يعطيك الف الف عافيه مشرفنا العزيز
بجد مجهود جبار واتعبتك معاي
بالنسبه للميزانيه تقريبا 20الف ريال للسكن والتنقلات والاكل والمزارات ويمكن تزيد مو مشكله الحمد لله
انا اتوقع تقريبا باليوم 1000 ريال سعودي سكن ومواصلات واكل
وباقي المصوفات كل واحد وحريته
اول مانوصل ماراح ابقى في جاكرتا بطلع على اجبل اشوف افضل لاني راح اوصل الخميس وكثير ماينصحون بالسفر لبونشاك بايام الجمعه او السبت او الاحد
وبالي راح تكون بعد رجعتنا من الجبل وجاكرتا اخر شي
السكن افضل منتجعات من الفلل المستقله
وافضل منهم انه بعيد عن العوايل لاني ماحب ازعج العوائل
وبجد مشكوووووووووووووووووووور على مجهودك
المشاركة الأصلية كتبت بواسطة jaka
http://www.arabtravelersforum.com/tr...1/#post4272071
انا ماشي باذن المولى يوم الاربعاء مساء
الوصول الخميس 1400bm
توصلون بالسلامه يارب
لمدة 14 يوم من 6 اكتوبر الى 21 اكتوبر
طيران الاتحاد ترانزيت ساعتين رايح جاي
الاقلاع من الدمام
اقرب شي للجدول هناك
5 ايام الجبل
5 ايام بالي
والباقي بجاكرتا
ترتيبكم جيد بحسب اختياركم للمناطق
بيكلفكم شوي بالتذاكر السفر الداخلي لبالي
ميزانيتكم ما ذكرتها هل هي متوفره ولله الحمد بشكل جيد اخوي ولا محدده ؟؟
---------------------------------------
العدد 5 اشخاص شباب
عندي اساله بسيطه
1/ طريقه الحجز لبالي
فيه عده طرق
الاولي من النت شركات الطيران تعمل حجوزات من النت للرحلات الداخليه وتحتاج الي فيزا صادره من دول محددهفي اغلب شركات الطيران هناك والفيزا من السعوديه غالبا ما تكون مقبوله اغلب القبول يكون من دول اسيا القريبه من اندونيسيا وبعض شركات الطيران تقبل اي فيزا
انت حدد يوم سفرتكم لبالي بيكون تقريبا حسب برنامجك يوم13 وادخل للنت وشيك علي الاسعارمن مواقع الحجز للشركات نفسها راح تجد مواقع الشركات كلها في الموضوع المثبت بالقسم العام في بدايته تحت عنوان اسعار الصرف ومتابعه مستمره للتذاكر
والطريقه الثانيه تحجز الطيران لبالي من مكاتل الطيران هناك لشركات اليران نفسها من صالات القدوم او من مكاتبها في البلد
او من خلال شركات الرحلات ومكاتب الترافيل ايجنت كمكتب الفقيه في الجبل مثلا او غيره
الطريقه الثالثه باي فندق تسكنه يكون فيه مكتب اعمال خاصه ان كان اربع نجوم او خمس نجوم يقدم لك خدمه حجز طيران من الشركه المتوفره بالوقت اللي تحدده للسفر وياخذ عليك عموله اتعاب الحجز
الطريقه الرابعه فيه وكلاء لكل شركه طيران هنا كمكاتب سياحيه يقدمون لك خدمه الحجز قبل تسافر
الطريقه الخامسه اول ما توصل تدق علي ارقام مكاتب الحجز لشركات الطيران وتعمل حجز بنفسك
الطريقه السادسه انك تطلع للمطار مباشره وتشتري تذاكر وتحجز وهذي تقدر تسويها لو كان فيكم شده وتحمل تعب مثلا اول ما توصلون جاكرتا تقدر تطلع لصاله الطيران الداخلي وتحجز مباشره لبالي بحي تبدا ببالي اولا ثم ترجع الي جاكرتا ومنها للبونشاك
وهذي برايي لو كان فيكم شده وتحمل تعب طريقه مناسبه للشباب اللي يتحملون 3 ساعات اضافيه للسفر هي مده الحجز بعد الانتقال وتوفر رحله داخليه + اجراءات السفر الي بالي ومده الرحله لها
اسعار التذاكر مختلفه من طريقه لاخري
احيانا يكون رحله ما عليها ظغط راح تلقي لها تخفيض بالنت مثلا قبل السفر عليها بيوم وستجد سعر مخفض لها
ونفس الرحله لو كانت مزحومه راح تجد ان سعرها اغلي
غالبا مكاتب الطيران نفسها لشركه الطيران تعطيك ارخص سعر وهي الافضل في الحجز من مكاتب السياحه
وما ينافسها غالبا الا الحجز من النت بالسعر تحديدا
انصحك تمر الموضوع اللي اشرت لك عليه
