الموضوع: الرحلة البنوتية للأراضي الصينية

تقرير رائع جدا بروعة اخلاق كاتبته
الله يحفظك ويخلي لك الوالد واعز احبابك
استفسار لو تكرمتي وش هي قائمة سبأ للاسواق ؟؟؟

ساعات الماركه هل فيه تقليد ممتاز لها يعني مافيه فرق

كبير بينها وبين الماركه وياليت تعطينا مثال للشي هذا ؟؟؟

المشاركة الأصلية كتبت بواسطة aaoalharbi
http://www.arabtravelersforum.com/tr...8/#post4276868

تقرير رائع جدا بروعة اخلاق كاتبته
الله يحفظك ويخلي لك الوالد واعز احبابك
استفسار لو تكرمتي وش هي قائمة سبأ للاسواق ؟؟؟







تسلم وتدوم اخوي أ الحربي


بارك الله فيك وفي اهلك واحبابك

فالك طيب

تفضل








بصراحة انا نزليتها على موبايلي من موضوع اخوي جمال يزاه الله خير.... ودايما كنت اكبر الصورة خاصة الايام الاولى


واشر على المكان اللي بنسيرله حق راع التاكسي وعلى طول يوصلنا



وان شاء الله بنزل اليوم صورة يديدة

المشاركة الأصلية كتبت بواسطة aaoalharbi
http://www.arabtravelersforum.com/tr...6/#post4276876

ساعات الماركه هل فيه تقليد ممتاز لها يعني مافيه فرق

كبير بينها وبين الماركه وياليت تعطينا مثال للشي هذا ؟؟؟






بالنسبة للساعات

بصراح انا ما حصلت ولا ساعة طبق الاصل تقليد رقم واحد .... حتى ما شترينا ولا ساعة


بس في ناس قالوا انهم حصلوا

ما شاء الله عليكي

يسلموا على التقرير والمعلومات الرائعة


موفقين

الله لايهينك على سرعة تجاوبك ومو غريبه عليكم اهل الامارات واوعدك ان شاء الله اذا ربي يسرها ورحت اني
اكتب تقرير عن الاسواق مدعومه بالصور اذا ماكان عندهم
مشكله بالتصوير .

تحياتي وادام الله لكم الوالد بالصحه والعافيه

المشاركة الأصلية كتبت بواسطة مـستـر مـيـمـو
http://www.arabtravelersforum.com/tr...8/#post4277978

ما شاء الله عليكي

يسلموا على التقرير و المعلومات الرائعة


موفقين






الله يسلمك يا اخويه


يشرفني ويسعدني مرورك



ما نستغنى عن معلوماتك يا الخبير

المشاركة الأصلية كتبت بواسطة aaoalharbi
http://www.arabtravelersforum.com/tr...1/#post4278311

الله لايهينك على سرعة تجاوبك ومو غريبه عليكم اهل الامارات واوعدك ان شاء الله اذا ربي يسرها ورحت اني
اكتب تقرير عن الاسواق مدعومه بالصور اذا ماكان عندهم
مشكله بالتصوير .

تحياتي وادام الله لكم الوالد بالصحه والعافيه






الله ييسر امرك يا اخويه وتسير الصين ويفتح عليك من واسع رزقه


اما بالنسبة للتصوير


انا بخبرك باكر ان شاء الله كيف تصور حتى لو كانوا رافضين


وهاذي بعد باقي صور كتيب سبأ

السلام عليكم ورحمة الله وبركاته



مساء الخير والسعادة



اشحالكم يا الطيبين ...... ان شاء الله بخير وسعادة



اليوم بنتكلم عن سوق الشنط



وهذي قائمة الاسواق







بسم الله نبدأ



سوق الشنط




سوق الحقائب والجلديات سوق راااائع جداااااااااااااااااا ما ينشبع منه



يتكون من عدة طوابق واقسام الطابق الارضي والاول تلقى فيه تقليد الماركات



تلقى فيه كل شيء تقريباً من حقائب وملبوسات جلدية ومحافظ وأي شيء يصنع من الجلد والاكسسوارات و



اسكارفات وساعات اقلام احذية وجاكيتات واغلبها تقليد الماركات وتختلف الجودة بحسب السعر



وتحصل فيه الملابس تقليد الماركات بربري – دي اند جي – جيس – ال في



في الطابق الارضي والطابق الاول والطابق الاول اللي تحت الارض


(( اكتشفت طابقين تحت الارض ... للاسف محد ذكرهم من قبل ... بس عندهم اشياء حلوة ))



وبعد في نفس هذي الطوابق اكسسوارات تقليد الماركات وتختلف الاسعار من محل للثاني



فلاااازم تكاسرووون



وكل محل تسيرون له خذو اخر سعر ممكن توصلون له واكتبوه على بطاقة المحل وقارنو بين اسعار المحلات وبعدين اشترو



لاتستعيلون في الشراء لان الاسعار تفرق بين المحلات



السوق وااااايد حلو واذا عيبكم شيئ لاتقولون برجع عقب كم يوم تراكم ما بتحصلونه (من العالم اللي تزوره)



ودايما اذا بغيتو تشترون تقليد رقم واحد وآخر موديل بعطيكم بعض النصائح



1- ادخلو على موقع الماركة نفسها وشوفو الشنط من الداخل ومن كل الجهات ونزلو صور الشنط على الموبايل



علشان تتأكدون انها نفس الاصلية يوم تشترونها لان الموقع دايما يحطي اخر الكولكشنات





وهذي بعض المواقع



http://www.gucci.com/us/home



http://www.prada.com/en



http://www.louisvuitton.com/us/flash...=home_entry_us




2- يوم بتشترون الشنطة افحصوها عدل السحاب



الخياطات لان الشنطة الاصلية دايما خياطتها تكون جدا مرتبه وما فيها خيوط زايدة



- القماش من داخل جدا مرتب



- جنب الخياطة احيانا يحطون لون او صبغ اتأكدو ان الخط محدد عدل واذا فيه زوائد اطلبو منهم تغيير الشنطة



3- كل ما كانت الكمية اكبر كل ما كانت الاسعار اقل



4- كاسرو وااايد في السعر



-دايما قولولهم توتي توتي

بكسر الواو

- يعني رخص



- وهو بيعطيكم سعر اقل ردو قولو توتي توتي



-بقولولكم توتي لا



-يعني نزلت السعر



-انتو قولو توتي ميو



-يعني ما سويت خصم



-ومرة ثانية قولو توتي توتي



بعض الكلمات الصينية :-


شنطة = باوه



قلم = بييه



اسود = شيا- شياز



احمر = خونسيه



ابيض = ييوجين



كمية كبيرة = هندو هندو



رجل = نيندا



امرأة = نويدا



بيابي piabi=شيئ رخيص


بسرعة = هوا هوا



عربي = عربو



وهذي بعض كروت المحلات

















محل اكسسوارات













































محل لاكوست للشنط الرياضية (اشتريت من عنده شنطة 80 يوان )






محل يبيع اكسسوارات













هذا المحل يبيع اشياء حلوة كأنها الماس وما عندهم قطع وااايدة .... وفيه سوارافسكي




وانتو داخلين من الباب الرئيسي على ايدكم اليمين بتشوفون درج ينزل لتحت في طابقين تحت الارض فيهم اشياء وايدة



مثل ماقلت الطابق الارضي والطابق الاول الجودة العالية والطابق الثاني في شنط مب ماركه بس في اشياء حلوة



هيه تذكرت



يبيعون نظارات تقليد الماركات




لا تنسون تاخذون معاكم شوية اكل مكسرات - بسكوت لان اسواقهم ما فيها كافتيريا بس في وحدة تبيع اكل صيني



على عربانه




نصيحة أخيرة


الشعب الصيني ما يعرف انجليزي فانتوا لاتعبون عماركم وياهم بالعكس كلموهم عربي



على الاقل مع الايام بيلقطون كم كلمة عربية (ليش الهنود عدنا يتعلمون بسرعة العربي و الروسي ..من كثر الروس اللي في الامارات ).........


