الموضوع: اخوكم من بوظبي تبون اي شي رمسوني

مشكور اخوي ويزاك الله الف خير

شي اكيد هناك اعضاء وايد عندهم استفسارات عن عاصمتنا الحبيبه ومحتاجين ناس خبره ومنها عشان يجاوبونهم

كم بين دبي و ابو ظبي ؟

وابو ظبي فيها اماكن سياحيه ؟

بين دبي وابو ظبي 120 كيلو ...


انا عندي سؤال ... متى راح يفتح عالم فراري ... وابي تفاصيل اذا ممكن لاني ناوي اجي علشانه

عالم فراري هل يوجد في ابو ظبي

هلا فيك اخوي انا جايه ابو ظبي قبل العيد بيومين بجلس فيها
يومين بعدين بطلع دبي ايش افضل الاماكن اللي اقدر اروح لها في يومين
ويش المكان اللي تنصحنه نروح فيه صباح يوم العيد نبغي نشوف عيد اهل ابوظبي
ومشكور

المشاركة الأصلية كتبت بواسطة خوخه منفوخه
http://www.arabtravelersforum.com/tr...6/#post4145646

هلا فيك اخوي انا جايه ابو ظبي قبل العيد بيومين بجلس فيها
يومين بعدين بطلع دبي ايش افضل الاماكن اللي اقدر اروح لها في يومين
ويش المكان اللي تنصحنه نروح فيه صباح يوم العيد نبغي نشوف عيد اهل ابوظبي
ومشكور



اذا تبون تشوفون عيد اهل ابوظبي انصحج وبقوة وبدون مزح ان تزورين بالسياره المناطق التاليه الصبح عالساعه ثمانية او عشرة البطين و المحاربه والمناصير والمشرف وهي مناطق راقيه يسكنها اهل ابوظبي واحلى شي تشوفين البنات الصغار والاولاد الصغار وهم كاشخين يدورون عالبيوت والناس تعطيهم حلويات وعيديه .اصلا العيد في ابوظبي احلى شي الصبح محد يحلي العيد غير الاولاد الصغار . ولا تنسين تعطيهم حلويات ههههه وتصورينهم.

من احلى الاماكن في ابوظبي المارينا مول والكورنيش ومنتزه خليفه والجلوس في كاسر الامواج فالكرنيش عالبحر تشوفين بوظبي كلها قدامج ومنظر رهيب . مدينة ابوظبي في ثاني يوم العيد مايكون فيها زحمه والسبب اكثر الناس تروح دبي ثاني يوم العيد فاكيد بتلقين دبي زحمه موت الشوارع زحمه ثاني يوم العيد. فالاحسن تعيدين فبوظبي وبعدين تروحين دبي .

مدينة ابوظبي من انظف مدن العالم وشوارعها نظيفه ورهيبه جدااا يوجد في ابوظبي مولات ومجمعات تجاريه كثيره لاكن الافضل فعلا المارينا مول وبعديه ابوظبي مول .

تحيه لك ياعاشق ابو ظبي من عاشق الامارات
كريم ابن كرام

مشكور اخوي ماقصرت
واكيد راح نعطيهم عيديه

مشكور اخوي ما تقصر

معليش نسيت اسئلك عن المولات والاسواق
تسكر يوم العيد ؟

تحيه لعاشق بوظبي
ومجهود رائع


يا ليت تذكر للاخوان والاخوات

المولات اللي تستاهل الزيارة

المشاركة الأصلية كتبت بواسطة خوخه منفوخه
http://www.arabtravelersforum.com/tr...8/#post4146128