وتحط تاريخ سفرك وعودتك وستجد تجاوب اكبر من الاعضاء فيه
2/الفلوس للحين محتار بين الكاش وبين الفيزا ولو كاش دولار ولا ريال
الكاش ملك زي ما يقول اهل الاسهم
الفيزا خل فيها مبلغ مو واجد وخله لحجوزات السكن لو وجدت فندق يعطيك خصم علي الفيزا بعض الفنادق تعطي للساكن خصم في حال استخدامه للفيزا
وغالبا بينفعك في بالي او جاكرتا فقط اما بونشاك واي ارياف اخري فلن يفيدك غالبا استخدام الفيزا
الكاش ملك خذ قروشك معك بالدولار فئه المئه دولار
تقدر تمر موضوع مثبت بعنوان دليل المسافر الشامل الي اندونيسيا ستجد اجابات لكثير من استفساراتك عن استخدام الفيزا او بطاقه الصراف والكاش
3/سعر السكن مع العلم اننا 5 ومانبي زحمه نبي فلل كبيرة وتفضل منتجعات
السعر وانااخوك مااقدراعطيك هو بالتحديد لانه مختلف ومتغير من موسم لاخر بفارق احيانا مو كبير
كمنتجعات في بونشاك انصحكم بفلل جياكرتا ان كنت تبي منتجع
مجمع رائع وفلله جيده للشباب
في كل فيلا 3 غرف نوم في كل غرفتين منها سريرين منفصلين تنفع لعددكم
وهناك مجمع شيكروا ياتي بعده تقريبا كتصنيف وامان
به انواع من الفلل لانه عده مجمعات مختلفه التنظيم
فيه منها ما هو عباره عن دورين كل دور فيلا بغرفتين نوم بكل غرفه سريرين
وفيه منها فلل كامله بعده غرف مره واتفرج عليه ودور الانسب لكم والل يترتاح له نفسكم
وتقدر تمر تتفرج علي الفلل المستقله بعد بدون منتجع مادمتم خمسه افراد ما عليكم خلاف باذن الله
الاسعار التقريبيه لخمسه افراد لن تقل 550 الف روبيه للفيلا الاقل
وستصل لفوق الميه دولار واكثر لبعض الفلل الاكبر
هناك فلل رائعه بس اغلي ان حبيت ساعطيك اسمائها منها علي سبيل المثال فيلا رونيلا 3/رونيلا 2
رونيلا 2فيها خمس غرف وهي رائعه بس سعرها شوي صلخ ان حبيت تزورها وتشوفها علي الطبيعه
هذا اقتباس من احد مشاركات الاعضاء في تقاريرهم عن سكنه في هلفيلا
الارقام هنا قديمه قد تكون متغيره ساضعها وانت جرب حظك اهي عامله للان ام لا
4/ المواصلات هل يوجد سيارة كبيرة وكم تقريبا سعرها باليوم
السيارات هناك غالبا من نوع جيب صغير
سوزوكي او انوفا او كيجانق
وهو نوع من انواع جيوب تويوتا الصغيره تقارب بحجمها البرادو تقريبا او اصغر منه بقليل
اعتقد بتناسبكم بيكون اللي بالخلف مرهق شوي لمن يجلس فيه بس افضل من اخذ سيارتيين
اذا تبي سياره اكبر تقدر هناك تسئل بنفسك سوا السائقين او شركه بلو بيرد توفر سيارات ميني باص
سعرها يكون بين 400 الي 550 الف روبيه /شامل بنزين وضرائب طرق
بحسب نوع السياره وموديلها ووقت السفر
وقت سفركم بيكون مو ظغط فكاسر قدر ما تقدر معاهم
5/افضل موقع سكن في بالي للشباب
شاطيء كوتا وخلفه شارع لوقيان
6/كم التكلفه سكن واكل وتنقلات فقط ل5 اشخاص في اليوم الواحد
سوا ف الجبل او بالي او جاكرتا
انت من يحدد صرفيتك اخي الفاضل
لكن الحديث بيكون عن الاساسيات اوكي وبقيه الامور انت من يقدرها
25 دولار قيمه فيزا للشخص = 125 دولار للمجموعه كامله =470 ريال تقريبا
150 الف روبيه للفرد ضريبه مغادره =750 الف روبيه للمجموعه كامله =300ريال تقريبا - جبرت الرقم للتقريب
هذي قيم اجراءات السفر ومبالغه الماليه المطلوبه في المطار وصولا ومغادره
اضف اليها مبلغ بسيط ضريبه ايضا للسفر لبالي
السكن كمااجبتك سابقا اسعاره مختلفه ومن يحدده ميزانيتكم التي لم تتطرق اليها في سوالك ابدا ولم تشر اليها وكنت اتمني تضعنا بالصوره عن قيمتها لنعرف اهي متوفره بشكل مناسب ام فيها ظغط وترتيب خاص
عموما عشان ترتاح ولا تقع في اشكاليات سكن غير ملائم
حط ميزانيه سكن لخمسه افراد ب200دولار لليوم
طبعا مبلغ كبير !!