صراحة انا في البدايه كنت اكلمهم انجليزي ويوم شفت ما في فايدة حولت عربي



ولاحظت ان في بياعات يعرفون كم كلمة عربية



حتى وحدة قالت لي انا بغيت اتعلم عربي وسرت المعهد بس من اول حصتين حسيت ان اللغة صعبة وياني الرقاد



طبعا انا ما رضيت على لغتي ..... قلت لها : اصلا هاي ما تعرف اتعلم ولغتنا وااايد حلوة وبسيطة



وفي قدام السوق بياعين متجولين يبيعون جلود وفرو وفواكة وذرة حلوة .... لا تنسون اشترو من عندهم



واتلذذذو بالطعم الطازج ... سبحان الله طعم رائع ...(ما بتحصلونه يوم بتردون لبلاد)



بعد شيء


طبعا اغلب المحلات ما يرضون تصورون اغراضهم


بس انا بعلمكم كيف تصورون وهم راضين ويضحكون


قولو لهم عطونا كرت المحل واحنا بنحطي الكرت والصور في الويب سايت ..في النت والعربو ( يعني العرب)


كلهم بيون يشترون من عندكم



هذا كل اللي اتذكرت



دمتم بهنا وسعادة




والسموحة على القصور


أختكم الهنا كله

ما قصرتي متابعين معك بارك الله فيك

كل جزء أحلى من الباقي والله ما قصرتي كل شي حطيتيه

انا زرت سوق الشنط مرتين او ثلاث تقريبا


لكن


تعلمت منهم اشياء مفيييييييييييييييييدة وايد خاصة للي يحب يكون تاجر شنط


بخبركم اياها باجر ان شاء الله .... لاني احتاج انزل صورة شيئ يخص هالموضوع

يعطيك العافيه اختي ...معلومات جدا مفيده ...
ونصايح جدا قيمه راح يستفيد منه الكثير وانا اولهم
تراني نسخت الكلمات الصينيه عشان احفظها للسفره الجايه
مشكوره حبيبتي ..

يعطيك العافية

ماشاء الله عليج الهنا كله مبدعه والله ومتالقه

وبخصوص الشنط ياليت تفيدينا بقدر ماامكنتي

ودي بكروت لمحلات الفساتين اذا تكرمتي

ولك رساله في الخاصه امل منك الاطلاع

المشاركة الأصلية كتبت بواسطة مرسيدس111
http://www.arabtravelersforum.com/tr...9/#post4288779

ودي بكروت لمحلات الفساتين اذا تكرمتي

ولك رساله في الخاصه امل منك الاطلاع





فالك طيب يا اخويه


تم الرد بالايميل

المشاركة الأصلية كتبت بواسطة سارووونه
http://www.arabtravelersforum.com/tr...8/#post4284698

يعطيك العافيه اختي ...معلومات جدا مفيده ...
ونصايح جدا قيمه راح يستفيد منه الكثير وانا اولهم
تراني نسخت الكلمات الصينيه عشان احفظها للسفره الجايه




فديتك يا سارووونه وفديت ارضج .... ما اصدق انتي تمرين على تقريري المتواضع ... احس ان تقريري ارتفع 100 نقطة


احب اشكرك وااااااااااااااااايد لاني وااااااااااااايد استفدت من تقريرك


واشكر اخلاقج الحلوة لانج كنتي تردين على كل اسألتي

مشكوره حبيبتي ..



وانا بعد واااايد احبج:

المشاركة الأصلية كتبت بواسطة حظي خذلني
http://www.arabtravelersforum.com/tr...8/#post4286288

يعطيك العافية




الله يعافيج يا الغالية

ما انحرم من طلتج يا حلوة

المشاركة الأصلية كتبت بواسطة الاسد1977
http://www.arabtravelersforum.com/tr...5/#post4286915

ماشاء الله عليج الهنا كله مبدعه والله ومتالقه

وبخصوص الشنط ياليت تفيدينا بقدر ماامكنتي




هلا اخوية

شكرا على الاطراء


بإذن الله بكتب كل اللي اعرفه


فالكم طيب

المشاركة الأصلية كتبت بواسطة ابو احمد2
http://www.arabtravelersforum.com/tr...6/#post4287136

الله يعافيك بس ياليت توضحين ايش تقصدين بسوق الماركات الاوربيه موقعه اسم الشارع والماركات اللي فيه بيربري وبولو والاحاجات غريب
ويالت تقولين لناتقيمك لكل سوق ملابس نسائيه ياليت تعرفين اسواقهم كبيره واللي معه اطفال ينحاس فيدور الافضل والاهم





ويعافيك اخويه بو احمد 2


بالنسبة لسوق الماركات الاوروبية هو سوق الجينز وهذا السوق ما يبيع بالمفرق



احلى الاسواق

1- الاندر جروند فيه كل شيئ وفيه بضايع متنوعة

2-
وسوق الشنط بصراحة سووووق شااااامل شنط - احذية - احزمة - اسكارفات - ملابس اطفال


- ملابس نساء ورجال - اكسسوارات .....انصحك يا اخوية تسير له اكثر من مرة

3-
سوق بايما
بتكلم عنه بعدين

واي سؤال انا حاضرة

مشاء الله تقريرج رووووعه واللي محليه بزياده رمستج الله يطولكم بعمر الوالد ويارب كل حول وكل عام من سفره لين سفره

المشاركة الأصلية كتبت بواسطة { ام عزيز
http://www.arabtravelersforum.com/tr...5/#post4289235

مشاء الله تقريرج رووووعه واللي محليه بزياده رمستج الله يطولكم بعمر الوالد ويارب كل حول وكل عام من سفره لين سفره





مشكورة فديتج يا ام عزيز


وانا احاول اتكلم الرمسه الاماراتية السهلة عشان تفهمون عليية بسرعة وما اضطر احطي المعنى كل شوية


والله يستجيب دعاج يالغالية


الا انتي من وين

السلام عليكم ورحمة الله وبركاته



سامحوني لاني اتأخرت عليكم ... وكل يوم اقول بكتب بس ما اقدر لاني مريضة شوي



لكن موضوع سوق الشنط في بعض التعديلات








المشاركة الأصلية كتبت بواسطة alhana.kullah
http://www.arabtravelersforum.com/tr...4/#post4281174







