الموضوع: الرحلة البنوتية للأراضي الصينية

بسم الله الرحمن الرحيم



والصلاة والسلام على اشرف المرسلين سيدنا محمد صلى الله عليه وسلم




أولا



احب اشكر كل القائمين على هذا الصرح العظيم الرائع واللي استفدت منه الكثير في سفرتي للصين



والله يجزي كل من يكتب في هذا المنتدى خير الجزاء




ثانيا




انا اول مرة اكتب تقرير وان شاء الله بحاول اني اكتب كل اللي اعرفه وسامحوني اذا قصرت في شيئ




وبتكلم باختصار عن كل الاماكن اللي زرتها في كوانزو


وبذكر معلومات يديدة ما انذكرت في التقارير السابقة

بسم الله نبدأ




كانت رحلتنا من 972010 الى 3072010




عدد المسافرون 3 بنات والوالد




على الطيران الصيني









سعر التذكرة 2750 للشخص على الدرجة السياحية





الاقلاع كان الساعة 1.40 صباحا من مطار دبي






انطباعي عن الطيارة







الكراسي مريحة جدا والطيارة وسيعه يعني تاخذ راحتك في السفرة والمضيفين جدا خدومين




ويقدمون وجبتين وجبة فطور بعد ساعة من الاقلاع




ووجبة غداء قبل ساعة ونص من الوصول




وقبل كل وجبة ومع كل وجبة يقدمون عصير




وطوووول الوقت يدورون بالماي بدون ما تطلبهم ......... لا اااااا وبعد يعطونك هدية حق كل المسافرين




هذا كله في الدرجة السياحية


ولكل راكب 40 كيلو مجاناااا


(الصراحة عيبتني اكثر من الاماراتية)





واهم شيئ ان الطيارة الاير باص درجة البزنس الكراسي تتحول الى سرير




وصلنا كوانزو الساعة 1.30 ظهرا



سكنا في فندق دونج فانج فئة الخمس نجوم











الفندق


جديد نوعا ما وراقي وممتازحاصل على عدة جوائز وتنطلق الباصات المتوجهه




إلى المطار وإلى هونج كونج من هذا الفندق وهو مقابل المعرض القديم تماما ويبعد عن المطاعم العربية 15 دقيقة مشيا




على الأقدام و 5دقائق بالتاكسي وسعره 45 دولار تقريبا وبمجرد وصولك إلى مطار كوانزو أركب الباص


رقم 5 والذي


سيأخذك إلى باب هذا الفندق
وعنوانه :
120 Liu Hua Road


(و على يمين الفندق محلات تبيع ملابس ... بس مب رخيصة وعدالها فندق تشاينا هوتيل الماريوت ..... اللي مقابلنه المسجد ....ويوم الجمعة .. يكون فيه بياعين متجولين يبيعون الخبز والفواكة )





كنا حاجزين غرفتين من فئة ديلوكس 680 يوان لكل غرفة ولكن يوم وصلنا ما كانوا متوفرين فعطونا



غرفتين بزنس بنفس السعر












انطباعي عن الفندق



الفندق جميل وغرف البزنس كبيرة وواسعة .... ويوجد فيه حديقة جميلة وحوض سباحة مفتوح حتى الساعة 11 مساءا










وفي كافيه مطل على الحديقة ....... بس الحرررر





بس يعييييييبه ان النت بفلوس





والفطور غير مشمول في سعر الغرفة





وما في مطعم قريب منه ............. يعني تحتاج تاكسي 5 دقائق للوصول للمطعم





والعرب

مواضيع عشوائيه ممكن تكون تعجبك اخترناها لك:

• متى وقت رحلتنا هههههه
• الفزعه يا اخوان شمه
• انا ببالي وضايع ابي فزعتكم
• جدول اندونيسيا بونشاك - باندونق -جاكرتا
• ارجوكم الرد بسرعة حول ستفساري عن اجراءات الدخول لمطار بالي
• فنادق بجوار المطار
• فلل في بونشاك
• الطريق من جاكرتا لبنشاك يوم الأحد
• أستفسارات وأراء من الخبراء
• ارجو المساعدة من ناحية السكن في بالي
• اريد الحجز قبل السفر
• اول زياره الى جاكرتا
• أتمنى مساعدتكم
• الزلازل في اندونيسيا
• محتاج النصيحه لأول رحلة الى اندونيسيا
• سوق الجينز في باندونق
• استفار عاجل بخصوص جاكرتا
• استفسار عن فندق كمبنسكي
• بسرعه ردوا الله يخليكم
• أريد ممن يعرف فيلا باريس في الجبل أن يفيدني عنها فضلا منه وتكرما

بداية جميله


منتظرين بقية الاحداث السياحيه في الاراضي الصينيه

الحمدالله على السلامة
بداية موفقه
دعيني اكون في الصفوف الامامية لمتابعت تقريرك

اتمنى تكبري الصور اكثر 800x600 او 640x480
بالتوفيق

بدايه طيبه

بس مره ثانيه تاكدي ان النت فري عشان ماتطلع عليكم الغرفه دبل

المشاركة الأصلية كتبت بواسطة jemjam
http://www.arabtravelersforum.com/tr...8/#post4246558

بداية جميله


منتظرين بقية الاحداث السياحيه في الاراضي الصينيه






حيا الله اخوي راعي اليمن الجميلة


ويشرفني تكون اول من يعلق على تقريري البسيط المتواضع

واحب اشكرك لاني استفدت الكثير من مواضيعك

يزاك الله خييييييير

المشاركة الأصلية كتبت بواسطة الوضـــاح
http://www.arabtravelersforum.com/tr...2/#post4246562

الحمدالله على السلامة
بداية موفقه
دعيني اكون في الصفوف الامامية لمتابعت تقريرك

اتمنى تكبري الصور اكثر 800x600 او 640x480
بالتوفيق









الله يسلمك يا اخويه



تم تسجيلك في الصف الامامي ويشرفني هذا الشيئ



فالك طيب ان شاء الله بحاول




شكرا على التشجييييييع

المشاركة الأصلية كتبت بواسطة الاسد1977
http://www.arabtravelersforum.com/tr...5/#post4247105

بدايه طيبه

بس مره ثانيه تاكدي ان النت فري عشان ماتطلع عليكم الغرفه دبل





هلا اخوي


بارك الله فيك


شكرا على المرور

السلام عليكم ..

