الموضوع: باسل يبدا بالتقارير

اخواني كل عام وانتم بخير
من باب الفائده والتواصل اعطيكم تقرير اسبوعيا عن الرحله وشتملت على المدن التاليه
بوركاي -سوبيك -سان انطونيو واية الله في ارضه-كاباناس-بامين-بيناتوبو-مابلاقات-منتجع مي موسى ماتصدقه العيون
البدايه
الرحله في شهر 7 عربي
المده 21يوم
الخطوط السعوديه وياقلب لاتحزن
العدد 3
الرحله دايركت مطار الملك خالد الى مانيلا
مافيه داعي اذكر تفاصيل المطار عندنا وزحمته وفوضاه
الرحله كانت فل والوصل الساعه 3 عصرا لمانيلا توجهنا لفندق سونيت تاور ليله واحده والصباح الى لوبي السيتدل انن فيه مكتب سياحي حجزنا لبوروكاي 3 ايام سكن 5 نجوم بكج كامل الشخص 100$ يوميا نواصل التقرير عاجل

مواضيع عشوائيه ممكن تكون تعجبك اخترناها لك:

• البحث عن سنايبر
• استفسار بسيط لاحلى منتدى
• الصوره الخالده في ذهنك
• سعيد بالانظمام
• جزيرة ليتي حد يعرف عنها حاجة
• ناوي امتلك سكن بالورده اريد المشوره
• استفسار للخبراء بالخادمات من الفلبين
• مسافر بعد بكره والسؤال الاخير من غير شر
• هل يوجد أيقونة لرفع الصور من الجهاز للموقع؟
• هل صحيح ان الفلبين ليس آمنة وبوجد عصابات
• رحلتي الى
• الاخ محمد من أمريكا وعبود الزهراني والى كل شخص له خبرة
• الفلبين للعوائل بديل أرخص من ماليزيا
• شقق مفروشه في مانيلا للايجار الاسعار تبداء من بيسو في الشهر
• الاسعار في الفلبين ؟
• تسجيل الجواز الكترونيا السفارة السعودية بمانيلا
• فندق جديد وقريب من الجرين بلت في مكاتي
• قصص وحكايات من الورده؟؟؟؟؟؟؟؟؟؟؟؟؟؟؟؟
• أختر حلمكـ حين تزور بوركاي؟ الصخرة التي أدهشة السياح
• عاجل تكفون جدا

كل عام وانت بخير يابعد عرزززي اخباركم ماشاء الله عليك الحمد لله على السلامه اخوي

يشرفني اني اكون اول واحد ارد على تقريرك وموفق باعسسل

اخوي انا عندي نقد فني قصدي ملاحظة بسيطه يابعدي لاتقطر علينا تكفى يعني لوسمحت عطنا شوي زياده ميخالف تراك احميت اتسبادنا والله فرحت يوم شفت بداية التقرير بس يعني لو كحشت شوي من التقرير ولا اسبوعي وشلون ابنتظر انا تراني مهبول ما اتحمل اسمع او اشوف طاري الورده بس على كذا تامر امر وانا اول المتابعين وقص لي تذكره درجة اولى مع مرتبة الشرف يابعدي لمتابعة تقريرك

ويعطيك الف عافية اخوي

اخووووك حمووووووودي حماده ..........سكر زياده

الحمد لله على سلامتك نتمني تذكر لنا بالتفصيل الرحله ومرفقه بالصور

مرحبا اخونا الغالي باسل
ملاحظة:
نريد توضيح منك كي يستفيد الاعضاء (البكج 3 ايام في فندق 5 نجوم ياليت تذكر اسم الفندق + وهل شامل التذكره الطيران ايضاً كل هذا 100$ )
حيث قيمة التذاكر لوحدها تبداء من 4500 بيسو الى 8000 بيسو ايضا الفنادق من 4 نجوم الى 5 نجوم تبداء من 4000 بيسو
ليت تحيطنا بكل ما يتعلق بالبكج كامل
تقبل تحياتي لك \رجنت

نبي شرح ممل زي ما قال مشرفنا الغالي رجنت

ورحو يا بعدي في سرد قصتك مع الورده

بس الله الله بالصور

باسل واصل ياخلفهم

متابعين معاك ..

