الموضوع: رحلتي الأولى لسويسرا والرجاء الرد على تساؤلاتي

" بسم الله الرحمن الرحيم "
قررنا بإذن الله السفر لسويسرا ..

وعندي بعض التساؤلات ,,

بيكون خط سير الرحلة الرياض - جنيف - الرياض

ومكان إقامتي في ديفون لوجود سكن خاص ..

الآن الفيزا الشنغن اطلعها من اي سفارة ؟؟

السويسرية أم الفرنسية ؟؟؟

وأيهما أقل تعقيداً

,,,,

اذا صار مكتوب في البطاقة الشخصية ( متسبب )

كيف نجيب ورقة من العمل ..؟؟

هل عادي نجيب من مكان العمل الرسمي ..؟؟

أو كيف ..؟؟

يعني يدققون من ناحية الوظيفة أم لا ..؟؟


,,,,

وبخصوص التنقلات هل يوجد سايق خاص بسيارة ؟؟

أو مكاتب تأجير السيارات يوجد عندهم سيارة + السايق ؟؟

وكم تقريباً بتكون التكلفة ؟؟

,,,,
كم تبعد انترلاكن عن ديفون ؟؟

,,,,

إذا كنا شخصين

كم تبلغ مصاريف السفرة بدون التذاكر والسكن ؟؟

لمدة عشر ايام الى اسبوعين ؟؟

وهل فعلاً الأكل عندهم غاااااااالي ؟؟
هذه التساؤلات التي خطرت على بالي حالياً

اتمنى القى الإجابة الشافية والوافية ..

ومشكوورين مقدماً

مواضيع عشوائيه ممكن تكون تعجبك اخترناها لك:

• ست ليالي بجنيف في نهاية مارس؟؟
• مساعده ضرورية بليييييييز في انترلاكن
• عندي سؤال عن رحلتي إلى زيورخ
• نصيحتكم بسافر ومعي رضيع
• باقي ايام ابي جدول
• التخطيط من إلى الميزانية ❤❤❤
• خبراءنا استفسارين بسيطين
• اخواني لاهنتوا محتاجه فزعتكم
• تعديلكم أو رأيكم لخط سير السفر
• مخطط رحلتي لصيف الي سويسرا
• رحلة طيران مباشرة من فينيسيا لجنيف
• شهل عسل
• إستفسار بخصوص تأشيرة فرنسية لدخول سويسرا
• آرائكم في التخطيط جنيفلوزيرنلوقانو يرجو المساعده
• ايام في انترلاكن بنهاية اكتوبر
• سؤالي عن أسعار المواصلات
• أرجو المساعده من أهل الخبره فندق مناسب لشهر العسل في انترلاكن ؟؟
• مساعدة في مخطط رحلة في بداية مارس
• محتاجة رايكم بمووقع ؟؟
• استفسار بخصوص انترلاكن

في إنتظار ردودكم !!

السلام عليكم ورحمة الله وبركاته::
بالنسبة لأي استفسار عن الشنقن السويسري ..هذا الرابط.
http://www.arabtravelersforum.com/travel708679/


والسويسرية هذه الايام في اربع ايام تطلع الفيزا.
ولا قد سمعنا ان فيه احد تقعد في السفارة..سهالة باذن الله.
================
اجرة السائقين الخاصين بالساعة ..وتتراوح ما بين 600 الى 800 ريال.


وهذا الموضوع قديم شوي
http://www.arabtravelersforum.com/travel397898/
يحتاج الى تحديث


==============
بالنسبة للمسافات بين المدن ...الرجاء استعمال خرائط قوقل.
فضلا الضغط على هذا الرابط
http://maps.google.com.sa/maps?rlz=1...ed=0CDIQ-A8wAA


================
بالنسبة للمصاريف تترواح ما بين 150 الى 200 فرنك سويسري كمعدل يومي.
وجبة الماكدونالدز تكلف لشخصين حوالي 30 فرنك
في المطاعم ..قد تصل الى 100 فرنك لشخصين...يعني من 50 الى 100 فرنك.


==============
وبالتوفيق

تبعد انترلاكن عن ديفون حدود 220 كم
والاكل بالفعل غالي

رحلة موفقة

مشكوووورين ويعطيكم العافية ,,

مشكوور وماقصرت .. الله يعطيك العافية

عدت لكم بتساؤلات جديدة ..
موعد الرحلة 22 سبتمبر إلى 3 اكتوبر

12 يوم ...