سوق الشنط


بعض الكلمات الصينية :-




على فكرة هاذي الكلمات تعلميتها من مركز المساج .... ان شاء الله بكلمكم عنه جريب



وعلى فكرة الصينين يختلفون في نطق الكلمات يعني احيانا



يقولون شي شي يعني شكرا ........... واحيانا يقولون شي شييا




شنطة = باوه



قلم = بييه



اسود = شيا- شياز



احمر = خونسيه



ابيض = ييوجين



كمية كبيرة = هندو هندو



رجل = نيندا



امرأة = نويدا



بيابي piabi=شيئ رخيص


بسرعة = هوا هوا



عربي = عربو



محل يبيع اكسسوارات








وهذي البطاقة مهمة للي يحب يشتري اكسسوارات مثل الالماس





هذا المحل يبيع اشياء حلوة كأنها الماس وما عندهم قطع وااايدة .... وفيه سوارافسكي




وانتو داخلين من الباب الرئيسي على ايدكم اليمين بتشوفون درج ينزل لتحت في طابقين تحت الارض فيهم اشياء وايدة



مثل ماقلت الطابق الارضي والطابق الاول الجودة العالية والطابق الثاني في شنط مب ماركه بس في اشياء حلوة



وفي هالطابقين محلات تبيع ملابس تقليد الماركات ...... في منها تقليد رقم واحد





هيه تذكرت



يبيعون نظارات تقليد الماركات في نفس الطابقين


هذا كل اللي اتذكرت



دمتم بهنا وسعادة




والسموحة على القصور


أختكم الهنا كله
[/color]

ألف شكر على التقرير...

المشاركة الأصلية كتبت بواسطة fawaz1980
http://www.arabtravelersforum.com/tr...2/#post4292312

ألف شكر على التقرير...





بارك الله فيك اخويه فواز

شكرا على المرور

[i]
ماشـــــاء الله

تقرير رائع كروعة صاحبه

الله يحفظ لكم الوالد ويطول فى عمره


متابعـــــين

تقرير رائع

المشاركة الأصلية كتبت بواسطة ارووومه
http://www.arabtravelersforum.com/tr...3/#post4293123

[i]
ماشـــــاء الله

تقرير رائع كروعة صاحبه

الله يحفظ لكم الوالد ويطول فى عمره


متابعـــــين

المشاركة الأصلية كتبت بواسطة مياسين الحب
http://www.arabtravelersforum.com/tr...6/#post4293176

تقرير رائع





تسلمين الغالية

يشرفني حضورج في تقريري المتواضع


على فكرة اسمج وااايد حلو

السلام عليكم ورحمة الله وبركاته



مسا الخير والانوار الجميلة على كل اللي يتابعني


اشحالكم يا الطيبين


اليوم بسوي جلسة صراحة بيني وبينكم



الصراحة ما كان ودي يكون تقريري بهاي الصورة


تقرير بسيط ومتواضع


كنا مخططين نسير كوانزو- هونج كونج - ايو والمناطق والمنتجعات القريبة منها- ومادامنا هناك انمر بالمرة على كوريا


لانها جريبه (اقنعتني فيها سارووونه خاصة الحدايق الحلوة)


وهنيه احب اشكر اخويه المحترم سرور اللي ماقصر ويايه وكان يفيدني دايما بافكارة باستمرار (بارك الله فيك )


واحب بعد اشكر اخويه السالم ايو اللي كان متواصل وياية لين قبل ما اركب الطيارة


السالم ايو انسان قمه في الاحترام والعطاء و خدمة الناس


واحب اقوله بارك الله فيك والله يكثر من امثالك ويزيدك من زوايد الخيييييير وان شاء الله تنكتب لنا سيرة لايو ونتعرف عليك عن قرب


وقبل ما اسافر كنت مخططه اكتب لكم تقرير مفصل من صعودنا للطيارة لين ما نرد لبلاد


وبالفعل صورت كل شيئ في الطيارة حتى......


الله يسلمكم يوم سرنا لكوانزو كانت الطيارة اير باس كبيرة ووسيعة


و الحلو فيها ان كراسي البزنس تتحول لسرير


وكان هاك اليوم ولا شخص حاجز على البزنس وكانوا المظيفين لمخصصينهم لهاي الدرجة مستانسين وااايد طول الوقت


يالسين يلعبون جيم


وعقب ارقدو وتلحفوا لين ما وصلنا وانا ما قصرت يلست اصورهم بحكم ان احنا يالسين في السيد الاول


ويوم وصلنا ولا جننه مستوي شيئ عدلو عمارهم وقبضولنا : ثانكيو ثانكيو


طبعا كنا حاجزين ويل جير للوالد مع التذكرة لين الحين الامور طيبة , شوي يت المظيفة


وقالت : انا اسفه ما اقدر اييب الويل جير لين الطيارة , لازم ينزل على الدرج


قلنالها ليش ما عندكم اسنسير للطيارة قالت: سوري


قال الوالد مب مشكله ونزل ..... الحمد لله كان يقدر ينزل بس احنا نبغي اندلعة هههه


ويوم نزلنا من الطيارة وانصدمنا بحررر كوانزوا


هنيه انا وخواتي اطالعنا بعض وقلنا اذا على هالحال....كنسل كوريا ويمكن ايو بعد ...بس انا كنت اقولهم


لا الا ايو لازم نسيرها


بس تبون الصدق


شو الفايدة انسير وما بنستمع بالحدايق بسبت الحررر


المهم اول اسبوع كان وايد حرررر والرطوبه فظيعة جدااا وبعدين طاح مطر وبعد حر بس اقل



واول يومين اتصلنا بالمترجم سليمان ( وبعدين اعتمدنا على عمارنا) وهذا رقمه008613725466484



هو اصله صيني بس يتكلم مصري .... بس الصراحة تحفففففة


تقولون مصري في كل شيئ عدا الشكل صيني



نفس الرمسه


ونفس الحركات


ونفس خفة الدم يعني طول الوقت ضحححححك


وكنت اكلمه اماراتي ويوم يعلق وما يفهم علييه ... احول مصري



اتصلنا به عشان ندور على شقة مفروشه لان فندق الخمس نجوم روعة بس شو الفايدة ما عدالة حياة..



وسرنا وياه كم مكان بس ما عيبنا ولا شيئ


اخيرا استقرينا على فندق نيو مينلاند ....مثل ما خبريتكم قبل



وهنه خبرته يحجز لنا تذاكر حق ايوا قال : لا ايو مش حلوة بضاعة تعبانه ... لا لا ماتروحش (الله يسامحه خلانا نلغي ايو -



و يوم ردينا تحسفت اني ماسرتها ......... بس تبون الصدق .. بعد عشان خاطر ابويه خفت ان الطيران الداخلي



يكون بالدري ( الدرج) مب مشي لين الطيارة على طول )



الحمد لله سفرتنا كانت حلوة ...اغلبها مواقف حلوة ومضحكة بس ما اقدر اقولها كلها... احتراما للخصوصية .انا قبل ما اكتب



اي شيئ استأذن من الوالد يقولي اكتبي هذا ولا تكتبين هذا واتكلمي عن هالسالفة ولا....