بداية طيبة للتقرير ..

متابعين لآحداث التقرير ...

وينقل الى قسم التقارير ...

المشاركة الأصلية كتبت بواسطة اسيرالدوحه
http://www.arabtravelersforum.com/tr...1/#post4249641

السلام عليكم ..

بداية طيبة للتقرير ..

متابعين لآحداث التقرير ...

وينقل الى قسم التقارير ...





[color="purple"]

وعليكم السلام ورحمة الله وبركاته


اشكر مرورك وتشجيعك الطيب يا اخوية



ويزاك الله خير لاني استفدت من تقاريرك







[/color]

السلام عليكم


انا من متى وانا يااااسة اكتب الجزء الثاني وانزل الصور ... بس للاسف انحذف كلة


الحمد لله على كل حااااال ............ اللهم لا اعتراااااااض



تأخر الوقت بكمل باجر


تصبحون على خير وسعادة وهنا

مرحبا متابعين لك ونحن في كوانزوا

بدايه موفقه وكنت من زمان وانتظر تقريرك

المشاركة الأصلية كتبت بواسطة مرسيدس111
http://www.arabtravelersforum.com/tr...7/#post4251137

مرحبا متابعين لك ونحن في كوانزوا

بدايه موفقه وكنت من زمان وانتظر تقريرك







مرحباااا بك اخويه



آااامر باللي تباه


والله يوفقك في سفرتك

[COLOR="Red"]الجزء الثاني[/COLOR]




السلام عليكم ورحمة الله بركاته




مثل ما خبريتكم




سكنا في فندق فانج دونج 4 ايام بس




بخبركم ليش




صحيح ان الفندق جميل والحديقة رائعة حجزنا غرفتين و طلبنا منهم غرفتين جنب بعض وبينهم باب ويكونون جريب


من الاسنسير



بس ما كان متوفر الا غرفتين بعاد عن بعض وعاد واااايد عن الاسنسير (من كبر الفندق )



يعني الواحد كفاية عليه المشي في السوق ما يصدق يرجع الفندق بسرعه علشان يرتاح مب



يمشي 3 -4 دقائق لين يوووووصل الغرفة




وخاصة ان الوالد الله يعافيه عنده دسك يتعب من المشي المتواصل




وبعد لان الفندق ماكان عداااله مطعم ولاسوق ولا البياعين المتجولين




وطبعا الغرفة بدون فطور



بس احنا كنا ماخذين معانا خبز لبناني - مكسرات - زعتر - زيت زيتون - اجبان - الزيتون - بسكوت- كاكاوات- تمر



– بثيثة- وعسل ومربى




وكنا نتريج (نفطر )



من هاي الاشياء خلال الاربعة ايام اللي سكناهم في هذا الفندق




وبعدين




قررنا نسكن في فندق نيو مينلاند بعد ما دورنا على شقق مفروشة بس ما عيبنا شيئ



وكان الاختيار جدااااا موفق والحمد لله




هذا الفندق











البهو






غرفة النوم













الحمام اعزكم الله









المطعم








والفندق شهير عند اهل التكاسي بشندادي بينق وا هوتيل فندق اربع نجوم ...


مميزااااااااته



1- النظافة


2- الامن عاااالي جدا جدا جدا

في كل طابق الكاميرات – وموظفه واقفه تراقب- في بهو الفندق 4 رجال امن


3- العاملين في الفندق خدومين جدا


4- لايوجد فيه بار ولا ملهى ليلي


5-سعره معقول يشمل الفطور


6- كل غرفة فيها كمبيوتر ونت مجاني


7-فيه صالة رياضة مجانية


8- فيه مكتب سياحي ( ما يعرفون انجليزي ... بس العاملين في الفندق يعرفون وبيساعدونك)


9- كل راعين التكاسي يعرفونه


10- الفطور من الساعة 6.30 الى 10.30

صيني وعالمي متنوع يوم يحطون ربيان ويوم قباقيب( سرطان البحر) ويوم الاثنين مع بعض

و فواكه وخضرة والمربى والعسل حتى زيت الزيتون يحطونه


11-تقريبا ثلاثة ارباع الفندق عرب ومسلمين وعجبني احترامهم للمسلمين ...عند كل اكله يحطون مكوناتها


12- ومن كثر العرب ما بتحس بالغربة وطول الوقت تسلم على اخوانك العرب والمسلمين والا ترد السلام


بتلقى الخليجي والشامي والمصري والتركي والاوكراني والايراني والهندي



الكل يحاول يساعدك



ومن المواقف اللي صارت لنا في هذا الفندق



خاصة في المطعم



طبعا احنا رحلتنا سياحية



وكان ابوية كل يوم يسلم على التجار العرب ويتعرف عليهم كانوا يسألونه انته ياي تجارة يقولهم لا سياحة



على طول يعرضون خدماتهم



وكل يوم يسلمون على بعض



طبعا احنا كنا ماخذين معانا زعتر ويوم شفنا زيت الزيتون



قلنا ما يصير انودر الزعتر في الغرفة بروحه



وكانوا اخوانا الشاميين كل ما يمرون عدال طاولتنا يطالعون صحونا وشو ناكل



شكووووو فينا



قالوا في خاطرهم هاذيلا شكلهم خليجي ولابسين عبي ورمستهم اماراتية



بس ما يودرون الزعتر



كأنه اصلهم شامي



حتى مرة ريال اردني يا يسلم على ابويه واحنا يالسيين



وقال : صباح الخير ياحاج كيفك



قاله ابويه: صباح النور .الحمدلله . اشحالك انته



قال : الحمدلله . احنا اليوم ان شاء الله مسافرين عالاردن



قاله الوالد:بالسلامه



وكان طووول الوقت يطالع صحني والزعتر الي فيه



كنت اشوية بقوله : اتفضل



وااااااالاهم ان الفندق


13- يقع في سوق الملابس



14-وامام الفندق مداخل سوق الاندرجراوند اللي تحت الارض



15-وعلى يمين الفندق مركز شرطة



16-وعلى يسار الفندق محل فواكه و صيدلية وحلاق ومكتب سياحي ومطعم مسلم وسوبر ماركت صغير



