الموضوع: بليــــــــــز اغيثوني يا اعضاء

السلام عليكم ورحمة الله وبركاته .....

انا اخوكم مسجل جديد .... وانا انشاء الله بروح الفلبين يوم 15 سبتمبر للدراسه الجامعيه .... و اول مره اروح لها في حياتي .... بس صار لي اسبوع وانا مقطع بوابة السفر الى الورده .... وتشوقت الى شوفتها ..... طبعا زي ماقلت انا رايح للدراسه .... وقدم واحد لي هناك ... وقال لي المنطقه اللي هناك اسمها ( دقوبن سيتي ) او شي قريب منها:114: .... وانا بحثت عنها ....وما لقيت اي شي ... بس اتمنى من حضرتكم اي واحد يعرف اي شي عنها يقيدني في اسرع وقت وحتى لو شي بسيييط ... وكم تبعد عن العاصمه .... واشياء من هذا القبيل ....

شاكر ومقدر لكم ....

مواضيع عشوائيه ممكن تكون تعجبك اخترناها لك:

• بوراكاي أغسطس
• رحلتي الي مانيلا بليز مساعده
• مهم وعاجل ارجوكممشكله مع البنك
• الاقامة في مانيلا
• أفتتاح أكبر مركز تسوق مول بمانيلا
• شباب الفزعة لا عدمناكم
• فتاة ادمعت عيني في مندناو
• عيدكم مبارك
• جئتكم من كاجيان دي إورو بالخبر اليقين
• الــــهــــــجرة الـــى الــفــلــبــيــن
• تكفى ساعدوني للأهمية
• استفسار لمن عنده خبرة
• ياحــلـــيــلــــهـــــا مـــن ونــاســه في
• رايح الفلبين والعمله مجهوله
• هذا تقريري المبسط عن الفلبين
• من يعرف عن سوبيك او ملاتي
• الفزعه ياخبيرنا في سيبو ومن لديه خبرة
• شقق سمر ست سلسيدو بمانيلا
• عدت بحمد الله من الوردة وبجعبتي الشي الكثير
• مزارع الفراولة الجز الثالث مصور

أولآ موفق إن شاء الله بدراستك،، ترجع سالم غانم.

http://maps.google.com/maps?source=i...title&resnum=1
http://www.dagupan.gov.ph/index.php?pg=7&s=General-Info

http://en.wikipedia.org/wiki/Dagupan
http://www.arabtravelersforum.com/www.dagupan.gov.phhttp://www.dagupan.gov.ph

حسب ما في موقعهم .. إنه خمس باصات يوميآ تطلع من مانيلا للمدينة هذي.

وأقرب مطار لها مطار باقيو. 65 كيلو.

وأي خدمة حنا حاضرين.:101:

والله ما ادري وش اقول لك looling ... انت حاليا وين في الفلبين .... ولو ما اتعب عليك ... كيف جوها المنطقه هذي ..

حياك الله،، دعواتك بس.

لا والله حاليآ بالرياض.. حر وصيام

وما ادري عن جوها بس كل شرق آسيآ إستوائي.. (حار جاف صيفآ رطب ممطر شتاءآ).. وكل شي بالإنترنت ممكن...
http://weather.aol.com/forecast/toda...an/id/rpxx0045

الله يوفقك يارب ....

بس انا بكون معاك صريح .... انا الى الحين ما اشوف نفسي اكتفيت بمعلومه اشوف انها فادتني مره ... بس المدينه هذي كيف المعيشه فيها تمام ولا لا ... وكم تكفي لي مصروف شهري يعني كطالب .... افيدووووووووني يا اخوان ... بسرعه ... تراني قاعد على احر من الجمر .... ثاني شي ابغى اعرف عنها كل شي قبل ما اروح واتفاجئ .....

مشكورين .... تكفون محتاج خدمتكم ....
الشكر موصول بالذات للاخ looling الله يعطيه العافيه وكل الاعضاء يارب ....


(كل من يقرا الموضوع اتمنى يضيف معلومه )

اخي الغالي
طالما انت خارج مانيلا من الطبيعي المصروفات اقل بكثير حتى السكن سوف تجد شقه من ابدع ما يكون بسعر شهري زهيد
طبعا المدينه هذي سوف تكون اقل مستوى من العاصمه لكن هذا مصالح الطالب حيث قد يوفر عليه اشياء كثيره من المال وايضاً انصحك بطبخ الطعام بنفسك
وتقبل تحياتي لك

الله يعطيك العافيه اخوي رجنت ..... وتسلم على افادتك

اخواني ... الحين تنصحوني اخذ معاي ملابس شتوي .... وش الاشياء اللي تنصحوني فيها ,,,, واشياء اخذ الحيطه منها
.... ثاني شي مطار باقيو دولي .... لانه لو مو دولي انا بخيييييييييس وين انزل وين اروح .... يعني الله يكون بالعون

أخوي ما يحتاج أي ملابس شتوية.. كل الي محتاجه شورتات وبرمودا.. هذا الي يناسبهم هناك.. وللمدرسة يبي لك جنز وتيشيرتات ..وكله متوفر هناك .. يعني لاتضغط على نفسك هنا.. حتى لو رحت ونقص عليك شي تقدر تشتريه من هناك... كله متوفر واسعار مناسبة.

