الموضوع: اغرب حجز للفلبين

السلام عليكم ورحمة الله وبركاته

شوفو الاشياء الي تصير في بعض المكاتب السياحيه

اتصلت على الخطوط السعوديه في العشر الاواخر من شهر رمضان علشان احجز رحله من الرياض لمانيلا في يوم 17 اكتوبر حجزت الذهاب اما العوده ما فيه امل وكنت ابيها من 31 اكتوبر لحد 3 نوفمبر اي يوم يجي عليها قلت ياابو الشباب شف لي مقعد لو مع العفش ولا على الجناح قال ما فيه قلت طيب ولا حتى اصب شاهي للطيار ومساعده لين نوصل قال لو تناقز ما فيه
قلت والحل قال هذا الي عندي وبعدها سكرت التلفون وكلي حسره على نفسي وكلمت الي اعرف والي ما اعرف علشان الحجز الي قال اصبر والي قال ما حصلت والي قال خويي مسافر ما يرجع الا بعد كم يوم قلت طيب ربك يبي يجيبها ان شاء الله

وجلست اتصل على الخطوط السعوديه كل ثلاث ايام لحد ما جاني الفرج وقال ايه فيه حجز من اللخبطه قلت وشلون قال ما تبي حجز قلت الا بس كيف مو كانت مسكره ملقوف وش اسوي قال الحين فيه متى تبي قلت على 2 نوفمبر قال طيب والكلام هذا ثالث ايام العيد وبعد ما خلصت حجز على الذهاب والعوده طبعا الذهاب الي قبل ما اخذته تعرف صعبه اروح وانا ما حصلت عوده يوم حصلت عوده حجزت من جديد للذهاب لان الحجز الاول التغى لاني ما قصيت التذكره المهم قالي عارف سعر التذكره قلت لا من وين اعرف قال سعرها 2650 ريال قلت موافق بس فيه حجز قال شف لك من اليوم لحد يوم السبت الجاي الي هو بعد ثلاث ايام لك خصم تقريبا راح تطلع لك الرحله ذهاب وعوده 2550 ريال اما اذا ما قصيتا الا يوم السبت الي هو بعد ثلاث ايام راح يصير السعر الاول الي قلت لك الي هو 2650ريال عاد قال ترى ما فيه فرق يعني لو قصيتها الحين ولا بعدين قلت لا بكرا قاصه قاصه ما اضمن يمكن تروح علي بعد المهم سكرتها يوم صار يوم الاربعاء وافق اليوم الوطني واغلب المكاتب مسكره قلت وش الحل صبرت لحد يوم الخميس ورحت لم المكتب بعد صلاة المغرب الي هو خمسه شوال جلست قدام ابو هنود الي في الكتب السياحي قلت يا ابو الشباب ابي اقص التذكره قال معك رقم الحجز قلت افا عليك ايه معي وعطيته الرقم قلت كم سعر التذكره على بالي ابكفشه انه يبي يلعب علي قال 2650 قلت ليه ما عليها خصم قال لا قلت الخطوط السعوديه يقولون عليها خصم اذا قبل يوم السبت قال اصبر خلن اشوف
جلس اطقطق في الكمبيوتر لين قال ايه صح عليها خصم قلت كم قال 2500ريال قلت شي حلو اجل طاحت خمسين لان الخطوط السعوديه قالو 2550 ريال قال تبيه قلت ايه كيد اجل ليه جاي انا قلت خذ بطاقة الصراف قال ما تشتغل الي عندنا جهاز نقاط البيع خربان قلت اجل وش تبي مني قبل ما اروح اصرف وارجع لك قال ما ابي شي قلت ما تحتاج الجواز لاني مستعجل ابرجع لك واحصلها جاهزه قال طيب خل الجواز هنا قلت طيب
المهم طلعت وسحبت 2500 ريال ورجعت لمه قلت هذ الفلوس وعطني التذكره اخذ الفلوس وعطاني التذكره والجواز وفوق هذا 300 ريال طار عقلي قلت وش جاه هالكريم غريبه قلت وش حقته هذي قال حصلت لك خصم احسن بعد قلت بالله عليك لا تكون غلطان بس وين الوجهه قال الرياض مانيلا قلت فيه عوده لا تكون شلت العوده قال لا فيه عوده مانيلا الرياض قلت اجل مهب اوكي قال الا اوكيه شف هنا قلت شي حلو