على فكرة الوالد يسلم عليكم



انا دايما اقوله ان اللي في المنتدى يسلمون عليك ويدعولك واراويه تقريري والصور اللي حاطتنهن( ترا واااايد حلو يوم يكون



الابو صديق لعيالة يكون فيه دبل حب ..... قولوا ماشاء الله هههه, اللهم ادمها نعمه واحفظها من الزوال )



ادعوا لي ان الله يعافيني و يقدرني اخلص التقرير بسرعة لان عندي تقارير ثانية في بالي ان شاء الله بتكون مفيدة



هيه نسيت اقولكم ليش طلع تقريري بسيط ومتواضع



لان كيمرتي اللي صورة فيها كل شيئ وخاصة هونج كونج ضاعت هناك



آاااه يا قلبي



وبالتالي مافي صور ....بس الله رحمني اني كنت اصور من الموبايل احيانا



عشان جيه الصور طلعن مب واضحات وايد



سامحوني هاللي اقدر عليه



شو اسوي والله مب بايدي



الله المستعان

الله يعطي الوالد الصحة والعافية

وماتشوفين شر اختي , الله يقومج بالسلامة شسالفة الكل مريض هالأيام :

وخوش تقرير انا من اشد المتابعين له واصلي التميز

اجر وعافيه وماتشوفين شر ان شاء الله

المشاركة الأصلية كتبت بواسطة حفيز
http://www.arabtravelersforum.com/tr...3/#post4294493

الله يعطي الوالد الصحة والعافية

وماتشوفين شر اختي , الله يقومج بالسلامة شسالفة الكل مريض هالأيام :

وخوش تقرير انا من اشد المتابعين له واصلي التميز





بارك الله فيك يا اخوية على هالدعوة الحلوة

والشر ما اييك ان شاء الله

والتميز موجود بفضل الله وفضلكم

المشاركة الأصلية كتبت بواسطة aaoalharbi
http://www.arabtravelersforum.com/tr...3/#post4295113

اجر وعافيه وماتشوفين شر ان شاء الله






الله يعافيك يا أخوية

والشر ما اييك

شكرا على الدعوة يا الطيب

السلام عليكم ...

غريبة انكم لما وصلتوا كوانزو ... نزلتوا بالدرج ؟؟؟

بالنسبة للرحلات الدولية .. يستخدمون الخرطوم ...

حتى الى هونغ كونغ ...

على طاري الكاميرا ... شكلها هونغ كونع متخصصة بالكاميرات ...

هونيها وتهون اختي ...

ترى صار لنا نفس اللي صار لج ...

ضاعت كاميرتي واحنا رادين الدوحه ...

وكنا راجعين عن طريق هونغ كونغ ...

ولعله خير ... وبلغي السلام للوالد ..

ويعطيج العافية ..

المشاركة الأصلية كتبت بواسطة اسيرالدوحه
http://www.arabtravelersforum.com/tr...3/#post4297523

السلام عليكم ...

غريبة انكم لما وصلتوا كوانزو ... نزلتوا بالدرج ؟؟؟

بالنسبة للرحلات الدولية .. يستخدمون الخرطوم ...

حتى الى هونغ كونغ ...

على طاري الكاميرا ... شكلها هونغ كونع متخصصة بالكاميرات ...

هونيها وتهون اختي ...

ترى صار لنا نفس اللي صار لج ...

ضاعت كاميرتي واحنا رادين الدوحه ...

وكنا راجعين عن طريق هونغ كونغ ...

ولعله خير ... وبلغي السلام للوالد ..

ويعطيج العافية ..





وعليكم السلام ورحمة الله وبركاته

هيه والله ياأخوية .... اتصدق ان هالشيء صار لنا في السيرة وفي الرده ... تدري النزول سهل بس الصعود يباله مجهود ..

خاصة عالوالد

عشان جيه كنسلنا الرحلات الباقية ... تدري احيانا حتى في مطار دبي تسوي هالحركة

يالله قدر الله وما شاء فعل

و الله يسلمك ويخليك ويبقيك

يسعدني تشريفك لتقريري

مازلت متابعين لك في بقية الاحداث والتطورات

المشاركة الأصلية كتبت بواسطة مرسيدس111
http://www.arabtravelersforum.com/tr...6/#post4298196

مازلت متابعين لك في بقية الاحداث والتطورات




حياك الله اخوية مرسيدس

السلام عليكم ورحمة الله وبركاته



مسا الورود الجميلة على كل من يحب منتدى العرب المسافرون




اشحالكم يا الطيبين ... ان شاء الله تكونون بخير وعافية




انا الحمد لله بخير وسهاله



اليوم بنتكلم عن سوق كلللللل الحريم يحبونه




بسم الله نبدأ



سوق فساتين السهرة



في هذا اليوم اتصلت بسليمان علشان يودينا اسواق يديدة ماسرناها



قال : انا مشغول .. حخلي مراتي تروح معاكم .... ما اقولكم مصري هههه



ويلسنا نتريا مراته ... نعيمة .... بس نعيمه ما تتكلم مصري ... تتكلم لغة عربية فصحى ... بس انا كنت اكلمها اماراتي ...


ويوم تقولي : لم افهم عليك ... اعطيها الكلمه بالفصحى



وهذا رقمها 008613005118815



المهم



يتنا الفندق وقلتلها ودينا سوق فساتين السهرة



وخذينا تاكسيين انا وهي ركبنا تكسي ...زوالوالد وخواتي في تكسي ثاني



ياهي نعيمة كأنها ما صدقت تشوفنا ( ارتاحتلنا شو نسوي هههه).... طول الوقت ترمس ويانا ... ما خلت شيئ



ما رمست عنه ... والسوالف اللي صارتلها مع الزباين العرب



ووصلنا السوق



وهذي صورته









وهاي الصورة اوضح .... بس سوورري ما انتبهت وانا اصور اني مصور عربانات الزباله (عزكم الله )


بس لاتخافون مافيها ريحة لانها كلها اوراق الشير ( الشجر ) هاك اليوم كان عندهم حملة تنظيف لهذا الشارع هههه






وهذا المبنى مقابلنه بس شكله سوق ... الله اعلم ما زرته









وسوق الفساتين يتكون من سنترين لفساتين السهرة والمناسبات ومن عدة طوابق




في هذا السنتر فيه وايد من المحلات اللي تبيع فساتين السهرة .... وعندهم الاستايل الاوروبي .....




و الاستايل اللي شوي لبناني يعني شك وكريستال




واسعارهم وااايد حلوة




هااا



بس لاتنسون المكاااااسر




وسالفة




توتي توتي




وهذي بعض البطاقات

























في هذا السوق فساتين وايد حلوة سواء فساتين سهرة




أو




فساتين اعراس




اذكر عيبني فستان قيمته اقل عن 2000يوان بدون مكاسر




وفي هاي المحلات حاطين نعلة خاصة بالمحل يعني ما يستوي تدخلون




بنعلتكم داخل المحل لازم تلبسون نعلتهم ... علشان ارضية المحل ما تتوسخ وبالتالي يحافظون




على نظافة فساتين الاعراس خاصة انها بيضاء .... اذكياء




وانا قلت حق المترجمة نعيمة تسألهم




اذا انا يابيتلهم الموديل هل بينفذولي اياه ... قالوا: نعم





قلت لها تسألهم في كم يوم بيخلص




قالوا : تقريبا 4 ايام وبعد يعتمد على كمية الشك والشغل اللي فيه ... اذا واايد بيحتاج ايام اكثر




وعلى امتداد الشارع محلات وااايدة خاصة بفساتين الاعراس وبعد في




محلات تبيع الملابس الصينية التقليدية .... بس هاك اليوم كان فيه مطر فما قدرنا نتمشى وايد في هالشارع



هاي النصيحة مهمه ... من عندي ....



