تواجد السعوديين و العرب فيها و من ناحية تعامل اهلها

مع اغلى الامنيات

المنتدى مليان خبراء ماشاء الله
لا يبخلون علينا بلييز

أنا أرشح ولاية الرياض


















قصدي

أرشح ولاية بنسلفانيا :115: :11ight:

المشاركة الأصلية كتبت بواسطة سعيد555


يا اخوان اذا احد عنده معلومات عن الولايات هذي يفيدنا الله يعطيكم العافية لاني حاطها في بالي لو الله فتح علينا بالبعثة

اركانساس - اوريجون - اوهايو

من ناحية تواجد السعوديين و العرب فيها و من ناحية تعامل اهلها

مع اغلى الامنيات




اركانسس لا اعلم عنها شيئا الا انها ولايه يغلب عليهم العصبيه وطبع الكاو بوي

اما اوهايو عمي كان هناك قبل 7 شهور وخلص ما جستير

كان يمدح فيها مره والصيفيه هذي راح لها زياره ورجع الجمعه الماضيه ولازال يمدح


اما اوريغون فاسمع عنها بانها حلوه وفيها خليجيين وسعوديين

السلام عليكم


تحياتي للجميع


وأحب أشكر الأعضاء على هذا التفاعل


بالنسبة لأفضل ولاية، عمي الأول راح لولاية ميزوري مدينة كانسس ، لكن ما كان يمدحها لا معيشة ولا دراسة



أما مدينة لورنس بولاية كانسس "لحظوا العلاقة بالأسماء" فهي جدا ممتاز "حسب رأي العم الأخر" من ناحية بيئية أي الجو المعيشي ومن ناحية دراسية كذلك اقتصادياً


أرجو للجميع التوفيق والنجاح والإستفادة بما نفيد ونستفيد به


شكراً

اخي Dr.Fadi مشكور جدا على ردك المفيد ... انا راجعت بعض الردود القديمة في المنتدى و حصلت ناس يتكلموا عن اوهايو انها كويسة بس باردة جدا ...... ياليت تخبرنا عمك درس في اي مدينة و جامعة في اوهايو؟

و تقبل مني اغلى التحيات

sasj15 شكرا على الرد والتوضيح
والله يوفق الجميع

أكثر الولايات ليربرالية هي كاليفورنيا و نيويورك و التعصب فيها قليل جداً
أما من ناحية الجاليات العربية فأكثر ثلاث ولايات يتواجد فيها العرب هي:
1- ميشيغان
2- فلوريدا
3- بنسلفاينيا

شكرا نايف على المشاركة
وكثير قدموا على الولايات اللي ذكرتها
يمكن يحتاجون منك تفاصيل اكثر
بالتوفيق

انا ان شا الله اذا جا القبول بروح انديانا -- انديانا بوليس او كولمت ---

واتوقع انها مناسبه الا اذا اي احد عنده تعليق ثاني يفيدنا لو سمحتوا


تحياتي

المشاركة الأصلية كتبت بواسطة Dr.FADI


عمي كان يدرس في ولاية اوهايو في مدينة اثينز

كمان خالي بس قديم شوي قبل 7 سنوات في اوهايو في مدينة كليف لاند ويمدحها

واي اسئله انا حاظر



مو غريبه عليك Dr.FADI
ولو تذكر شيء بسيط عنها
وان شاء الله اللي حاب يعرف عنها راح يستفيد
شكرررررا

الف شكر mode على طرحك وجهة نظرك
والتفاصيل اللي ذكرتها مره قيمة
بصراحة يستاهل تنزله كموضوع مستقل
شكرا مره اخرى