معليش نسيت اسئلك عن المولات والاسواق
تسكر يوم العيد ؟




المولات مفتوحه في العيد . اعتقد حتا الساعه العاشرة ليلا ثم تقفل والسينما لي داخل المول تقفل الساعه ثنتين او ثلاث بالليل العاصمه ابوظبي فيها مولات كثيره مثل الوحده مول والراحه مول لاكن احسن واحد فيهم المارينا مول ثم ابوظبي مول الناس في ابوظبي تحب اخر الليل الكورنيش سواءا بالسياره او مشيا على الاقدام ويوجد في الكرنيش اماكن تاجير سياكل للكبار وللاطفال . ويوجد جمعيات تعاونيه فاتحه 24 ساعه لي تبيع المواد الغذائيه مثل جميعة ابوظبي التعاونيه لي في الزعاب والدانا بلازا وجمعية ابوظبي التعاونيه لي في المرور ومحطات البترول تجد فيها المطاعم 24 ساعه ويا مرحب فيكم في بلدكم الثاني الامارات

والله كلك ذوق ومشكور على المعلومات

المشاركة الأصلية كتبت بواسطة مشاري الرياض
http://www.arabtravelersforum.com/tr...3/#post4145443

بين دبي وابو ظبي 120 كيلو ...


انا عندي سؤال ... متى راح يفتح عالم فراري ... وابي تفاصيل اذا ممكن لاني ناوي اجي علشانه



ان شااء الله الافتتاحيه بتكون بتاريخ 28/10/2010
وبيكون في اخطر رول كوستر في العالم
وانا بعد متشوقه وانتظر الافتتاح

واي سؤال حاضرين

تحياتي لك

معليش سؤال كثرت الاسئله صح ؟ههههههههههههههه
في اي مول الاقي محل فيراري حق الملابس والادوات المكتبيه

محل فراري حق الملابس موجود في المارينا مول اي خدمه ثانيه عيوني لكم

المشاركة الأصلية كتبت بواسطة violetq8
http://www.arabtravelersforum.com/tr...0/#post4145460

عالم فراري هل يوجد في ابو ظبي





في أبوظبي - والافتتاح شهر 10

يعطيك العافية عاشق بوظبي

عاشق بوظبي

بسالك عن هذا المبني
من شنو يتكون !!!

شكرا وتعبناك معنا

المشاركة الأصلية كتبت بواسطة aktd
http://www.arabtravelersforum.com/tr...6/#post4149126

عاشق بوظبي

بسالك عن هذا المبني
من شنو يتكون !!!

هذا مبنى hq اول مبنى دائري في العالم وتابع لشركة الدار العقاريه عند شاطئ الراحه

هل يقدر الواحد يزور هذا المبنى ويدخله من الداخل
شكله عجيب احب ازور الاماكن العجيبه ههههههههههههههههه

المشاركة الأصلية كتبت بواسطة خوخه منفوخه
http://www.arabtravelersforum.com/tr...2/#post4149202

هل يقدر الواحد يزور هذا المبنى ويدخله من الداخل
شكله عجيب احب ازور الاماكن العجيبه ههههههههههههههههه




اختي الغاليه يوم بتروحين مارينا مول يوجد كوفي اسمه كولومبينا كافيه طابقين كلميهم قوليلهم اريد اروح كوفي البرج لي فوق لي يطلعوله بالاصنصير فالطابق الاربعين الاصنصير خلف كوفي كولومبينا على طول وطلعي الكافيه لي فوق فالطابق الاربعين صح غالي شوي يمكن الكوفي بسبعين درهم لاكنه يستاهل والله. المنظر تشوفين بوظبي كلها ونتي في البرج ويوجد مطعم ايضا منظر رهيييب وهو يعتبر اعلى كوفي شوب ومطعم في ابوظبي ونتي على كيفج تبين تجلسين في المطعم ولا تبين تجلسين فالكوفي .

