الموضوع: من يفك حيرة المحتار؟؟

السلام وعليكم ورحمة الله وبركاته

انتهى بي الأمر ان أختار جزر المالديف لإن دول اوروبا بارده جدا وثلوج بهالشهر

والصراحه قرأت وتمعنت بتقاريركم هنا لمدة طووويله واستمتعت بها لكن احتاج لمساعدتكم

فلا تبخلوا علي جزاكم الله خير

علمــــــــاَ بإنَ الرحله لزوجين ولمدة 6 أيام بإذن الله في هذه الأيام بإذن الله


س1 احترت بين جمال المنتجعات بين جميرا ديفانا وw وكونراد وكونستاس هالفيلي وفور سيزون

وش اختااااااااار؟

مع العلم اني احب الخصوصيه والحدَاثه والرقي والنظافه والجمال مع السعر الحلوو

اذا أمكن تزودوني باسعارهم لاني ماعرف الاسعار


س2 هل تؤيودون تغير الفندق او المنتجع في هال6 الايام ولا اظل في نفس المكان؟

س3 ماهي الأماكن الي ازورها في المالديف يعني ماازور مدن ومانتقل من هنا وهناك؟
ولا اظل بس في هالفندق استجم مع العلم اني احب اشووف المدينه واتطلع عليها
يعني حددوا لي لاهنتوا وش هي الاماكن اللي اروح لها سواء مدينه او حديقه او معلم سياحي فيها


س4 ماهو افضل طيران سعره معقول مو باهض الثمن؟

س5 وماهي بنظركم اجمااالي حدود التكلفه بالريال السعودي لمدة 6 ايام

مواضيع عشوائيه ممكن تكون تعجبك اخترناها لك:

• اســتفسار
• استفسار بخصوص الاوتيلات
• ممكن مساعدة
• مشكلة المياه في جزيرة موريشيوس
• ابي معلمات عن جزيرة بوراكي
• سؤال يسدح نفسه ياهل موريشيوس والمالديف
• ارجو المساعدة في اختيار الفنادق في مالديف
• أريد المتخصصين والذين زارو جزيرة موريشيوس
• جزر المالديف
• سؤال عن العاصمه و التسوق في ميروشيزس
• ممكن مساعدتكم الله يجزاكم خير
• إستفسار هام عن جزيرة موريشيوس وجزر المالديف
• زيارتى لثلاث جزر بالكاريبى بصيف مع العائلة
• زيآرة لـ المآلديف مع طفل
• لعشاق الجزروالروقان
• للخبراء فقط
• هل عند حجز الفندق يشمل حساب تذاكر الطيران
• هل تحتاج موريشيوس لتاشيرة دخول للسعوديين
• بانيان تري جروب تضم منتجعا جديدا في جزر المالديف
• ؟؟؟؟هل جزيرة موريشس فيها متعه للشباب ولا لا؟؟؟؟

أعتقد لو تروحون السيشل بتنبسطون اكثر لتنوع انشطتها ..
ممكن تقضين 3 ايام في برالين في الرافلز
و3 في ماهي ..في الفورسيزون او بانيان تري

خصوصا من اختيارك للمنتجعات في المالديف يبدو ميزانيتك ممتازة
لان المنتجعات اللي ذكرتيها من الغالية الليلة فيها تبدأ من 4000 ريال تقريبا
وتعتبر ضمن قائمة افضل واغلى منتجعات المالديف
وتختلف بحسب المواسم والعروض
تقولين بتسافرون هالايام
وهذا موسم فالاسعار اعلى من العادة

نرجع للمالديف خيارات الطيران الارخص

فلاي دبي والسيرلانكية السياحية
ثم
العمانية والسيرلانكية البزنس
ثم الاماراتية

الترتيب من الاقل سعرا

التكلفة المادية
تعتمد على اختيار المنتجع
لكن لست ايام
اقل منتجع
اتوقع والله اعلم تبدأ بحدود 25 الف ريال واكثر
لان النقل من مالي الى المنتجع غالي
والوجبات غالية
الانشطة كذلك غالية
والضرايب غالية

علما ان المتعة تعتمد على الاختيار الجيد للمنتجع
فيه ناس سافرو المالديف وندموا بسبب سوء الاختيار خصوصا ان هذا اقترن بميزانية عالية
لان خلفيتك عن المالديف بتنعكس من خلال المنتجع


هذا السعر
بدون تذاكر سفر

انشطة المالديف
زيارة الى مالي
عشاء رومانسي
صيد
غوص ...الخ من الانشطة البحرية
مساج

ممكن تلاقين عروض في الشركات والمكاتب مثل الامارات للعطلات
لانها تقدم باكج كامل ؟؟


من المنتجعات الجميلة جدا وسعرها جيد هالفترة

Niyama By Per Aquum

خمس نجوم وراقي


سعره 6 ليالي في يناير شامل الفطور والتاكس والنقل من والى مالي
للفيلا الشاطئية 19 الف ريال عن طريق اجودا

