المشاركة الأصلية كتبت بواسطة عنودالغيد
http://www.arabtravelersforum.com/tr...7/#post4316577
موفقه تقرير ولا اروع
هلا وغلا بالغالية عنود الغيد
تسلمين حبيبتي على الاطراء ومرورك الاروع ياحلوة
المشاركة الأصلية كتبت بواسطة عنودالغيد
http://www.arabtravelersforum.com/tr...7/#post4316577
موفقه تقرير ولا اروع
هلا وغلا بالغالية عنود الغيد
تسلمين حبيبتي على الاطراء ومرورك الاروع ياحلوة
المشاركة الأصلية كتبت بواسطة Emirates Air
http://www.arabtravelersforum.com/tr...2/#post4318052
مساء الخير ..
ويني انا من هالموضوع الرائع
بصراحه ، ما انتبهب له للاسف ..
الاروع حضوركم وتشجيعكم يا اخوية
عجبني كثير و دعيشتني الجو
و كل ما اقراء احس كاني مو رايح الصين بالمره و انا طايح فيها كل فتره
اختلف ..
اختلف معك من ناحيه طيران الساوثرن تشاينا
الكراسي ضيقه جدا و المضيفات لا حول و لا قوه ما يطيقون حد
انا سافرت اكيد بالساوثرن ، و حرمت فتره اركبها ، لين اشوف لي اي طياره ثانيه
و الحمد لله الاماراتيه يابت الحل
كراسي مريحه ، برامح رائعه بالـ ice و لا تحسين بالرحه
مضيفات خدومات و البسمه بالويه دايما
اقبل اختلافك ....
بس يمكن عدلو خدمتهم
ويمكن انت طيارتكم جديمة ونحن الطيارتين كانن يداد .....
ويمكن انته مسافر عليها من زمان .. بس نحن مثل ما شفت من جريب..
وانا مثل ما قلت كنا حاجزين ويل جير للوالد ... وكانوا كل شوي يحاضونا على طول الرحلة..
وانته تعرف ان الوالد ريله تعوره يعني لازم يحركها كل شوي وكان المكان جدامنا واايد وسيع يعني تاخذ راحتك فيه...
بعكس الاماراتية ضيقة ماتروم تحرك ريولك .. حتى الوالد قال : هاي اخير عن الاماراتية مريحه
وبالنسبه للاكل في الطيارة ... انا قلت حق المظيفة انا طالبة مع التذكرة مسلم فود ...
قالتلي: شوفي شو مكتوب .. كان مكتوب على الالمونيوم اللي يغطون به الاكل حلال بالعربي والانجليزي ...
ومن كثر مايدورون بالعصير والماي حسيت عمري في عزيمة مب طيارة...
الحمد لله حظنا حلو
بس الحق ينقال ...
يعيبها ...
ان التلفزيون لكل راكب طبعا مافيه قرآن ولا افلام عربية هذا في الطيارة الاير باص ... اما في الطيارة الثانية كان التلفزيون مشترك ...
بس في حل ممكن الواحد ياخذ وياة مصحف واذكار وادعية وممكن اي باد ( اكثر فعالية )
وتدري ان نحن يوم كنا في مطار دبي ما وقفنا في الطابور ويأ العامل اللي يودي الشنط رمس المسؤول عن الطيران الصيني وانا قتله ان احنا نبغي ويل جير وعلى طول وقفنا عند قسم البزنس ....
وعطونا عضوية في النادي الخاص بالطيران الصيني بحيث ندخل القاعة الخاصة بأعضاء النادي وكبار الشخصيات في مطارات الصين ...اختلف معك بخصوص فندق دانج فونج
فندق كثير رائع و كبير جدا و الخدمه فيه ممتازه و اسعاره ممتازه اكثر
بس انا بالغرفه الي كنت فيها كان شامل الافطار + الانترنت
و مكان اقامتي فيه دايما
اخر سفره قبل شهرين قعدت فيه و بعدين انتقلت للبايون هوتيل مقابل الجاردن
و رائع جدا ...
لو انتبهت على الكلام المكتوب خلال التقرير انا قلت ان الفندق رائع والحديقة رائعة
((وانا كنت احاول ايلس في الحديقة كل يوم برغم الحررر وكنا في الليل نيلس في كافيه الحديقة وفي مراوح بس بعد حر ورطوبه مووت))...
والفندق كبير جدا يحتاج مشي والوالد واحنا بعد يوم انرد من السوق نكون تعبانين وما نروم نمشي 3 دقايق لين الغرفة ...
وبخبرك بعد ان اهلي تعودو في كل سفره نسكن قريب من الاسواق علشان جيه قررنا نغير الفندق ما حبو المنطقة
اتفق ..
اتفق معك بكل شي قلتيه لاني راح اتعب اعقب على كل نقطه
[COLOR="Blue"]عقب ما يهمك ... حاضررررين[/COLOR]
الوالده تلبس نقاب و لما كانت بالصين وياي ( هالسفره كانت قبل 9 شهور تقريبا )
تدرين شوي و بيحظون اصابعهم بعيونا من كثر ما يأشرون علينا ..
و الي يصور و حاله حاله
لدرجه انه مره يلسنا على الكراسي
و يا صيني جدامنا و صورنا
[B]هههه ....
نفس الحركة صارت لنا [/B]
كنت بقوله لحظه شوي على الاقل نبتسم
عفانا الله ، و بعدن امي تاكدت ان النقاب ملفت اكثر
و الحمد لله اقتنعت تشيله
لانه لبسه يخلي الكل يتمنظر فينا
سجليني من ضمن المتابعين لتقريرك و بقوه
و تسلم يديبنج الغاليه ...
شكرا على الاطراء الجميل
يشرفني مرورك الرائع
سلم على الوالدة
السلام عليكم ورحمة الله وبركاته
تذكرت شيئ عن ساثرن شاينا ايرلاينز ( ذكرني فيه اخوي ايميرتس اير)
صديقتي سافرت على نفس الخطوط الجوية في شهر مارس ... ونفس الشيئ وااايد تمدحهم وتقول انها مريحة
وانا ما اسويلهم دعاية ولا شيئ ....
بس احب الكل يستفيد خاصة ان سعرها واااايد ارخيص بالنسبة لباقي الخطوط الجوية
لااااا وبعد بخبركم شيئ بتتفاجؤون منه تدرون شو....
انتبهوا عدل ....
الله يسلمكم ... كنت ناوية احجز التذاكر قبل ما انسير الصين بثلاث ... اربع شهور يعني شهر 2 او 3 ...
بس الوالد كان متردد ....
كان يقول انا ما اقدر امشي واايد وانتو تحبون تسيرون الاسواق ( يعرفنا ما نقر ههههه).... فاتفنا وياه على حل
ان احنا نسافر ونسير الاسواق ومتى ما تعب يخبرنا بنرد الفندق .... وما يتلوم فينا ... لان هذا اتفاق
واللي اوله شرط آخرة نووور
فوافق .... عقب الحاح شدييد ( يحبنا كله يتلوم فينا ...) ....وعقب ما مدحت الصين .... واغراض الصين .....
وانها بلد آمنه وشرحه.... وانا بعد اغريته قلتله بوديك المساج ... فوافق بس متى؟؟؟؟.......