17-وقريب من سوق بايما وسوق ايما وسوق تايما وسوق لي خوا مسافة 2-3 دقايق مشي ومحطة الباصات بايما




18-وقريب من سوق الساعات مسافة 10 دقايق مشي



19-وقريب من سوق الاحذية والاكسسوارات 5 دقايق بالتاكسي


20-- 3 دقايق بالتاكسي من سوق ملابس الاطفال



21-وقريب من المطاعم العربية 10 دقايق بالتاكسي




22 – اذا حبيت تحول الدولارات الى يوان في الفندق يخبرونك بالسعر ويقولولك ان السعر برع افضل من الفندق ... يعني ما يستغلونك




23- والحلو ان عداله مطعم شنجاني مسلم ... اكله حلو واااايد... تقول طبيخ بيت لان امهم كانت تشارك في الطبخ



وانتو تعرفون كيف اكل الامهات الله لايحرمنا منهم ..



وكنا كل يوم نطلب منه حتى لو وجبه وحدة وانكمل من المطاعم العربية اللي توصل الاكل لين الفندق

لحم ستيك رهيييييييييييييييييييييييييييييييييييييييييييييييي ييييب





هاي سمناها مرقوقة نفس الطعمه .............. لذيييييييييييييييييييذة







وياعيني على المشروم الطازج عذاااااب ( وانا ياسة اكتب والله اني استهيت هالاكل )









الصراحة كل الاكلات اللي كليناها من هذا المطعم كانت لذيذة.... هم ما يعرفون كلامنا بس




ندخل نسلم عليهم ويردون السلام ونأشر على الاكله اللي نباها.. الموجودة على البوستر على الجدار




واسعارهم واايد رخيصة يعني كل الوجبات السابقة ما تتعدى 80 يوان



وفيه وجبات وايدة بس ما صوريتها

وجدام الفندق بياعين متجولين يبيعون الفواكة الطازجة والذرة الحلوة والناريل واللحم المشوي








سيخ اللحم بواحد يوان والخبزة ب2 يوان بس اطلبوا من يوسف اللي يشوي على يسار الفندق انه يزيد البهارات




وعلى يسار الفندق محل فواكة بس لاتشتري منه لان فاكهته جديمة وغالي بعد



هذا كل اللي اذكرة الحين وسامحوني على القصور


[/FONT][/SIZE]

خوش تقرير وممتاز بالحيل

بصراحه الفندق ممتاز على حسب ماذكرتي من موقع ومميزات

لو تكرمتي اختي اذا عندك كرت الفندق تصورينه وتحطينه بالموقع لان الصينين رفعو ظغطي كل وقتي معهم بالاشارات

وربي يشافي ابوكم ويحفظه

لي عوودىة على تقريرك

المشاركة الأصلية كتبت بواسطة الاسد1977
http://www.arabtravelersforum.com/tr...2/#post4252822

خوش تقرير وممتاز بالحيل

بصراحه الفندق ممتاز على حسب ماذكرتي من موقع ومميزات

لو تكرمتي اختي اذا عندك كرت الفندق تصورينه وتحطينه بالموقع لان الصينين رفعو ظغطي كل وقتي معهم بالاشارات

وربي يشافي ابوكم ويحفظه





هلا بك اخويه الاسد


حاضرين

هذا الكرت





سامحني الصورة مب واضحة هذا اقصي حد قدرت اضبطة لان الكتابة بالرمادي





بس انته قولهم شندادي بنق وا او نيو مينلاند هوتيل



وهم بيعرفون على طول


شاكرة مرورك


والله يوفقك في سفرتك

المشاركة الأصلية كتبت بواسطة abo reem 2009
http://www.arabtravelersforum.com/tr...9/#post4252989

لي عوودىة على تقريرك







اتشرف بحضورك اخويه

ماشاء الله تقرير جميل وسهل الحمد لله على السلامة ، وانا من الحبين للمطعم الشنجاني اكلهم طيب ويحبون يخدمونك لما يعرفون انك مسلم من خارج الصين ، كان معي تمر احضرته معي من السعودية عطيتهم منه مغلفين فرحو به كثير ولما جيت احاسب على الاكل رفضو ياخذو مني فلوس بس قلت لهم التمر هدية مني ما يتدخل في حساب الي كليته فوافقو بعد الحاح طبعا بالاشارة وكل مره اروح للصين لازم ازورهم ولو كنت ساكن بعيد عنهم اروح لهم بالتاكسي عشان اسلم واعطيهم تمر ، عفوا اختي طولت السالفه في تقريرك واشكرك على تقريرك الجميل

المشاركة الأصلية كتبت بواسطة TravellOnce1
http://www.arabtravelersforum.com/tr...8/#post4255308

[color="blue"]ماشاء الله تقرير جميل وسهل الحمد لله على السلامة ،



الله يسلمك يا اخوية


وانا من الحبين للمطعم الشنجاني اكلهم طيب ويحبون يخدمونك لما يعرفون انك مسلم من خارج الصين ، كان معي تمر احضرته معي من السعودية عطيتهم منه مغلفين فرحو به كثير ولما جيت احاسب على الاكل رفضو ياخذو مني فلوس بس قلت لهم التمر هدية مني ما يتدخل في حساب الي كليته فوافقو بعد الحاح طبعا بالاشارة وكل مره اروح للصين لازم ازورهم ولو كنت ساكن بعيد عنهم اروح لهم بالتاكسي عشان اسلم واعطيهم تمر



ما شاء الله عليك حلوووة فكرة التمر


ان شاء الله المرة الياية بسوي مثلك ....ولك الاجر .... فالدال على الخير كفاعله./COLOR]

، عفوا اختي طولت السالفه في تقريرك واشكرك على تقريرك الجميل




افااا عليك التقرير تقريرك

بالعكس التقرير نور بكتاباتك

وانا استفدت من فكرة التمر


الف شكر

الصرااااحة




كتابة التقرير تاخذ وااايد وقت وخاصة تنزيل الصور وتعديلها




حتى فكرت اني ما اكمله (بس النبي صلى الله عليه وسلم قال " اذا عمل احدكم عملا فاليتقنه)



وواجب عليه اكمله بس قررت اني ما اعدل على الصور ....وخاصة اني استفدت من هذا المنتدى الكثير في



سفرتي للصين وسفرتي لاوربا فلازم ارد الجميل قال تعالى (هل جزاء الاحسان إلا الاحسان )


ان شاء الله اليوم بنزل جزء عن الاسواق
/
/
/
/
/
انتظروني

تقرير جميل عن الفندق ......................ومنتظرين الاسواق .