عدد الأشخاص / أنـا + زوجـي ( الله يحفظنا )

يوم الوصول - السبت 22/9/2012

العودة - الاربعاء 3/10/2012

طول فترة الرحلة مكـان السكن ( ديفون )

الأماكن اللي اطلعت عليها واعجبتني وناوية ازورها ..

جنيف - ديفون - مجيف - آنستي - شامونيه - برينيكس - إيفيان - زيرمات -انترلاكن - لوغانو - باريس (الذهاب والعودة في نفس اليوم)

ماهو الوقت المفضل للخروج من البيت ؟
( عشان يمديني اتمشى صح قبل مايسكرون)

أفضل تلفريك ؟؟

هل عندهم ملاهي وحديقة حيوانات مفتوحة ؟؟

ياليت لو ترتبون لي أماكن ومواعيد والأيام للتمشيات عشان لايصادف اجازة او زحمة ..!!

وإذا فيه مناطق رائعة ماكتبتها ليت تضيفونها للجدول ..

وأكون لكم من الشاكرين

ارهاااااااااق..هذه اول كلمة اقولها لكم اذا مخططين على المدن هذه في هذه الفترة...وكلها من ديفون .


.
على فكرة ..ما هي وسيلة المواصلات ؟؟
يعني على وش استقريتم؟؟ سيارة ولا قطارات وباصات؟؟


اذا كانت غير السيارة ..فالمعذرة ..الرحلة مدري كيف راح تكون ...الله يعينكم.


لأن ديفون ما تصلح للسكن الا للي عنده سيارة .


توجد ملاهي اليوروب بارك ..اربع ساعات من جنيف..بالسيارة.


وتوجد حديقة حيوان سيرفيون بالقررب من لووزان.


وبالتوفييق

وسيلة المواصلات سيارة أكيد ..
وأحبطني ردك

بعد اذن مشرفنا
اى هو صاج انتوا رايحين تغيرون جو مو تتعذبون بكثر المشاوير ولو ان ودي تكنسلون باريس يكون احسن بعد

أنا شفت أغلبهم يروحون ويجون في نفس اليوم !!!
جت علي

بعدين حسستوني اني بروح لها كلها في يوم واحد !!!

بعدين وش تعب جالسين في السيارة ومستمتعين بالطبيعة الخلابة من وين يجي التعب !!!

فيه ناس لو يروحون مشوار للسوق ناموا في السيارة وناس مايجيهم النوم أبد !!

أجل مسافرة عشان اجلس في البيت والا اروح مكان واحد !!!!

السفر مغامرة !!

والله يجزاكم خير أنا قلت ساعدوني بالأماكن ماقلت هو تعب والا لا ؟؟

[color="#ff0000"][b]خلوا التعب علي

وأنا أقول اذا فيه أماكن زيادة وانتوا تقولون كثيرة نقصي !!
أبي اعرف وش سبب المشكلة !!

هههههههههههه..ما شاء الله على الحمااااااااااس..
والمعذرة ان كان أخطأنا في الرد ..وانما علينا البلاغ .
والامر راجع لكم بالكلية.


بيني وبينك ..الانشطة كثيرة ..وراح اسردها لكم دفعة واااحدة..واللي ودكم زوروه ..واللي ما ودكم ..خلوه .


والترتيب راح يكون من عندك للمدن ..مثلا انا اقترحت لكم المخطط الاول ..يكون شي قريب من ديفون ..ثم شي بعيد ..شي قريب..وشي بعيد..وهكذا ..حتى لا يكون يومين ورا بعض مشاويرهم طويلة.


انتظري اجهز الرد ..ممكن حوالي ساعة ..مع الاحداثيات طبعا ...بحط اللي اعرفه كله .


وشوفي الملف اللي في المرفقات ..اقريه على بال ما اخلص.

بعدي والله ..
هذا الرد اللي يرد الروح ويحمس الواحد .!!

لي عودة له بإذن الله ..

جزيت شكراً .. [left][size=-2]

العفو أختي..
بالنسبة للملف في المرفقات ..اذا واجهتكم مشكلة ممكن تراسلو الدعم الفني عن هذه المشكلة.