حطي في بالج الامارات محد بيطلب منج بخشيش ابداااااااااااااااااااااا . عكس بعض الدول العربيه لي يعتبر البخشيش ظريبه لازم الواحد يدفعا ولا بيشوف الوجه الثاني انا سافرت بعض الدول العربيه ليست في الخليج طبعها
الله يسامحهم وين ما الواحد يروح يحنون ويزنون على راسه من القرسون لين المدير عشان يطلعون منه بخشيش ويكرهون الواحد فالمكان

ا خي الغالي

هل يوجد في ابو ظبي مطاعم شعبية توفر السحور " اكلات امارتية و حلويات شعبية " وتكون مميزة فيها
ايضا سمعت عن السوق الايراني هل يستحق الزيارة ومالمميز فيه
زيارتي لابو ظبي يوم واحد
مانصيحتك لي
قدومي الى ابو ظبي غدا او بعد غد ان شاء الله

هلا عاشق بوظبي والاخوه الاعضاء
حبيت اسئلكم عن افضل الفنادق القريبه مره من
مارينا مول وارجو الرد بسرعه من اجل عمل الحجز وشكرا تعبناك معانا

المشاركة الأصلية كتبت بواسطة خوخه منفوخه
http://www.arabtravelersforum.com/tr...1/#post4151721

هلا عاشق بوظبي والاخوه الاعضاء
حبيت اسئلكم عن افضل الفنادق القريبه مره من
مارينا مول وارجو الرد بسرعه من اجل عمل الحجز وشكرا تعبناك معانا



الفنادق وااايد وتعبكم راحه مستعد اشتغلكم دليل سياحي بعد لو تبون هههههه اختي الله يطول في عمرج اهم شي يكون الفندق داخل جزيرة ابوظبي وما عليج بوظبي صغيره بس انا من رايي انه السكن يكون في الفنادق لي داخل جزيرة ابوظبي احسن .

المشاركة الأصلية كتبت بواسطة عاشق خزام
http://www.arabtravelersforum.com/tr...6/#post4151406

ا خي الغالي

هل يوجد في ابو ظبي مطاعم شعبية توفر السحور " اكلات امارتية و حلويات شعبية " وتكون مميزة فيها
ايضا سمعت عن السوق الايراني هل يستحق الزيارة ومالمميز فيه
زيارتي لابو ظبي يوم واحد
مانصيحتك لي
قدومي الى ابو ظبي غدا او بعد غد ان شاء الله



اخوي السوق الايراني سوق بسيط يتكون يمكن من 15 محل لاكن يمكن تلقى فيه شي يعجبك لانه رخيص ومليئ باغراض الزينه وغيره تبي مطعم شعبي فيه الهريس والفريد وكل شي بتلاقيه جمب السوق الايراني لي في ميناء زايد بس ما اذكر اسم المطعم

عاشق بوظبي

بنت الشيخ زايد

صقر دبي

أنتم فخر الشباب الاماراتي - تشرفون فعلا بلدكم و إضافة للمنتدى بنكهة إماراتية خالصة

تحياتي القلبية لك

المشاركة الأصلية كتبت بواسطة بنت الشيخ زايد
http://www.arabtravelersforum.com/tr...3/#post4149193



هذا مبنى hq اول مبنى دائري في العالم وتابع لشركة الدار العقاريه عند شاطئ الراحه




اختي بنت الشيخ زايد
هل فيه مطاعم كوفيات او شي يستاهل دخوله !!

المشاركة الأصلية كتبت بواسطة عاشق بوظبي
http://www.arabtravelersforum.com/tr...3/#post4149873

اختي الغاليه يوم بتروحين مارينا مول يوجد كوفي اسمه كولومبينا كافيه طابقين كلميهم قوليلهم اريد اروح كوفي البرج لي فوق لي يطلعوله بالاصنصير فالطابق الاربعين الاصنصير خلف كوفي كولومبينا على طول وطلعي الكافيه لي فوق فالطابق الاربعين صح غالي شوي يمكن الكوفي بسبعين درهم لاكنه يستاهل والله. المنظر تشوفين بوظبي كلها ونتي في البرج ويوجد مطعم ايضا منظر رهيييب وهو يعتبر اعلى كوفي شوب ومطعم في ابوظبي ونتي على كيفج تبين تجلسين في المطعم ولا تبين تجلسين فالكوفي .