تقرير جميل

بإنتظار الباقي

السلام عليكم
متابعين الرحلة ان شاء الله و يعطيج العافية

المشاركة الأصلية كتبت بواسطة حظي خذلني
http://www.arabtravelersforum.com/tr...4/#post4256834

تقرير جميل

بإنتظار الباقي







الاجمل تشجيعكم

شاكرة مرورك

المشاركة الأصلية كتبت بواسطة najji
http://www.arabtravelersforum.com/tr...4/#post4256904

السلام عليكم
متابعين الرحلة ان شاء الله و يعطيج العافية




وعليكم السلام ورحمة الله وبركاته

الله يعافيك يا اخوية... تسلم

السلام عليكم ورحمة الله وبركاته



قبل ما ابدأ الحديث عن الاسواق تذكرت شيئ مهم يعتبر من مميزات فندق نيومينلاند



وهو انه المكان الامثل للي يرغب في البدأ بالتجارة



تدرون ليش !



لان معظم التجار العرب يكونون موجودين فيه وبالتالي يستلمون البضاعة في الفندق



احيانا وممكن التاجر المبتدأ يتعرف على التجار الموجودين ويستفيد من خبرتهم خاصة



ان في منهم له اكثر من 20 سنه في هذا المجال وبالتالي ياخذ ويتعلم كيف يوصل لثمرة




النجاح بسرعة ويتفادى الاخطاء المبدئية اللي ممكن يقع فيها التاجر المبدأ



بقولكم موقف حصل جدامنا يأكد هذا الكلام



الله يسلمكم ..... صلوا على النبي ..... ههههه بقول قصة ( اللهم صلي وسلم عليه)



في يوم من الايام كنا يالسين في الاستقبال الصبح .... وكانت في حرمة تركية تستلم البضاعة وتتأكد منها



وكان من ضمن اليالسين تاجر سوري سألها: من وين اشتريتي هالقمصان



قالت التاجرة التركية :من المركز اللي مقابلنا



قالها : بكم حسبلك الحبه



قالت: 20 يوان



قالها: اي محل ؟ ممكن تعطيني عنوانه...



قالت: اتفضل الكرت



قالها : انتي عندك محل بتركيا



قالت: عندي محل في اسطنبول



هيه..... تذكرت شيئ ثاني


سعر الغرفة يختلف في نص الشهر الاول يكون اغلى من نص الشهر الثاني


يعني احنا خذينا غرفتين بينهم باب ............غرفة ستاندرد وتكون بدون شباك ...و غرفة ديلوكس


ما ادري بزنس ( لانه يوم كنا ندفع الحساب احيانا يقول ديلوكس واحيانا يقولون بزنس )

المهم


الاستاندرد في النص الاول من الشهر سعرها 480 يوان....وفي النص الثاني من الشهر 420



الغرفة الثانية في النص الاول من الشهر 520 يوان.... في النص الثاني من الشهر 480 يوان



على فكرة سعرهم في الفندق نفس اللي في النت





سوق لي خوا


بما اني سكنت في هذا الفندق واللي يقع في سوق الملابس وبما اني احب التسوق واااايد




فانا شبرت هاي الاسواق شبر شبر هههه .... بالاحرى المنطقة كلها ..... وان شاء الله بشرح لكم كل سوق شو يبيع



بسم الله نبدأ




وعشان خاطر اخوي مرسيدس ... اللي كان دايما يسأل عن اسواق ملابس الماركات وانا اقوله : اصبر بنزل تقرير بعد العيد



اليوم بتكلم عن سوق لي خوا.... وهو سوق جملة للملابس الرجلية والنسائية



هذا السوق يقع على بعد 4 دقايق مشي من فندق نيو مينلاند(شندادي بينق وا)



الصراحة السوق سوق جملة وفيه اشياء حلوة للباحثين عن التجارة وفيه محلات تبيع تقليد الماركات ...


وانا يوم شفت هذا الشيء قلت لازم اشوفة كله وافيد اخواني وخواتي اللي في المنتدى



يتكون من 8 -9 طوابق



الطوابق الثلاث الاولى عبارة عن محلات للبيع بالجملة ... لكن بعضهم يبيع بالمفرق



اغلب مرتادي السوق من التجار السعودين - اليمنين - الاردنين - السورين - الايرانيين( ماشاء التجار الايرانيين منتشرين بكثرة) -




والافاااااااااااااااارقة



تدرون ان الصينيين يخافون من الافارقة واااايد ( مرة المترجم قالنا لاتسيرون منطقة المطاعم العربية في وقت متأخر



لان الافارقة يكونون منتشرين هناك بكثرة ... والشرطة دايما تكون موجودة



سألناه: ليش.....



قال : لان الافارقة يسرقون ... واحيانا يقتلون..... كم مرة قتلو ا صينيين وبالتالي المكان غير آمن


قلنا له :قتلو ريال صيني


قال نعم )



وهذا الشيئ شفته جداامي صار.... البياعة الصينية تعمل حساب حق الافريقية ...واحنا وااا حليلنا يوم نكاسرها في السعر



تقولنا : هذا سعر الهول سيل ( يعني سعر الجمله .. وما بنزل السعر اكثر)



تدرون ليش لان الافريقية تعصصصصب عليهم بصوت عاااااالي ..... اذا تأخرو عليها


ولا يابولها البضاعة بالغلط



هذا الموقف صار جدااامي وهي تعصب على المترجمة وتقولها بأعلى صوتهاا وهي تحرك اديها



والشرار يطلع من عيونها: تل مي واات ذيس ها .... تلم مي واات ذيس




والمترجمة تتمنى الارض تنشق وتبلغها



نرجع لموضوعنا




سوق لي خوا ... بنفس النطق باللغة الصينية لي خوا ( بالرغم ان مكتوب على السوق باللغة الصينية وبالعربية ليو خوا....



