الموضوع: الساعات الاخيره قبل

[align=center][align=center]بسم الله الرحمن الرحيم


احبتي رواد هذا المنتدى الغالي علينا جميعا

شرايكم بالمقدمه ؟ جامده هاه ؟ عربي فصحى وحركات :109:


الصراحه مدري كيف ابدا هالموضوع


المصيبه ما بقاء الا ساعات قليله على سفرتي

ومدري ابدا من سالفه
امي
ولا
الترفل شيك
ولا
العطر الخايس
ولا
الحلاق
ولا
الاختبار
ولا
شناطي

الصراحه بكرة سفرتي و حالتي حاله

للحين ما جهزت اغراضي كلها

وبكرة على اخر اختبار و ما خلصت المنهج للحين وشكلي بجيب العيد


وحامل هم مايعلم فيه الا الله بسالفه امي خايف من لحظة الوداع لانها اول مرة اسافر ثلاث شهور تقريبا :110:


و بالنسبه للترفل شيك للحين ما جهزت شيء و المفروض اني بكرة الصباح اروح للبنك لكن عندي اختبااار وما اخلص الا على الظهر و البنك بيكون مقفل :112:

فمالي الا العصر و العصر عندي الف شغله اسويها شكلي بكرة بنكرف قبل السفر كرف مظبوط :114:


وغير كذا خايف اروح هناك وتطلع العيله الي بسكن فيها مقلب
وما يكون عندهم net
مع اني مشترط انه يكون عندهم
لاني ما اتوقع اقدر استحمل ثلاث شهور بدون نت


فمالي اللحين الا الله ثم دعاكم

فالله لا يهينكم لا تنسوني من الدعاء

و الي يبي شيء من هناك لا يستحي يقول

وبالنسبه للتقارير و الصور انشاء الله اشبعكم بس يكون في net :101: [/align]


وحبيت يكون هالموضوع اخر موضوع اكتبه ان ما حصلت وقت اكتب شيء قبل سفرتي


اخوكم ksa[/align]

مواضيع عشوائيه ممكن تكون تعجبك اخترناها لك:

• استفسار لخبراء امريكا
• يا الحقني الله يسامحك
• بانتظار اليوم الموعــــــود
• ارجو مساعدتي في سفرتي الى نيويورك وبوسطن وميامي وارلاندو
• البيت الفكتوري في سيدار فولز أيوا
• رحلة الى أمريكا لمدة شهر ابتداء من اكتوبر
• الفزعه يااخواني العرب
• ماهي افضل وانسب ولاية لقضاء شهر العسل في اكتوبر
• مقابلتي بعد ايام هل في شي ناقص
• لا خبر لحتى الان ثاشيرة او مصيبة هذي
• فنادق هواي
• سؤال مهم
• حكايتي مع القنصليه الامريكيه في الظهران من الالف الى الياء
• تأجير السيارات فزعتكم ياهل الخليج
• عذراً أزعجتكم احد يفيدني بسانتا مونيكا ؟
• استلام الجواز من السفاره الأمريكيه بالرياض ؟؟
• الولادة في امريكا استفسارات عاجلة
• مباراة مصر والجزائر ومدينة شيكاجو
• كيف اجدد جواز امريكي قديييييييم
• استفسار مهم وضروري بخصوص تعبئة الفيزا في السعوديه بليز

ربنا يسهل أمرك اخوي وويسر أمرك

وكل هالمور راح تحصل نتائجها مستقبلاً ...

الله يعينك ويوفقك

[align=center]الله يهديك ولا فيه واحد يأجل أغراض السفر إلى الساعات الأخيرة.......

ما أقول لك إلا الله يعينك وسهل دربك...

وللأخوان لا بد من التجهيز المبكر للسفر...

بنسبة لي أنا أشتريت الشنطه وفتحتها في غرفتي وحطيت فيه جميع الأغراض اللي باخذها

وكل ما أحط فيها غرض أشطب علية من الورقه ...

الله يعين باقي ثلاث أرباع الورقه ما كملته لكن الحمد لله فيه وقت يمدي إن شاء الله


والسلام,,,


أظلس العالم[/align]

الأخ ksa

بنتقد مشاركاتك

وأسأل الله الكريم ان يسهل أمرك ويوفقك في رحلتك

اين وجهتك أخي

الله يعينك

نروح انا وياك ونرجع بالسلامه ياااااااااااااااااااااااااااااااااااااارب

والله ياخوي ( خير البر عاجله ) وان شاء الله تروح وترجع بالسلامة لديرتك واهلك سالم غانم

ترجع بالسلامه...وان شاء الله ثلاثه ايام ولاحقينك

الله يوفقك أخي مشاء الله عليك متواصل حتى وأنت في كندا
لكن كيف لقيت جهاز يكتب عربي
هههههههه