مطار باقيو حسب علمي مو دولي ( أو على الأقل مافي رحلات مباشرة له)

لا تهول الموضوع على نفسك.. خذها ببساطة..

عندك ثلاث خيارات:

1- تجلس بمانيلا يوم أو إثنين. ترتب أمورك. تحجز فندق في داقوبان + تاخذ لك باص أو طائرة إلى باقيو.
2-تطلع مباشرة مع تاكسي من المطار بعد ما تستفسر من وين تطلع باصات داقوبان. 4-5 ساعات بالباص.
3- تطلع على المطار الداخلي وتاخذ رحله مباشرة لـ باقيو. ومنها بنفس اليوم أو (تجلس في باقيو ليلة) على داقوبان ساعة ونص بالباص.

يبي لك حجز شقة أو فندق لمدة أسبوع او ثلاث أيام.. لحد ما تتعرف على المدينة وبعدها تكون كونت فكرة كاملة.. وتقدر تراسل الجامعة وتشوف إذا فيه عندهم سكن أو يقدرون يساعدونك فيه.

هذي ثلاث فنادق لقيتها في المدينة ذي.
1- http://www.leisurecoast.com2- http://www.lenoxhotelph.com/
3- http://www.starplazadagupan.com/

تقدر تشوف الي يعجبك طبعا لا تتوقع يكونون بذاك المستوى.. بس بيمشون حالك لحد ما تتعرف انت على المدينة وتسأل. وتعرف مكان الجامعة إلخ...

وموفق إن شاء الله.:101:

اهاا .... اوك يعطيك العافيه .... وماقصرت

هذي شركات الباصات الي تروح لـ داقوبان
http://www.victoryliner.com
Dagupan Bus, Fermina Express
Santrans

الشركتين الأخيرتين مالقيت لهم موقع.. بس أكيد بتتسهل الأمور لما تلاقي أرقام تلفونات..

تقدر تسأل من المطار عنهم.. اكيد بيدلونك.


تحياتي،،:101:

انا والله لو اضمن هذي الباصات تطلع من مطار مانيلا .... يعني مو اركب تاكسي واروح ادور على محطة الباص... والله ارتاح نفسيا لو في نفس المطار ..... لاني والله اخاف اجيب العيد الانجليزي ( مش ولا بد ) ....


مشكور ...

اخوي الغالي انصحك بالجلوس لو ليوم او يومين ومنها تذهب الى السفاره لتسجيل جوازك ومنها تنطلق الى محطة الباصات وتتوكل على الله والعمليه سهله جدا

المشاركة الأصلية كتبت بواسطة رجنت
http://www.arabtravelersforum.com/tr...3/#post3286213

اخوي الغالي انصحك بالجلوس لو ليوم او يومين ومنها تذهب الى السفاره لتسجيل جوازك ومنها تنطلق الى محطة الباصات وتتوكل على الله والعمليه سهله جدا



ونعم الرأي رجنت تسجيل الجواز مهم ،، مع إني ما ادري متى إجازة السفارة؟

أخوي انت الآن مالك أي عذر .. كل المعلومات عندك..أقترح عليك تجمع المعلومات الي تهمك تسجلها بمذكرة.. بالإضافة إلى إلى طباعة أي معلومات تحتاجها من الإنترنت..

بالتوفيق إن شاء الله.

حبيبي انا الأن في الفلبين

متى توصل حياك الله كلمني

أنا طبعا طالب زي زيك

بس مدينتك مدري عنها والله وانا اخوك

أنا اول ماجيت الفلبين كنت تايه ومحسوبك مازال تايه

لكن حنا في رمضان وندور الأجر

تعال ونشوف لك فندق تريح فيه يوم

واكلمك كذا واحد فلبيني معي في المدرسه ياليت يفيدنا ولو بشيء بسيط

على العموم انا ماعرف ذا المدينه اللي تتكلم عنها لكن ممكن نسال اذا جيت ان شاء الله