لكن الصينيين ينطقونة لي خوا .... )






يعني تقول حق راع التاكسي لي خوا بيفهم على طول ......وجنب السوق يوجد فندق



في هذا السوق بتحصلون اعلانات المحلات مكتوبة بالعربية (الله يعز لغتنا دايما... قولوا آاااامين)



مثل ما ذكرت قبل شوي السوق يتكون من 8-9 طوابق.... الطوابق الثلاثة الاولى عبارة عن محلات تبيع بالجملة وبعضها يبيع



بالمفرق ممكن تستلم البضاعة في نفس الوقت او بعد نص ساعة .... يعني خذ لك لفه بين المحلات وبتلقاها وصلت بالنسبة



للطوابق الباقية عبارة عن مكاتب لبيع الملابس .....ملابس النسائية والرجالية والشتوية



معظم المحلات في الطابق الارضي تبيع ملابس رجالية قمصان وبنطلونات وكرفات وجاكيتات جلد وصوف



واغلبها تقليد الماركات والتقليد انواع طبعا وانتو لازم تعرفون من الشعار والقماش



بس انا يابيت لكم عناوين بعض المحلات اللي تبيع التقليد الدرجة الاولي مع الكارتونة والكرافات مثل ماركة فرساجي -ارمني - وجوتشي ....








سواء قمصان تي شيرت 35 يوان ولا ... قمصان قطن كم طويل ماركات 40 واحيانا 50 يوان طبعا هذا سعر الاقل من درزن




لدرجة انه نفس قماش القميص اللي كنا شارينه من قبل من محل ارمني في مول الامارات






وبجانب هذا المحل محل يبيع قمصان بعد تقليد حلوة... ومقابلنه محل يبيع قمصان تقليد كم طويل من قماش القطن العادي ... مب الاستريج















وفي الطابق الاول الارضي......... هذا حق البنات يبيعون لاجنز(بناطلين ضيقة استرج)وااايد حلوة من حيث التصميم


والقماش


والسعر واررررخص مكان حصلته في كل الاسواق



تدرون بكم 15 يوان يابلاش



تدرون يوم رديت لبلاد ورحت زارا كم كان سعر اللاجنز 80 درهم وبعد مب حلو مثل اللي في سوق لي خوا.....



تحسفنا هاك الساعة لانا ما اشترينا وايد



الطابق الثاني والثالث ملابس سهرة وقمصان رجالية ونسائية ... ويبيعون سكارفات بعد.



ويبيعون الجلابيات النسائية اللي مثل الجلابيات السورية والمصرية ...
ويبيعون فساتين السهرة واااايد رخيصة مثل الموديلات الموجودة في السعودية










الصراحة السوق يستحق الزيارة في اشياء حلوة



بالرغم ان محد تكلم عنه واايد



وجنب هذا السوق سوق يبيع الاسكارفات بجميع انواعها




وفي الشارع المقابل سنتر يبيع الجنزات بس بالجملة وفي الطوابق العليا يبيع الملابس الشتوية الجاكيتات


وجنب هذا السنتر


محلات تصنيع العلامات التجارية والاكياس الورقية والعلاقات اللي تتعلق في الملابس باسم العلامة التجارية .....




يعني تييب العلامة التجارية وهم بينفذونها على طول



هذا كل اللي اذكرة الحين



سامحوني على القصور



تصبحون على خير و هنا

اختكم الهنا كله

الله يعيك العافيه تقريرجميل

المشاركة الأصلية كتبت بواسطة alhana.kullah
http://www.arabtravelersforum.com/tr...1/#post4258161

السلام عليكم ورحمة الله وبركاته



قبل ما ابدأ الحديث عن الاسواق تذكرت شيئ مهم يعتبر من مميزات فندق نيومينلاند



وهو انه المكان الامثل للي يرغب في البدأ بالتجارة



تدرون ليش !



لان معظم التجار العرب يكونون موجودين فيه وبالتالي يستلمون البضاعة في الفندق



احيانا وممكن التاجر المبتدأ يتعرف على التجار الموجودين ويستفيد من خبرتهم خاصة



ان في منهم له اكثر من 20 سنه في هذا المجال وبالتالي ياخذ ويتعلم كيف يوصل لثمرة




النجاح بسرعة ويتفادى الاخطاء المبدئية اللي ممكن يقع فيها التاجر المبدأ



بقولكم موقف حصل جدامنا يأكد هذا الكلام



الله يسلمكم ..... صلوا على النبي ..... ههههه بقول قصة ( اللهم صلي وسلم عليه)



في يوم من الايام كنا يالسين في الاستقبال الصبح .... وكانت في حرمة تركية تستلم البضاعة وتتأكد منها



وكان من ضمن اليالسين تاجر سوري سألها: من وين اشتريتي هالقمصان



قالت التاجرة التركية :من المركز اللي مقابلنا



قالها : بكم حسبلك الحبه



قالت: 20 يوان



قالها: اي محل ؟ ممكن تعطيني عنوانه...



قالت: اتفضل الكرت



قالها : انتي عندك محل بتركيا



قالت: عندي محل في اسطنبول



هيه..... تذكرت شيئ ثاني


سعر الغرفة يختلف في نص الشهر الاول يكون اغلى من نص الشهر الثاني


يعني احنا خذينا غرفتين بينهم باب ............غرفة ستاندرد وتكون بدون شباك ...و غرفة ديلوكس


ما ادري بزنس ( لانه يوم كنا ندفع الحساب احيانا يقول ديلوكس واحيانا يقولون بزنس )

المهم


الاستاندرد في النص الاول من الشهر سعرها 480 يوان....وفي النص الثاني من الشهر 420



الغرفة الثانية في النص الاول من الشهر 520 يوان.... في النص الثاني من الشهر 480 يوان



على فكرة سعرهم في الفندق نفس اللي في النت





سوق لي خوا


بما اني سكنت في هذا الفندق واللي يقع في سوق الملابس وبما اني احب التسوق واااايد




فانا شبرت هاي الاسواق شبر شبر هههه .... بالاحرى المنطقة كلها ..... وان شاء الله بشرح لكم كل سوق شو يبيع



بسم الله نبدأ




وعشان خاطر اخوي مرسيدس ... اللي كان دايما يسأل عن اسواق ملابس الماركات وانا اقوله : اصبر بنزل تقرير بعد العيد



اليوم بتكلم عن سوق لي خوا.... وهو سوق جملة للملابس الرجلية والنسائية



هذا السوق يقع على بعد 4 دقايق مشي من فندق نيو مينلاند(شندادي بينق وا)



الصراحة السوق سوق جملة وفيه اشياء حلوة للباحثين عن التجارة وفيه محلات تبيع تقليد الماركات ...