وأخي الكريم كيف تعاقدت مع المعهد؟

الله يوفقك ولاتنسا دعاء السفر ومطويات الأذكار وترجع لنا سالم وغانم أن شاء الله

أخوي كي اس اي

الحمدلله على سلامة الوصول أولا .. و السكن ثانيا ..
ما شاء الله عليك ادمان نت من بدري ... بس تدري
تراني مبسوط من تقاريرك الخطافية السريعة ( ركز بالدروس )
و كأني جالس معك بنفس الموقع .. اشتري لك مسبح بلاستيك
( الا كم درجة الحرارة ) .. أما عاد نايمين من المغرب .. هذي
ما خشت عقلي ... يعني ما فيه جلسة شاي مغربية في الشرفة
الى العشاء أو بعدها بقليل ....
( و الا بعد ما عندهم شرفة ) ....
شد حيلك حبيبي ... بس قلبي معك ( 3 شهور يالظالم )

[align=center]بسم الله الرحمن الرحيم

الساعه اللحين 11 ونص بتوقيت فانكوفر و بالسعوديه تسع ونص

وبالنسبه للمسبح خوفك انهم حاطينه وراء البيت وما شفته

وبالنسبه لنومه المغرب اي نوموا بناتهم والابو نام جلست انا و الام سوالف الين اللحين ما خلتني انام بدري الله يعين وراي قومه من الصباح

وبالنسبه لدرجه الحرارة اللحين 13 والله براد


و الشرفه ما شفنا شرف غابت الشمس و كلهم هجدوا جلست انا وامهم على النت

جالسه تسولف معاي عن الاسلام و طبايع وتقاليد السعودية

يالله يارب تسلم على يدي قولوا امين وادعولي


وبالنسبه للتركيز بالدروس توني ما داومت هذا اول يوم لي هنا
من بكره ببدا ادفرها


وعلى فكرة الشرق اسيويين وش كثرهم هنا
يعني لا تحسب نفسك مضيع ورايح هونج كونج

تراها فانكوفر

ويالله تصبحون على خير نشوفكم بكرة
باي

اخوكم ksa[/align]

الله يوفقك اخوي,,

سؤال,, الاجراآت في المطار كيف كانت؟؟ هل فيه تطفيش والا تعامل محترك.. وهل لو اخذ معي سيديات منسوخه عادي والا فيها استقعاد..

لاحقك قريبا انشاءالله,, بس عنك شرق ..

الف الحمد الله على السلامة ....وبالتوفيق ان شاء .

وان شاء الله اول ما ترجع نأخذ منك ...اهم التفاصيل عن الرحلة...وخصوصا للراغبين دراسة الأنكليزية.

وبطل التشكين بير :109:

[align=center] بسم الله الرحمن الرحيم


امممممممم مدري ابدا اقولكم وش صار اليوم او ارد على مشاركاتكم ؟؟

اوكى خل هالمشاركه بس للردود و احاول اكتب وش صارلي اليوم بمشاركه ثانيه


اول رد على اخوي kaiser

اول شيء معاملتهم بالمطار مافي احد بتتعامل معاه الا حقين الجوازات
وانا هنا كنت خايف لان الفيزة الي عندي فيزت زائر مع اني مودي اوراق المعهد للسفاره لما جيت بفيز
لكن الي فهمته من بعض الشباب ان فيزة الطالب ما تطلع الا للي بيدرسون سته اشهر او اكثر
المهم وراح يوزعون عليك بالطياره فورم تعبيه و منها سبب الزياره انا حطيت شخصي

المهم عند الجوازات قال وش عندكم حنا من الخوف خقينا الموضوع وقلنا عندنا كورس انجليزي

وكلها على بعض اقل من ثلاث اشهر

قال طلعوا اوراق المعهد و طلب التذاكر و الجوازات يعني طلب كل شيء
اخرتها قال اوكى ومشانا

ورجع لنا الفورم لاننا راح نعطيه واحد ثاني بعد ما نستلم العفش

المهم مافي شيء ثاني انتبهنا له غير الشرطه الي تدور عند العفش ومعاهم كلاب وانتم بكرامه مغير يخلونهم يشمون العفوش وحتى لو انك حاطها على العربه


وبالنسبه لسالفه السيديات احنا مافي احد فتح لابتوباتنا
وما اتوقع انهم يفتحونها
و تراهم ما فتشوا شناطنا لما و صلنا بس خلوا الكلب يشمها وانتم بكرامه