قبل ما نسافر بشهر كان سعر التذاكر بدا يرتفع
تدرون انه لو الوالد خلاني احجز من قبل كان سعر التذكر كم بيكون ؟؟؟؟؟
ما بتصدقووووووووووووووووووون
1000 درهم فقط ..........ياااااا بلاااااش..... وانا يوم شفت السعر جيه قلت الا نحجز على البزنس وبعد كانت ارخيصة وااايد
منو الشاطر اللي بيعرف كم كان السعر على البزنس
هاااا منو
اقول
كان سعر التذكرة على البزنس 4000 درهم فقط لاغيييييير ..... ولا اروووع من جيه
بس .... اثر فيني الزعتر اللي كلته في كوانزو
ان شاء الله اليوم بنزل شيئ يديد
القاكم بخير
مع السلامة
أختكم الهنا كله
alhana.kullah
اولا اشكرج وايد على تعقيبج لردي و كلج ذوق ...
انا الي سافرت فيها الساوثرن كانت Boing 777-300
مدري يديده او جديمه ، كان اول سفره سنه 2006
اجمالا ما ارتحت فيها ، بالنهايه كل واحد حر برايه و تفكيره
و على طاري الاكل انتبهي بالذات بالصين
تخيلي مره شفت لحم خنزير و عليه استيكر حلال ...؟؟ نعم شو يبون هذول ؟؟
و على سمج بعد ستيكر حلال , ليش شي طريقه صيد حلال و اخرى مب حلال ..؟
ترى على كيفهم هالاستيكرات ، باجر يحطونها الصينيين على الماي
شعب مدودهه ما يعرف شو يسوي ...
و حمد لله على سلامتكم ، و على سلامه الوالد
و زين ما تعبتوه ، ندريبكم يا مجمتع الحرملك وش تسون بالسوق يالله
كل كشك لازم توقفون يمبه ، حتى لو يبيع شي ما تبونه
و تحياتي الكبيره للوالد و ان شاء الله استانس بالسفره ...
في وايد اماكن ذكرتيها ، انا ما ادري عنها
راح ارجع اكيد اقطع التقرير مره ثانيه و بكتب الاماكن الي رحتيها
و اذا ما عرفت مكانها ، باستفسر اكيد
و موفقه بالسرد ان شاء الله
و بانتظار الجديد
المشاركة الأصلية كتبت بواسطة Emirates Air
http://www.arabtravelersforum.com/tr...0/#post4321270
alhana.kullah
اولا اشكرج وايد على تعقيبج لردي و كلج ذوق ...
الشكر لله.... افا عليك هذا واااجبي
انا الي سافرت فيها الساوثرن كانت Boing 777-300
مدري يديده او جديمه ، كان اول سفره سنه 2006
اجمالا ما ارتحت فيها ، بالنهايه كل واحد حر برايه و تفكيره
احترم كل الاراء بصدر رحبببببب
و على طاري الاكل انتبهي بالذات بالصين
تخيلي مره شفت لحم خنزير و عليه استيكر حلال ...؟؟ نعم شو يبون هذول ؟؟
و على سمج بعد ستيكر حلال , ليش شي طريقه صيد حلال و اخرى مب حلال ..؟
ترى على كيفهم هالاستيكرات ، باجر يحطونها الصينيين على الماي
شعب مدودهه ما يعرف شو يسوي ...
لأ ...كلا ولاااا الكل....
اختك اييها وسواس اكل في السفر .... ما آكل اي شيئ إلا اذا تاكدت انه حلال ... ولا اكل حلوياتهم ولا حتى الكيك ...
تعرف اني اشل وياية الكاكاوات من لبلاد ويوم اتخلص ما اشتري حتى لو كنت مشتهتنها
والشبس ما اشتريه الا اذا كان بالنكهة الطبيعية وبزيت نباتي (الواحد يتقى لدينه ).... يعني حرماااان لين ما نرجع لبلاد
و حمد لله على سلامتكم ، و على سلامه الوالد
الله يسلمك ويبقيك.. وكل احبابك
و زين ما تعبتوه ، ندريبكم يا مجمتع الحرملك وش تسون بالسوق يالله
كل كشك لازم توقفون يمبه ، حتى لو يبيع شي ما تبونه
هههههه ..... خبييييييييير
و تحياتي الكبيره للوالد و ان شاء الله استانس بالسفره ...
وهو يسلم عليكم بعد ....
بخبركم شو قال يوم رجعنا من السفر في نهاية التقرير ان شاء الله ....
بس تعال وصلت الامانه للوالدة ولا لأ.....
في وايد اماكن ذكرتيها ، انا ما ادري عنها
راح ارجع اكيد اقطع التقرير مره ثانيه و بكتب الاماكن الي رحتيها
و اذا ما عرفت مكانها ، باستفسر اكيد
فالك طيب
و موفقه بالسرد ان شاء الله
و بانتظار الجديد
قيد التنفيذ يا نيندا
المشاركة الأصلية كتبت بواسطة alhana.kullah
http://www.arabtravelersforum.com/tr...4/#post4310274
حيا الله بنت ابلادي ام راشد ......مرحبابج
شوفي الغالية بتحصلينهم في سوق الاحذية الراقية ..... اشكال وانواع ....... وبالنسبة للاسعار ... سامحيني ما اتذكر
وان حصلتي شيئ غاوي غير النعول والا اندليتي مكان يديد هالله هالله فينا عادة ... اقل شيئ طرشيلي عالخاص .....
الله يوفقج ويفتح عليج بالرزق الحلال
وان بغيتي شيئ تراني حاضرة
مرحبا بج
اقووول انا احاول ارسل رساله خاصه بس اتوقع ما ايصير ما ادري ليش غير مسموح في المنتدى يمكن
اقول انا بسير باجر ان شاء الله وبلف الين ايدور راسي عل وعسى القى شي يرضيني
اقووول انا بسير ويا تاجر معروف في الدوله وهو بيدليني اذا لقيت شي غاوي بخبركم ما بقصر ان شاء الله وادعولي اوصل بسلامه وانه الله يصبرني في الطياره لانها عقدتي
السلام عليكم ورحمة الله وبركاته
مساء الخير والسعادة على اصحاب السعادة ...
اللي ينورون تقريري بطلتهم
اشحالكم يا الطيبين
اليوم بنتكلم عن سوقين محد اتكلم عنهم وااايد لا في هذا المنتدى ولا في اي منتدى ثاني (هههه... حواااطة من منتدى لين منتدى)
وهم سوق بايما وسوق ايما ….
بسم الله نبدأ
سوق بايما وسوق ايما ….وهم سنترين متقابلين … من اسواق الجملة
بس لاتخافون يبيعون بالمفرق ….
وهاي الاسواق موجودة في قائمة سبأ للاسواق رقم 1-2
سوق بايما…
السوق عبارة عن الدور الارضي فقط من العمارة … من برع فيه شاشه كبيرة اعلى المدخل ......تعرض ازياء …
في هذا السوق ... يبيعون الجينز والتي شيرتات و القمصان ووووو
وسميناه سوق الليلام .... تدرون ليش ...
لانه عبارة عن محلات... واغلب المحلات اللي فيه مب عارضة الثياب ....
لالالالالا...
حاطينهن في اكياس كبيرة وانتوا تنبشون و تشترون ..... واسعارهم
رخيييصة .... وعندهم اشياء حلوة ....