الاخ mode

الله يهديك الشباب جايين دراسة مو تمشية

السلام عليكم اخواني اسمحو لي انضم لكم واشاركم الحوار انا مشترك جديد ,,,, اول شي احب اشكر اخوي سعيد على الاقتراح اللي طرحه لانه مهم ومفيد في نفس الوقت كل واحد يتكلم عن تجربه خاضها هو بنفسه ولانه بدا بنفسه وتلكم عن ولايتين هي ميسسبي و الباما احب اضيف لك يا سعيد ايضا ولايه لويزيانا ابعدو عنها يا شباب كل هذي الثلاث ولايات واحب اضيف لك ولايه رابعه ما انصح بذهاب لها وهي ولايــه مونتانـــا في اقصى الشمال باردة جدا
وجوها جدا سيئ الامريكان انفسهم وقت الشتاء ما يقدرون يتعايشون معها اضافه الى ان طبيعه اهلها جدا عنصريين
على حد ما سمعت ,,,, واشكر اخوي الدكتور فهد على مشاركته وانا اشاركك الرائ يا فهد ان الولايات الشماليه افضل
من الولايات الجنوبيه بستثناء ولايتي (فلوريدا ,, تكساس ) لان هذي الولايتين من اكثر الولايات الجنوبيه تقدم ولو ان فيهم نزعه عنصريه ولول كانت بسيطه ما تظهر في كل وقت ,,,,,
وانتقل الى االخ ابا الخيل احب اسئلك اخوي العزيز سؤال واتمنى القى له عندك اجابه ممكن تكلمنا عن ولايه ميتشغان
اقصد من ناحيه الطبيعه والسحر الاخضر هل هي جميله هواها نظيف يعني شي من كذا يا ابا الخيل اي معلومات تتعلق بطبيعه لاني مغرم في سحر الطبيعه واحب اشكر الجميع والاخت بنت الديرة على فتحها لهذا الموضوع سسسسسسسلام.

طيب يا شباب ودي أستفسر منكم عن ولاية فيرجينيا
وأفضل المدن فيها وأسعارها ونسبة العرب
مشكورررررررررررررررررررين

موضوع من زماااان أبحث عنه ..


لدي بعثة في ماجستير حاسب


طلبي ربما يكون غريب قليلا !

أبغى مدينة جوها مايكون حر مره ، ولا برد مره
وما يكون فيها عنصرية ، ولا يغلب عليها الزنوج
وتكون موصغيرة ولا كبيرة
وتكون رخيصة المعيشة
وأهم شيء العرب أقل ما يمكن !

أتمنى تساعدوني


وشكرا

هلا بالغالين
بنت ديرتي الشكر لك انتي لأن موضوعك اعتقد هو الموضوع الوحيد الي يتجدد دائما ولا يمل منه وهو اللي شجعني على كتابة تجربتي .... موفقه .... ولا تنسين تروحين هاواي (:



الاخ المفجر ........... الله يكفينا شر قنابلك (:
هلا فيك يا الغالي .... وراك معصب ونا خوك خل اللي يدرس يدرس واللي ينبسط ينبسط وبعدين منتب عاقل يا اسحاق نيوتن !!! تبي تقنعني انك اذا درست ما تسكر كتابك وتروح هنا ولا هنا (:
وبعدين انت لو تدقق في طلب كاتب الموضوع (بنت ديرتي) تعرف انها ماتبي شغل الجامعات والدراسه و(غثا بقعا) (:
تبي اي شي عن السياحه والوناسه ..
انا خايف يا الغالي ان الموضوع ما عجبك ..... صدقني البلد تستاهل ووصفي ما يمثل بدون مبالغه 30% من جمال البلد ... اقول ونا خوك شنطتك والمطار يالله ....(:

يعطيك العافيه دكتور فادي .. كفيت ووفيت .. اوافقك الريء مليوووووووووون مره .. الله يوفقك

واحب اضيف الى كلامك شغله وحده بس ..اللي يحب يطور نفسه ويتعلم لغه انجليزيه بكل معنى الكلمه .. يحاول انه يبتعد بقدر الامكان عن العرب هناك وما يخالطهم كثير ..والعكس صحيح .. يحاول انه يتحرش بشكل لبق ويحاول يكون صداقات مع اهل اللغه الام ...ويقل مع الهنود والنيابلين والباكستانين ..الخ .. ( ملاحظه .. اغلب الولايات الشماليه .. سكانها من النيبال .. الهند .. باكستااااااااااااااان وبشكل كبير )

اغلب الطلبه سيشعر بالوحده اذا لم يجد عرب .. ولكن انا اقول لهم .. شدو حيلكم.. والله يوفقكم .. وانتو جايين للدراسه مو للتمشيه وللسوالف . وبعضكم مضحي بحياته وبماله وبوظيفته عشان يكمل دراسته او يلتحق بالبعثه .. لازم تكونو قد المسوليه وتبرزو ..ولا يخلو الغربه تاثر فيكم ابدااااااااااااااااااااااااااا


اما بالنسبه لي انا فولايتي المفضله يعرفها دكتور فادي :115: اااااااااااخ متى اروح بس
لا تلحقوني يا شباب ترىىى برد قارس ههههههههههههههه
تحياتي