اخوي الغالي
SEMSEM_G

الله يسلمك ويطول بعمرك انشاء الله


كككككككككك اما التشكن بير والله طعمه شيء

لكن قلت لهم اني ما اشرب شيء ولا هالخرابيط حقتهم ولا الخنزير ومشتقاته

و حتى قلت لهم اننا ما ناكل اكل غير اليهود و النصارى خوفك يجيبون لانا ذبح صينيين وعلمتها ليش ما ناكل غير ذبحهم وانهم بالصين وكذا ممكن يكون الذبح بالخنق او الغاز او الكهربا وغيره

و الصراحه الام مرة متفاهمه وياي و بالعكس احسها مهتمه بسالفه الدين الاسلامي ومغير تسئلني عنه و تتحمس وياي

لكن ودي اقولهم يسوون التشكن بير واقولهم لا تعلموني انه بالبيره لوووووول


و اليوم طبخهم ايطالي وحركات

مشاء الله اخاف انظل نفسي على هالعيله

اخوي الاخفش

وراك تبيني اكرف من اول يوم تراني ما رحت للمعهد الا اليوم
وان كان على الايسكريم والله حلو طعمه وودي اروح للملاهي بعد اسبوعين انشاء الله

والله عاد يالمعهد هو حلو من جد و موقعه رهيب
لكن مشاء الله السعوديين اكثر من الاجانب
اوف وش كثرنا


اخوي نايف
توصل بالسلامه انشاء الله

الله وكبر اللحين يعني مو قادر تستحمل الفتره الي بتقضيها بكندا بدون هالاغاني ؟
ملزم عليها يعني ؟؟

وبالنسبه للسيديات انا كتبت في البدايه عن هالسالفه لكني انبه اني ما نزلت في تورونتوا انا نزلت في فانكوفر اخاف تورونتو غير


اخوي البردعي

تسلم يالغالي
وانشاء الله
اي والله مالي الا ديني بهالديره والله يستر انشاء الله

تحياتي لكم
اخوكم ksa[/align]

مشكور على التقرير و طريقة وصفك فظيعة جداً!

الله يكون بعونك ياغالي.....ويوفقك.....المهم اذا النت ماراح يعطلك عن الدراسة....فالله الله بالسوالف....ودنا تعطينا اخبارك اليومية ...ومنها نطمئن عليك.

بالتوفيق يا عسل..:101:

[align=center]بسم الله الرحمن الرحيم

نايف تسلم والله لكن انا ما اشوف بوصفي زود مغير ماسك الكيبورد كاني اسولف طبيعي ما كاني اكتب مشاركه

والله احرجتني :106:


اخوي semsem_g

والله النت اشبكه اذا رجعت للبيت
لكن امس ما شبكت لاني ظيعت بيتنا وما وصلت له الا الليل :110:

ككككككككككك واحلى شيء كان خويي وياي وما عرفنا نرجعه بيتهم ونام عندي
و تاخرنا عن الدوام




لكن الصراحه في شباب سعوديين وش كثرهم بالمعهد لكن من جد يخلون الواحد تطير عيونه

بعضهم سلاسل و اساور و خواتم وكل هذا يهون وزياده على كذا مطيرين الشنب مش مشكله و زود على كذا صابغين شعورهم و يلبسون حلق !!
هذي جامده و البعض مغير اسمه جون توني ميشيل ومدري وشو

كككككككككككك

لكن يالله الشكوى لله ما علي منهم

المهم نشوفكم على خير ما ودي اطول

مع السلامه[/align]

السلام عليكم

كيفك ياksa

ان شاء الله تكون بخير

ياريت تقولي كم التكاليف؟؟؟؟

وياريت كمان تقول كيف الاجراءت حقتك غلقت بسرعه والا اشلون

ولغتك كانت كيف اول ماطلعت من هنا ؟؟؟؟ يعني كانت معاك هرجه والا مافي (من ناحيه اللغه الانجليزيه)

ونصيحه من اخوك"

يقولو انو السته شهور الدراسه فيها مكثفه والافضل تقريبا للدراسه اللغه الانجليزيه وكمان ماترجع بلبل بس يكون عندك لغه


وكمان الواحد يحاول انو طول هادي المده مايتكلم عربي الا ادا اتصل على اهله او ادا كان مرررررررره مجبور


لانو ثلاث شهور يقولو انها غير كافيه وانصحك ماتدخل على المنتدى الا كل اسبوعين او ثلاث لانو انت يمكن ترجع ومامعاك شي لانو الدراسه في المعاهد اللي برى زي هنا بس هناك البيئه تختلف علشان كدا الواحد لازم يكون مكثف العيار في تعلم اللغه اوكيه