وطول الوقت يسوون دعاية عن ملابسهم برمستهم ... واغلب العاملات اللي
في المحل لابسات الثياب بالتاج كدعاية للبضاعة ..... وفي منهن يعرفن
انجليزي ...وكل ما شافت حد يمر جدامها يلست ترمسة عن اللبس وتحاول تقنعة انه يشتري ...
لاااا.... وبعد في ايام كانوا يسوون تنزيلات ....
اصبروا .... اصبروا .....
في محلات ... مرتبة وااايد....
وفي اشياء حللللوة ...نفس اللي عدنا في السناتر
بس لاتستعيلون .... دوروا عدل ..... وكاسروا حتى لو كان ما في خصم هههه
وهذا كرت محل يبيع اشياء حلوة .... طبعا حق البنات
يعني الدانتيلات ... التركيب .. بو كم قطعه.... وعندهم تنانير وشالات واييد حلوة....
نفس اللي في مركز وافي في دبي اللي ب 700 درهم وطالع
بس طبعا شوفو السعر على الكرت ...
رووووعة
ملحوظة مهمة :
واايد من بضاعة هذا السوق موجودة في سوق تحت الارض الاندرجراوند بس هنيه ارخصصص ....
وفي مرة كنا سايرين لهذا السوق وكان فيه وااايد زحمة على المدخل الرئيسي .... ومصوريين وناس ...وكانوا حاطين منصة و وحدة صينية واقفة…
وتسوي حركات ويصورونها ... الظاهر انها ممثلة ولا فتاة اعلانات ... والناس كلها واقفة تطمش ( طلعوا حتى الصينين يتيمعون مب بس لهنود....هههه)
سوق ايما
هذا السوق مقابل سوق بايما
وهو مكون من 3 او 4 ادوار ... ما اتذكر بالضبط ( يبالي سيره ثانية ...ههههه)
ودور تحت الارض ...
هذا السنتر ارقي من حيث الديكورات والتظيم والملابس .... وطبعا الاسعار .. اغلي من سوق بايما ...
ويبيعون فيه كل شيئ من الطابق الارضي الى الطوابق العليا .... مثل
الجينزات والتي شيرتات والقمصان والملابس الرياضية الماركات ... ايداس وبولو ونايك ... واسعارهم وااايد حلوة ...
وفيه في الطابق الثاني محلات تبيع ....
شو تبيع ...
اللي تحبونه ...
الملابس.... تقليد الماركات بس حق الرياييييييييل
تي شيرتات واحزمه وابواك وجنزات وجاكيتات ..... وكله ماركات مثل جيس – فرساجي – بربري – ارمني ......
بس بشرط يكون مقاسكم صغييير ... يعني مقاس 42 واحيانا 44 اكبر مقاس
الصرااااحة شغل عدل .... يعني يوم تشوف القميص ولا البنطلون .... يقولك انا ماركة .... مب تقليد ... يفشلك جدام الناس
ههههه
لحظه ... لحظه ...
وفي تقليد والله انه ... يعني يبين انه تقليد
وفيه ملابس للاطفال في الطابق الاول ....
والطابق اللي تحت الارض ... يبيعون شنط عادية وتقليد ... بس تقليدهم مب رقم1
ويبيعون اكسسوارات نسائية حلوة ...
واول ما تنزلون الطابق اللي تحت الارض بتحصلون على اديكم اليمين محل يبيع شنط سفر ... واسعارة وايد رخيصه
وهذا كرته
وصار لي موقف وياه ...
الله يسلمكم ... في مرة كنا سايرين سوق الشنط ... وعيبتني شنطة سفر سمسونايت .. مب اكبر حجم... لا .... اللي اصغر عنها ...
وكاسرت الريال لين ما خذيتها 200 يوان
وييت الفندق .. وانا واايد فرحانه اني خذيتها رخيصة ....
وعقب ايام سرنا سوق بايما ....طبعا مشي من فندقنا ... ونزلنا الطابق اللي تحت الارض اول مرة ننزله كل مرة نصعد فوق
قلنا :خلنا نشوف شو يبيعون تحت... وجان اشوفها ..نفسها بالضبط ... سالته عنها قالي: 220 يوان.....
(طبعا انصدمت …. فقلت ليش ما اخذها ما دام ارخص ) بس هاي اكبر حجم وتميت اكاسرة....
اقوله: توتي توتي .... وهو يكتب لي السعر في الاله الحاسبة.....وانا اكتب له سعر اقل
وهو ما يرضا يقولي : ميو ميو ( يعني لا لا )
وانا اقولك اصبر اصبر..... واكتب له سعر ثاني
ومرة ثانية اقوله : توتي توتي ... وينقصني شوي ... بس انا اقوله الله يهديك نقصني
وعلى ها الحال
وانا اعطيه سعر واقوله : كم اخر …..
هييد شوي الله …. الله يهديك نقصني …. ها شو قلت كم اخر
وخواتي يضحكن عليه لاني اكلمه بالعربي وهو مب فاهم شو اقول ...
قالو لي : ناقصنج البرقع وتستوين ام سعيد ههههه ..... اللي في مسلسل الكرتون ام خماس خخخخخ
كم اخر ..... اخر كم ....
بس والله يبت راسه .....
قال لي خذيها 170 يوان قتله : عطني كرتك... وكتبت السعر جدامة وقتلة برجع لك ...
قالي : خذها ...
قتله : اتاخر الوقت ... بييك مرة ثانية ... والدنيا مطر برع شجايل بشلها ...
بييك بييك اصبر انته ... ( اللي يقول هو يفهم كلامي .. هههه) بس ما عليكم .... فهم عليه وضحك
بخبركم ليش ما شتريتها ....
خواتي ما خلوني ... قالوا : هاي وااايد عودة منو بيشلها ... بتكون ثجيله ...
وردينا الفندق ....
وانا اقولهم : قصيتوا علييه ... جان اشتريناها الحين بتنفعنا .... ارخص عن هاي اللي اشتريتا قبل واكبر بعد
وابوييه قالي : سيري ابوييه اشتريها جان خاطرج فيها ...
وعقب كم يوم ...سرنا انا وخواتي عنده .... وكانت حرمته هناك ...
قلتله : يلا عطني الشطنة.... قالت حرمته : اخر شيئ 190 يوان
جان اطلع الكرت واقوله : انته قايل : 170 ... جان يضحك
قالت ما يصير ... وتمت تتحرطم علييية ... وتقول بنخسر
وبعدين قالت : تبين 170 خذي الاصغر ...
قلتلها : خلاص ما ابا العودة ... باخذ الاصغر بس 120 يوان ...... وما طاعت وتميت احن على راسهم لين ما عطوني 150
يوان ....
نفس شكل ونفس حجم اللي خذيتها من سوق الشنط 200 يوان ... بس هاي طبعا ارخص .... وكانت الساعة 5,30 العصر والمطر صبيب ....
طبعا ما رمت اشلها لين الفندق ...هي خفيفة بس حرام اخربها
وقفنا تكسي.... قلناله : فندق شندادي قال : فندقكم قريب امشوا ... واشر براسه انه ما بيودينا
ويا عدالنا فان ... قال بوديكم ب30 يوان ... قلناله : فندقنا قريب ... ليش 30 ( ما يكلف 7 يوان ... وهي القيمة اللي يتحرك بها عداد التاكسي .... وهي اقل سعر للتاكسي )
قال :25
قلناله: 10
قال: لا .... 20
قلناله : نفاد ... ودنا ...