بعض الردود ودي اصفق اصحابها

قسما بالله ماشوه سمعة العرب الا هالاشخاص اللي عندهم العربي كانه عدو

انا ادرس لغة الحين ومااشوف فيها شي اذا سولفت مع شباب على الاقل تجتمع معهم بالاسبوع مرة ولااتوقع انك اذا اجتمعت معهم ماراح تتعلم انجليزي

ممكن تدرس وتسولف مع امريكان وفي الويك اند تجتمع مع الشباب لو يوم واحد وماراح ياثر عليك بشي بالعكس راح تتحسن نفسيتك وترتفع معنوياتك


لكن اهم شي الواحد يعرف منو يمشي معه

مو يجيني واحد داش لي مرقص والا بار ( الله يعزكم ) ويتعرف على شباب وبعدين يقعد يسب العرب

اذا تتعرف على شباب طالع الشباب اللي في المسجد او اللي صلاتهم ممتازة ومايدخلون الاماكن المحرمة


وسلامتكم



كلام في خاطري من زمان ودي اقوله

أسأل الله العلى القدير أن يوفقك فيما دهبت من أجله وأن يقيك شر الفتن وأن يردك الى أهلك سالما حاملا شهادة الدكتوراه

ونعم السفيرأنت

أنا أرشح ولاية أورجن مدينة يوجين
حلوة هادئة أهلها طيبين ومتعاونين جداً آمنة طول ماأنا هناك ماسمعت عن جريمة ولاإطلاق نار :113:
فيها مجمعين 1-فالي ريفر مول 2-جيت واي
وفيها كاسكو ,ول َمارت, تارجت وك مارت تقريبا أغلب المحلات المشهوره
سكن الجامعة للعوائل رخيص شقة غرفتين ب400$ :115:
خارج الجامعة يتفاوت أحسن الأماكن من600$ إلى900$ تاون هاوس
فيها مسجدين مسجد أبوبكر الصديقw.broadway 1856
eugene,OR 97213
4087635(541)
المسسجد الثاني لواحد اللة يستر عليه مبدع في الدين انتبهوا منه مسجده في بيته :105:
عيب يوجين إللي عنده حساسية أنف الله يعين :110:
الميزة اللي في أورجن أنها تتوسط كالفورنيا وسياتل وفانكوفر بكندا :11ight:


موفقين

المفجر... وجلوي .. قلو لو خيرا والا فاصمتووو ..وماراح ارد عليك يا المفجر بكلام بذي مثل كلامك .لاني احترم نفسي واحترم اهل المنتدى.

بالنسبه لي : اقول رأئ تبيه ولا خله يجلس بالمنتدي ... انا ما سبيت العرب .. ولا قلت شي عنهم .ولا تنسى اني عربي... انا كل اللي قلته .. ابتعد عن العرب بقدر الامكان .. وما قلت لك قاطعم ولا تحرش فيهم .. فيه فرق .. الظاهر انك ما درست لغه عربيه خير شر .. الله المستعان .

يابني ادم انت رايح تدرس وتعلم انجليزي .. وتخرج من جامعه زينه ... مو برايح تسولف مع العرب.. مجرد نصيحه . اذا تبي تعلم انجليزي زي الناس ماراح تستفيد وانت دايم رايح جاي مع ناس تهرج عربي . مو مسبه هذي . تعرف ليش ؟؟؟؟

لانك راح تعتمد عليهم في حياتك هناك ..سواء في الجامعه .. بيكون اختلاطك واعتمادك عليهم كثير ..
حتى بالحجز او الاتصالات او المواصلات .. او السفر .. او امورك وحياتك الجامعيه .. راح تعتمد على العرب .. حتى بالسوبر ماركت .. .. ماراح تستفيد .. صدقني .. ياخي العرب على عيني وراسي .. بس هذا هو الصحيح .. ما اتوقع هذي مسبه ..؟؟ لو كنت تبي تدرس انجليزي وبتختلط مع عرب . كان جلست بدريتك اصرف لك واحسن لك .

بعدين كلامك عن البار والشغلات الي انت خابرها .. انا ما قلت لك رح لها .. كل واحد عقله براسه ويعرف خلاصه .... بعدين اتوقع هالكلام ماله علاقه بمحور حديثنا ..