وانا شكلي مرررررررررره طولت عليك

المهم لاتنسى ترد علي اوكي

[align=center]بسم الله الرحمن الرحيم

درااااسه

واو من النك نيم مشاء الله احسك انواع الدفره يعني شاطر بالدراسه

اوكى بالنسبه للتكلفه
انا ااخذت التذكرة حوالي 5000 ريال
و المعهد شامل الفطور و الغداء و العشاء مع العائله و السكن وياهم و الكتب
طبعا الكتب تاخذها وترجعها و ممنوع تكتب عليها شيء
و الاستقبال من و الي المطار
لمده 12 اسبوع حوالي 18600 ريال

لكن حصلت طلاب وياي مكلفتهم تقريبا 17000 ريال


و المعهد ممتاز و الطلاب اوكى باستثنا السعوديين و المدرسين حبيبين
و المعهد مليان انشطه و امس كان في حفل شوي على السطح و الفلوس الي بتطلع من هالحفل بتروح لمساعده الاطفال المعاقين
يعني عمل خيري

و بالنسبه للفتره احس ثلاث شهور زينه ويمكن اكثر من كذا بزهق
وعلى العموم انا مظطر على هالفتره لان عندي دراسه بالسعوديه

و لغتي كانت تمام قبل لا اجي من ناحيه السوالف وكذا يعني اخذ واعطي افهم الي تقوله و افهمك الي ابي صح انه مكسر لكن ادبر نفسي

لكني دجه بالقرمر



و هذا الي متعبني اللحين بالمعهد و بعد شوي عندي كوز و ما ذاكرت لوول تعرف اول اسبوع لازم اشوف شلون الوضع بعدين اذاكر

اوكي اسف احس ان طولت عليك

و بحاول انشاء الله افيدك بالي اقدر عليه
واذا بغيت اي شيء عادي لا تستحي لا يردك الا الكيبورد

تحياتي

اخوك ksa[/align]

السلام عليكم ورحمة الله وبركاته ..

هلا أخوي Ksa ومساك الله بكل خير ...

أنا ياخوي تقريبا ً صفر باللغة الانجليزية ووقتي في الصيف مايسمح لي الا بشهر واحد أو شهر ونص بالكثير وقدمت على أحد الوكالات للدراسة في كندا فانكوفر شامل التذكرة والدراسة في معهد Ef والسكن مع عائلة ووجبتين باليوم فطور وعشاء والكتب والاستقبال في المطار وكل هذا بـ 12200 ريال سعودي لمدة شهر واحد .

عندي اخوي كذا استفسار أذا تسمح لي واكون لك شااكر ومقدر ومعروفك على راسي ..

إذا جيت فانكوفر شهر وركزت ولقطت كل شاردة وواردة ممكن أستفيد أو لا ؟؟ علما ً أني ماابي إلا محادثة يعني أتكلم بس وافهم إذا سمعت واحد يتكلم ماابي كتابة أو قواعد ولا حتى شهادة ؟؟

أنا طالع لندن على الخطوط السعودية ومن لندن لفانكوفر على الخطوط الكندية أوكي .. إذا جيت لندن وين أروح ؟؟ كيف اعرف رحلتي الثانية على فانكوفر رقم بوابتها مكانها موعد اقلاعها .. ابي معلومات مفصلة تكفا يالغالي لأني أخاف تفوتني الرحلة هناك .

بالنسبة للمطار في كندا ؟؟ شيطلبون بالضبط غير الجواز ؟؟

بالنسبة للفلوس هناك ؟؟ شرايك آخذ معي كاش ولا شيكات سياحية ؟؟ علما اني مااعرف اتعامل بالشيكات ولا سبق مرت علي ولا اعرف شكلها ؟؟ انا عندي حسابين واحد بالراجحي والثاني بالبريطاني وعندي بطاقات صراف بالبنكين .. أقدر اصرف من هناك؟؟ وعندي فيزا بالبريطاني أقدر اصرف منها هناك ؟؟

الاستقبال بالمطار مضمون ؟؟ يعني مافي احتمال اجي مطار فانكوفر وماالقى أحد يستقبلني ؟؟ واقعد بها ؟ واذا مالقيت احد شسوي ؟؟

السكن مع العائلة ؟؟ يكون بعيد عن المعهد ؟؟ كيف طريقة الوصول للمعهد ؟؟ وماتشوف ان اربعين دقيقة كل صباح مرهقة شوي ؟؟ ومعهد ال Ef بأي مكان بالمدينة ؟؟ وهل فيه مجال اسكن قريب عنده ؟؟ ولو ماعجبتني العائلة أقدر أغيرها ولالا؟ وهل لي حق أشترط مواصفات معينة بالعائلة ؟؟ مثلا ً أبي حمام مستقل لكم الكرامة ؟؟

بالنسبة للمعهد ؟ فصولهم مثل فصولنا بالثانوي والجامعة ولا تختلف ؟؟ طريقة تعامل المعلمين مع الطلاب ؟؟ طبيعة العلاقة بين الطلاب أنفسهم ؟؟ وهل بصير مثل الأطرش بالزفة لعدم وجود أي خلفية انجليزية عندي ؟؟ ولا أمثالي هناك كثير ؟؟ وش الجنسيات الغالبة في المعهد ؟؟ وهل العرب كثير ؟؟ وش الفرق بين اسبكت وef ??