وردينا الفندق وانا فرحانه .. اني خذيتها .... والحمد لله
هيه .... اصبرو ما خلصت
وفي مدخل من مداخل السوق شيئ.... محل صغير يبيع ماي وعصير ومضلات ...
وفي الطابق الاول في مخرج يوديك على جسر المشاة ... وفي هناك بياعات يبيعون فواكه
وجسر المشاة هذا عالي تدرون وين يوديكم .....
طبعا ما تدروون ....
بيوديكم .... سوق الساعات
يعني اذا كنتوا في هذا السوق وبغيتوا تسيرون سوق الساعات او العكس .... لاتسيرون بالتاكسي وتخسرون عماركم سيرو مشي .......
الرياضة زينه هههه.... والله مب بعيد 3 دقايق مشي
وهاي بطاقات لبعض المحلات اللي هناك
سامحوني ما شيئ صور وااايد
لان صور هذا السوق ...في الكاميرا اللي ضاعت
وفي عدال هذا السوق بعد اسواق .... بس مرة ثانية بتكلم عنها
هذا كل اللي اتذكرة الحين ....
تصبحون على خير ....
سامحوني علقصور ....
أختكم الهنا كله
يعطيك العافيه اختي الغاليه الهنا كله ...ومشكوره على ردك الحلو ياعسل ...
بصراحه وبدون مجامله تقريرك جدا مفيييييييييد ....وراح يستفيد منه الكثير ..
الله يجعله بموازيين حسناتك يارب ...
تصدقين عاد ..لي فتره ادخل على طول لقسم التقارير ادور تقريرك وماألقاه
على بالي انحذف ؟ استغربت ويوم سويت سيرش طلع تقريرك هنا خخخخخخ
اشوى لحقت عليه قبل لا ينتهي ....
وامانه سلميلنا عالوالد الله يطول بعمره ويخليه ذخر لكم طول العمر ياااااااااااااااااااااارب ...
مازلنا متاااااااااابعين معك حبيبتي ...
و انت الصادق اسير الدوحة ..
فعلا البنات تميزو اكثر عن اي حد بطرح التقارير
alhana.kullah
بعده ما وصل السلام ، ههههههه لاني مب ساكن وياهم
و التقي وياهم بالويك اند ، انشاء الله هالاسبوع و يوصل ...
و نتريا كلمه الوالد بنهايه التقرير
بس دخيلج لا تنهينه الحين
الموضوع وايد حلو و كملي ،
مرتي داشه المنتدى و تسالني شو اليديد
كان بيزل لساني و بقول لها عن موضوعج
لاني مفكر اخذها المره اليايه ( يمكن شهر 1 او 2 ) لزوم تاثيث بيت العمر
و اذا قرت موضوعج ، لازم افكر بالعواقب الوخيمه الي راح تصير فيني بعدين
و بصراحه انا ما احب اقضي ساعات بالسوق
الي يعيبني اخذه و اكمل
بس بما انه كلكم نفس الطبع
قلت لها ماشي يديد ، محد مسافر ، ايام المدرسه منو يسافر
و طلعت من ساحه الصين قلت اشــــــــــــــــــــــــــوه
المشاركة الأصلية كتبت بواسطة UAE_SON
http://www.arabtravelersforum.com/tr...6/#post4323086
مرحبا بج
اقووول انا احاول ارسل رساله خاصه بس اتوقع ما ايصير ما ادري ليش غير مسموح في المنتدى يمكن
اقول انا بسير باجر ان شاء الله وبلف الين ايدور راسي عل وعسى القى شي يرضيني
اقووول انا بسير ويا تاجر معروف في الدوله وهو بيدليني اذا لقيت شي غاوي بخبركم ما بقصر ان شاء الله وادعولي اوصل بسلامه وانه الله يصبرني في الطياره لانها عقدتي
الحمدلله على سلامة الوصول يالغالية ..... ( اكيد وصلتوا قراب العصر )
وان شاء ماتعبتوا في الرحله ولا في الطيارة....
بالنسبة للرسايل الخاصة .... لان مشاركاتج قليله علشان جيه ما تقدرين ترسلين ....
والحل ....
لازم تزيدين مشاركاتج ... يعني كل شوي ادخلي اي موضوع ولا استفسار ... واكتبي تعليقج ..... وبالتالي بترتفع مشاركاتج وبترومين تراسليني .... وانا حاضرة لاي استفسار
الله يوفقج يا اختيه .... وتحصلين اللي يسرج
المشاركة الأصلية كتبت بواسطة ام فرح وبسمه
http://www.arabtravelersforum.com/tr...6/#post4258256
الله يعيك العافيه تقريرجميل
الغالية ام فرح وبسمه
سامحيني الغالية ... ما انتبهت على تعليقج .... والله لاتزعلين ....
توني شفته بس لاني كنت اراجع التقرير ...
والله يعافيج ويسعدج في الدنيا والاخرة ....
ويشرفني حضورك
والسموحة منج يالغالية
المشاركة الأصلية كتبت بواسطة salma1970
http://www.arabtravelersforum.com/tr...7/#post4312047
الله يعطيج العافيه ويابنت دار زايد الغالية أنا حابة اروح الصين بس عندي اعيال ماجدر اوديهم ولا أخليهم
بس نفسي أروح ............... المهم انا بسالج عن المحلات الي تبيع سوالف الخياطة ولوازمها شفتيهاااااااااااا وهل هي مثل الي عندنا اوغير
الغالية سلمى .... سامحيني ما شفت تعليقج الا تووه ... يوم كنت اراجع التقرير ....
الله يعافيج الغالية ويسعدك وكل احبابج ...
والله يكتبلج وتسيرين الصين .... وتستانسين مثل ما استنسنا
بالنسبة للوازم الخياطة .... اتمنى انج قريتي الجزء الخاص بسوق الاقمششة والكلف .... وفيه كل شيئ
والسموحه حبوبه
السلام عليكم ورحمة الله وبركاته
تقرير ممتاز ومعلومات منظمه جدا وجزاك الله خير
ولكن حبيت اكتب عن الساعات والمعلومات من الأنترنت
عناوين الأسواق المتخصصه بالساعات و لا تنسونا من الدعاء
http://www.guangzhou4u.com/guangzhou...-market-2.html
Southern Trade Center of Horologe (南方钟表城)ZhanXi KowLoon Watch Center (站西九龙钟表城)Southern Watch Trade Centre (南方钟表交易中心)East Watch City (东方表城)MongKok International Watch Center (旺角钟表城)New KowLoon Watch Center (新九龙钟表城 )West Station Clock and Watch City (站西钟表城)SanYi Watch city (三一钟表城)
المشاركة الأصلية كتبت بواسطة سارووونه
http://www.arabtravelersforum.com/tr...6/#post4323516
يعطيك العافيه اختي الغاليه الهنا كله ...ومشكوره على ردك الحلو ياعسل ...
الله يعافيج الغالية .... تسلمين فديتج
بصراحه وبدون مجامله تقريرك جدا مفيييييييييد ....وراح يستفيد منه الكثير ..
الله يجعله بموازيين حسناتك يارب ...
اللهم آااااامين
تصدقين عاد ..لي فتره ادخل على طول لقسم التقارير ادور تقريرك وماألقاه
على بالي انحذف ؟ استغربت ويوم سويت سيرش طلع تقريرك هنا خخخخخخ
اشوى لحقت عليه قبل لا ينتهي ....