اخوي عاشق المارينا مول

انت تقصد هذا البرج

المشاركة الأصلية كتبت بواسطة aktd
http://www.arabtravelersforum.com/tr...2/#post4152422

اختي بنت الشيخ زايد
هل فيه مطاعم كوفيات او شي يستاهل دخوله !!

اخوي عاشق المارينا مول

انت تقصد هذا البرج

نعم اخوي هوا هذا البرج لي فيه المطعم والكوفي شوب لي اقصده لكم فالمارينا مول

عاشق ابو ظبي

لك مني كل التقدير علي ما تقدمه من خدمه للاعضاء

واتمنى ان يكون من المواضيع المتواجده بقوه في البوابه لان الكثير منا يجهل ابو ظبي

وكنت اتمني من زمان موضوع بهذا الشكل

وهذا ما اتامله فيك وفي اهل ابو ظبي الكرام


دعواتى لك بالتوفيق وشاكر ومقدر لك في كل حرف تكتبه في بوابة الامارات

انا سؤالي مارديت عليه ؟
انتظرك

المشاركة الأصلية كتبت بواسطة عهايد
http://www.arabtravelersforum.com/tr...5/#post4146495

ماتقصرون ياهل دبي
بس حبيت اسال عن المنتجعات اللي في ابو ظبي ويكون سعرها زين وبمسبح خاص



اختي ما فهمت قصدج كيف منتجعات لو تريدين بحر خاص للحريم فقط مخصوص للنساء يوجد بحر الحريم في الراس الاخضر داخل مدينة ابوظبي اسئلي اي حد في بوظبي وين الراس الاخضر ويوجد بحر خاص للنساء بس بعيد شوي عن ابوظبي في شاطئ الراحه

المشاركة الأصلية كتبت بواسطة عهايد
http://www.arabtravelersforum.com/tr...1/#post4152681

انا سؤالي مارديت عليه ؟
انتظرك



هلا اختي عهايد,,,,,بعد اذن اخوي عاشق ابوظبي
المنتجعات المعروفه في ابوظبي ,,, شاليهات جزيرة الفطيسي وهي تابعه لشركة الدار العقاريه وقريبه من شاطئ الراحه
وفيه بعد جزر الصحراء في جزيرة صير بني ياس
وفيه في وسط البر منتجع قصر السراب
وفيه شاليهات في فندق الراحه
وفيه في غنتوت شاليهات حلوه

واذا تبين منتجعات في كل الامارات زوري موضوعي اللي في التوقيع ,,

لك الشكر على ما تقدمه عن الامارات الجميلة وشعبها الطيبين سوالى اللة يرحم والديك كيف الوصول الى منتجع جزر الصحراء فى جزيرة بنى ياس وانا قادم من مطار ابو ظبى واذا ممكن تفيدنى انواع الغرف واسعارها وشكرا لك

يعطيك العافيه عالمبادره الطيبه ..

مشكورين على المعلومات اللى تفيدونا فيها

قواك الله اخوي عاشق بوظبي وبارك الله فيك ، انا عندي استفسار شخص غير محدد الجنسية في دولة الكويت ويحمل جواز سفر كويتي ( مادة 17 ) ودخولة للامارات يتتطلب تاشيرة ، كثرت الاقاويل مرة يقولون ممنوع مرة في بوظبي صعبة ناس يقولون الافضل دبي شخصيا راجعنا السفارة الاماراتية قالوا لازم مواطن اماراتي يعمل طلب في دائرة الهجرة .. مع العلم ان يوجد اصدقاء اماراتيين وكويتيين .. اللي نطلبة منك يا اخي الكريم كيف نستخرج تاشيرة لهذا الشخص ؟ عن طريق فندق عن طريق مواطن يطلب هذا الشخص نريد طريقة نستخرج بها تاشيرة .. ارجوك كل الرجاء ان تساعدنا علما بان مدة الزيارة 5 ايام وتحديدا نريد اماراة دبي ولاي استفسار راسلنا على هذا الايميل كل الشكر والتقدير لك ياخي الكريم .