هل يوجد مناطق خطرة في فانكوفر بحيث الواحد يتجنبها ولا يقربها ؟؟ وهل الخروج بالليل آمن ؟؟ وش الأحياء الراقية اللي عندهم ؟؟ وهل أقدر اسكن فيها ؟؟ أنت مرتااح لحد الآن في فانكوفر وأمورك ماشية زين ؟؟ وش السلبيات والايجابيات الي واجهتك ؟؟

ولك خااااص الود والحب والتقدير وصدقني ماراح تلقى في جوابك على اسئلتي إلا الأجر وآآسف من كل قلبي على الإطالة وكثرة الأسئلة لكن عشمي فيك كبير تحياتي لك ياغالي .

بسم الله ما شاء الله.....اللهم لا حسد ...عيني عليك باردة....بصراحة معلومات ...اللي يقرأها يقول انه واحد جالس سنين هناك....الله يوفقك يا عسل ....وبصراحة سعيد جدا...ان اشوف واحد من الاحباب ...يتكلم عن اوضاعه ويصف وضعه بالوضع الجميل والسعيد...

تصدق يا Ksa ...اني كنت ناوي هالسنة اسافر كندا...وبالذات لمناتوبا (Manitoba)... منها ازور احد الاقارب ...واطور الانكليزي اكثر واكثر....ولكن حصل لي envelopes cairo :109::109: ...تصدق قد قلتها لمدرس بريطاني يعرف عربي..وانا امزح معاه طبعا ...وقام يضحك :101:......

المهم كل تاخيره وفيها خيره ان شاء الله....وبأذن الله اذا نويت على المشروع مرة اخرى ...راح ارجع لموضوعك...واستفيد من خبراتك.

بالتوفيق يا عزيزي
kind regards

[align=center]الأخ العزيز ksa
أولا .. الحمد لله على سلامتك ...

ثانيا ... ماشاء الله عليك .. في سردك لهذه المعلومات التي تهم كل شخص يريدالسفر إلى لفانكوفر ... :107:

مشاركتي هذي فقط لتسجيل إعجابي بكتاباتك ... فواصل - الله يحفظ ويوفقك في دراستك - في الكتابة والتواصل معنا إذا لم يكن هناك أي تأثير سلبي على دراستك ... فدراستك أولى ... والكتابة عن رحلتك قد تحتمل التأجيل لما بعد العودة إلى أرض الوطن ...

عزيزي ...هذا رابط لموقع رسمي باللغة الإنجليزية فيه من المعلومات الخاصة عن ديرتنا الحبيبة - السعودية - الكثير والكثير ... بأمكانك عرضه على العائلة التي تسكن معهم بحكم أنهم مهتمين بمعرفة أي شيء يتعلق بالإسلام وكذلك العادات والتقاليد ...

الرابط
http://www.saudinf.com/


وشكرا لك ,,,[/align]

[align=center]اخوي Cheetah

تسلم يالغالي
و الله يسلمك

وتسلم حبيبي قلبي على اهتمامك بي و بدراستي
لكن والله اني انبسط اذا حسيت اني كتبت اي شيء ممكن افيد فيه شخص الو اثنين
لاني بنفس الوقت استفيد منكم الكثير والله

و من اهم الاسباب الي خلتني اختار فانكوفر هى بعض المواضيع في هذا المنتدى


ومن جد اخجلتني بكرمك لما حطيت لي لنك الموقع

ومن جد ما عمري فكرت بهالشيء لكن مغير كنت اسوي سيرشات عن الي يبونه لكن انت اللحين والله خدمتني خدمه مدري وشلون اشكرك عليها


و انشاء الله نخدمك بالافراح

:101:

[align=center]بسم الله الرحمن الرحيم

ياشباب بقول لكل واحد بيجي هنا شغله بخصوص المواصلات

ترى الباصات عندهم يا تدفع كل ما تركب او تشتري تذاكر من احد السوبر ماركت الي عندهم مثل سفن الافن
7
8