وانا اقول وييين الحلوة غاطة... الحمدلله انج حصلتيه
وامانه سلميلنا عالوالد الله يطول بعمره ويخليه ذخر لكم طول العمر ياااااااااااااااااااااارب ...
مازلنا متاااااااااابعين معك حبيبتي ...
سلامج وصل .... وهو بعد يسلمج عليج وعلى ريلج
ومشكورة فديتج على الدعوة الحلوة ....
تشرفني وتسعدني متابعتج
المشاركة الأصلية كتبت بواسطة اسيرالدوحه
http://www.arabtravelersforum.com/tr...2/#post4323932
السلام عليكم ...
ماشاء الله عليج ...
مخليتي مكان الا ورحتيه ...
تقرير مميز بمعنى الكلمة ...
الظاهر كل تقارير الحريم ... مميزة ...
وتقريرج اكبر مثال .. وتقرير سارونه ... وتقرير هداوه ...
ماشاء الله عليكم ....
وعليكم السلام ورحمة الله وبركاته ....
والله لو الوالد بصحته جان ما خلينا مكااااان ما سرناه .... ترا هو مثلنا يحب الحواطة هههه
اصلا تقريري ما يميزة الا وجودكم يا الطيبين ... والا هو ما يسوى شيئ بدون طلتكم
اتمنى ان اكون عند حسن الظن
المشاركة الأصلية كتبت بواسطة Emirates Air
http://www.arabtravelersforum.com/tr...8/#post4324158
و انت الصادق اسير الدوحة ..
فعلا البنات تميزو اكثر عن اي حد بطرح التقارير
alhana.kullah
بعده ما وصل السلام ، ههههههه لاني مب ساكن وياهم
و التقي وياهم بالويك اند ، انشاء الله هالاسبوع و يوصل ...
و نتريا كلمه الوالد بنهايه التقرير
بس دخيلج لا تنهينه الحين
الموضوع وايد حلو و كملي ،
كنت ناوية اخلص التقرير بسرعه ... يعني الباقي اعطيكم اياه باختصار ( لاني افكر اكتب في بوابات ثانية عن اماكن محد اكتشفها )
بس ... ما داااام قلت دخيلج ... هاي عوده ...
فالج طيب يا خويه ... بنطول التقرير انته تآمر ....
مرتي داشه المنتدى و تسالني شو اليديد
كان بيزل لساني و بقول لها عن موضوعج
لاني مفكر اخذها المره اليايه ( يمكن شهر 1 او 2 ) لزوم تاثيث بيت العمر
و اذا قرت موضوعج ، لازم افكر بالعواقب الوخيمه الي راح تصير فيني بعدين
و بصراحه انا ما احب اقضي ساعات بالسوق
الي يعيبني اخذه و اكمل
بس بما انه كلكم نفس الطبع
قلت لها ماشي يديد ، محد مسافر ، ايام المدرسه منو يسافر
و طلعت من ساحه الصين قلت اشــــــــــــــــــــــــــوه
حرااام عليك ... تبا تودي حرمتك الصين حق الاثاث وما توديها الاسواق .... شو اقول عنك ....
عطني رقمها وانا بتفاهم وياها .... لاتخاف ما بحرضها عليك هههههه
بلغ سلاااامي لام عيالك
المشاركة الأصلية كتبت بواسطة aldossaryma
http://www.arabtravelersforum.com/tr...6/#post4326796
السلام عليكم ورحمة الله وبركاته
تقرير ممتاز ومعلومات منظمه جدا وجزاك الله خير
ولكن حبيت اكتب عن الساعات والمعلومات من الأنترنت
عناوين الأسواق المتخصصه بالساعات و لا تنسونا من الدعاء
http://www.guangzhou4u.com/guangzhou...-market-2.html
Southern Trade Center of Horologe (南方钟表城)
ZhanXi KowLoon Watch Center (站西九龙钟表城)
Southern Watch Trade Centre (南方钟表交易中心)
East Watch City (东方表城)
MongKok International Watch Center (旺角钟表城)
New KowLoon Watch Center (新九龙钟表城 )
West Station Clock and Watch City (站西钟表城)
SanYi Watch city (三一钟表城)
وعليكم السلام ورحمة الله وبركاته ...
يزاك الله الجنه اخوي الدوسري ....
وشكرا على الاطراء ...
بالفعل الموقع جميل ... بس لو كانوا طاحين صور السوع علشان الواحد يتأكد من درجه التقليد ....
على العموم .... التقرير نوررر بمشاركتك
الله يعطيك الصحة والعافية
المشاركة الأصلية كتبت بواسطة اغلى ناسي
http://www.arabtravelersforum.com/tr...8/#post4326358
الله يعطيكج العافيه تقرير روووعه
الله يعافيكم ويخليكم
الرااائع مروركم وتشجيعكم
منورررين
المشاركة الأصلية كتبت بواسطة jemjam
http://www.arabtravelersforum.com/tr...4/#post4329184
بصراحه رائع رائع جدا
تقرير جميل وفيه كل مفيد
وزي ما قال اخي اسير الدوحه ... الحريم ابدعو في عمل التقارير
الله يفتح عليك ويجزيك خير على المعلومات الرائعه .
واعذريني على تاخري في متابعه تقريرك .. طبعا انتي عارفه ايش السبب ..وتحياتي.
حيا الله اخويه جمال ..
نوووور التقرير بطلتك ...
الحمد لله على السلامة .... ان شاء الله توفقت في السيرة ....
ويزاك الله خير على الدعوة الطيبة .... ولك المثل
المشاركة الأصلية كتبت بواسطة البحرين 999
http://www.arabtravelersforum.com/tr...2/#post4333902
جمعة مباركة
مواصلين المتابعة .. للنهاية لتعم الفائدة للجميع
وما شاء الله كل يوم نكتشف شي جديد
عموما الله يوفق لج ويسر لج امورج ويعطيج الصحة والعافية
ونتريا اليديد..
علينا وعلى كل المسلمين يا اخويه ......
بارك الله فيك على هاي الدعوات الطيبه ولك المثل .....( واااااايد احب الدعوااااات الحلوة )..
يشرفني ... ويفرحني تواصلكم ويايه....
واليديد في الطريق .... فالك طيب
المشاركة الأصلية كتبت بواسطة saher29
http://www.arabtravelersforum.com/tr...0/#post4337680
قووووووووووووووووولي آمييييييييييييييين
الله يحفظك ويبارك فيك
وجزاك الله خير
على هذا التقرير الرائع
وسلامي للوالد
الله يشافيه ويخليه لكم
آاااااااميييييييييييييييييييييييييييييييين
يارب العالمييييييييييييييييييييين
ولك المثل .... ولكل واحد يقرا تقريري .. ويعلق
يزاك الله خييييير على هذا الدعاء يالطيب
لاهنت ياخويه
المشاركة الأصلية كتبت بواسطة لمسة عطر
http://www.arabtravelersforum.com/tr...2/#post4343832
الله يسعدك اختي الهنا كله ويجعل ايامك كلها هنا
بصراحة استمتعت بتقريرك ومتابع للآخر ...........
الله يحفظلكم الوالد ويحفطكم للوالد يارب.
تحياتي
هلا بك يا الطيب
شكرا على الاطراء
ومشكور على الدعوة الحلوة ....