امر اقول يله كل تاخيره فيها خيره خراب الجهاز الي عندهم صار من نصيبي وقصيت التذكره 2200 ريال بس

وطلع ابو هنود شنب ونشمي وانا قلت يمكن يبي يلعب علي والله كفو ابو هنود
احس اني محظوظ الصراحه ما شاء الله علي قولو ما شاء الله عليك

الي انا ابي اعرفه كيف انفتحت مقاعد مع انه ما فيه امل لحد يوم 24 نوفمبر يعني ما فيه امل لو بواسطه وش سالفة هالخصم الي صار وغير كذا كيف الخطوط السعوديه يعطوني خصم قليل وهم ويعطوين خصم وفرق كبير بعد يعني لا يكون بعد المكاتب السياحيه يلزم المكاسر بعد مثل بعض الدول ؟(الي يشوفوني مكاسر جت من الله الحمد لله والشكر لله)

مواضيع عشوائيه ممكن تكون تعجبك اخترناها لك:

• تكرما أسبوع في شهر سبتمبركيف
• هذا هو اجمل واروع فندق ومنتجع في الفلبين على الاطلاق
• استفسار
• ارجوا النصيحة
• عاجل اول مره اسافر الفلبين ارجو المساعدة
• عآآآآآآآجل لأهــل الخــــــبرهـ‘ في الفلبيييين
• كيف اجد حجز شقق في بوروقاي وباقيو ؟
• قصيدة يامسافر بمناسبة العيدللفلبينرحال
• الطريقه الجديده لرفع الصور بعد التحديث الجديد بوابة الفلبين
• ساعدوني يااهل البوابه فأنتم السبب
• اطلب المساعدة من خبراء مانيلا
• موقع للسكن في الفليبين
• فنادق في خليج مانيلا تعبت
• ارغب بالحصول على تدريب صيفي في أحدى الشركات ودراسة الانجليزي هل من مساعد
• رحلتي للفلبين من الالف الي الياء
• الأمان في الفلبين! هل من نصائح قبل السفر؟
• الحذر من السفر للفلبين
• جولة بالفلبين مع
• معلومات عن مانيلا
• محتاج فنادق

السالفة بسيطه واناخوك بالنسبة للمقاعد انفتحت رحلات جديدة للفلبين وهذي طريقة الخطوط السعودية لما تتفلل الرحلات ويكون على الوجه طلب يفتحوون رحلات يعني تحتاج تابع كل يوم مرتيين ثلاث بالتلفون مو مثل باقي الخطوط الجدول مرتب من شهريين

وبالنسبة للسعر حصلك مقعد في الفي او الكيو كلاس ارخص درجتيين في الطيارة .. السياحي مقسم أظن 4 او خمس درجات بالخطوط السعودية كل درجه لها سعر حسب اسبقيتك بالحجز وحسب الشخص اللي يبحثلك

بس تأكد من نوعية القيود على التذكرة اللي اشتريها وقدرتك على اللإلتزام بشروط السعر الذي أشتريت به

موفق اخوي

يسلمو يالغالي the net

بس اذكر ان احد الاعضاء قص على الفي ولا ترجع الذكره اذا راحت عليك

وقلت للي قص لي التذكره لو صار ما صار اقدر ارجع التذكره وترجعون فلوسي قال ايه قلت عليها خصم لو رجعتها

قال ايه عليها بس ناخذ منك 50 ريال ونرجع لك الباقي يعين يبقى 2150 ريال

بس ما اظن اني اكنسلها ان شاء الله اطاب الورده في ذاك الوقت بإذن الله

بس وش تقصد بالقيود ؟ ما فهمت عليك

التذكره دفعتها وكلها اوكيه وحتى بعض الاحيان لازم قبل العوده بكم يوم تتأكد من حجزك قالي ما يحتاج اذا صار يوم الرجعه رح لم المطار وبس قلت حلو حلو