فتقريبا 25 الف مع الوجبات والانشطة



نصيحتي لو تروحون مكان ثاني غير الجزر تنبسطون اكثر مدة اطول بنفس الميزانية
خصوصا لو لم تكونوا من محبي الانشطة البحرية
ما اعرف وين سافرتوا قبل
اشوف تركيا من الخيارات الجميلة وسعرها مناسب
10 ايام في اسطنبول وتروحون يلوا وبورصة
وجوها دوم حلو حتى الشتاء فيها جميييييييييييييييل لكن يحتاج تدفئة
ماتحتاج فيزا وتذاكرها رخيصة
باي وقت تقدرين تحجزين وخذو لكم سواق يساعدكم ؟؟

ممكن تروحون اندونيسيا وبالي !!
ممكن ماليزيا مع انها خيار مستهلك !!

مع اني اشوف تركيا ارقى والناس اذواق
ماتروق لي الدول الاسيوية كثير

والراي لك

يعطيك العافيه بس تركيا برد مره اجواءها ماتناسبنا لان المناعه ضعيفه شووي وماليزيا رحنا لها واستمتعنا جدا جدا

دخلت براسي جزر المالديف احسها رايقه مرره
مااعرف اناالاسعار ابي اسعار مناسبه بس شفت هالمنتجعات عجبتني ولااعرف اسعارها ابي شي مناسب سعره وااسعار الي ذكرتيها غاليه مره

مايصلح اخذ غرفه في هالمنتجع بدل فيلا وكذا وش نظامهم

ليت احد ينصحني

هذا يعتمد على ميزانيتك بالاضافة انك تاخرتي بالحجز وكثير من الخيارات الجيدة اما غالية جدا
او فل

حددي ميزانيتك الشاملة

وفترة سفرتك وعدد الايام ؟؟

وآآآه يالمالديف
اجمل و احسن سفرة بحياتي
هدوء .. استرخاء .. شواطي فيروزية ساحرة
اهنييييك على اختيارك
باقولك اللي اللي عندي و افيدك لاني تذكرت نفسي قبل ما اسافر
نزلت موضوع اطلب مساعده

انا سافرت بشهر اغسطس // نص شهر 10 هجري
ونفس مدتك 6 ايام و 7 ليال .. شخصين

- جزر المالديف ماتحتاج فيزا بس جواز

ج1 /
الفنادق اللي ذكرتيها اغلبها غااااااااااااليه
هالموقع تحجزي منه booking.com
تحددي التاريخ و تشوفي الصور و الاسعار
انا اخترت فندق كارومبا حلووو بصراحة 5 نجوم بنغل مواجه الشاطي و خدمتهم جيدة واكلهم حلوو ومنوع بوفية ومطعم صيني و هندي و ايطالي ومالديفي
مو بعيد عن المطار .. جحزت قبل السفرة بشهرين وطلعت علي 9500 ريال

ج2 /
اييه بصراحة انصحك بالتغيير
حنا غلطنا وماغيرنا .. لان الجزيره مو كبيرة وراح تلفينها مرتين و 10 بعد
وارحلات غالباً ماتتعدى الساعتين
وعلى فكرة بوضح نقطة اذا تبين تغيرين الفندق الثاني مايجونك بالفندق الاول
لازم ترجعين للمطار ويجونك الفندق الثاني

يعطيك العافيه

كم سعر الفندق بالليله شامل الاكل ولابدون

فجووره الله يجزاك خير حبيبتي بس الفندق اللي ذكرتيه للاسف غير متوفر الحجز

ليت تذكرين لي فنادق ثانيه تعبت وانااااا ادور

الله يجزاه خير من يساعدني

اختى انا كنت محتار مثلك تماما قبل 3 شهور تقريبا وشفت اغلب اغلب المنتجعات سوا عن طريق التقارير او عن طريق البوكينق او اجودا واستقريت على جميرا ديافانا فوشي منزل تقرير عنه بصراجه استقلاليه وراحه حتى يمدى العوايل يسحبون بدون كشف واضح على البركه
المنتجع جديد وهادئ وهو المطلوب لكل واحد رايح المالديف انصحك بجميرا الفلل المائيه 3 ايام ممتاز جدا ومن ثم اذا الميزانيه تسمح الانتقال الى منتجع يوجود لديه فاعليات اكبر
مثل الكونراد لان كانت الخطه لذهاب له لكن صخب المنتجع و كثرة زوارة وعدم الراحه جعلتنا نغير راينا في النهايه اما كرومبا يعتبر اقدم منتجع في المالديف وطبعا مافكرت اروحله لانه قديم بالنسبه لباقي المنتجعات
واعتقد لو اخترته مكان ارتحت فلك حريه الاختيار

جميرا بسعر الفيلا ونحن شخصان شهر عسل يعني حق ايش الفيلا؟

ابغى غرفه واقتراح اسماء للفنادق لاني تعبت من البوكينق كلمره ادور يقول محجوز

ابغى فندق يشمل الافطار والعشاء

وش رايكم في هوليدي ان؟ شكله ماعجبني من موقعهم من راح له يذكر تجربته معه


ارجوو الرد مأجوورين

من العناصر المهمة لاختيار المنتجع هو ملاحظة عدد الغرف كما اشار الاستاذ عز الخالد .
خصوصا في المالديف التي تحتاج لصفاء وهدوء وخصوصية ربما لانحتاج لها في دول اخرى .