على العموم





بالنسبة للملف المرفق ..هذا الرابط يفيدك.
http://www.arabtravelersforum.com/travel106971/


او الكتابة في قوقل "دليل سويسرا السياحي رجل شرقي"


وبالتوفيق

في بكل مكان والمضمون جينقفروا لانه طول السنه وفيه بتتلس وماترهورن ويضيفون الاخوان اذا في شي غيره من الموبايل

المشاركة الأصلية كتبت بواسطة Swiss Peter
http://www.arabtravelersforum.com/tr...5/#post7250735

في بكل مكان والمضمون جينقفروا لانه طول السنه وفيه بتتلس وماترهورن ويضيفون الاخوان اذا في شي غيره من الموبايل



مشكوور على سرعة تجاوبك .. ورحلة موفقة لك ياارب ...

أنا السبت رحلتي الصباح .. الله يسهل امرنا ..

وضاق صدري عليكم يوم قلت ان الطيارة اقلعت .. شكلي بروح من الفجر ...

المشاركة الأصلية كتبت بواسطة أمنية عمري
http://www.arabtravelersforum.com/tr...9/#post7250819

الأخ أبوعزيز اقترح علي جدول للرحلة :http://www.aboaziz.net/blog/?p=997

طيب هالمكان حبيته وأبي اروح له اضيفه مع أي يوم .؟؟

,,,,,,,,,,,,,,,,,,,,,,,,,,,,,,,,

الجدول المقترح /

السبت / الوصول لجنيف والتوجه لديفون

الأحد/ آنـسي + تمشية في جنيف وانتوا راجعين لان انسي يكفيها نص يوم

الإثنين / مصنع الشوكولا +منتزه ميلسون + قرية غريير+ مصنع الجبن

الثلاثاء / ميجيف + شامونيه

الاربعاء / اوتليت ابوون ثم شاطئ اوشي ثم مطل لي بارون ومنترو

الخميس / باريس

الجمعة / باريس والعودة ليلاً لديفون

السبت / زيرمات + فالي اذا رحتوا بدري يعني تمرون المتاهه والبحيرة اللي تحت الارض

الاحد / سوق الاحد ديفون ثم ايفيان ومطعم الماعز+ ايفواغ

الاثنين / سوق الشافان

الثلاثاء / جنيف مجمع المانور ثم البلاكسيرت

الإربعاء / العودة لارض الوطن بالسلامة إن شاء الله ..

,,,,,,,,,,,,,,,,,,

انترلاكن ضروووري اشوفها .. وش المناطق القريبة منها ؟؟؟
اضفتلك زيارة فالي بيوم زيرمات وانترلاكن انصحكم تكنسلون سوق الشافان وتخلونه روحه لانترلاكن بنفس اليوم لان انترلاكن ماتتفوت يعني يكفيها من ديفون بسيارة ساعه ونص او ساعتين لو بس تتمشون بالسنتر مالها وخلو سوق الشافان مع يوم جنيف او يوم انسي ورحلة سعيدة يارب
وياليت ابو عزيز يقفل موقعه لان كل يوم ادخل وتعجبني اماكن ثانية .. بس الين اروح



ماشاء الله عليه ابوعزيز مبدع بسويسرا وزارها كثير ويزورها مستقبلا ان شاء الله تقاريره حلوه ومنوعه وحنا لو علينا ودنا نزور كل شي بس ضيق الوقت والتكلفه وخل عندكم تفأل ان لكم رجعه وبترجعون انا رحت لاوربا قبل 3 سنين ومافكرت ارجعلها من ظغوطات الحياه بس سبحان الله يسهلها على عبده دايم ولاتحاتون لازم تنسقون وتخططون لرحلة مستقبلا وانصحكم المره الجايه تروحون للنمسا حلوه وارخص من سويسرا جيتها عزوبي وجيتها متزوج واسف على الاطاله اختي والله من الزهق والفراغ وانتظار رحلة بكره .... من الموبايل

وصلنا لسويسرا بالسلامة ..

والجو خيااااااااال ورائع جداً ...

اشكر كل شخص ساعدني وابدأ ملاحظاته لي ..

الله يجزاكم خير جميعاً .. من الموبايل

الله يسعدك اختي
اقترح تضعين جدول يومي لك مع الاماكن والمصاريف والاحداثيات كي يستفيد الجميع
ومايقصروون الشباب لمساتهم استفاد منها الكل في الوطن العربي
الله يجازيهم كل خير
مبدعين قليله بحقكم
تقبلوااا ملاحظاتي