هذا السعر موجود على الموقع الخاص بالحجز يريت الشباب يراجعو الموقع بستمرار .... كل يوم تتغير جداول الحجوزات والاسعار


رحله موفقه

والله انك محظوظ ما شاء الله

المشاركة الأصلية كتبت بواسطة alrwuaili
http://www.arabtravelersforum.com/tr...9/#post3340379

والله انك محظوظ ما شاء الله





الحمد لله يا رب وان شاء الله انك احظك احسن من حظي

بس ابلشهم لا تخليهم لين تحصل حجز

تحياتي يالغالي

القيود الي ذكرها أبومحمد

لو مثلاً انت هناك وتبي تاجل أو تبكر العودة على رحلة ثانية من الصعب يحصلون لك على نفس الدرجة المخفظة الي أنت قاص التذكرة عليها وبتضطر تدفع الفرق على درجة أغلى فهمت ياعزيزي

رحلة موفقة وسعيدة ولاتنسانا من التقارير يابطل

تحاتي

الله يزنها من عنده
والله طريقة الدرجات الجديده لاوم الواحد يحسبها مزبوط

انا عندي حجز على مانيلا في 5 اكتوبر اوكيه بس الرجع ماحصلت يقولو مقفلة على الدمام او مانزل الجدول العودة على 6 نوفمبر اذا تاكد راح اخد على السعودية ذهاب واياب واذا لا بخد ذهاب السعودية والرجعة القطرية العلم طريقي الدمام مانيلا الدمام

حبيبي انا امس صار معنا نفس النظام حجزنا اثنين الي مانيلا سعرها 2650 المهم اتفقنا نروح للمكتب نقصها مسكت مع واحد من الشباب يروح معنا الا قلت قلت تعال بس بتحصلها غاليه لاني حاجز على m كلاس قلت يمكن تحصلها 3000 انت المهم رحنا يوم وصلنا المكتب قلت لراعي المكتب هذا عزيز على مره لاني اعرف صاحب المكتب قلت ابيك تقص له نفس الكلاس بليززز المهم قام يطقطق على الكيبورد قال ما حصلت الكلاس نفسه قلت اقل شي حوله قال حصلت على v بمبلغ 2050 ريال حظوظ وحنا الي حاسيين العالم 2650
بس ما ترجع التذكره بس تقدر تغير وقتها وتدفع 200 ريال حوسه يعني الكلاس هذا

المشاركة الأصلية كتبت بواسطة sakthaty
http://www.arabtravelersforum.com/tr...6/#post3341376

القيود الي ذكرها أبومحمد

لو مثلاً انت هناك وتبي تاجل أو تبكر العودة على رحلة ثانية من الصعب يحصلون لك على نفس الدرجة المخفظة الي أنت قاص التذكرة عليها وبتضطر تدفع الفرق على درجة أغلى فهمت ياعزيزي

رحلة موفقة وسعيدة ولاتنسانا من التقارير يابطل

تحاتي

الله يعطيك العافيه

وابشر بالي يسر خاطرك ان شاء الله

المشاركة الأصلية كتبت بواسطة DRJ
http://www.arabtravelersforum.com/tr...4/#post3341554

الله يزنها من عنده
والله طريقة الدرجات الجديده لاوم الواحد يحسبها مزبوط

كلا سليم احسبها صح تطلع صح يالغالي

المشاركة الأصلية كتبت بواسطة abu sari
http://www.arabtravelersforum.com/tr...8/#post3343128

انا عندي حجز على مانيلا في 5 اكتوبر اوكيه بس الرجع ماحصلت يقولو مقفلة على الدمام او مانزل الجدول العودة على 6 نوفمبر اذا تاكد راح اخد على السعودية ذهاب واياب واذا لا بخد ذهاب السعودية والرجعة القطرية العلم طريقي الدمام مانيلا الدمام