الله يوفقك ويسهل امرك ويجعلك من امرك يسر ياخوي

على العموم مدري انا ابحط رقمي هنا اذا اوكي مع الاداره

واذا مو اوكيه اعطيك اياه على الخاص

طبعا فلبيني

اول ماتوصل خذ شريحه فلبينيه اسمها سمارت من المطار بخمسن بيسو يمكن

ارسلي رساله وانا اكلمك


وبعدين كلمني

*****************

يمنع وضع الارقام الخاصه

******************

ابو عفاف

اوك خلاص ماعندي مشكله .... بس شكلها مايمديني اخذ رقمك ... فشوف حل ورد علي

والله ياخوي ماني حتى قادر ارسلك رساله شكلك في الاعدادات رافض تستقبل رسيال من اعضاء المنتدى

ارسلي رقمك على الخاص السعودي اذا تحب

يا اخوان .... وش السالفه .... والله العظيم لي 4 ايام ادق على الفلبين لامر ضروري جدا .... يقول لي ( عفوا مكالمتك لم تمرر ) ...
ابغا اعرف انا لحالي اواجه المشكله هذي ولا كلكم ....

ثاني شي انا قريت هنا في الموقع ( يعني مصدر موثوق ) ...... انه الخطوط القطريه لها رحلات لمطار باقيو ......

طيب كيف النظام الرحله تكون دايركت على باقيو ولا مانيلا اول شي ؟؟؟؟

يا عزيز طيران القطريه يطلع سيبو ومانيلا فقط
اما فتح خط الفلبين 0063*****
الثابت في مانيلا 00632****
اول ما توصل مطار مانيلا ممكن تريح اول يوم في مانيلا وبعدين اقرب محطة باصات والعمليه ما تخوف جداً سهله

يا خوي ( رجنت ) ... انا ما ابغى اقعد في مانيلا ... لانه انا مو سعودي سوداني مقيم بالسعوديه ... وما يحتاج اسجل الجواز .... ابغى اروح داقوبان ستي على طول في جماعه هناك ينتظروني ... بس كم تبعد سيبو عن داقوبان ...
بالعربي وش اسهل لي احجز على مانيلا ولا سيبو .... لانه انا على طول على داقوبان ....

سيبو في الجزء الجنوبي من الفلبين،، ومدينة داقوبان في شمال الفلبين.. ومانيلا في المنتصف.. يعني اقرب شيء لك مانيلا.

أنصحك تشوف الخريطة.. وراح تتوضح لك كثير.

يعني أقرب شي لك مطار مانيلا.. وكلها 5 ساعات وتوصل داقوبان... بعدين لما يكون فيه واحد ينتظرك لما توصل إشتري شريحة جوال وكلمه وخليه يكلم احد(موظف) بالمطار من جوالك ويخليه يساعدك ...

بعدين انت اخوي كبرت المسألة كثير وعقدتها على نفسك.. تقدر تطبع بيانات من الإنترنت وتروح هناك ولما توصل المطار وقبل ما تطلع من البوابة إسأل هناك وريهم الورقة الي معاك وإطلب تاكسي ينزلك على مكان الباصات الي تروح داقوبان..

صدقني سهله جدآ.

وبما أنك سوادني .. ترى الفيزا لازم تطلعها من هنا قبل ما تسافر شوف موقع السفارة
http://www.philembassy-riyadh.org/in...a=issuancevisa


بالتوفيق،،

السلام عليكم ورحمة الله وبركاته ،،،


الأخ samooore ...

أولا المدينه هي Dagupan City وتبعد عن العاصمة مانيلا 212 كيلو اما بالنسبة للجو فهو جاف ابتداء من شهر نوفمبر الى شهر مايو اما ما بين شهري يونيو وابريل فالجو رطب ودرجة الحراره في هذه المنطقة ما بين 29 الى 23 واقرب مطار هو مطار لوكان في منطقة باقيو سيتي حيث تبعد هذه المدينه عن داقوبان 65 كيلو وبامكانك الوصول الى داقوبان مباشره من مطار مانيلا وقد تستغرق الرحله مابين 4 الى 6 ساعات عن طريق الباص والباصات نوعين الأول يسمى فيكتوري والثاني فايف ستار .

ولأي استفسار اخر حاضرين لا تتردد كما انني انصحك بالذهاب مباشره من مطار مانيلا الى داقوبان سيتي وأمرك سمح ان شاء الله .

وفقك الله تعالى وهناك ايضا سودانين يدرسون بالفلبين لكن مع الاسف لااعرف احدا منهم و اظن ان سفارة بلدك تفيدك بمضوع الدراسة.... وارجوا ان لاتقول.اغيثونى واطلب المساعة بغير هذا اللفظ..لان الاستغاثة من الله..والله اعلم..