والله يحفظك ويجعل حياتك كلها هنا وسعادة في طاعة الله سبحانه وتعالى
تفرحني وتسعدني متابعتك يا اخوية
هلا بك اخويه مرحبا الساع ...
الله يسلمها ويسلم من ياب السلام ..
ههههه... والله انك ضحكتني ... حتى الوالد ضحك من سوالفك الحلوة ...
الظاهر... انك وديت الوالدة الصين ويلسيتها في الفندق
وما ظهريتها وايد عشان جيه حست انها ما سارت الصين ..
على فكرة عندك الحين امانه ثانية .... اقراها في الرد السابق على تعليقك وعاد هالمرة ما بتروم تقولي ما وصل..
واتريي لين الويك اند .... على هوااااك
وبالنسبه لليديد ...
الله يسلمك ... اختك ميهوده وااايد هاليومين ... مادري شو بلاييه ... جننه يبالي بريك
الله يسهل... وان شاء الله خلال هاليومين بحاول اكتب شيئ يديد
ربك كريم
السموحه
لا والله وديتها الصين و امي حركيه ما تحب ترتز بالفندق
وكان عندنا وحده اوالد يتعامل وياها من 25 سنه
و صارت وحده وايد قريبه منا
تمر علينا كل يوم و تاخذنا الاماكن الاثريه مثل المتاحف و هالاشياء
امي تقول قول لها نبي السوق
هالصينيه على بالها انجليز حنا مدري بنستانس على الاشياء الجديمه
و تسالني
امك عاجبها المكان
اقول لامي تسالج اذا المكان عيبح ، امي تتفشل و تجامل و تبتسم بالغصب و تقول هي حلو وايد ، وين اقرب سوق من هالمكان اسالها
بعدين عرفت ان نحن ما نقهر هالامكان و قامت كله تودينا السوق و هي تشرد
عاد هي وايد كلاس و راقيه ما تحب الاسواق الشعبيه
برايه ، المهم وناستنا
بس طيبه وااايد صراحه
و بخصوص السلام الثاني
هههههههههه اشدعوه الاسبوع الياي
انا وياها
بوصل السلام و راح تقرا الموضوع
بس اذا بهذلتني هناك بسببج ، راح تاخذين ذنوب انها بهذلتني هههههههههههههه
و توكلنا على الله اليوم يوصل ان شاء الله
و خذي راحتج بالتقرير
نحن نتريا
بس مو وايد يعني تطولين
لا اكيد امزح وقت الي تتبرضين له اكتب لانه بيطلع التقرير حلو
المشاركة الأصلية كتبت بواسطة Emirates Air
http://www.arabtravelersforum.com/tr...0/#post4348070
لا والله وديتها الصين و امي حركيه ما تحب ترتز بالفندق
وكان عندنا وحده اوالد يتعامل وياها من 25 سنه
و صارت وحده وايد قريبه منا
تمر علينا كل يوم و تاخذنا الاماكن الاثريه مثل المتاحف و هالاشياء
امي تقول قول لها نبي السوق
هالصينيه على بالها انجليز حنا مدري بنستانس على الاشياء الجديمه
و تسالني
امك عاجبها المكان
اقول لامي تسالج اذا المكان عيبح ، امي تتفشل و تجامل و تبتسم بالغصب و تقول هي حلو وايد ، وين اقرب سوق من هالمكان اسالها
بعدين عرفت ان نحن ما نقهر هالامكان و قامت كله تودينا السوق و هي تشرد
عاد هي وايد كلاس و راقيه ما تحب الاسواق الشعبيه
برايه ، المهم وناستنا
بس طيبه وااايد صراحه
و بخصوص السلام الثاني
هههههههههه اشدعوه الاسبوع الياي
انا وياها
بوصل السلام و راح تقرا الموضوع
بس اذا بهذلتني هناك بسببج ، راح تاخذين ذنوب انها بهذلتني هههههههههههههه
و توكلنا على الله اليوم يوصل ان شاء الله
و خذي راحتج بالتقرير
نحن نتريا
بس مو وايد يعني تطولين
لا اكيد امزح وقت الي تتبرضين له اكتب لانه بيطلع التقرير حلو
الله يسعدك ويهنيك بحرمتك ..... ويرزقكم الذرية الصالحة ...
لا تخاف .... اذا كنت تحبها... ما بتبهدلك... لان الحرمة دايما وفيه ...اكثر عن الريال
المشاركة الأصلية كتبت بواسطة عذب الكلمات
http://www.arabtravelersforum.com/tr...8/#post4355028
ما شا اللة عليك واللة انا ضحكت من قلبى خاصة على توتى توتى والرد ميمو ميمو حسيت انى فى كرتون تيلى تا بييز ماحقيقى انا راحة الصين قريب بس استفدت كتيير يعطيكى الف عافية ومنتظرين الباقى وما يجيبها الا نسوانها تقرير اكثر من رائع
الله يضحكك دووم... ويجعل ايامك كلها ضحك وهنا ....
الله يعافيك
وشكرا على الاطراء الجميييل
تابعوني للآخر
تبارك الرحمن ابدعتي والله يا بنت بلادي
والله نحن يالسين ندور حجز في كل الفنادق القريبة مب محصلين مني مناك مافي مجال ... في فندق مدحوه في المنتدى حصلت عليه بس ماعرف ماانذمر وايد اسمه king garden hotel
اما conton ما حصلت عليه والا اسعاره حلوه وبعد newmainland ما حصلت عليه the garden بعد ما حصلت عليه ..
اخ تعبت من كثر ما ادورررررر
ومر ثانيه ابدعتي
الصراحه تقرير راقي ومميز ويستحق التقدير
بس ياريت تجاوبيني عن بعض الاسئله اكون من الشاكرين لج
اسعار الشنط الكوالتي تقليد ماركات عدل
والاكسسوارات بولقاري _كارتير _قوتشي اسعارهم
وشلون اطلع على طول لكوانزوا بطياره ولا قطار
وفندق حلو وكويس لمدة 5 ايام في كوانزوا
والفيزه شلون طريقتها تطول ولا بسرعه
وشكرا مره اخرى استحملي اخوج شوي
المشاركة الأصلية كتبت بواسطة alaml3000
http://www.arabtravelersforum.com/tr...6/#post4359616
السلام عليكم
تقرير رااااائع جدا
اتوقع له الفوز باحسن موضوع وضع في هذا المنتدى
بالتوفيق وسلمي على الوااالد الله يطول عمره ويخليه لكم
وعليكم السلام ورحمة الله وبركاته
يزاك الله خييير على الاطراء والتشجيع... وعلى ذوووقك الراقي ياخويه
الله يسلمك ويبقيك ... والوالد بعد يسلم عليك
وبارك الله فيك على الدعوة الحلوة ... يا الطيب
المشاركة الأصلية كتبت بواسطة saadj
http://www.arabtravelersforum.com/tr...6/#post4360246
الله يعطيك العافيه اختي
بيض الله وجهك
الله يعافيك ويسعدك ويبقيك ياخويه
مشكور على الدعوة الحلوة .... لاهنت
تابعني للاخر .... فيه اشيااااء واااايد حلوة
المشاركة الأصلية كتبت بواسطة أم ابنائي
http://www.arabtravelersforum.com/tr...0/#post4362130
تبارك الرحمن ابدعتي والله يا بنت بلادي
والله نحن يالسين ندور حجز في كل الفنادق القريبة مب محصلين مني مناك مافي مجال ... في فندق مدحوه في المنتدى حصلت عليه بس ماعرف ماانذمر وايد اسمه king garden hotel
اما conton ما حصلت عليه والا اسعاره حلوه وبعد newmainland ما حصلت عليه the garden بعد ما حصلت عليه ..