والله يالغالي تبي الصراحه لازم تعرف احد بالخطوط علشان اضبط وضعك اذا مره ما حصلت لان لهم بعض الامكانيات انهم يعطونك حجز اوكيه

اما بالنسبه تحجز للذهاب بخطوط و العوده بخطوط ثانيه الصراحه راح تطلع عليك غاليه

انا قبل ما حصلت وفكرت مثل ما فكرت بس على الخطوط الامراتيه قالي تطلع لك العوده 1800 ريال

يعني مره غالي اذا بس عوده وسعره كذا يعني شوف لك نفس الخطوط ذهاب وعوده احسن لك

ويارب انك تسهلها عليه مثل ما سهلتها علي

اخي العزيز

ليش كل هالتعقيدات في الحجز والدوامة الي انت حاط روحك فيها والله انا مستغرب منك ومن الكثيرين الي يعتمدون على شركة طيران وحده فقط والله شي غريب عندك كل خطوط الطيران الي كل وحده فيهم احسن من الثانيه وانت حاكر نفسك مع الخطوط السعودية وحجوزاتها الي 3 ارباعها مو مؤكده.

عندك طيران الاتحاد.الامارات.القطريه.كاثي باسيفيك والله من احسن خطوط الطيران انت بس اختار وريح بالك وحجوزات على كيف كيفك ومتوفره بكل وقت.

وعندك بعد الكويتيه.وطيران الخليج والماليزيه والسنغافورية.

طيب يالغالي أنا أقولك ليش يفتحون المقاعد ومافيها ماشاء الله عليك إلا ما شاء الله عليك مليون مره

ما يقدرون يخلونك ماتروح لوووووووووووووووووول

ملح السفرة إنت مع إني ماقد سافرت معك بس أخوياك يقولون كذا خخخخخخخخخخ

يالغالي أنا سألت واحد بالمطار وقالي ممكنين تصير زي ماقاله صاحبنا إنه الرحلات ممكن تزود وهو على حسب طلب الناس على الرحلات الدوليه وعشان كذا حظك ماشاء الله يفلق صخر وبمناسبة الأسعار هذي لأنك الآن على رحله جديدة ويمكن إنت من الأوائل اللي طلبوا التذكرة وجاك الخصم

هذا والله أعلم وياريت ترسلي شوي من حظك ماشاء الله عشان رحلتي أنا بعيد الأضحى وصالخيني بسعر جاااااااامد

طريق السلامه

المشاركة الأصلية كتبت بواسطة mns506
http://www.arabtravelersforum.com/tr...6/#post3360696

اخي العزيز

ليش كل هالتعقيدات في الحجز والدوامة الي انت حاط روحك فيها والله انا مستغرب منك ومن الكثيرين الي يعتمدون على شركة طيران وحده فقط والله شي غريب عندك كل خطوط الطيران الي كل وحده فيهم احسن من الثانيه وانت حاكر نفسك مع الخطوط السعودية وحجوزاتها الي 3 ارباعها مو مؤكده.

عندك طيران الاتحاد.الامارات.القطريه.كاثي باسيفيك والله من احسن خطوط الطيران انت بس اختار وريح بالك وحجوزات على كيف كيفك ومتوفره بكل وقت.

وعندك بعد الكويتيه.وطيران الخليج والماليزيه والسنغافورية.

كلامك على عيني وعلى راسي وصح الصح

بس حجزي على السعوديه

يسملو يالغالي

المشاركة الأصلية كتبت بواسطة yaSsOrI
http://www.arabtravelersforum.com/tr...5/#post3361725

طيب يالغالي أنا أقولك ليش يفتحون المقاعد ومافيها ماشاء الله عليك إلا ما شاء الله عليك مليون مره