يا حيف والله . ياخي انت رجال.. منت بنت تطفش وتمل .. .. انت رايح تدرس .. لازم تصبر .. .. ما تقدر تصبر اربع او خمس سنين عن العرب .. يعني لازم تختلط معهم بكل ديره تروح لها عشان ترتفع معنوياتك ...؟؟. . عز الله ما عشت .. احمد ربك منت بحدى السجون اللي انت خابر .. ومحكوم عليك بمأبد .. كان حمدت الله على الخمس السنين اللي بتعيشها برى وصبرت

بعدين الا منك بغيت تهرج او ترد على المواضيع .. رد باحترام ..ولا تستفز خلق الله

وعز الله امثالك من العرب هم اللي شوهو سمعتنا يالعرب بشكل خاص . وانت فاهم قصدي زييييييييييين .

مير خل عنك المهايط .. وخل عنك التعصب . والله يكفانا شر افكاركم ..

السلام عليكم ورحمه الله وبركاته

سؤال لأهل الخبره ابي اسالكم عن احسن هذي الولايات من جميع النواحي التعليميه والمعيشيه
ارجو المشاركه من الجميع لتعم الفائده

1-اوريجون
2-نورث داكوتا
3-نبراسكا
4-اوهايو



:::: ودمتم سالمين ::::

..
ياجماعه صلوا على النبي,,وهدوا اعصابكم
اختلاف الراي لايفسد للود قضيه..كل واحد يقول وجهة نظره..
اتمنى ان لايسلك الموضوع..منحنى اخر..ونكمل براقه الموضوع ..وافتكروا اننا اخوه..وماجمعنا في منتدى واحد الا لنفيد
ونستفيد..
لااله الا الله.. والله الواحد يتضايق لما يشوف مشاكل بين اخوان في منتدى واحد من امة واحده امه محمد عليه الصلاة والسلام..الله يهديكم

:109: :109:

شباب ولارد على استفساري ارجوا المشاركه لتعم الفائده

يا جماعة الربع ايش رايكم في ولاية Rhod island من حيث الاسعار و سكانها

الف شكر اخوي &غريب الروح& على مشاركتك
وتنبيهك على بعض الولايات في محلها

شكرا اخوي mode على المجاملة والاطراء
والموضوع موضوعكم انتم اللي نستفيد من تجاربكم
واتمنى ماتنطفيء شعلة حماسك في الكتابة في هذا الموضوع او غيره
الف شكر لك مرة اخرى

Las Vegas و المفجر

صدقوني كل واحد منكم معه حق والموضوع فيه سوء فهم لا اكثر
يعني كلنا رايحين ندرس هناك ونقوي لغتنا والافضل اننا نستغل كل الفرص اللي تساعدنا في هالشيء والعبرة في اختيار الاشخاص سواء كانوا عرب او غيرهم والحذر واجب في كل الاحوال والله يوفقكم ويرجعكم لبلادكم سالمين غانمين
وكما يقال الاختلاف في الرأي لا يفسد للود قضية
والله يوفقنا جميعا

شباب ما تكلمتو عن اريزونا

من يعرف عنها؟؟؟؟؟؟؟؟؟؟؟

افضل ولاية امريكية من خلال تجربة الوالد هي كالفورنيا ..

بس يقول الوالد مشكلتها غالية شوي ,, ولا هي جنة الله في ارضه .. وشعبها ودود ومحترم ,,

اخذت راي الوالد في موضوع العرب والتحدث مع العرب ,,

قالي لي هذي الكلمات,

الاختلاط مع العرب خاصة في الويك اند ممتاز جداً ولا راح ياثر على لغتك .. بالعكس انا يوم كنت في امريكا (( والكلام للوالد )) كنا نجتمع كل ويك اند نسوي مثل الدورية كل اسبوع عند واحد .. وبعض الاحيان نسافر مع بعض في الاجازات .. كل هذا ماله دخل بالدراسة.. والى الان زملائي يزوروني و يتصلون فيني ............