اخ تعبت من كثر ما ادورررررر
ومر ثانيه ابدعتي
هلا الغالية ... ااااالله يعينكم ويسر امركم ...
بس ..خبريني انتي متى بتسافرين ... وانا بحاول اساعدج ...
مشكورة فديتج كلللللج ذووووووق غناتي
تابعيني للاخر
المشاركة الأصلية كتبت بواسطة hbk5555
http://www.arabtravelersforum.com/tr...6/#post4363016
ما شاء الله عليكي
يسلموا على التقرير والمعلومات الرائعة
الله يسلمك ويبقيك ياخوية ....
وشكرا على الاطراء ...
تابعني للاخر ...
كلللك ذوووق
المشاركة الأصلية كتبت بواسطة qaqw
http://www.arabtravelersforum.com/tr...4/#post4365214
الصراحه تقرير راقي ومميز ويستحق التقدير
اشكررر ذوووقك ...
بس ياريت تجاوبيني عن بعض الاسئله اكون من الشاكرين لج
اسعار الشنط الكوالتي تقليد ماركات عدل
والاكسسوارات بولقاري _كارتير _قوتشي اسعارهم
بالنسبة لاسعار الشنط ...
درجة التقليد العالية ... اللي كأنه اصلي ... يعتمد من 450 يوان الى 750 يوان ( طبعا هذي الاسعار في الصيف والصيف موسم سياحي )
بالنسبة للاكسسوارات ... تقليد الماركات ... تتراوح من 80 يوان ... الى 350 يوان
وشلون اطلع على طول لكوانزوا بطياره ولا قطار
ما فهمت عليك عدل ... بس في طيران مباشر الى كوانزو .. من دبي .. ومن قطر
اما اذا كنت تقصد .. الانتقال من هونج كونج لكوانزو ... فالقطار ... جربه وااايد حلو ومريح ... بتكلم عنه خلال الايام اليايه عن رحلتنا لهونج كونج
وفندق حلو وكويس لمدة 5 ايام في كوانزوا
ان شاء الله خلال الايام القادمة بتكلم عن كل الفنادق اللي زرتها
والفيزه شلون طريقتها تطول ولا بسرعه
الفيزا تطلعها من السفارة الصينية .. او القنصلية الصينية الموجودة في بلدكم ... وما تطول ... بس الاحسن تطلعها بدري ...
شوف هذا الرابط
http://www.arabtravelersforum.com/travel401486/
وشكرا مره اخرى استحملي اخوج شوي
افااا عليك وانا اختك ... اي سؤال انا حاضرة
تابعني للآخر .... في اشياء مفيدة
المشاركة الأصلية كتبت بواسطة nasser 177
http://www.arabtravelersforum.com/tr...2/#post4367742
اولا السلام عليكم ورحمه الله وبركاته
ثانيا . وعليكم السلام ورحمة الله وبركاته
ماجعلني اسجل في هذا الصرح الرائع وتكون هذه اول مشاركه لي هو متابعه هذا التقرير الرائع
هذا من طيب اصلك يا اخوية ... يسعدني كلامك واطرائك الجميل
واتمنى سرعه انهائه بدون ايجاز منك حتى نبداء بفيض الاسئله
يا خوية يا ناصر ... بارك الله فيك ...اصبر شوي ... اختك مريضة هالايام .. والكتابه يبغيلها مزاج رااااايق ... وان شاء الله خير
بس انته ما يهمك ..ابدأ اسأل وانا اختك ... غيرك يباني اطول ... ربك كرييييييم
جزاك الله خيرا لما تقدميه وجزى والدك الكريم خيرا وامده بشفاء لايرى بعد سقما
ولك المثل ... ومشكوووووووور على الدعوة الحلوة
لك التحيه
الله يحييك ويبقيك وكل احبابك ....
مرحبا اختي يعطيج الف الف عافية على تقريرج المتكامل وايد راح يفيدني برحلتي لكوانزو
انا ناوية اروح في العيد باذن الله وهذي اول مرة اروح فيها للصين وخذيت اسماء وعناوين الكروت الي حاطتهم
بس عندي استفسار اختي الفاضلة انا حاجزة في كوانزو فندق في شارع بجين اسمه جراند كونتيننتال سيرفس ابارتمنت عندج فكرة عن مستواه وخدمته وموقعه اى معلومات عنه واهم شي الموقع قريب من اسواق او مطاعم وشاكرة لج كل الشكر عزيزتي
المشاركة الأصلية كتبت بواسطة غزال الخليج
http://www.arabtravelersforum.com/tr...4/#post4378874
مرحبا اختي يعطيج الف الف عافية على تقريرج المتكامل وايد راح يفيدني برحلتي لكوانزو
انا ناوية اروح في العيد باذن الله وهذي اول مرة اروح فيها للصين وخذيت اسماء وعناوين الكروت الي حاطتهم
بس عندي استفسار اختي الفاضلة انا حاجزة في كوانزو فندق في شارع بجين اسمه جراند كونتيننتال سيرفس ابارتمنت عندج فكرة عن مستواه وخدمته وموقعه اى معلومات عنه واهم شي الموقع قريب من اسواق او مطاعم وشاكرة لج كل الشكر عزيزتي
مرحبا الساع يا الغزاله ... نورتينا ياحلوة...
الله يعافيج حبوبه ....
بالنسبة للفندق ... Grand Continental Service Apartment
انا ما اعرفه ... بس من موقعهم شكله مرتب ..وراقي .. وفي ناس مدحوه ..
وهذا موقعهم
http://www.arabtravelersforum.com/re...oce%2Fgyjs.asp
والفندق يقع في شارع بيجين لو منطقة تسوق فيها كل شيئ .. بس طبعا ما يغني عن الاسواق الباقية ..... واسعار هذا السوق متوسطه ... بس فيه مطاعم الوجبات السريعة
وهو بعيد شوي عن المطاعم العربية ... بس ممكن تتصلين عليهم ,,, ويوصلون لج الاكل لين الفندق
جربي تحجزين عليه ليلتين واذا ممتاز مددي اقامتك فيه ... واذا ما عيبج تقدرين تغيرينه
موفقه اختي
المشاركة الأصلية كتبت بواسطة أم ابنائي
http://www.arabtravelersforum.com/tr...0/#post4382600
مرحبا الساع الغالية .
اخيرا حصلنا الحمدالله حجز في نفس فندقج اللي حجزتي عليه وعلى فكره دخلت موقعهم رقم التلفون غلط حاطينه
أم أبنائي ,, الله يةفقكم في سفرتكم
بس انا حاولت ادخل الموقع ولا ضبط معاي
ممكن تساعديني
ولا اتصل عادي على الرقم اللي على الكرت والحجز يكون سهل ان شاءالله
وعلى كم حجزتي
للعلم نحن بس 2 ونبى غرفة عادية
والسموحة عالازعاج
المشاركة الأصلية كتبت بواسطة الكابيتانو10
http://www.arabtravelersforum.com/tr...6/#post4383506
488 رممبي ,, غريبة !!!
