الموضوع: فندق Hotel ibis Sharq  

عليكم السلام

بالنسبه لايبس شرق
اسعاره غالبا مناسبه جدا
وهو فندق اقتصادي وممتاز جدا من حيث النظافه
ويوجد لديه انترنت مجاني عن طريق الكيبل
وهو مناسب جدا للنوم فقط

ويعيبه
ضيق الغرف
وصغر مساحة الاسره (لايناسب للزوجين من وجهة نظري ويفضل اخذ غرفه بسريرين)
وكذالك عدم توفر بعض الخدمات التي يحتاجها السائح مثل الثلاجه

موقعه
في شرق خلف مطعم مغل محل الهندي مباشرة
وقريب من مجمع الرايه

وان شاء الله الاخوان يفيدونك بالاحداثيات ،،

رحله موفقه ،،

يعطيك العافية اخوي

وبنتظار باقي الاعضاء

ماقصر اخوي كشك الله يعطيه العافيه ..
الاحداثيه مالقيتها للاسف .. بس اهو سهل وصفه ..

لوقلنا انك واصل من النويصيب تاخذ الخط كله سيــــــــــــــــــده سيـــــــــــده وانت على الخط السريع خط الملك فهد لما اتشوف الكويت وعماراتها وابراجها واتشوف نهايه الخط السريه اشاره انت اهني وصلت المدينه .. ماتوقف عن الاشاره لا تاخذها يمين من تاخذ فرعي يمين جدامك على طول في فرعي يسار تاخذه واتكمل سيده .. انت اهني على الدائري الاول تطوف تحت الجسر وبعدها تشوف برج التجاريه على يسارك وجدامك جسر لاتروح تحته اخذ يمين وخلك فوق الجسر عند الاشاره بعد الاشاره في اشاره ثانيه وتاخذها يسار واتكمل سيده واتشوف محطه بانزين يمينك واشاره جدامك تاخذ فرعي يمين وبعد اول فرعي يمين تلقى الفندق يسارك ..

ان شاء الله قدرت افيدك بالشرح .. واذا حصلت الاحداثيه بحطها لك ان شاء الله

هذا الفندق من أروع الفنادق
و أنا كل زياراتي للكويت ما أسكن إلا فيه سواءً اللي في شرق أو السالمية
طبعاً اللي في شرق أرخص و أكبر من اللي في السالمية لاكن ميزة اللي
بالسالمية إنه قريب من المجمعات و الكافيهات و بصراحة لا تسكن إلا في
هذا الفندق و أنا من زود حبي له طلبت من عندهم ممبر شيب

لو ما حصلت احداثيه للفندق
خذ احداثية مجمع الرايه

ولما توصل ويكون المجمع على يمينك
كمل على الشارع الى اول تقاطع وخذ معه يمين راح تشوف مطعم مغل
والفندق خلفه مباشره

(الفندق موقعه صعب شويه للزائرين اول مره)

درب السلامه ،،

هلا اخوي بالنسبة للاحداثيات خذ هذه

29.37482 N

47.98918 E

للحجز

http://www.booking.com/hotel/kw/ibis...et?aid=1329869

شوف الرابط للخريطه

http://ar.hotels.com/ho357129/ibis-s...t-alkwyt/#maps

تعديل بسيط على الاحداثيات
بس تحت بشارع واحد فقط
الاحداثيات الصحيحه واسف لهذا الخطا الغير معتمد !

29.37796 n

47.99428 e

وصح قبل امشي نسيت اقولك
من ناحية نظافة اسعار اوك
لكن ماعندهم روم سيرفس
حتى من طلبت محول ( قابس كهرباء ) ابشغل لابتوبي يقول لي انزل اخذه ههههه اما شطحه قويه وين انزل
وزي ماقالوا الاخوان لاتوجد ثلاجه لكن الفندق جميل بكل اامانه