الف شكر أبوفيـصل على مشاركتك
ووجهة نظر الوالد في محلها ولا تنسون اننا داخلين على شهر رمضان واجتماع المسلمين وتشاركهم شيء اساسي
اللهم بلغنا رمضان واعنا على صيامه وقيامه

أفض الولايات من رايي الشخصي وان اختلف معي الآخرون

على حسب الترتيب :- كاليفورنيا

أوريقون

ساوث كارولينا

[blink] طالب مبتعث[/blink]

ياشباب انتوا اخذتوا الموضوع سوالف
اللي قاعد يعطينا قصة حياته
واللي يوزع ابتسامات وشكر
لا والحلوين اللي تهاوشوا

لو ترجعون وتقرؤن الموضوع زين بتعرفون ليش قلت كذا

الرجال يبي احسن ولاية ....بس

وانتوا مسكتوا خط وكثرتوا الصفحات على الفاضي
لو تنفض هالصحفات يمكن مايطلع الا نصف صفحة مفيد

عموما اللي يبي يشارك ويفيد يكتب احسن الولايات (مع السبب لو تكرم) وأسوأ الولايات (مع السبب ايضا لو تكرم)
بس هذا اللي نبيه مو طقاق ومشكور يافلان خلها بالأخير ياخي

ادري اني جاف شوي بس بصراحة هذا هو الصح ،، الواحد صعبه يقرأ كل شئ ،، يمل ويمكن فيه شئ مهم ما قراه

المشاركة الأصلية كتبت بواسطة بو عقيل


لا والحلوين اللي تهاوشوا



حلت أيامك انشاء الله
اللهم لك الحمد والشكر يارب

حلت ايامك انشاء الله

[align=center]السلام عليكم
أنا حددت وجهتي إلى ولاية Idaho مدينة BOISE

وش رايكم ياشباااب[/align]

شباب ما حد جاوبني عن ولاية Rhod island
تكفون شباب داخل على الله ثم عليكم بس معلومات عن هذي المدينه

الأخ العزيـز Mode والله شوقتنــــي لهــاواي !! أنا بخاطري من زمـان أروح لهـا بـس ما ظنتـي أروح لها لأسباب عديدة و أهمها البعـــــــــــــــــــــــــد وايـد بعيـدة يعنـي 13 ساعة من الكويت إلى نيويورك أوكـي ! بـس من سان فرانسيسكو 5 ساعات و بعدين 5 ساعات !!! وايـد جايـدة !! و خاصـة اذا كان معاك أطفال

بالنسبة للموضوع وهو ترشيح ولايـة ....طبعاً أنا ماني خبيرة بأمريكا و زرت فيها بس أورلانـدو ! مقارنةً بدول وايـد زرتها هي الأحســــــــــــــــــــن و الأفضـــــل

سلامتكم و ريحـــوا أعصابكم ما أدري ليش في ناس معصبين

المشاركة الأصلية كتبت بواسطة modnet


[align=center]السلام عليكم
أنا حددت وجهتي إلى ولاية Idaho مدينة BOISE

وش رايكم ياشباااب[/align]





وش رايكم ياشباااب


ماقلتولي :101:

شباب برضكم ما تكلمتم عن ولاية Rhod island بلييييييييييييييييييييييييييييييييز ):

السلام عليكم الاخت بنت الديرة بصراحه الموضوع هذا جدآ هام وقيم بس للناس للي تبي تتناقش باسلوب حضاري وعلمي ,,, بالله عليكم يا جماعه ليش تفوقو علينا الغرب وليش حنا يا العرب ضعنا؟؟؟؟؟؟ ابي جواب

الجواب / هذا نمذج اللي قاعدين نشوفه في هذي الصفحه عشان اختلاف اراء هذا يبغى العرب وهذا يعتبر وجودهم
نقص او مشكله صارت مشكله يعني مثل جميع القمم العربيه الفاشله اللي نشوفها بتلفزيون خخخخخ
يا جماعه رجاءآ نبي نتناقش بدون سب او تهزئ لاحد صيرو ديموقراطيين ولو لمرة وحدة في الحياة
اشكر الاخ لاس فيقس والمفجر واقول ( الاختلاف في الراي لا يفسد للود قضيه ) ( لولا اختلاف الاراء لبارت السلع)
من جديد اتمنى يعاد صياغه هذا الموضوع اذ فيه احد عنده تجربه في ولايه معينه سواء كانت هذي التجربه سعيدة ام غير سعيدة لا سمح الله يذكرها لنا من باب الاستفادة واشكر جميع اخواني واخواتي اللي شاركو في هذا الموضوع سلام.

يعطيك العافيه غريب الروح على روحك الطيبه

واشنطن(مدينة سياتل)........و أوريقن(مدينة بورتلاند)

السلام عليكم


تحياتي للجميع


وأحب أشكر الأعضاء على هذا التفاعل

انا أرشح مدينه روجستر بولايه نيويورك وشرايكم

تشاور

واشنطن استيت