وانا يوم شفت هذا الشيء قلت لازم اشوفة كله وافيد اخواني وخواتي اللي في المنتدى



يتكون من 8 -9 طوابق



الطوابق الثلاث الاولى عبارة عن محلات للبيع بالجملة ... لكن بعضهم يبيع بالمفرق



اغلب مرتادي السوق من التجار السعودين - اليمنين - الاردنين - السورين - الايرانيين( ماشاء التجار الايرانيين منتشرين بكثرة) -




والافاااااااااااااااارقة



تدرون ان الصينيين يخافون من الافارقة واااايد ( مرة المترجم قالنا لاتسيرون منطقة المطاعم العربية في وقت متأخر



لان الافارقة يكونون منتشرين هناك بكثرة ... والشرطة دايما تكون موجودة



سألناه: ليش.....



قال : لان الافارقة يسرقون ... واحيانا يقتلون..... كم مرة قتلو ا صينيين وبالتالي المكان غير آمن


قلنا له :قتلو ريال صيني


قال نعم )



وهذا الشيئ شفته جداامي صار.... البياعة الصينية تعمل حساب حق الافريقية ...واحنا وااا حليلنا يوم نكاسرها في السعر



تقولنا : هذا سعر الهول سيل ( يعني سعر الجمله .. وما بنزل السعر اكثر)



تدرون ليش لان الافريقية تعصصصصب عليهم بصوت عاااااالي ..... اذا تأخرو عليها


ولا يابولها البضاعة بالغلط



هذا الموقف صار جدااامي وهي تعصب على المترجمة وتقولها بأعلى صوتهاا وهي تحرك اديها



والشرار يطلع من عيونها: تل مي واات ذيس ها .... تلم مي واات ذيس




والمترجمة تتمنى الارض تنشق وتبلغها



نرجع لموضوعنا




سوق لي خوا ... بنفس النطق باللغة الصينية لي خوا ( بالرغم ان مكتوب على السوق باللغة الصينية وبالعربية ليو خوا....



لكن الصينيين ينطقونة لي خوا .... )






يعني تقول حق راع التاكسي لي خوا بيفهم على طول ......وجنب السوق يوجد فندق



في هذا السوق بتحصلون اعلانات المحلات مكتوبة بالعربية (الله يعز لغتنا دايما... قولوا آاااامين)



مثل ما ذكرت قبل شوي السوق يتكون من 8-9 طوابق.... الطوابق الثلاثة الاولى عبارة عن محلات تبيع بالجملة وبعضها يبيع



بالمفرق ممكن تستلم البضاعة في نفس الوقت او بعد نص ساعة .... يعني خذ لك لفه بين المحلات وبتلقاها وصلت بالنسبة



للطوابق الباقية عبارة عن مكاتب لبيع الملابس .....ملابس النسائية والرجالية والشتوية



معظم المحلات في الطابق الارضي تبيع ملابس رجالية قمصان وبنطلونات وكرفات وجاكيتات جلد وصوف



واغلبها تقليد الماركات والتقليد انواع طبعا وانتو لازم تعرفون من الشعار والقماش



بس انا يابيت لكم عناوين بعض المحلات اللي تبيع التقليد الدرجة الاولي مع الكارتونة والكرافات مثل ماركة فرساجي -ارمني - وجوتشي ....








سواء قمصان تي شيرت 35 يوان ولا ... قمصان قطن كم طويل ماركات 40 واحيانا 50 يوان طبعا هذا سعر الاقل من درزن




لدرجة انه نفس قماش القميص اللي كنا شارينه من قبل من محل ارمني في مول الامارات



















وفي الطابق الاول الارضي......... هذا حق البنات يبيعون لاجنز(بناطلين ضيقة استرج)وااايد حلوة من حيث التصميم


والقماش


والسعر واررررخص مكان حصلته في كل الاسواق



تدرون بكم 15 يوان يابلاش



تدرون يوم رديت لبلاد ورحت زارا كم كان سعر اللاجنز 80 درهم وبعد مب حلو مثل اللي في سوق لي خوا.....



تحسفنا هاك الساعة لانا ما اشترينا وايد



الطابق الثاني والثالث ملابس سهرة وقمصان رجالية ونسائية ... ويبيعون سكارفات بعد.








الصراحة السوق يستحق الزيارة في اشياء حلوة



بالرغم ان محد تكلم عنه واايد



وجنب هذا السوق سوق يبيع الاسكارفات بجميع انواعها




وفي الشارع المقابل سنتر يبيع الجنزات بس بالجملة وفي الطوابق العليا يبيع الملابس الشتوية الجاكيتات


وجنب هذا السنتر


محلات تصنيع العلامات التجارية والاكياس الورقية والعلاقات اللي تتعلق في الملابس باسم العلامة التجارية .....




يعني تييب العلامة التجارية وهم بينفذونها على طول



هذا كل اللي اذكرة الحين



سامحوني على القصور



تصبحون على خير و هنا

اختكم الهنا كله






تقرير رائع وممتع ومفيد والان باذن الله بروح سوق لي خوا

بيضه الله وجهك وجعل ربي يطول في عمر الوالد

تقبلي تحياتى

المشاركة الأصلية كتبت بواسطة مرسيدس111
http://www.arabtravelersforum.com/tr...8/#post4258318

تقرير رائع وممتع ومفيد والان باذن الله بروح سوق لي خوا

بيضه الله وجهك وجعل ربي يطول في عمر الوالد





ويبلغ من قال ومن سمع


تقبلي تحياتى





ممكن طلب


ما عليك امر


تسألي عن موضوع 30 ديسمبر اخر يوم للاقامة في فندق نيو مينلاند بسبب الالعاب الاولمبية وذلك بامر من الشرطة