لا تتأخر علينا ..

يامرحبا بالجميع واشكر الجميع على المرور

اولا يوم اقول اسبوع والله قصدي انزل الصور لانها بالجوال واعذروني على التقصير وابشر وبسعدكم

اما بخصوص البكج انا اخذته من المكتب اللي على اليسار اذا دخلت فندق سيتدل انن على اليسار باللوبي مكتب صغير وفيه بنت محترمه جدا وقالت السعر بالتذكره والمواصلات والقارب والجيب الصغير اللي استقبلنا عند مرفاء بروكاي الى الفندق واسمه (سي راب ) خمس نجوم مع الفطور المجاني حنا ثلاثه واخذنا غرفه واحده 3 اسره ونزل بالمبلغ وازيدكم قالت اذا تاخذونه الان بهذا السعر اما باكر يمكن يزيد السعر او ينقص والفندق يطل على البيتش مباشره والفطور من 7-9 بعده انسى بس فندق انصح الجميع فيه نسيت اذكر ان المبلغ 100$ يوميا عن الشخص الواحد واسف اذا كان فيه خطاء يعني 3 ايام دفعنا 900$ كل الرحله بعد الدفع صورت البنت الدولارات بالمكينه مع جوازاتنا وطلبت منها صور اخرى للجوازات ماقصرتلكن 3 ايام تكفي لبوروكاي

احب انزل التقرير بالصور وابشروا ايام بس يزبط مع تنزيل الصور واتمنى من اهل الخبره المساعد -مانستغني
ابد بالرحله:

تسلم اخوي باسل

باسل يابعد عرزي لو سمحت تسوي لنا تقرير بسيط عن المدن الي ذكرته الي هي قريبه من سوبيك ومن انجلس يابعدي تكفى عشان يستفيد منها الاعضاء واولهم انا ترى كل العالم ماتعرف الا بوراكاي وسيبو وبهول وبالاوان هذي هي الفلبين يالله خلك اول واحد يسوي دعايه على المدن الي ذكرته وخصوصا الديره او الجزيره الي تقول عنه بلا يوراكاي بلا يطيخ تراك شوقتني يابعدي

ادري انه طلب غثيث شوي بس تحملنا كلنا عيال الورده او كلامي فيه شك يسلمممممممووووو

تحياتي لك
وانا متابع لتقريرك ياعسل

المشاركة الأصلية كتبت بواسطة حمودي حماده
http://www.arabtravelersforum.com/tr...1/#post3340881

تسلم اخوي باسل

باسل يابعد عرزي لو سمحت تسوي لنا تقرير بسيط عن المدن الي ذكرته الي هي قريبه من سوبيك ومن انجلس يابعدي تكفى عشان يستفيد منها الاعضاء واولهم انا ترى كل العالم ماتعرف الا بوراكاي وسيبو وبهول وبالاوان هذي هي الفلبين يالله خلك اول واحد يسوي دعايه على المدن الي ذكرته وخصوصا الديره او الجزيره الي تقول عنه بلا يوراكاي بلا يطيخ تراك شوقتني يابعدي