المشاركة الأصلية كتبت بواسطة بدر الفضلي
http://www.arabtravelersforum.com/tr...0/#post4158300

قواك الله اخوي عاشق بوظبي وبارك الله فيك ، انا عندي استفسار شخص غير محدد الجنسية في دولة الكويت ويحمل جواز سفر كويتي ( مادة 17 ) ودخولة للامارات يتتطلب تاشيرة ، كثرت الاقاويل مرة يقولون ممنوع مرة في بوظبي صعبة ناس يقولون الافضل دبي شخصيا راجعنا السفارة الاماراتية قالوا لازم مواطن اماراتي يعمل طلب في دائرة الهجرة .. مع العلم ان يوجد اصدقاء اماراتيين وكويتيين .. اللي نطلبة منك يا اخي الكريم كيف نستخرج تاشيرة لهذا الشخص ؟ عن طريق فندق عن طريق مواطن يطلب هذا الشخص نريد طريقة نستخرج بها تاشيرة .. ارجوك كل الرجاء ان تساعدنا علما بان مدة الزيارة 5 ايام وتحديدا نريد اماراة دبي ولاي استفسار راسلنا على هذا الايمي كل الشكر والتقدير لك ياخي الكريم .



اخوي انا لي اعرفه كل الخليجيين يدخلون الامارات بدون فيزا يامرحب فيكم فبلادكم الثانيه لاكن الوافدين غير الخليجيين يدخلون عن طريقتيين فيزة زياره ويعطوها له من مكاتب السفر شركات السياحه . او يكون عنده حد اماراتي يعمله فيزة زياره من دائرة الهجره اذا عندك صديق اماراتي خليه يعملك فيزة زياره او جرب روح مكاتب السياحه عندكم فالكويت يمكن يعطونك فيزة مدتها اسبوعين او شهر والله اعلم

الاخوان في ابوظبي هل استطيع اداء صلاه العيد في مسجد الشيخ محمد بن راشد

شكرا لكم ياهل الامارات وفهمتي علي يابنت الشيخ زايد الله يوفقك
موضوعك شفته بس كنت حابه اعرف اسعارهم

المشاركة الأصلية كتبت بواسطة خوخه منفوخه
http://www.arabtravelersforum.com/tr...2/#post4158752

الاخوان في ابوظبي هل استطيع اداء صلاه العيد في مسجد الشيخ محمد بن راشد




عن دبي ماعندي خبره كافيه ممكن الاخوات بيفيدونج

صباح الورد

أخوي الله يعطيك العافية عندي إستفسار لو سمحت:
1- كم المسافة بين دبي وابو ظبي؟
2-طيب لو رحت لأبو طبي يوم واحد من دبي ما هي الأماكن التي تنصحني لزيارتها خاصة ولدي عائلة أنا والمدام و3 اطفال (10,8,3)سنوات ؟
3- للمعلومية سفرتي إن شاء الله من 13-9 حتى 24-9 ؟

ومشكور مقدماً على المعلومة

المشاركة الأصلية كتبت بواسطة خوخه منفوخه
http://www.arabtravelersforum.com/tr...2/#post4158752

الاخوان في ابوظبي هل استطيع اداء صلاه العيد في مسجد الشيخ محمد بن راشد



قصدج مسجد السيخ زايد صح ولا؟

ايوه المسجد الكبير اللي في ابوظبي معليش لخبطت في الاسم

ننتظر الرد

لي اعرفه في مكان للحريم حتا في الايام العاديه يوجد قسم للنساء يصلون فيه .لاكن اذا الحريم يصلون فيه للعيد ماعرف والله بس اكيد بيكون فيه حد يصلي صلاة العيد .