لانه لما كنا ساكنين في هالفندق وزعوا علينا نشرات باللغة العربية مكتوب فيها هذا الكلام



( وكانت الترجمة غير صحيحة وانا صلحيتها .. وعطوني هدية من الفندق ..... مااقلكم كم تسوى معاملتهم)




بارك الله فيك اتأكد لي من هذا الموضوع


الف شكر

ما شاء الله

رااااااااااااااااائع

متابعين

أختي بس ممكن اعرف اذا الجو كان يساعد عالسياحة والطلعات الخارجية. ومشكورة الغالية عالتقرير ونتريا التكملة

ماشاء الله السوق حلو واسعاره احلى

المشاركة الأصلية كتبت بواسطة مـستـر مـيـمـو
http://www.arabtravelersforum.com/tr...0/#post4258830

ما شاء الله

رااااااااااااااااائع

متابعين



حياك الله اخوية

الرااائع وجودكم

المشاركة الأصلية كتبت بواسطة basabis00
http://www.arabtravelersforum.com/tr...6/#post4259596

أختي بس ممكن اعرف اذا الجو كان يساعد عالسياحة والطلعات الخارجية. ومشكورة الغالية عالتقرير ونتريا التكملة






هلا اختي او اخوي بسابيسو

فالك طيب


عشان خاطركم قررت انزل اليوم جزء عن حديقة الحيوان

المشاركة الأصلية كتبت بواسطة حظي خذلني
http://www.arabtravelersforum.com/tr...8/#post4259968

ماشاء الله السوق حلو واسعاره احلى





شاكرة مروركم

انتظروني

بارك الله في جهدك اختي
وياليت تزيدينا بصور اكثر عن السوق

المشاركة الأصلية كتبت بواسطة jamalito
http://www.arabtravelersforum.com/tr...6/#post4261936

بارك الله في جهدك اختي
وياليت تزيدينا بصور اكثر عن السوق







وفيك بارك




انا كتبت فقط عن سوق لي خوا




وان شاء الله بكتب عن كل سوق زرته بالتفصيل



شاكرة مرورك

المشاركة الأصلية كتبت بواسطة alhana.kullah
http://www.arabtravelersforum.com/tr...6/#post4258566


ممكن طلب


ما عليك امر


تسألي عن موضوع 30 ديسمبر اخر يوم للاقامة في فندق نيو مينلاند بسبب الالعاب الاولمبية وذلك بامر من الشرطة



لانه لما كنا ساكنين في هالفندق وزعوا علينا نشرات باللغة العربية مكتوب فيها هذا الكلام



( وكانت الترجمة غير صحيحة وانا صلحيتها .. وعطوني هدية من الفندق ..... مااقلكم كم تسوى معاملتهم)




بارك الله فيك اتأكد لي من هذا الموضوع


الف شكر







طلبك منفد ونقولك سمي وان شاء الله ولكن

لظروف احكام اليوم وصلت بحاول ان أسال

أبشري

[i[/size]





المشاركة الأصلية كتبت بواسطة مرسيدس111
http://www.arabtravelersforum.com/tr...8/#post4262868

طلبك منفد ونقولك سمي وان شاء الله ولكن [/size]

لظروف احكام اليوم وصلت بحاول ان أسال

أبشري






الحمد لله على السلامة والعود احمد ان شاء الله


ما يهمك .... الله بيدبرها

الحديقه مره مره حلوه

يسلمو الهنا كله والله خوش تقرير وواضح ماشاء الله عليج متالقه

ذكرتين بسالفه على شيلة الثعبان

كنت في تايلند قبل 3 سنوات وجيت بصور مع الثعبان قال حطيه على كتوفك وكبيييييييييير

وحطيته قلت يالله بسرعه صور ويجلس يحرق اعصابي وانا بيني وبينكم ابي بس اخلص الصور وبس وصورت واقطه بالارض وتهاوش معي ههههههههههههههههه يقول عطني زياده قلت ابشر ماطلبت شي

استمري ونحن متابعين

ماشاء الله خوش تقرير ,, متاابع بشدة "

أختي الكريمة, شكرا على تقريرك الرائع وننتظر المزيد.

سؤال: سوق الملابس لي خوا هل يوجد في قائمة الأسواق الخاصة بمطعم سبأ؟ وإذا يوجد تحت أي رقم مذكور؟

وشكرا جزيلا

المشاركة الأصلية كتبت بواسطة الاسد1977
http://www.arabtravelersforum.com/tr...7/#post4265557

الحديقه مره مره حلوه

يسلمو الهنا كله والله خوش تقرير وواضح ماشاء الله عليج متالقه

ذكرتين بسالفه على شيلة الثعبان

كنت في تايلند قبل 3 سنوات وجيت بصور مع الثعبان قال حطيه على كتوفك وكبيييييييييير

وحطيته قلت يالله بسرعه صور ويجلس يحرق اعصابي وانا بيني وبينكم ابي بس اخلص الصور وبس وصورت واقطه بالارض وتهاوش معي ههههههههههههههههه يقول عطني زياده قلت ابشر ماطلبت شي

استمري ونحن متابعين




الله يسلمك اخويه الاسد ويخليك


هههههه .... والله انك ضحكتنيي يوم فرريت الثعبان على الارض



الروح غااااليه..... وعلى قولت اخوانا الكوتيين ما يبيله حجي



وانته اخويه.... ان شاء الله مستانس في كوانزو

المشاركة الأصلية كتبت بواسطة حفيز
http://www.arabtravelersforum.com/tr...3/#post4267563

ماشاء الله خوش تقرير ,, متاابع بشدة "





الله يسلمك اخويه حفيز


شاكرة مرورك وتشجيعك



ان شاء الله اليوم بتكلم عن سوق من الاسواق



انتظروني

المشاركة الأصلية كتبت بواسطة ha101061
http://www.arabtravelersforum.com/tr...7/#post4267647

أختي الكريمة, شكرا على تقريرك الرائع وننتظر المزيد.

