في يوم 11 يوليو انلطشنا في باريس وماكنت أتخيل أبدا إني ممكن انلطش في باريس وووين في الأوتيل تحديدا من safty box الي هو المفروض يكون أضمن مكان !!!! وصار بالنسبة لي اسمه اللطش بوكس !!!
الأكيد إنه تحركاتنا كانت مراقبه لأنه مانلطشنا الا بليله سفرتنا والغريب إنه البنت الي في الإستقبال سألتني متى رحلتكم بكره ؟!!!
كنت راجعه من غاليري لافييت ومتسوقه ومبسوطه ومالي من الشيطان طاري
وشيكت على قريشاتي ولقيتها موجوده وش حلاتها تحتريني ومازادت مثل دنانير جحا ....
وريحت شوي وبعدين استعديت لتكملة مشواري اليومي في الشانز لتوديعه بما إننا في آخر ليله
ورجعت ونمت.... قمت الصبح استعد للرحلة إلي باقي عليها 3 ساعات تقريبا وبعد ماتجهزت فتحت اللطش بوكس ادور قريشاتي ومالقيتها
اشوا انهم بعد خلولي اي بادي ولا كان مت من الصياح وفي بعد جوالين وكثر الله خيرهم بعد مخلين لنا مية يورو الظاهر مخلينها للتاكسي يبونا نذلف واشوا بعد جوازاتنا ماإنوخذت .....
نزلت للإستقبال وأنا ولقيت البنت مسوية فيلم وتقول إنه في غرفتين بعد تعرضت للسرقه وقعدت تصيح يوم قلتلها !!!!!
وسويت مشكله وطلبت بفتح الكاميرات وطبعا اعترضوا وقالوا لي إن لازم تجي الشرطه قلت أوكي تجي وقالت لازم يجي المانجر وهو الي يقدر يفتح الكاميرات فقط !!!
طبعا أنا قعدت أفكر !! وش السواة وأنا مابقى شيء على رحلتي لروما على الطيران الإقتصادي الي مافي أمل يتأجل وبنفس الوقت حجز الفندق هناك
ويوم شافتني قاعده قالت لي في حل إنه تروحين بنفسك للمركز الشرطه الي موجود بالمطار
طبعا أنا صدقت وخصوصا بيعطيني مجال ألحق برحلتنا وكانت هذه المعلومة مضلله!!
لأني مادريت إنه بمجرد طلعتي من هالفندق كأني تنازلت عن حقي
ويوم وصلت المطار جاني الإلهام متأخر ودقيت على سفارتنا الي قالي ماأنصحك تقدمين البلاغ بالمطار لأنه خارج منطقتهم ؟؟؟؟
قالي المفروض ماتطلعين من الفندق او كان كلمتي علينا بوقتها وكان ممكن نتصرف ؟؟؟؟
طبعا أنا كنت حاجزه من موقع booking وراسلتهم عشان ينتبهون من هذا الفندق ويشلونه من قائمتهم. ثانيا إن الفندق طلع غير مأمون لأني يوم جيت وسويت سيرش لقيت موقع بالإنجلش وطلعت إن هذه مو أول حادثة سرقه فيه وهو غير مأمون . طبعا booking ماردوا علي ولا تجاوبوا معي وهذا استفزني بصراحه وقلت صوتي بيوصل وتجربتي لازم يستفيد منها الناس .
طبعا بعد هذا الدرس المعتبر ، مايستفاد من الدرس :
1- عند تعرضكم لمثل هذه الحادثه المفروض ماتطلع من الفندق ولاتعتب شبر برا وتقعدلهم حتى لو وراك رحلة لأنهم بهذه الحاله بيعوضونك لامحاله خوفا من التوتر والمشاكل أو تتصل بسفارة بلدك لمعرفه الإجراءات الي يفضل اتباعها .
2- safty box انواع ، الي عندهم بمفتاح مو باسوورد ! وهذا النوع غير آمن
3-لا تخلي لك روتين معين بالطلعات والدخلات عشان مايصير من السهل اصطيادك !!
هذا موقع الفندق اللعين
http://www.citea.com/en/apparthotels...champs-elysees
وهذا الموقع الي حكيت لكم عنه
http://www.tripadvisor.com.eg/ShowUs...eview_90934333
منقول *******************
للفائدهـ
وما ابغى منكم الا دعوهـ
فظهر الغيبمواضيع عشوائيه ممكن تكون تعجبك اخترناها لك:
- يارب يارب اسعد قلب كل من ساعدني وحقق اماله
- رحلة لشخصين لمدة تقريبا شهر ل دول
- طلبنا مساعدتكم يأهل الخبرة جزاكم الله خير جزاء وسدد خطاياكم
- أنوي قضاء ستة أيام في فرنسا مع العائلة أين أزور في فرنسا غير باريس
- استخراج فيزا من السفارة الفرنسية
- مشرفين اعضاااء البوابه الفرنسيه همتكم معاي 👍
- تنظيم رحله الى باريس وسويسرا والنمسا ارجو المساعده
- أوا مره اسافر أروبا
- ماهي افضل وسيلة نقل من باريس الى انترلاكن
- بطلع من باريس إلى جنيف سيارة ولا قطار ولا طيارة ؟ وشو الارخص
- معقوووووووول باريس مش حلوة
- باريس ونيويورك
- مساعدة بسيطة بإسم محطة المترو
- استفسار صغنن
- فندق في الشانز معي اطفال
- استفسار عن المناطق السياحية و رحلات القروبات للبنان
- من المطار الى
- عاجل سايق في فرنسا
- إستفسار
- مساعدة في خط سير فرنسية من ميلان
المفضلات