و هالبطاقات تشتريها يا شهريه او كذا مجموعه من التذاكر تقريبا تكفيك اسبوع

و اغلب الاحيان راح تحتاج انك تاخذ 2 zone

الا اذا كنت ساكن بالداون تاون

وهي راح تكون اغلى من 1 zone

لكن للمعلوميه ترى بالويك اند او العطلات الرسميه يصير كل شيء 1 zone

يعني الي بيجي على الاسبوع الجاي او الي يفكر يشتري بطاقه شهريه خل يشتري بطاقه 1 zone
لان العطله عندهم نهايه الاسبوع الجاي
و بدايه بيع التذاكر للشهر الجديد بتكون في نفس الوقت

لاني امس مغير احط تذاكري حقت 2 zone و في الاخير عرفت اني لو شاري حقت 1zone بيكون اوفر تقريبا دولار بكل ركبه

و انشاء الله اوافيكم بكل شيء اعرفه جديد

تحياتي لكم
ksa[/align]

كثر الله خيرك.......القهوه عال العال :101:

افااااااا....انا اللي اتوسط انك تترك لي فرصه اشرح لك...مو انت الله يهديك..

على العموم انا والله ما نسيت...ولكن كنت اظن انك راح تنزل الصور لما ترجع بالسلامة ان شاء الله.

لكن دام كذا ولا يهم شوارب الطيبين......اول شئ تفضل هذا موقع فيه شرح جميل لاخونا الفص:
http://www.travel4arab.com/vb/showthread.php?t=32703

وبعد ما تنسخ الرابط حق الصور.....تضغط على اضافة رد وسيظهر في الصفحة التالية صندوق اعلى المكان الذي تكتب فيه....وتجد ايقون صغيره على شكل شجره صغيره ...تضغطها وبعد ذلك ...سيظهر لك صندوق تضع فيه رابط الصوره الذي نسخته.

تمنياتي لك بدوام الصحة والعافية ....وطابك يومك بالمسرات والخيرات.

http://img2.uploadimages.net/073086DSC03116.JPG

ما طلعت



وش السالفه كل شيء كان تمام و نسخت الرابط لكن ما طلعت ؟

[align=center]بسم الله الرحمن الرحيم

تسلم اخويm5am وما تقصر
لكن اللحين بحاول اجرب وانشاء الله تظبط
تحياتي لك
ksa[/align]

[align=center]بسم الله الرحمن الرحيم

تسلم اخوي جربت و ضبطت وياي لكن ما حطيتها لاني ما كنت ابي اكررها اكثر من مرة لكن انشاء الله قريب بحط شيء يعجبك

اخوك
ksa[/align]

لاتبطي علينا يالغالي

اخوي ksaوينك ماتبين

لايكون صار لك شي

طمنا عليك

الله يكون في عونك
أخويKSA
أزل البرامج المجانية POP Up اللي تحجب الصفحات الممبثقة الي تجي مع القوقل أو الياهو أو أيتها حاقة
أخوك ModNet
وردك الله سالم

ksa
ممكن اسألك عن المصروف حق المواصلات كم في الشهر؟؟
وكيف المعهد اللي انت فيه تمام والا تمدح معهد ثاني ؟؟

[align=center]بسم الله الرحمن الرحيم
تكلفه المواصلات 95 دولار كندي
للشهر هذي بطاقه باصات و سكاي ترين وسي باص
لمنطقه زونين2 zone
وعلى فكرة هالبطايق ما تقدر تشتريها اذا تاخرت عن بدايه الشهر بخمس ايام تقريبا الي عشر
واذا تاخرت مالك الا بطايق الي كل ساعه ونص او ساعتين تنتهي يعني انصح ببطاقه الشهر و بالنسبه للمعد حلو وزين لكن يقولون عيبه كثرة السعوديين لكن انا ما اشوف فيها اي مشكله بالعكس
الي جاي يتعلم بيتعلم يعني بيتكلم انجليزي مع السعوديين وغيرهم
وتحياتي لك
و اذا في اي تفاصيل مطلوبه عن المعد انا مستعد
اخوكم ksa[/align]

والله ماقصرت ksaبس انا من جد حايس
كل شوي اقول تهون وتطلع لي مشكله
حصلت مكتب العامودي يقول سته اشهر 31000
ومكتب اسمو الجماز 34000 مع التذاكر
ابغى مكتب عددددل وانا قلت باخذ شهرين بعدين بسوي التأشره من هناك
لانو كثير ناس قالولي احلى وراح تطلع مو مكلفه الشغله
ابغى اعرف شي تاني كيف التعامل هناك صعب والا سهل من ناحيه الشعب
وماادري كم المصروف الشهري تكفي 20000 ريال سعودي لمده سته اشهر
وابغى اعرف شي تاني اقدر امشي نفسي اللين اتعلم انجليزي هناك والا اجلس ابكم اول اسبوعين ياريت تجاوبني