(((( بصراحة .... انا انصح اي وحدة بتعرس تسير كوانزو وتجهز من هناك .... بتحصل اغلب الاشياء .... شنط تقليد




وملابس تقليد ونعلة وفستان العرس - وبيطلع لها برخص التراب ... وبتوفر 30000 من قيمة الفستان-؟؟؟ ......




يعني اغلب الزهبة من الصين... وكلها ماركة ... يماله جدام الناس ( يعني شيئ حلو تتجمل فيه يبيض الويه.... )) )



شو نسوي عروس



وبعدين سرنا سوق الاقمشة والكلف بس بكلمكم عنه المرة الياية





هيه نعيمة طيبة وخدومه ...




هذا كل اللي اتذكرة عن هذا السوق




سامحوني عالقصور




في امان الله




اختكم الهنا كله

يعطيك الف عافيه اختي الهنا كله تقرير اكثر من رائع

بس ودي اسالك وين القي البجامات والملابس الداخليه

بس تكون جودتها عاليه ومشكوره

ماشاءالله اختى الهنا كله تقرير يستحق التقدير والشكر
وعساكى على القوه .
وفى انتظار بقيه التقرير .
وتقبلي تحياتي .

المشاركة الأصلية كتبت بواسطة zezoo202
http://www.arabtravelersforum.com/tr...4/#post4303774

ماشاءالله اختى الهنا كله تقرير يستحق التقدير والشكر
وعساكى على القوه .
وفى انتظار بقيه التقرير .
وتقبلي تحياتي .





الله يقويك ويبقيك ياخويه زيزو202


الشكر لله ....بارك الله فيك


فالك طيب بحاول اخلص التقرير بسرعه

يعطيك العافية

ماشاء الله
بإنتظار سوق الاقمشة

ماشاء الله تبارك الرحمن ..........
تقرير رائع ويستحق المتابعه وجماله بسهولة طرحك.......
وبارك الله فيك .....كفيتي ووفيتي اختي الهنا كله ......

نسئل الله ان يكتبها في موازين حسناتك وان يديم عليكم المحبه وان يشفي والدك وجميع مرضى المسلمين ......

تقبلي تحياتي وتقديري .........

تقرير في قمة الروعه بصراحه

اختي الهنا كتبتي فابدعتي...


سجلي اعجابي....


والف الحمد لله على سلامة الوالد وعسى دوم يكون بصحه وسلامه...

عندي سؤالين اختي الهنا

انا بروح ان شاء الله في نوفمبر...

وبيني وبينك رايح ابي اثاث للبيت من الالف للياء

وش الاماكن الي تنصحين بالذهاب لها بخصوص الاثاث...؟

السؤال الثاني كم يبعد من كوانزوا الى هونج كونج وكيفية الذهاب وهل تنصحين بالذهاب لهونج كونج..؟


تحياتي لك ولوالدك الغالي...


متابعينك وبقوه...

المشاركة الأصلية كتبت بواسطة حظي خذلني
http://www.arabtravelersforum.com/tr...2/#post4306762

يعطيك العافية

ماشاء الله
بإنتظار سوق الاقمشة




الله يعافيك ويبقيك يا اخوية


فالك طيب ماطلبت

المشاركة الأصلية كتبت بواسطة vp_01
http://www.arabtravelersforum.com/tr...2/#post4307852

ماشاء الله تبارك الرحمن ..........
تقرير رائع ويستحق المتابعه وجماله بسهولة طرحك.......
وبارك الله فيك .....كفيتي ووفيتي اختي الهنا كله ......

نسئل الله ان يكتبها في موازين حسناتك وان يديم عليكم المحبه وان يشفي والدك وجميع مرضى المسلمين ......

تقبلي تحياتي وتقديري .........





بارك الله يا اخوية

ومشكور على الدعوة الحلوة .... والله يرزقك سعادة الدنيا والاخرة ويحفظك وكلللل من تحب


شاكرة مرورك

المشاركة الأصلية كتبت بواسطة همس المسافات
http://www.arabtravelersforum.com/tr...2/#post4308122

تقرير في قمة الروعه بصراحه

اختي الهنا كتبتي فابدعتي...


سجلي اعجابي....


والف الحمد لله على سلامة الوالد وعسى دوم يكون بصحه وسلامه...

عندي سؤالين اختي الهنا

انا بروح ان شاء الله في نوفمبر...

وبيني وبينك رايح ابي اثاث للبيت من الالف للياء

وش الاماكن الي تنصحين بالذهاب لها بخصوص الاثاث...؟

السؤال الثاني كم يبعد من كوانزوا الى هونج كونج وكيفية الذهاب وهل تنصحين بالذهاب لهونج كونج..؟


تحياتي لك ولوالدك الغالي...


متابعينك وبقوه...




بارك الله فيك اخوية ومشكور على الاطراء


وشكرا على الدعوة الحلوة ... ويبلغ من قال....

ومبروك على البيت مقدما ويعله بيت الهنا والسعادة

بالنسبة لسؤالك الاول .... بتحصلة في سوق الاثاث شندة







وتقدر تتطلع على تقرير مفصل للاخت هداوة عن هذا السوق


تفضل

http://www.arabtravelersforum.com/travel163799/




وبالنسبة للسؤال الثاني


نعم هونج كونج جميلة و تستحق الزيارة وفيها اماكن سياحية واااايدة وجميلة .. بس تكفيها ايام قليله لانها صغيرة لكن حلوووة


وطريقة الانتقال من كوانزو لهونج كونج ممكن بالطيارة او السيارة او الباص او القطار


وانا انتقلت عن طريق القطار والتجربة جداااا ممتعة ساعتين تقريبا وتكلفة القطار 220 يوان على الفي اي بي

و190 يوان الدرجة العادية


يسعدني ويشرفني انك تتابع تقريري ...كلك ذوووق

ماشاء الله عليج تقرير قمه في روعه اندمجنا فيه وايد

بس اقول انا ناويه اسير ان شاء الله بعد 5 ايام باذن الله الى كوانزو بس الي ابغي استفسر عنه انا ابغي اتاجر في نعول كرمج الله واتكون نعول حلوه مثل ناين وست وهاش بابيز وهاي النوعيات يعني قوووود كوالتي وديزاينات حلوه مب شرات الي في تنين عندنا


ياليت اذا عندج فكره تخبريني اذا شفتيهم ولا لا وعلى كم تقريبا اسعارهم اذا باخذ بدرزن