المشاركة الأصلية كتبت بواسطة المنيع
http://www.arabtravelersforum.com/tr...5/#post4153515

لك الشكر على ما تقدمه عن الامارات الجميلة وشعبها الطيبين سوالى اللة يرحم والديك كيف الوصول الى منتجع جزر الصحراء فى جزيرة بنى ياس وانا قادم من مطار ابو ظبى واذا ممكن تفيدنى انواع الغرف واسعارها وشكرا لك



مرحبا اخوي

لازم تمسك خط السلع -الغويفات..وتوصل إلى مينا جبل الظنه ومن هناك تاخذون بوت سريع مدته 15 دقيقه على ما اعتقد وبيوصلكم إلى جزيرة صير بني ياس

والطريقة الثانية للوصول إلى المنتجع هو انك تحجز على الطياره الخاصة بالمنتجع
والحجز يكون عن طريق المنتجع..وتطير من مطار ابوظبي..وسعر الرحلة اذا ما خانتني الذاكره 99 درهم للشخص الواحد لاتجاه واحد

وهذي المخطط من بوظبي لين جبل الظنه وتحت مكتوب الشرح للطريج



اما انواع الغرف
1.غرفة ديلوكس مواجهه للبحر
2.Beach Access rooms
3.جونيور سويت
4.بيتش فيلا
5.رويال فيلا

اما الاسعار فتقدر تتطلع عليها من ويب سايت الفندق

http://desertislands.anantara.com/

واي سؤال حاضرين

تحياتي لك

المشاركة الأصلية كتبت بواسطة AKTD
http://www.arabtravelersforum.com/tr...2/#post4152422

اختي بنت الشيخ زايد
هل فيه مطاعم كوفيات او شي يستاهل دخوله !!

[/CENTER]
[/CENTER]



مرحبا اخوووي

اللي اعرفه ان هالمبنى عباره عن مكاتب offices والله اعلم
مول مافي دعايه عنه

تحياتي لك

شكرا لك على الرد وعساك على القوة ةاللة يرحم والديك

المشاركة الأصلية كتبت بواسطة عاشق بوظبي
http://www.arabtravelersforum.com/tr...0/#post4152980

اختي ما فهمت قصدج كيف منتجعات لو تريدين بحر خاص للحريم فقط مخصوص للنساء يوجد بحر الحريم في الراس الاخضر داخل مدينة ابوظبي اسئلي اي حد في بوظبي وين الراس الاخضر ويوجد بحر خاص للنساء بس بعيد شوي عن ابوظبي في شاطئ الراحه




بحر الحريم فالراس الاخضر قفلوه من خمس سنين تقريبـا وللحين.. والنآدي القريب منه لآزم إشترآك

والأخ اللي سأل عن المطآعـم آلشعبيه :
- مطعم عوافي للآكلآت آلشعبيه الآمآرآتيه فشآرع المطآر.
- مطعم التراث الشعبي للاكلآت الخليجيه والسعوديه بشآرع الخآلديه وفآلشهامه .
- مطعم زهره البستآن(شآمي)شآرع آلـمرور.
- مطعم بوطآفش للآكلآت البحريه- شآرع حمدآن .
- مطعم آلشوكه الذهبيه للمأكولات البحريه - شآرع الخـآلدية.

وحيآكـم اللـه .

المشاركة الأصلية كتبت بواسطة تـناهـيـد
http://www.arabtravelersforum.com/tr...3/#post4178113

بحر الحريم فالراس الاخضر قفلوه من خمس سنين تقريبـا وللحين.. والنآدي القريب منه لآزم إشترآك

والأخ اللي سأل عن المطآعـم آلشعبيه :
- مطعم عوافي للآكلآت آلشعبيه الآمآرآتيه فشآرع المطآر.
- مطعم التراث الشعبي للاكلآت الخليجيه والسعوديه بشآرع الخآلديه وفآلشهامه .
- مطعم زهره البستآن(شآمي)شآرع آلـمرور.
- مطعم بوطآفش للآكلآت البحريه- شآرع حمدآن .
- مطعم آلشوكه الذهبيه للمأكولات البحريه - شآرع الخـآلدية.