والله ماقصرت ksaبس انا من جد حايس
كل شوي اقول تهون وتطلع لي مشكله
حصلت مكتب العامودي يقول سته اشهر 31000
ومكتب اسمو الجماز 34000 مع التذاكر
ابغى مكتب عددددل وانا قلت باخذ شهرين بعدين بسوي التأشره من هناك
لانو كثير ناس قالولي احلى وراح تطلع مو مكلفه الشغله
ابغى اعرف شي تاني كيف التعامل هناك صعب والا سهل من ناحيه الشعب
وماادري كم المصروف الشهري تكفي 20000 ريال سعودي لمده سته اشهر
وابغى اعرف شي تاني اقدر امشي نفسي اللين اتعلم انجليزي هناك والا اجلس ابكم اول اسبوعين ياريت تجاوبني
ترى انا كان اسمي دراااسه
وسامحني على الاطاله

شكرا اخوي ksaعلى ردك اللطيف

والله الصراحه قصه حلوه اتخلي الواحد ما يمل
تراكم طولتو علينا بسرعه

مشكوررررررر اخوي معذور لاتخاف
الله يوفقك ولك اجمل تحيه

[align=center]بسم الله الرحمن الرحيم

اخواني والله اني من جد اسف وما اعرف كيف اتاسف
اول شيء الحمد الله انا الحين على اراضي الوطن

وصلت من كم يوم طبعا يبيلي اقولكم عن رحلتي لكندا وبعدها لايطاليا ومن جد في سوالف واجد

لكن والله تعرفون هالايام الكل مشغول بترتيب الجداول وعفسه الدراسه

يعني ياليت تسمحولي مرة ثانيه و انشاء الله احاول اكتب الي اقدر عليه اول ما احصل وقت

وتحياتي لكم
اخوكم
ksa[/align]

حمد لله على سلامتك اخوي ksa

وان شاء الله انك استفدت من السفرة وحققت الهدف

ونتمنى ان نرى تقريرك بعد السفرة عن كندا وعن ايطاليا باقرب وقت ان شاء الله


وتحياتي لك ,,,

الأخ المحترم Ksa لك كل التحية والأحترام


انا رايح فانكوفر الأسبوع القادم لو تنصحني ايش اشيل معاي وهل كاميرا فيديو ولاب تب تنفعني وما راح يعقدوني في المطار ولا ايش اللي تحسفت انت ما شلته وبالنسبة للقهوة العربية اشيل معاي العدة حقته ولا لا .
وبالنسبة للفلوس اشرايك اصرفها من جده في شيكات بالدولار الأمريكي وا

تكفى ارشدني .

اخوك الجاهز

يالله ياقدمك ياشيخ
ويازين ايامك تصدق وانا مسافر كنت اتذكر موضوعك هذا ونسيته وتوني دخلت واتذكر موضوعك الجميل ومواقفك الطريفه .
تعال الجداول وخلصت حوستها ودخلنا على الاسبوع الثاني قلنا وكملنا وش صار عليك هناك

على فكره انت وش تخصصك هنا

[align=center]بسم الله الرحمن الرحيم
اخوي او اختى asOoOma
انا درست بالكنيديان كولج
لكني انا مقدم و دافع فلوسي للمكتب الي بالسعوديه على اني رايح للامبسي

لكن استقبلوني هناك و درست عندهم الكنيديان كولج
يعني انا ما دريت الا لما وصلت هناك
في الاخير عرفت انهم متعاقدين مع بعض لكن مافي امبسي في فانكوفر
تحياتي لك وشاكر على مرورك الكريم
اخوك ksa[/align]

[align=center]بسم الله الرحمن الرحيم

هلا وغلا اخوي الجاهز

توصل بالسلامه مقدما وانشاء الله تنبسط هناك
وبالنسبه لاسئلتك عن كاميرا فيديو و لاب توب
ما اتوقع فيها شيء انا كان وياي لاب توب ولا صارت لي مشاكل ولا شيء


وبالسنبه للي تحسفت اني ما شلته علم السعوديه و ثوب و شماغ لان العيله ذبحوني يبون يشوفون الثوب و الشماغ
واما العلم لان المعهد كان اغلبه اعلام اكثر الدول وما شفت علم دولتنا لكن الحمد الله احد الطلاب جابه وعلقه :113:

و كان ودي لو اني ماخذ تمر علشان العائله و انا اشتهيته كم مرا
لكن هناك ممكن تحصل لكن غير شوي يعني مو مثل الي عندنا و للمعلوميه تراني لقيت هناك تمر مكتوب عليه تمور المملكه

وبالنسبه القهوه العربيه اي والله خذها وياك ولا تتحسف بعدين وخصوصا لو كنت متعود تشربها
انا ما اخذتها بصراحه لاني مش ذاك الزود مع القهوه

