الموضوع: تنبية بخصوص محطات البانزين هذا ماحصل لي

السلام عليكم

بذكر لكم مواقف صارت معي بمحطات البانزين
وحتى لا تقعوا في اشكاليه


الموقف الاول

عبيت السياره ودخلت بطاقة فيزا الراجحي لكي ادفع الحساب
لكن الاله طلبت رقم سري وللعلم البطاقه استخدمها للمشتريات بدون رقم سري
لكني لم افعل رقم سري للبطاقه

اضطريت ادخل بطاقة مصرف الانماء
وهي بطاقة عاديه مو فيزا و لا مستر كارد

المبلغ كان حوالي 50 فرنك
بعد ما اجريت العلميه وصلتني رساله
تم سحب مبلغ 596 ريال

تخيلو الفرق

قلت يمكن لانها مو فيزا ويا خذون فرق عموله ونسبه ومن هالسوالف


الموقف الثاني
اتصلت ببنك الراجحي وفعلت الرقم السري لبطاقة الفيزا


وعبيت بانزين ودخلت للمحل و حاسبت بالبطاقه ولم يتم طلب رقم سري للعمليه وطلع الايصال و وقعت عليه ومشيت

لكن لم يصلني اي رساله من البنك لسحب المبلغ


شيكت على حسابي من النت وما شفت فيه تغير
اتصلت بالنبك وقالوا لم تتم اي عمليه ؟؟



قلت بكيفهم معهم الايصال ويقدرون يطالبون بفلوسهم




الموقف الثالث

عبيت بانزين وحاسبت من بطاقة الراجحي الفيزا
وطلبت رقم سري

المبلغ كان 61 فرنك

ووصلتني رساله من البنك تمت عملية شراء بقيمة 150 فرنك ؟؟


شفتوا الفرق ؟


بصراحه شي غريب


مع العلم اني استخدم الفيزا بالمشتريات ونفس المبلغ ما يزيد ولا ينقص

بس بالمحطات


لذالك انصح الجميع بالمحطات ما يدفعون الا كاش
تجنب للمشاكل




والله يوفق الجميع

مواضيع عشوائيه ممكن تكون تعجبك اخترناها لك:

• فناادق
• بلييز ابي مساعدتكم بالتخطيط لمدة يوم
• شرايكم في جدول رحلتي لسويسرا
• مساعدة من خبراء سويسرا
• احتاج استشارة أهل الخبرة
• تخطيط شهر العسل فزعتكم جزاكم الله خير
• عاجل بخصوص استئجار سياره ارجججو من الكل الدخول للضروررره
• استفسار بشأن القطارات في لوزان جنيف
• فزعتكم سفرتنا بعد بكرا رتبولي خطه لسويسرا
• ماهو افضل فندق يصلح للعائلة في جنيف وقريب من البحيرة
• استفسار عن خط السير من جنيف الى مينخ
• اعزائي لدي استفسارات مهمة بخصوص استمارة الشنقن للاطفال ارجو الدخول
• الانتقال من باريس انترلاكن زيلامسي
• مسافرة لأول مره أوروبا سويسرا وفرنسا محتاجه مساعدتكم
• ارجو المساعده ضروري
• روعة الريف السويسري من تصويري فيديو
• أفضل فندق خمس نجوم في زيورخ ساعدوني
• السفر بعد ايام الى جنيف ، ولا اعرف طريقة تاجير السيارة
• وش الراي بالجدول
• هل تكفي ميزانتيتي لباريس و انترلاكن

يعطيك العافية خووووووووووش معلومة من الموبايل

الله يعافيك
يا بيتر

يعطيك العافية وماقصرت بس انا كذا مره اسحب على البطاقة الائتمانية العادية ويسحبون عادي بالرقم السري وتوصل الرسالة بالمبلغ المسحوب
بس اعتقد الفرق بين البنوك مو المحطات

ومنكم نستفيد يأهل الخبرة..حقا التجربة خير معلم

اهلين اخوي

انا صار لي قريب من اللي لك


عبيت مرتين بنزين بس من محطات الخدمة الذاتية اللتي يكون الدفع عن طريق الفيزا بنفس المضخه


مثلا عبيت ب 50 فرنك وتوصلني رساله بالجوال بخصم مثلا 140 فرنك


بس لاحضت ان المبلغ يكون محجوز فقط وبعد فتره يخصمون اللي لهم بس ويرجع لك الباقي


محطات البنزين اللي فيها كاشير عاديه مالاحظت اي شي


شكرا لك على تنبيهك

دايما احتفظ بفواتيرك ولما ترجع بالسلامه تقدر تروح البنك وتطلب كشف حساب للفيزا والمبلغ اللي تلاقي فيه اختلاف عن فاتورتك تقدر تطلب البنك باسترداد الفرق لكن اذا ما كنت حريص وتحتفض بالفواتير ولا تراجع كشف حسابك فالله يعوض عليك ان شاءالله