لكن هذي الاجابه تستلزم الاياضح منك وراح افسر لك ليش
مثلا لو قررتم تسكنون اول يوم بجاكرتا للراحه من السفر
لازم تاخذ شقه مفروشه ب3 غرف وال3 غرف غالبا يسكن فيها اربع اشخاص بالغين كنظام واحيانا يتم التجاوز بس عشان تكون في السليم اغلب الشققق هذا نظامها وتقدر تسكن ساكن اظافي بضريبه اضافيه
لاتنسي نتكلم عن شقق مفروشه بارتمنت يعني الاسره فيها صغيره الا الغرفه الرئيسيه فقط يكون فيها سرير كبير
ممكن ما تعجبكم وتبون اسره كبيره للجميع اذن يلزمكم السكن الفندقي مثلا
الفنادق المناسه اسعارها من 70 دولار الي 100 دولار
ممكن تاخذون غرف فرديه لكل فرد بسرير كبير
وممكن تبون توفرون وتاخذون غرف مزدوجه الاسره
ايضا ممكن تاخذون شقق مفروشه بغرفتين عدد شقه واحده
وشقه مفروشه اخري ب3 غرف اذا تبون كل واحد يسكن بغرفه وحده
نتكلم هنا عن جاكرتا مثلا وهي اكثر منطقه بتتعبكم -كسعر - في السكن - وبيكون السكن ببالي مشابه لها تقريبا
لانه اما يكون فندقي او شقق ايضا والنظام متطابق تقريبا في السكن الفندقي او الشقق في بالي وجاكرتا مع وجود سكن من نوع اخر وهو الفلل في بالي وهناك فلل ب160 دولار مثلا توافق طلبكم باسكان خمس افراد فيها
اما السكن في بونشاك فغالبا سيكون اوفر لكم ستجد فلل ب60 و70 دولار وقد تجد بسعر اقل
وقد تصل كما ذكرت لك لاسعار اغلي بحسب بحثك وتدويرك هناك
الشي الثاني المهم في رحلتك هو وسيله التنقل وهي السياره
وقيمتها سبق ذكرها مسبقا في منطقه جاوه وبونشاك
وفي بالي غالبا تكون ارخص ب5 دولارات تقريبا الي 10 دولارات
في المدن كجاكرتا وهي ليست في برنامجك لن تحتاج الي سياره خاصه سيكون تنقلكم بالتكسي
في المناطق الريفيه كبونشاك او بالي مثلا تقدر تستعين بالتنقل بالدباب مثلا في بونشاك او في بالي بايجاره او بايجار سياره بالساعات او باخذ باكج يشمل نقلكم من والي موقع زيارتكم وهذا الشي مو متوفر في بونشاك
يعني باختصار
تحد مبلغ وقدره 55 دولار علي جنب لكل يوم للتنقل بسياره خاصه
تصرفون هلمبلغ او تاخذون وسيله نقل اخري هذا الامر عائد لكم ولترتيبكم وميزانيه سفرتكم
لكن تضعه في الحسبان في حساباتك ان اردت رحله مرتبه كامله بسائق معك دوما
بقيه الامور من اكل وشرب واماكن زياره تختلف من مجموعه لاخري
وعليه ضع ميزانيه بمعدل 300 الي 350 دولار لليوم الواحد لكم جميعا
تقدر توفر منها كل يوم وتقدر تصرفها كلها وزيارده عليها باليوم الواحد
اتمني منك توضيحا اكثر بخصوص الميزانيه لكي اجيبك بشكل ادق
لاحظ اني توسعت في الرد لاشمل اكثر الاستفسارات التي قد تطرحها لاحقا عن هذا الامر
ولكم جزيل الشكر
واللي عنده نصيحه يتفضل يمكن اكون نسيت شي
المفضلات