وبالنسبه للفلوس انصح انك تاخذ وياك شيكات سياحيه بالدولار الامريكي
ولو تكون امريكا اكس برس ازين و ازين

وما بينا تكفى انت تامرني امر

واسف على التاخير

تحياتي لك اخوك
ksa[/align]

[align=center]بسم الله الرحمن الرحيم

هلا بك اخوي
back street

اجل انا قديم هاه ؟ :112:
وانت جديد هاه ؟ :101:

وبالنسبه للموضوع عيونك الحلوة

وبالنسبه للجداول الحمد الله خلصتها و بدينا الدوام
لكن لسؤ الحظ شكله كرف غير طبيعي من اول اسبوع طالبين هوم ورك و بحوث ؟ شدعوة وش شايفينا ما ورانا الا هالدراسه ؟
مايدرون ورانا مواضيع و سفر في العرب المسافرون ؟

وبالنسبه للتخصص امممممممم
وش تحس ؟
ولا يهمك راح اقولك بعد ما تطق لك كم تخمين يميني ويسار

وبالنسبه للموضوع بحاول اكتبه والله لكن مرة شادين علينا شده غير طبيعيه
و الموضوع ممكن يشاركني فيه احد الاعضاء بالمنتدي لانه كان معاي لكن بشوف و ارتب وياه كيف تكون الطريقه
وتحياتي لك اخوك
ksa[/align]

[align=center]يعطيك العافية يا أخ 0000FF والله المفروض تنباس على راسك

فأنت فعلا قدمت لي معلومات طيبة جدا وهامة بالنسبة لي

يعطيك العافية ودمت لمنتدانا الطيب .


اخوك الجاهز. :113: :x1: [/align]

هلا والله وغلا

اخوي بصراحه موضوعك عجبني جلست اقرأ في من اول صفحه الى النهايه

ما شاء الله اعجبني اسلوبك في سرد الاحداث يخلي الواحد يتشوق.

انا محتار في موضوع وبغيت رايكم فيه ...

انا ناوي اخذ لي كورس لغه في كندا بعد رمضان انشاء الله

وهذا الكورس يكون مدته من 3-6شهور بس محتار مو عارف اختار المدينه

كل ما سألت واحد يشور علي بشي اللي قالي مونتريال -اوتاوا-فانكوفر-تورنتو.....الخ

هذه نقطه انا محتاج توجيه فيها من اصحاب التجارب . انا ابغى اروح مكان ادرس واستانس

فيه ابغى اشوف حياة الاجانب و ثقافتهم وباقي طقوسهم في الحياه .

وانا افكر اني اسكن في سكن طلاب او سكن جامعي لأن موضوع السكن مع عائله احس اني ما هضمته

وايش تنصحوني فيه بغض النظر عن المصاريف !!!

تحياتي للجميع

والله انك واحد فلاااا


اخوي ksa

اخبارك طيب؟؟؟؟؟

ممكن سؤال بسيط

انا من محبي الهندسه

سؤالي هو لو خيروك بين الدراسه في جامعه الملك فهد للبترول
ولا الدراسه بكندا ولا امريكا؟


وكمان انت ليه اخترت كندا بالذات ... ليه ما رحت امريكا؟

وتحياتي لك

[align=center]بسم الله الرحمن الرحيم

اشكركم على هالردود الحلوة لكني لي تعليقات وودي اكتبها الحين لكن ما اقدر لاني لازم اطلع للجامعه
لكن احب اقول لاخوي ابو شهاب
انا ما رحت الا لفانكوفر
و الصراحه لو بروح ادرس بكندا ما راح اروح مدينه غيرها
واحاول اول ما ارجع ابين لك الاسباب

تحياتي لكم
اخوكم
ksa[/align]

[align=center]بسم الله الرحمن الرحيم






يعطيك العافية يا أخ 0000ff والله المفروض تنباس على راسك

فأنت فعلا قدمت لي معلومات طيبة جدا وهامة بالنسبة لي

يعطيك العافية ودمت لمنتدانا الطيب .


اخوك الجاهز.



اخوي الجاهز الصراحه انا مدري منهو الاخ ff

ودورت بالردود السابقه وما حصلت اي واحد كاتب بهالموضوع ff
فمدري يمكن غلط مطبعي او غلط بالموضوع

على العموم تحياتي لك وشكرا على مرورك
اخوك
ksa[/align]

بسم الله الرحمن الرحيم
هلا وغلا اخوي راجي خير
بصراحه لما وصلني الايميل ان في مشاركه على هالموضوع تراني ما عرفت وشو الموضع اصلا
يعني الكبر شين بصراحه .

عاد لما دخلت له والله رجعت لي ذكريات
على العموم تسلم اخوي على هالرد وما قصرت
و الحمد الله انه اعجبك
اخوك
ksa