وحيآكـم اللـه .



مشكورة اختي على التوضيح

أخوي عاشق ابوظبي
مشكور على هالموضوع الي يدل على طيبة وفزعة اهلنا في الامارات


وبسألك أخوي ولا عليك أمر عن الزعفران الطيب ،،، وين ألقاه
واذا تعرف لك محل أو شخص موثوق فيه في أبوظبي او دبي ياليت تدلني عليه...

وانا رايح لدبي بعد العيد ان شاء الله وابغى آخذ للوالدة الله يحفظها كيلو او نص كيلو من الزعفران الطيب لأن الموجود عندنا اكثره مغشوش وغالي

المشاركة الأصلية كتبت بواسطة ابوزيد222
http://www.arabtravelersforum.com/tr...6/#post4180226

أخوي عاشق ابوظبي
مشكور على هالموضوع الي يدل على طيبة وفزعة اهلنا في الامارات


وبسألك أخوي ولا عليك أمر عن الزعفران الطيب ،،، وين ألقاه
واذا تعرف لك محل أو شخص موثوق فيه في أبوظبي او دبي ياليت تدلني عليه...

وانا رايح لدبي بعد العيد ان شاء الله وابغى آخذ للوالدة الله يحفظها كيلو او نص كيلو من الزعفران الطيب لأن الموجود عندنا اكثره مغشوش وغالي



الزعفران بتلقاه موجود في محل الايرانيين لي يبيعون مكسرات ورز واعشاب عند العطارين بتلقاه موجود ان شاء الله

السلام عليكم ورحمه الله

اخوي انا راح اجي لابو ظبي بعد كم يوم باذن الله
وابغى لو سمحت فندق يكون حلوو وسعره رخيص يعني 250 درهم
ابغا غرفه وصاله يعني انا وعائله بسيطه جدا
الله يوفقك ياليت تقووولي عن الفنادق ابغى شي حلو ومايكون غالي مره
وابغى الاماكن السياحيه في ابو ظبي وش فيه مناطق منتزهات اسواق ابغى شي حلووو حلووو لو سمحت
ولا هنت لو تحط لي ارقام الفنادق حتى يتم الحجز من السعوديه
وابي تقولي افضل الاماكن وكل شي انا زايره لكم بعد كم يوم
اما دبي فااعارفتها جيدا
بس هلمره غيرنا الموجه ونبي نقضي عيدنا في ابو ظبي تنصحنا ولا لا؟؟
ياليت تدلنا

ما اعتقد انكم تحصلون فندق في ابوظبي بحدود 250 درهم انا في حياتي ماشفت فندق في ابوظبي ب 250 اقل شي 350 درهم ويكون بعد خصم . وفي العيد الفنادق فالامارات كلها ترتفع للضعف انتي احجزي قبل لا توصلون الامارات يكون احسن انا احيانا احجز فالفنادق في بوظبي في حياتي ما شفت فندق ب 250 درهم
دبي فيها اماكن سياحيه اكثر من بوظبي لاكن ابوظبي فيها اماكن واوسواق ومولات وحدائق ايضاا جيده