ادري انه طلب غثيث شوي بس تحملنا كلنا عيال الورده او كلامي فيه شك يسلمممممممووووو




هلا حمودي معليش تاخرت عنك يابعدي
اولا بالنسبه الى منتجع بينا توبو هذا تطلع له من انجلس على مابالاقات وبعدها تمر مدينةكاباسوبعدهابامين وبعد 15 ك يجي المنتجع اوكي
منتجع مي موسى جنة الله في ارضه هذا ياطويل العمر في انجلس كلارك فريب جدا من انقلس ستي
منتجع سان انطونيو -اطلع من سوبيك وتعد المقابر الثانيه اللي بعد سوبيك تبدا اولا بالمنتجعات الراقيه والمتوسطه مره ولا يفوتك -اوركيد مره وجلس يوم اطلع منه وخله على يسارك بالشارع الرئيسي بالسيارة طبعا بعد يمكن 10-15 ك تدخل مدينه صغبره نسيت اسمها لكن اسأل وين سان انطونيو يدلك اي رواحد عليه مدخله لك عليه تراه ممتد على البحر لكن خلك في اوله ارخص وافضل مناظر جنبك الجبل والشلال يصب ما بااااارد وحلو جدا ترى هذي المنطقه في سان انطونيو افضل وارخص من اخره صحيح اخره فخم السكن لكن السكن هنا ممتاز ونظيف ورخيص يمكن نصف القيمه بس الله الله بالمكاسر شب عليهم انا اول قالوا لي 2500 واناوياهم مجاهد الى 1200 اذا جيت الصباح مثلا الساعه 10 اجلس الى 6 المغرب ولا نم لكن لاتمشي متأخر بالليل الطريق شوي متعب اوله
اي خدمه مستعد

كما ذكرت كما في بروكاي 3 ايام قلت لاخوان ما رايكم على شان مايزيد المصروف بالتنقلات لازم نسكن في الوسط بمعنا اذا كنا نبي نتمشى للمنتجعات والبحر في الشمال نسكن في انجلس ستي تكون المنطلق وهي ماتسولى تقعد فيها الا يومين لكن اذا تبي تخطط لعدة منتجعات انطلق منها في الصباح والعشا ارجع للسكن قالوا معك معك فصل وحنا نلبس رجعنا الى مانيلا الساعه 8 قلت مانبي برقص وارعاجه حنا مبكرين اطلع يا تكس الى انجلس لكن مر الفندق ناخذ العفش مرينا ودفعنا 300 بيسو اجرة 3 ايام للععفش وتزكلنا على الله الساعه 10 وحنا وفي فندق دي ام فله سكنا في الفله 3950 يوميا ريحنا اول يوم والعربه والكاتم قلت نبي تيس قالوا على كيفك جا من باكر طمرت مع راعي التراي سكل وجبت تيس جذع صغير شوي جبناه للمجمع اللي حنا ساكنيين فيه وجريت حلقه وصلخ حطيناه باكياس جا في حدود 8 اكياس اعتقد من عقبه اتفقت مع اعي جيب ملاكي ارخص من التاكسي الى سوبيك شاليه حلو طلعنا الساعه 8 الصباح ورجعنا 9 المساء الشاليع عباره عن غرفتين ودورتين مياه اجلكم الله وصاله وبلكونه ارضيه 1200 بيسو بالمكاسر والمساحر جانا راعي السمك قلت مانبي طمرت والربع يسبحون الى المبيعه مع تراي وجبت سمك اول مره اعرف ان فيه سمك للشوي والاخر للقلي حنا مانعرف الا التيوس الثني والجذع والرباع كذا قال لي تبي شوي ولا قلي قلت كله واحد قال لا وضحك فشلني قلت ابي اللشوي ووزن لي سمك صغير شوي ونظفه وجيتك طاير قلت للسواق كان جالس تعرف تشوي انبسط اشتغل بالشوي العشاء رجعنا ونومه من 11 لان مافيه مقيال وحنا متعودين عليه قال السواق باكر وين تروحون قلت نبي سان انطونيو انبسط قال حلوه مره قلت باكر راحه وبعده الساعه 8 خللك هنا
على فكره السياره باليوميه كامله 2500 بيسو وكل شي عليه معاك لو ماترجع الا الفجر اعتقد سعره مناسب
بعديومين نكمل ماذا حصل في سان انطونيو ووصفه وسوف قريبا ارفق الصور لكن بعد ما استوفي التقري

منتظرينك اخوي باسل تقريرك مشيق