السلام عليكم ورحمة الله وبركاتة
صراحة المنتدى قمة الروعه وشدني جدا وانا والله اشكر كل الاعضاء الي نزلوا تقارير حلوة
قاعد نستفيد من خبراتهم والله لا يحرمنا منهم يارب
الصراحه انا توني مسجل وما ترددت بهالخطوه ابد
وقلت هذا انسب مكان
ابي استفيد من خبرة اهل الدشاديش الكشيخين
انا بفصل دشاديش صيفية وتدرون احنا بندش برمضان وتجهيزات حق العيد وهالسوالف
حاليا عندي وقت بعدين كلش ما راح افضى
فقلت بروح افصل وللأسف انا ما عندي ادنى خبرة بتفصيل الدشاديش
فأبيكم تساعدوني بهالخطوه
شنو احسن دشادشي صيفية او شنو الخامة المناسبة وتنصحوني بشنو ؟
ووين احصلهم ؟
لو بالبلوكات عند منو بالضبط ؟
اجواخ الحسن زينين ؟
وفي شغله معقدتني يا جماعه انا دشاديشي نظام مخفي !! وعندي واحد من الربع مطلع روحي ليش مخفي ومادري شنو قديييم وخلهم جذي عادي ويطبع الزرار ومادري شنو !!
انا من وجهة نظري يمكن المخفي احلى مو ؟ مادري شلون صاير شكل الزرار المكشوف انا ماعندي خبره شتنصحوني للأمانه مخفي ولا مكشوف احسن ؟مهم جدا متعقد من هالموضوع
ووين اخيط عند احسن خياط ليشني تعبت كل ما خيطت عند واحد يا انه يخيت على مقاسات الدشداشه الي انا لابسها واقوله مالك شغل بالمقاسات ويمشي على كيفه او انه يوسعها زيادة عن اللزوم وانا ضعيف وبعضهم خطايتهم كلها فاشله
بس يا الوقت الي قلت فيه لازم اعرف احسن نوع وآخذه بنفسي وعلى تجاربكم الحلوه بنستفيد ان شاء الله
ارجوكم ابي اسماء ناس محددين لحد يقولي روح هناك وبتحصل شكثر انا ابي الزين وبس
ويعطيكم العافية مقدمامواضيع عشوائيه ممكن تكون تعجبك اخترناها لك:
- وأخيــــراً رحت للكويت
- خاص لكم ياهل الكويت
- عندي ضيوف من البحرين
- احسن طياران ياخذك عالكويت
- جاي الكويت بكره وعني كذا سؤال ؟؟
- ساعدوني بالبحث عن سكن
- السكن في حولي
- القرقاعون من الكويت ؟؟؟
- حجز فندق بعطلة العيد
- استفسارات كويتيه
- الكويت ماابين الى
- سبونز مركز سلطاناثنين في واحد
- فروحه ۔ في قريه يوم البحار
- مسافر محتار متجه للكويت والطريق والمسافة المجهولة
- استفار من اهل الكويت عن الاحداث السياحيه
- جيتكم يا اهل الكويت اسأل عن شي غاب عني علـمه
- مبروك يا اهل الكويت
- الثوب الكويتي ثوبين ام ثوب؟
- زعطـوطه فـي مطعـم جريـت ستيـك ، و بعدها حلــّت
- استفسار بشأن دخول الكويت
المفضلات