ومشكوره

وياج ام راشد

المشاركة الأصلية كتبت بواسطة UAE_SON
http://www.arabtravelersforum.com/tr...0/#post4309550

ماشاء الله عليج تقرير قمه في روعه اندمجنا فيه وايد

بس اقول انا ناويه اسير ان شاء الله بعد 5 ايام باذن الله الى كوانزو بس الي ابغي استفسر عنه انا ابغي اتاجر في نعول كرمج الله واتكون نعول حلوه مثل ناين وست وهاش بابيز وهاي النوعيات يعني قوووود كوالتي وديزاينات حلوه مب شرات الي في تنين عندنا


ياليت اذا عندج فكره تخبريني اذا شفتيهم ولا لا وعلى كم تقريبا اسعارهم اذا باخذ بدرزن


ومشكوره

وياج ام راشد





حيا الله بنت ابلادي ام راشد ......مرحبابج


شوفي الغالية بتحصلينهم في سوق الاحذية الراقية ..... اشكال وانواع ....... وبالنسبة للاسعار ... سامحيني ما اتذكر


وان حصلتي شيئ غاوي غير النعول والا اندليتي مكان يديد هالله هالله فينا عادة ... اقل شيئ طرشيلي عالخاص .....


الله يوفقج ويفتح عليج بالرزق الحلال


وان بغيتي شيئ تراني حاضرة

الله يعطيج العافيه ويابنت دار زايد الغالية أنا حابة اروح الصين بس عندي اعيال ماجدر اوديهم ولا أخليهم
بس نفسي أروح ............... المهم انا بسالج عن المحلات الي تبيع سوالف الخياطة ولوازمها شفتيهاااااااااااا وهل هي مثل الي عندنا اوغير

السلام عليكم ورحمة الله وبركاته


مساكم الرحمن بالخير والعافية ياللي اتشرف بحضوركم وياية



اشحالكم يا الطيبين


مثل ما وعدتكم ....اليوم بنتكلم عن سوق الاقمشة والكلف


بسم الله نبدأ


سوق الاقمشة والكلف


الله يسلمكم ....


عقب ما طلعنا من سوق ملابس السهرة سرنا سوق الأقمشة والكلف


هذا السوق يشمل كل انواع الاقمشة والكلف والدانتيلات


هذا هو السوق






السوق عبارة عن عمارة كبيرة يعني سنتر....تتكون من 5 طوابق وطابق تحت الارض ... تقريبا يشمل جميع انواع الاقمشة الحرير الطبيعي -


الحرير العادي - المخمل - الساتات - الدانتيل- القطنيات بانواعها - الصوف - اقمشة التنجيد - الجاكار ......


وكل محل متخصص بنوع معين من الخام وعنده عينات من هذي الخامات



















وما عليك الا انك تختاراللي يناسبك

وبعد يوم تقدر تستلم البضاعة ... وطبعا احنا اشترينا من هناك قطع قماش من النوع القطن وقلنالهم :وصلولنا القماش لين الفندق .... وافقوا

وقالوا: بس تدفعون قيمة التوصيل ..قلنالهم: تم ... انقلد التجار ههههه


هاي بطاقة المحل





وهنه استوالنا موقف في توصيل البضاعه


على اساس انهم بيوصلولنا القماش بالباكر الساعة 5.30 العصر ........... بس هم ما يابو البضاعة واتريينا لليوم الثاني ولالالالا شيئ


قلنا : الحمد لله يمكن خيره .. لان احنا ما دفعنا ولا يوان من قيمة البضاعة ...يعني هم الخسرانين


وعقبها بيوم ... انا وخواتي كنا في السوق والوالد راقد في الفندق كان تعبان من كثر المساج هههه (بخبركم السالفة بعدين )


اتصل فينا واحد يتكلم صيني ما فهمنا عليه .. سكرنا الخط ... رد اتصل قلنا حق راعيت المحل : تعرفين انجليزي


قالت : نعم...


قلنالها : شوفي شو يبا وخبرينا...


كلمته وقال : انه يايب الاقمشة وان هو الحين في الفندق ..... قلنا لها قولي له احنا الحين بنستلمهم...


اتصلنا على الوالد علشان يستلمهم ويدفع الفلوس .... وما قصر الوالد واستلم البضاعة...



هذي المعلومة اللي بقولها الحين ما قريتها من قبل في اي تقرير ولا في اي منتدى


واحنا نتمشى في الطابق الاول شفت ممر يودي لعمارة ثانية قلت حق نعيمة : شو هنه.... قالت : لا اعرف ...


قلتلها : خلينا نشوف ...


طلعت عمارة ثانية متشابكة وياها تقدرون تسيرون لها من الطابق الاول وهي يديدة يعني مب كل المحلات مفتوحة



وهذي العمارة متخصصة باكسسوارات الملابس من حرز وكريستال واحجار وقطع خشبية وقطع حديدية (اللي تنحط في الملابس والفساتين والعبي ...


وانا خذيت من عندهم كريستالات اللي بالكوي ... والسعر كان وايد حلو ...

وهذي بطاقة المحل






تصدقون ان نعيمة ما كانت تعرف هالمكان .... وخذت بطاقة المحل وقالتي ان عندها تاجرة تشتري هالسوالف


وان هذا المحل ارخص محل شافته لين الحين ....


( انا اكتشفت ان اغلب المترجمين ما يعرفون غير الاماكن الموجودة في قائمة الاسواق ...


تدرون كيف ؟


بخبركم ...


لان اختكم يوم تيلس في استقبال الفندق تتريا خواتها لين ما ايون ... اذا شافت مترجمة تسألها وين السوق الفلاني


وشو اسمه.... وهل هو هذا السوق الموجود في قائمة الاسواق... ) يعني بصراحة محد عطاني معلومة يديدة ....


((والسبب ان الصينين اغلب هاي الاسواق ما تهمهم ... لان يعتبرونها اشياء استهلاكية ... وهم يسيرون الاسواق الخاصة فيهم

والا عمركم شفتوا صينية كاشخة .....))


علشاااان جذه كل ما طفنا بالسيارة انشوف اخوانا الكوتيين الله يحفظهم يدوورون من سوق لين سوق ارواحهم


بدون مترجم ويكتشفون اماكن الاسواق الحلوة والبضاعة الراقية .... شطااار


ومثل ما خبريتكم ان كوانزو فيها اسواق تسر الناظرين ... فلازم الواحد ما يضيع الفرصة عليه في اكتشافها


بصراحة الكويتين والسعوديين والاماراتيين ما يقصرون .... من تي تسلم عليهم وتنشدهم عن مكان على طول يدلونك ....


ويعلمونك ان هذا المحل احسن عن الثاني ( الله يدوم المحبة من بينا ) .... احيانا كانوا الحريم على طول من نسألهم


يراوونا العنوان وانا على طول اصورة بالموبايل واخلي راعي التاكسي يودينا ... صدق ان للسفر سبع فوائد...


نرد لموضوعنا....


وفي هذا الممر بقاله صغيرة تبيع الشيبس والحلويات والايس كريم ... عاد احنا ما صدقنا تكون ويانا نعيمة علشان نشتري آيس كريم

و من قبل كنا نشتهي الآيس كريم ومانروم نشتري.. لانه مكتوب عليه بالصيني وما نعرف اذا كان حلال والا لا ... لان ممكن يكون فيه مشتقات الخنزير ...