انا هالفترة فاضي وما ورايه شي افكر اشتغل مرشد سياحي والله

خوخة الشام اتمنى اني افيدك لاني عندي كم معلومه بالنسبه للفندق في اسعار ب250 الى 300 طبعا السعر حلو انا اليوم حجزت من موقع بوكينج والاسعار كانت رووعه ومريت على كم فندق بالسعر المناسب لك والي هم https://travel.maktoob.com/hotel/ae/...baa6b7d5c8a382 Kingsgate Hotel وانصحك بالدخول للموقع ومشاهدة الاسعار والصور لان في عرووض مغريه جدا جدا انا جحزت عن طريقهم خمس نجوم وراضيه جدا عن الاسعار اتمنى لك التوفيق وعندي سؤال لصاحب الموضوع اتمنى تفيدنا بالمطاعم العاديه الي مو موجوده بالفنادق وتعمل بوفيه فطور رمضان جزاك الله خيرا واذا مو موجود لو اي مطاعم عربيه مشهوره بالنظافه والترتيب والطعم وشكراا

المشاركة الأصلية كتبت بواسطة خوخه الشمام
http://www.arabtravelersforum.com/tr...9/#post4180689

السلام عليكم ورحمه الله

اخوي انا راح اجي لابو ظبي بعد كم يوم باذن الله
وابغى لو سمحت فندق يكون حلوو وسعره رخيص يعني 250 درهم
ابغا غرفه وصاله يعني انا وعائله بسيطه جدا
الله يوفقك ياليت تقووولي عن الفنادق ابغى شي حلو ومايكون غالي مره
وابغى الاماكن السياحيه في ابو ظبي وش فيه مناطق منتزهات اسواق ابغى شي حلووو حلووو لو سمحت
ولا هنت لو تحط لي ارقام الفنادق حتى يتم الحجز من السعوديه
وابي تقولي افضل الاماكن وكل شي انا زايره لكم بعد كم يوم
اما دبي فااعارفتها جيدا
بس هلمره غيرنا الموجه ونبي نقضي عيدنا في ابو ظبي تنصحنا ولا لا؟؟
ياليت تدلنا



هلا اخوي
دور لك في موقع بوكنق اواسيا ترافل وشوف الاسعار
انا دورت لك في بوكنك الاسعار بحدود 299 الى 400
وطلع لي للشقق
http://www.booking.com/hotel/ae/murj...ml?aid=1329869 370درهم



http://www.booking.com/hotel/ae/al-m...ml?aid=1329869 399درهم


http://www.booking.com/hotel/ae/visi...ml?aid=1329869 299 و399 درهم


http://www.booking.com/hotel/ae/roya...ml?aid=1329869 استيديو ب 235 و الجناح ب 385


http://www.booking.com/hotel/ae/hala...ml?aid=1329869 399درهم


http://www.booking.com/hotel/ae/gold...ml?aid=1329869 240 درهم و 325

http://www.booking.com/hotel/ae/arab...ml?aid=1329869



http://www.booking.com/hotel/ae/arab...ml?aid=1329869
400
http://www.booking.com/hotel/ae/fort...ml?aid=1329869
299
http://www.booking.com/hotel/ae/the-...ml?aid=1329869
414
http://www.booking.com/hotel/ae/al-r...ml?aid=1329869 300

استيديو وجناح ,
450
http://www.booking.com/hotel/ae/al-m...ml?aid=1329869 319
http://www.booking.com/hotel/ae/rain...ml?aid=1329869 399, 299 ,444
http://www.booking.com/hotel/ae/rame...ml?aid=1329869
http://www.booking.com/hotel/ae/park...ml?aid=1329869450 استيديو
http://www.booking.com/hotel/ae/rame...ml?aid=1329869 400 شقة استيديو


http://www.booking.com/hotel/ae/rame...ml?aid=1329869 450

http://www.booking.com/hotel/ae/rame...ml?aid=1329869 360 لاستيديو
و450 لشقة غرفة نوم
http://www.booking.com/hotel/ae/asfa...ml?aid=1329869 450 للسويت

http://www.booking.com/hotel/ae/euro...ml?aid=1329869

450

بصراحه اسعار الحجز عن طريق الانترنت ما اعرف عنها شي لاكن اكيد ارخص . لاني احجز للاسف على طول من الفندق وللاسف هالشي غلط لانه يعطوني بسعر غالي وايد جيه