تبحثين عن غرفة وليس فيلا..فهمت عليك..
زي ما شفتي في التقارير التي تمعنتي في قراءتها كما تقولين نظام السكن في المالديف قائم على المنتجعات هذه المنتجعات عبارة عن فلل أو أكواخ..نظام الغرف الفندقية لن تجديه بمنتجعات المالديف..ستجدينه في العاصمة (وممكن تراجعي تقرير خبيرنا فور يو )اللي زار العاصمة ..أيضاً بعض المنتجعات عادية المستوى يكون فيها مباني من طابقين وغرف موزعة على الطابقين..افضل خيار يخطر الآن ببالي هو الشيراتون فوول موون ففيه أكواخ شاطئية مقسمة على دورين ارضي وعلوي بشكل منفصل طبعاً،عموما هي تجربة بعيدة عن تطلعاتك فلا رقي ولا حداثة ولا خصوصية وبعيدة كل البعد عن مستوى الدبليو والفورسيزونز والمنتجعات التي ذكرتها في بداية استفسارك..
نقطة أخرى تتعلق بالحجز..هناك مواقع أخرى كثير غير البوكينغ(اجودا،اكسبيديا،هوتيل،آسيا رووم،الخ الخ) فمسألة ما حصلت حجز في البوكينغ مو معناه ما بتحصلي حجز في نفس المنتجع لكن من موقع آخر ناهيك انه في الأساس يمكن هذا المنتجع ما يتعامل مع البوكينغ..أما إذا كان عندك تصور أن البوكينغ هو الأرخص فهذا ليس بأكيد ممكن تحصلي موقع المنتجع الرسمي أرخص من بوكينغ وممكن اكسبيديا أرخص من بوكينغ ومن موقع المنتجع أو العكس..وسعي خياراتك وابحثي خارج البوكينغ ولا تنسي انك متأخرة في الحجز ومسافرة في عز الموسم يعني ممكن تفري على 4او5 مواقع ويا دوب تحصلي حجز فكيف إذا ضيقتي على نفسك بالبحث فقط في موقع واحد.
وبالتوفيق.

شوفي اختي انا كانت عندي نفس مشكلتج ومحتاره وايد قررت اروح لمكتب السفريات بالبحرين واهو الي حجز لي الفندق " باندوس ايلاند ريزورت اند سبا " المكتب قالو لي ان الفندق 4 نجوم وان وايد ناس يمدحونه وانا خذت الفله الشاطئية فيها جاكوزي تكون الليلة بـ 2250 ريال وفندقنا فيه غرف لشخصين تكون تحت مسمى ستاندرد روم او ديلوكس روم وطبعا تكون ارخص من سعر الفلة

انا بعد رايحة شهر عسل بس ما بطول في المالديف بروح المالديف ليلتين بس والباقي باقضيهم في ماليزيا
وبصراحه اكتشفت ان لما تحجزين من موقع الفندق تكون الاسعار ارخص واحسن وتكون شامله الفطور واتوقع المواصلات وعشان جذي انا تحسفت اني حجزت عن طريق المكتب لاني حصلت فنادق 5 نجوم مثل فيلاسارو تكون اسعاره مقاربة واحلى الفيلاسارو بعد فيه غرف مب بس فلل حاولت اغير حجزي على فندق ثاني بس ما يصير اهو حلو ودخلت على فيديو فاليوتيوب وايد حصلت عن الفندق وتحسمت للمالديف اكثر الله ييسر لنا امورنا انا وياج يااارب

سامحيني على الاطالة

فهد

يعطيك العافيه بس حبيت اوضح صحيح اني ابي نظام الفندق بس ماابيه في العاصمه ابغى مسبح خاص وخصوصيه في المنتجع نفسه ومااحب البساطه في المنتجعات خاصه انها 7 ليال تقريبا

ابي استمتع فيها ولكن بسعر معقول وليس باهض الثمن

ام عبودي

الله يهنيك ياربي ويسعدك سبق ورحت لماليزيا كانت رايقه وتستحق الزياره

لكن اريد ان اكملها الان باستجمام المالديف

\

صحيح انا فقط كنت اوضح ان طلبك(النظام الفندقي) لن تجديه الا في العاصمة وعدد قليل من المنتجعات..
خاصة بطلباتك..اما الغرفة ذات المسبح الخاص فهذه للاسف لم تمر على للان في المالديف..وان شاء الله احد الخبراء يفيدك بوجود مثل هذا الخيار..