ونعيمة تمت تدور من بينهم وقالت : هذا جيد ... بس انا ما شتريت لاني كنت مريضة هاك الايام بسبب تغيير


الجو عليه بين الحر في الاسواق وبرودة الفندق ....وكلهم كلوا ... وانا ::وتزداد الحسرة...هههه


وبعدين نزلنا للطابق الارضي


والطابق الارضي يشمل الدانتيلات والكلف والليس والريش والورد الخاص بالملابس والفساتين ... وياكثر التجار الهنود


الموجودين هناك .... بصراحة عندهم اشياء وااايد حلوة ....وأختكم ما قصرت اشترت واايد اشياء من هناك ....


هيه نسيت اخبركم .... ان في هذا السوق عندهم جيليه بيج ( صديري ) من الدانتيل روووعه شكلة .....تدرون بكم 25 يوان.... يابلاااااش



وانا حصلته في جراند فيو مول ب200 يوان ..... شوفو الفرق


وفي بيجين لو كان ب 60 يوان ..... شوفو الفرق


امممم


وبعد .... جدام هذا السوق وعلى طول الشارع محلات تبيع الاقمشة والدانتيلات .... بس مثل ما خبريتكم كان هاك اليوم المطر صبيب

فما قدرنا انكمله ....... وهنه تفرقنا الوالد ووحدة من خواتي ردوا الفندق لانه تعب من الحواطة ... بس احنا كملنا لسوق ثاني ...



اقولكم ولا ما اقولكم
/

/

/

/


خلاص لاتزعون بخبركم ....


هذا السوق عند سوق الساعات



بس أول شيئ بنتكلم عن سوق الساعات


سوق الساعات

مثل ما ذكرو الاخوان في كل التقارير .... عبارة عن مكان فيه كل انواع الساعات وخاصة تقليد الماركات....... وبعد يبيعون ... الاقلام تقليد الماركات ...

ويبيعون ميداليات.. وبزم تقليد الماركات


والتقليد يختلف بدرجاته ...... بس الصراحة الصراحة .... انا ما حصلت تقليد رقم وااااحد اللي ماتقدر تفرق فيه بين الاصلي


والتقليد .... يعني اللي يشوفة مستحيل يقولك هذا تقليد.... علشان جيه ما اشترينا ولا ساعة



وطلعنا وتمشينا عدال سوق الساعات بس ما عيبني المكان من كثر الطلاليب (الشحاتين) فيه .........ومشينا شوي لقينا

محلات واااايدة تبيع ملابس متنوعة واشياء حلوة ....


.... وتقليد الماركات ( على فكرة هذا السوق محد تكلم عنه من قبل ولا في اي منتدى )

وعدال سوق الساعات سنتر من 3طوابق ...وطابق تحت الارض يبيعون كل شيئ ملابس اكسسوارات -نعله - ..... المكان مرتب


وبعدين قالت نعيمة : اين تريدون الذهاب .... قلنالها : الحين الساعة 5,15 خلينا ناخذ تاكسي ونرجع .... قالت : فندقكم قريب انه هناك ... لماذا نأخذ تاكسي سوف نمشي ....وافقنا لان الجو كان حلو بعد المطر

قالت نعيمة : هنيئا لكم .. ان لغتكم هي لغة القرآن وتفهمون معاني القرآن بسرعة ... اما انا فعندما اقرا القرآن

احتاج لترجمة وتفسير لمعاني الآيات حتى افهم المقصود منها .... حسستنا بنعمة الاسلام والعروبة
اكتشفت شيئ في نعيمة ..... نعيمة كانت طوووول الوقت لاصقة فينا .... شابكة اديها في ادينا وتسولف ويانا وهي


فرحانه .... كانها تقول حق العالم .... هذيلا مثلي مسلمين وانا افتخر اني امشي وياهم


وانا سألتها : اسمج نعيمة ... كيف الحكومة الصينية تعاملكم كمسلمين ....قالت: انا كمسلمة اسمي نعيمة ... لكن في الاوراق الرسمية اسمي اسم باللغة الصينية...


وبالتالي هم لا يعرفون اسمي المسلم ...لكن نحن نحفظ اسماءنا واسماء اهلينا ( تقصد الاسامي العربية الاسلامية ) ....والحكومة الصينية لا تفرق في المعاملة من بينا كشعب...


قلتلها : انزين والناس هل يفرقون في المعامله بينكم كمسلمين و معامله اللي من نفس ديانتهم ....


قالت : احيانا لا يعاملونا جيدا ... لكن الغالب عادي لا يفرقون




هيه تذكرت صارلي موقف في سوق الاقمشة .....


يوم كنا نتمشى في الطابق الاول واحنا نطالع المحلات والاقمشة طفنا


على محل فيه 3 رياييل شواب ... واحد منهم يوم شافنا جان يرطن بالصيني .... سألت نعيمة : شوقال .... جان


تبتسم .... قلتلها : قولي عادي ..... اترددت وعقب قالت : قال انتم لماذا تلبسون هكذا.....


قلتلها : عادي ما يهني كلامه


قالت : عندما دخلت في الاسلام ... قلتلها :انتي ما كنتي مسلمة.... قالت: لا انا مسلمة ... اقصد عندما ارتديت الحجاب ....


كان اطفال القرية يركضون ورائي ويقولون ... مجنونه ... مجنونه .... والعواجيز يقولون لي : لماذا ترتدين هذا الشيئ على رأسك انتي مازلت صغيرة .... هل انت مجنونه ....


ولكنني لم اكترث لهم ... قلنالها : الحمد لله على نعمة الاسلام....



طولت عليكم....



سامحوني عالقصور....



تصبحون على خير



أختكم الهنا كله

على فكرة الوالد يسلم عليكم
انا دايما اقوله ان اللي في المنتدى يسلمون عليك ويدعولك واراويه تقريري والصور اللي حاطتنهن( ترا واااايد حلو يوم يكون
الابو صديق لعيالة يكون فيه دبل حب ..... قولوا ماشاء الله هههه, اللهم ادمها نعمه واحفظها من الزوال )

الله يسلمه ويسلمج اختنا العزيزة الهنا كله
وشافاه وعافاه الله ويمده بالصحة والعافيه اللهم أأأأمين رب العالمين ..
ونسأل الله ان يديم المحبة بينكم .. وبلغيه تحياتي وتحيات اهل البحرين اجمعين

والله ييزيج خير على هذا التقرير
وترى انا صار لي ساعتين اقراء في الموضوع وعشت لحظات ممتعة معكم ..
امنياتي لج بالتوفيق وترى تقريرج مميز جدا جدااا وغني بالفائدة ..وترى الكلمات تعجز عن شكرج
في ميزان اعمالج الحسنة وسفرة قادمة مميزة ان شاء الله
وترى الكلمات تعجز عن شكرج

المشاركة الأصلية كتبت بواسطة البحرين 999
http://www.arabtravelersforum.com/tr...7/#post4312237