كلام اخوي ابو ناصر ودرر صحيح
بعض المحطات في سويسرا اللي فيها الخدمة ذاتية اذا حطيت البطاقة تحجز 140 أو 150 فرنك وهو أعلى حد ممكن يوصله أكبر تانكي بنزين ويخليك تعبي براحتك ولكن فعلياً في الأخير المبلغ المخصوم هو المبلغ اللي عبيت فيه ومو المبلغ المحجوز في البداية ولو تراجع كشف الحساب ماراح تلقى فيه أي مشكلة

مشكورين على المعلومات القيمه يعني لازم تفعيل الرقم السري من البنك للماستركارد

عفوا اخوي
الموقف الثاني خارج السياق !
فيه شي غلط صاير

واحنا رايحين البحيرة الزرقاء او البلاو سي توقفنا عند محطة بنزين او بالأصح شبه محطة عبارة عن سوبرماركت وبجانبة مكينة بنزين وفي مكينة تحط فيها الفلوس قبل عشان تعبي البترول والبقالة كانت مسكرة ولا يوجد اي مخلوق في الانحاء لأنه كان بدري شوي....قلت لزوجي حط 100 فرنك مرة وحدة عشان نعبي مرة وحدة...زوج شك فس قدرات الماكينة قان حط 20 فرنك واخذتها الماكينة وعطتنا الرصيد رحنا للمضخة الا ما تشتغل او فاضية ما آدري اشعلتها حاولنا بشتى الطرق بدون فايدة.....ولا ي احد نستنجد به يعلمنا او يقرأ لنا اشمكتوب بالألماني الا بذاك الشيبة والحرمة الي يمشون يتريضون شافونه محتاسين ونطالعهم قربوا صوبنا وما يتكلمون انجليزي!!!!!! وحاولنا نفهمهم المشكلة بكلمة انجليزي وبالإشارة وافهموا الا في رقم على المكينة قمنا اتصلنا والحرمة كلمته ما وعيتها الا مطلعة لي 20 فرنك من جيبها وماعطتني وفهمتني انها راح ترجع عقب لمحل بالقرية وراح يعطيها اهو الفلوس مع انهم من قرية اخرى كما فهمتني .....لا يعرفها ولا تعرفة ولا نعرفهم بس سبحان الله الأمانة والثقة موجودة فيما بينهم....كما قيل الاسلام موجود عندهم ولكن بلا مسلمين...الله يهدي الجميع

بصراحة انا في سفرتي الاخيرة في الصيف كنت اول شي اعبي ديزل كالمعتاد وبعد ما اشوف المبلغ اروح داخل للمحل واحاسب بالبطاقة طبعا انا معاي كاش لكن قلت خل الكاش استفيد منه واستخدم البطاقة - بطاقة فيزا الراجحي الفضية - البطاقة ائتمانية وليست مشتروات وكان فيها تقريبا عشر الاف ريال استخدمت البطاقة في اماكن كثير ومن ضمنها كانت المحطات وبالعكس كانو يخصمون نفس المبلغ بالضبط حتى اذكر ان كان فيه اجزاء يورو او فرنك سويسري وبدون ما يطلب الرقم السري وتوصلني على طول رسالة بنفس المبلغ لا زايد ولا ناقص
وهذا ماهو تشكيك باخونا كاتب الموضوع او نقصان فيه ولكن يمكن صار عنده لبس بالموضوع او ان الاشكال بالبطاقة لانها مشتروات او كما ذكرو بعض الاخوان ان الي كان ع الكاشير كان ياخذ مبلغ اكبر او يحجز مبلغ اكبر
مع العلم اني استفدت منها كثير بحيث كنت احاسب بنفس سعر الصرف اليومي بما يعادله الفرنك او اليورو بالريال السعودي

حياكم الله اخواني


واسف جدا على التاخر بالرد عليكم


الحمد لله لما رجعت للمملكه دخلت على موقع الراجحي مباشر
واكتشفت انهم
يحجزون مبلغ اضافي و انه تم استرداده

حتى مصرف الانماء رجعوا المبلغ الاضافي


لذا جرى التنويه

والمعذرره مره اخرى للتاخير

شكرا على متابعتك وحرصك على التوضيح