انا حاولت الاتصال من ششوي والحمد لله كلمتهم وانا ناوي اقعد من 5-11 الى 14-11 ويالله يالله قهمت منها الرمسة
,, افففففففففففف
اللي فهمته اول ليه ب 800 رممبي تقريبا والباقيات على 500 تقريبا ,,, والمجموع قالت تقريبا 5000 رممبي
طبعا السعر وايد حلو انا اشوفه بس لو دخلتي هالموقع http://www.sinohotelsite.com/newmainland.htm راح اتشوفين ان السعر اللي عطونا اياه اغلى
عالعموم انا من التقرير عجبني الفندق وحاب اجربه هالمرة مع اني سافرت قبل وكنت اسكن في canton hotel بجنب شارع بكين وفندق وموقع عاجبني بس فلللللللللللللللل, وهالمرة راح نمشي على خطى اختنا الهنا كله
بس عاد عسى نتوفق معاهم
وللاسف دورت كثير بالانترنت وعلى مواقع وحتى على موقع الفندق بس مافي امل
سؤال اخير اختي, حجزتي بس بالاسم ولا عطيتهم رقم الماستر كارد ولا كيف !!!
السلام عليكم ورحمة الله وبركاته
مرحبا بك اخويه ...
بالفعل السعر وااايد حلو ... من الموقع
انته اتصلبهم احجز عندهم واشترط عليهم انك بتدفع يوم بتوصل ... ويوم بتوصل ادفع حق اول يومين ... واذا عيبك كمل او دورك على غيره ...
بس بسألك ... انته سكنت قبل في فندق كانتون هل كان عداله مطاعم حلال ؟
المشاركة الأصلية كتبت بواسطة نسايم حب
http://www.arabtravelersforum.com/tr...2/#post4379912
الصراحه تقريرج الغاليه ما عليه زوووووووووود والله
الله يعطيج الصحه و العافيه .. و استفدت منج وااااااااااااايد ما تقصرين يعلني افداج
و الله يعافي ابوووج يارب
مرحبا والله بنسايم الحب ...
مشكورة حبوبه ..يسعدني اطرائك الجميييل ...كلج ذووووق
فديتج والله .... الله يعافيج ويسعدج يارب
مشكووووورة الغالية تابعيني للاخر ... في اشياااء بتعيبج
الهنا كله ...
برد بتصل فيهم عقب شوي لاني سمعت الكثير عن الفندق شندادي بنق وا ^_^
والفندق اللي سكنت فيه قبل ( كانتون) ,, عمري ما كلت فيه ولا حتى شربت مل واحد عصير ^_^
مب لاني شاك او متخوف او او, لا لاني كنت اخذ عصير من البقالة اللي تحت مثلا وعندنا بسكوت وتمر وعسل و و
فكنا انا والوالد نقوم الصبح وناخذ كم تمرة وشوية عسل وعصير ونتوكللللللللللللللللللللللللللل عالشغل, اليييييييييييييييييييييييييييييييييييييييييييييييي ن الليل , يعني باليوم وجبة وحدة بس
طبعا انا هذي الايام اسميها غوانتانامو ^_^
الوالد ما شاء الله عليه نشيط ويحب يتعب عمره
والفندق قريب جدا من شارع المطاعم سبأ والمائدة والبسبور وغيرهم , يعني تقريبا 10 دقايق مشي
والفندق بينه وبين سوق شارع بكين مجرد امتار
الفندق كان زحمة كثير كثير وتصير فيه مؤتمرات وكذا, بس نحن كنا نطلع الصبح وما نرجع الا بالليل , يعني ما تهمنا الزحمة
وطبعا النت كان جدا ممتاز والخدمة طبعا روعة
يعني بصراحة فندق 100%
والعرب قلييييييل جدا فيه
بس حلاته انه جنب شارع بكين
نحوط يوميا في شارع بكين لييين 10 - 11
ونسيت شئ حلووو كثير بالفندق ,,, تحت الفندق مباشرة مسجد, وصلينا فيه الجمعة وما لقينا مكاااااااااااااااااااااااااااااااااااااااااااااااا ااااااااااااااان من الزحمة اللي فيه
كانت جمعة مميزة هاك اليوم
الحمد لله تم الاتصال وحجزت 10 ليال , اول ليلة بـ 460 رممبي , وبقية الليالي بـ 428 وعاد انتوا حسبوها
وطبعا لم تاخذ مني سوى الاسم ورقم الهاتف وموعود الوصول للفندق
وعسى يكون الفندق جيد ولا ندعي على اختنا الهنا كله ^_^
امزح بس والله يجزاج كل خير عالتقرير الحلو والصور والبطاقات و و و و و وكل شئ
والشكر للجميع ع التفاعل
الله يوفق الجميييييييييييييييييييع
المشاركة الأصلية كتبت بواسطة الكابيتانو10
http://www.arabtravelersforum.com/tr...8/#post4384258
الهنا كله ...
برد بتصل فيهم عقب شوي لاني سمعت الكثير عن الفندق شندادي بنق وا ^_^
هلا اخويه ....
شوف يوم بتتصل اطلب واحد اسمه بيني .... يعرف انجليزي ... وقله يسويلك خصم
والفندق اللي سكنت فيه قبل ( كانتون) ,, عمري ما كلت فيه ولا حتى شربت مل واحد عصير ^_^
مب لاني شاك او متخوف او او, لا لاني كنت اخذ عصير من البقالة اللي تحت مثلا وعندنا بسكوت وتمر وعسل و و
فكنا انا والوالد نقوم الصبح وناخذ كم تمرة وشوية عسل وعصير ونتوكللللللللللللللللللللللللللل عالشغل, اليييييييييييييييييييييييييييييييييييييييييييييييي ن الليل , يعني باليوم وجبة وحدة بس
طبعا انا هذي الايام اسميها غوانتانامو ^_^
ههههههه
صدق انه جوانتانامو .... حشا تعذيييييب مب سفره
الوالد ما شاء الله عليه نشيط ويحب يتعب عمره
والفندق قريب جدا من شارع المطاعم سبأ والمائدة والبسبور وغيرهم , يعني تقريبا 10 دقايق مشي
والفندق بينه وبين سوق شارع بكين مجرد امتار
الفندق كان زحمة كثير كثير وتصير فيه مؤتمرات وكذا, بس نحن كنا نطلع الصبح وما نرجع الا بالليل , يعني ما تهمنا الزحمة
وطبعا النت كان جدا ممتاز والخدمة طبعا روعة
يعني بصراحة فندق 100%
والعرب قلييييييل جدا فيه
بس حلاته انه جنب شارع بكين
نحوط يوميا في شارع بكين لييين 10 - 11
ونسيت شئ حلووو كثير بالفندق ,,, تحت الفندق مباشرة مسجد, وصلينا فيه الجمعة وما لقينا مكاااااااااااااااااااااااااااااااااااااااااااااااا ااااااااااااااان من الزحمة اللي فيه
كانت جمعة مميزة هاك اليوم
الصراحة فندقك القبلي احلى .... جانك بتحصل فيه يكون وااايد زين ... خاصة انكم تسيرون حق الشغل ... اتوقع لوازم البناء مثل كل الرياييل
وانا كنت بحجز فيه قبل ... بس شكل الغرف في النت ما عيبني .... خاصة الشراشف ..
الله يحفظلك الوالد ويطول في عمرة
المفضلات