ما يقدرون يخلونك ماتروح لوووووووووووووووووول

ملح السفرة إنت مع إني ماقد سافرت معك بس أخوياك يقولون كذا خخخخخخخخخخ

يالغالي أنا سألت واحد بالمطار وقالي ممكنين تصير زي ماقاله صاحبنا إنه الرحلات ممكن تزود وهو على حسب طلب الناس على الرحلات الدوليه وعشان كذا حظك ماشاء الله يفلق صخر وبمناسبة الأسعار هذي لأنك الآن على رحله جديدة ويمكن إنت من الأوائل اللي طلبوا التذكرة وجاك الخصم

هذا والله أعلم وياريت ترسلي شوي من حظك ماشاء الله عشان رحلتي أنا بعيد الأضحى وصالخيني بسعر جاااااااامد

طريق السلامه

يعطيك العافيه يالغالي ما عندي مشكله ارسل لك بس عن طريق الدي اتش ال ولا الفيدكس
ربي يسهلها لك ويسر امرك يا رب وتروح وترجع لنا بالسلامه

لا اذا فيها مصلحة هذا شي ثاني اخوي بس والله ناس وايد دايما يعتمدون على خطوط طيران وحده وتصيدهم مشاكل في الحجوزات وتاريخ السفر.

على العمووم اخي العزيز تروح وترجع بالسلامه ولا تنسانا بالتقرير والاخبار اول بأول

المشاركة الأصلية كتبت بواسطة mns506
http://www.arabtravelersforum.com/tr...7/#post3371907

لا اذا فيها مصلحة هذا شي ثاني اخوي بس والله ناس وايد دايما يعتمدون على خطوط طيران وحده وتصيدهم مشاكل في الحجوزات وتاريخ السفر.

على العمووم اخي العزيز تروح وترجع بالسلامه ولا تنسانا بالتقرير والاخبار اول بأول

ايه ما خلاني الا هالمصلحه ولا فيه احد يطقيها

ابشر يالغالي بالتقرير ماطلبت شي

ربي يسهل

انشاء الله

بسم الله الرحمن الرحيم ..




يا اخوان انا استغرب الكثير منكم لا يعرف بالكلاسات في الخطوط السعوديه انا موظف بسيط في الخطوط السعوديه وبكل امانه اقول لكم استغلوا هذه الميزة في الخطوط اللي هي الكلاسات تطلع عليكم بأرخص من كل شركات الطيران لكن لازم تحدد تاريخ سفرتك بالضبط يعني مثلا ً تقدر تطلع اسبانيا ذهاب وعوده بـ 900 ريال ولندن وباريس بنفس السعر ذهاب وعوده بـ 900 ريال لكن احسبها صح وحدد تاريخ سفرتك بالضبط وامورك في السليم وحاول تحجز من بدري على الـ v كلاس ستجد فرق في السعر كبير لصالحك , واللي يصير في مثل حالتك في الغالب ما يكون رحلات اضافيه في الغالب يكون التايم ليميت لشخص آخر حجزه اوك ِ يعني انا احجز اوك يعطوني وقت اشتري فيه التذكره مثلا ً يقول لي موظف الحجز يوم 15 اكتوبر اخر موعد لشراء التذكره يجي يوم 16 اكتوبر انا ما اشتريت تذكرة يلغون حجزي على طول فيفضى مقعد على نفس الدرجة اللي انا حجزت عليها وانت قبلها بشهر تشيك ما تحصل حجز وفجأه حصلت مقعدي اللي تنكسل لاني ما اشتريت التذكره قبل الوقت المحدد , دمتم بخير , اليوم الساعه 8 المساء رحلتي من الدمام الى مانيلا دعواتكم .

الحمد لله حصلنا حجز ذهاب وعودة على الفي كلاس بـ 1699ريال وبعد الضرائب بـ 1745ريال والحجز قبل موعد الرحلة ب 25 يوم تقريبا وشروط التذكرة أنها لاتسترجع بأي حال ولا يمكن تعديل التاريخ, يعني يا تمشي على نفس حجزك أو تلتغي, والدفع مباشر وكاش!

الخطوط السعودية عندها 4 أو 5 درجات (كلاس) كل كلاس له سعره وشروطه!

الله يوفقك تستاهل