الله يسلمه ويسلمج اختنا العزيزة الهنا كله
وشافاه وعافاه الله ويمده بالصحة والعافيه اللهم أأأأمين رب العالمين ..
ونسأل الله ان يديم المحبة بينكم .. وبلغيه تحياتي وتحيات اهل البحرين اجمعين

والله ييزيج خير على هذا التقرير
وترى انا صار لي ساعتين اقراء في الموضوع وعشت لحظات ممتعة معكم ..
امنياتي لج بالتوفيق وترى تقريرج مميز جدا جدااا وغني بالفائدة ..وترى الكلمات تعجز عن شكرج
في ميزان اعمالج الحسنة وسفرة قادمة مميزة ان شاء الله
وترى الكلمات تعجز عن شكرج

هلا وغلا ...بأهل البحرين الطيبين


مرحبابك اخوية


الله يسلمك ويبقيك ياخويه ,,,,, اللهم آاااامين ويبلغ من قال


والله انك خجلتني .... وتقريري مايسوى تراب ريولكم ياخوية


على فكرة الوالد واحنا بعد... وااايد نحب هل البحرين


ويزاك الله الجنه على تشجيعك لي

أختي العزيزة ماتتخيلين وش كثر استفدت من موضوعك الله يجزاك خير ..
أنا زوجي بيسافر كوانزو وودي أوصيه على شنط وأبواك تقليد درجة أولى
وتعرفين بعض الرجال مابيعرف في هالامور ومن بينهم زوجي .. أبدا أبدا مايعرف هالسوالف
وأخاف يجيب لي شئ واضح انه تقليد
أنا باقوله يتجه مباشره الى سوق الشنط مثل ماذكرتي
بس ياليت تحددين اسم محل معين يتجه له يكون تقليده مضبوط ..
وكم تقريبا أسعار الشنط فيه؟

أنا دخلت مواقع الماركات الأصلية حفظت في موبايله صور الشنط اللي اعجبتني
بس تدرين كلها موديلات نهايات ٢٠١٠ و ٢٠١١
وأتوقع انها مابعد نزلت في محلات التقليد ..
الله يوفقك أختي وسلمي لي على الوالد الله يمتعه بالصحة والعافية ..
1a43dcc7-2782-adcd-3970-a53e2644d294
1.03.01

المشاركة الأصلية كتبت بواسطة .REEM.
http://www.arabtravelersforum.com/tr...3/#post4312673

أختي العزيزة ماتتخيلين وش كثر استفدت من موضوعك الله يجزاك خير ..
أنا زوجي بيسافر كوانزو وودي أوصيه على شنط وأبواك تقليد درجة أولى
وتعرفين بعض الرجال مابيعرف في هالامور ومن بينهم زوجي .. أبدا أبدا مايعرف هالسوالف
وأخاف يجيب لي شئ واضح انه تقليد
أنا باقوله يتجه مباشره الى سوق الشنط مثل ماذكرتي
بس ياليت تحددين اسم محل معين يتجه له يكون تقليده مضبوط ..
وكم تقريبا أسعار الشنط فيه؟

أنا دخلت مواقع الماركات الأصلية حفظت في موبايله صور الشنط اللي اعجبتني
بس تدرين كلها موديلات نهايات ٢٠١٠ و ٢٠١١
وأتوقع انها مابعد نزلت في محلات التقليد ..
الله يوفقك أختي وسلمي لي على الوالد الله يمتعه بالصحة والعافية ..
1a43dcc7-2782-adcd-3970-a53e2644d294
1.03.01





هلا الغالية ريم

انا افرح يوم الناس تستفيد مني


بالنسبة للشنط

بطاقات المحلات اللي حطيتها في جزء سوق الشنط .... اغلبها تبيع رقم 1 .... بس مثل ما قلت يحتاج الموضوع دقة اختيار وفحص شديد للبضاعة

انا بعطيج حل ....

شوفي ..

قبل ما يسافر ريلج سيري وياه محل الماركات وشوفي الشنط الموجودة هناك واطلبي اي شنطة وتمي افحصيها عدل مع زوجك من كل الجهات حتى السحاب ومن داخل ... بدون ما يلاحطون العاملين في المحل ,,,, يعني كأنكم تشوفونها ... وبعدين قولي لهم ... بفكر وبرجع مرة ثانية

ولفوا كذا محل وسوو نفس الحركة ... علشان تتكون عندكم فكرة معقوله عن شكل الشنط الاصلية ... وملمسها والخام المصنوعة منه ...

وبالتالي يوم بيسافر ان شاء الله ... بتكون عيونه متفتحه على شكل الماركات الاصلية ويقدر يميز بين درجات التقليد ... واي وحدة اقرب للاصلية


الله يوفقه ويسافر ويرد بالسلامه واييبلج اللي يسر خاطرج

الهنا كله لما الواحد يقرأ تقرير كاتبته الهناء كله

المشاركة الأصلية كتبت بواسطة almarashi
http://www.arabtravelersforum.com/tr...9/#post4314649

الهنا كله لما الواحد يقرأ تقرير كاتبته الهناء كله



يزاك الله خير

شكرا على الاطراء

شي شيا

موفقه تقرير ولا اروع

مساء الخير ..
ويني انا من هالموضوع الرائع
بصراحه ، ما انتبهب له للاسف ..

عجبني كثير و دعيشتني الجو
و كل ما اقراء احس كاني مو رايح الصين بالمره و انا طايح فيها كل فتره


اختلف ..
اختلف معك من ناحيه طيران الساوثرن تشاينا
الكراسي ضيقه جدا و المضيفات لا حول و لا قوه ما يطيقون حد
انا سافرت اكيد بالساوثرن ، و حرمت فتره اركبها ، لين اشوف لي اي طياره ثانيه
و الحمد لله الاماراتيه يابت الحل
كراسي مريحه ، برامح رائعه بالـ ice و لا تحسين بالرحه
مضيفات خدومات و البسمه بالويه دايما

اختلف معك بخصوص فندق دانج فونج
فندق كثير رائع و كبير جدا و الخدمه فيه ممتازه و اسعاره ممتازه اكثر
بس انا بالغرفه الي كنت فيها كان شامل الافطار + الانترنت
و مكان اقامتي فيه دايما
اخر سفره قبل شهرين قعدت فيه و بعدين انتقلت للبايون هوتيل مقابل الجاردن
و رائع جدا ...

اتفق ..
اتفق معك بكل شي قلتيه لاني راح اتعب اعقب على كل نقطه

الوالده تلبس نقاب و لما كانت بالصين وياي ( هالسفره كانت قبل 9 شهور تقريبا )
تدرين شوي و بيحظون اصابعهم بعيونا من كثر ما يأشرون علينا ..
و الي يصور و حاله حاله
لدرجه انه مره يلسنا على الكراسي
و يا صيني جدامنا و صورنا
كنت بقوله لحظه شوي على الاقل نبتسم
عفانا الله ، و بعدن امي تاكدت ان النقاب ملفت اكثر
و الحمد لله اقتنعت تشيله
لانه لبسه يخلي الكل يتمنظر فينا

سجليني من ضمن المتابعين لتقريرك و بقوه
و تسلم يديبنج الغاليه ...