سؤال: سوق الملابس لي خوا هل يوجد في قائمة الأسواق الخاصة بمطعم سبأ؟ وإذا يوجد تحت أي رقم مذكور؟

وشكرا جزيلا






حياك الله اخويه ها 101061


تشرفت بقرايتك لتقريري



بالنسبة لسوق لي خوا ... لا غير موجود في قائمة الاسواق



اممم بس بحاول انزل رسم يوضح مكانه



ما يهمك يااخويه

المشاركة الأصلية كتبت بواسطة alhana.kullah
http://www.arabtravelersforum.com/tr...8/#post4268058


الله يسلمك اخويه الاسد ويخليك


هههههه .... والله انك ضحكتنيي يوم فرريت الثعبان على الارض



الروح غااااليه..... وعلى قولت اخوانا الكوتيين ما يبيله حجي



وانته اخويه.... ان شاء الله مستانس في كوانزو






كوانزو سبحان الله حلوه وعجبتني كثير لانها بلد تجاريه ونظاميه وأمنه والامان بيد الله

والله مستانس كثير رغم اني لحالي والحمد الله على كل حال

شكرا اختي على جزء السفاري وعسى ربي يوفقكم

المشاركة الأصلية كتبت بواسطة basabis00
http://www.arabtravelersforum.com/tr...2/#post4270972

شكرا اختي على جزء السفاري وعسى ربي يوفقكم







العفو حبوبة


بعد شوي بنزل جزء عن سوق الاندرجراوند





اترييني

[B]السلام عليكم وحمة الله وبركاته




اشحالكم ... اتمنى تكونون بأحسن حال



في البداية احب اشكر مشرفنا اخوية اسير الدوحة لانه ثبت الموضوع واحب اشكركم بعد لانكم



ساهمتوا في هذا التثبيت



اليوم بتكلم عن



سوق الاندر جراوند



وعلى قولت اخويه بوخلي سوق السرداب



وهو اكبر سوق تحت الارض بطول حوالي 7 كيلو متر يعني تحتاج تقريبا 3 ساعات اقل شيئ علشان تلفه كله




يقع هذا السوق تحت الارض وهو سوق جمله ومفرق ... وتحت الشارع بالضبط يعني وانته تتمشى فيه...



تكون السيارات والباصات تتحرك فوقك



وهو يشمل المنطقة المظلله في الخريطة











وعداله واايد من الاسواق



اسواق الملابس الداخلية



سوق المانيكان والعلاقات



سوق الجينز



سوق لي خوا




سوق بايما وسوق ايما




سوق الملابس الاوربية




سوق تصنيع العلامات التجارية




وله 18 مدخل تقريبا




اغلبها سلالم ولكن فيه اسنسير مقابل فندق نيومينلاند على الشارع الثاني




ولكن لازم تحفظ مكان الدخله عشان ما تضيع اذا بغيت تطلع من نفس المكان




وانته في هذا السوق تقدر تسير الى سوق ايما وسوق بايما وسوق لي خوا في البراااد بدون ما تمشي في الحر



خاصة في الصيف




تدرون كيف بس



اسألو صاحبة اي محل



قولو لها مثلا لي خوا وهي بتأشرلكم على المخرج ( خاصة اللي اول مرة يزور هذا السوق)




ويقع فندق نيو مينلاند( شندادي بينق وا ) بين المدخل رقم 1


ورقم 3







شوفو هذا المدخل بالضبط امام الفندق




ويقع سوق لي خوا عند المدخل رقم 17



على يمين هذا المدخل سوق لي خوا وعلى يسار ه سوق الجينز






( اتمنى من اخوي ها106 .... عرف مكان سوق لي خوا من الخريطة ومن هذا المدخل )






ويتكون من دورين تحت الارض











الدور الاول ملابس نسائي ورجالية تقليد الماركات وملابس رياضية وملابس عادية تي شيرتات –



جنزات- تنانير- قمصان طويله - جاكيتات – احذيه – سكارفات – العاب





ويشمل بيع الشنط والاكسسوارات ولكن اسعار الشنط غالية فلا تشترون من هذا السوق ولكن اشترو من سوق الحقائب





الدور الثاني





ملابس داخلية وملابس اطفال واحذية اطفال ويبدا من المدخل رقم 1





والاسعار حلوووة بس لاتنسون تكاسرووون في الاسعار





وفيه محلات ملابس اطفال ماركات بربري – بولو – تومي هيلفر ....






وهذا عنوانه وبضاعتها حلوة












وهذا محل ثاني








وهذا محل يبيع ملابس دزني















ومقابلنه محل يبيع اشياء حلوة ... مممم قرطاسية




وفي محلات غالية بس بضاعتها حلوة





وفيه




في النص تحت التقاطع بالضبط مساحة فيها درج متحرك وفيها كافيه




بس في نفس المكان في الطابق الاول محل ملابس نسائية يبيع فساتين ماركات




السوق وايد حلو




احيانا يسوون عروض 3 قطع ب 100 يوان




واهم شيء انه مكيف وبارد ويسكر الساعة 5.3





ويبدون يسكرون بعض المخارج بس لاتخافون شوفو الناس وين سايرة وسيرو وياهم





هذا كل اللي اتذكره عن هذا السوق




سامحوني على القصور




تصبحون على خير




اختكم الهنا كله

[/B]

الله يستر عليك ويرزقك, نعم عرفت الأن كيف أصل لسوق لي خوا,

شكرا جزيلا

يعطيج العافيه اختي معلومات حلوه

كثرو من المشي بس يعني اللي عنده كرش ودوب بيخف بالصين على كثرة المحلات بالمجمع الواحد

المشاركة الأصلية كتبت بواسطة ha101061
http://www.arabtravelersforum.com/tr...3/#post4271593

الله يستر عليك ويرزقك, نعم عرفت الأن كيف أصل لسوق لي خوا,

شكرا جزيلا





شكرا اخويه على الدعوة الحلوة




اي سؤال انا حاضرة

للاسف مامريت هذا السوق

واضح من خلال تصويرك مفيد للشراء وتجد في متطلباتك

وفقك الله والعوض براسك

المشاركة الأصلية كتبت بواسطة مرسيدس111
http://www.arabtravelersforum.com/tr...9/#post4272789

للاسف مامريت هذا السوق

واضح من خلال تصويرك مفيد للشراء وتجد في متطلباتك

وفقك الله والعوض براسك





هلا بك اخويه مرسيدس


كوانزو فيها اسواق وااااايدة ما تنمل



وانا بعد ما زرت اسواق واااايدة .... لاني كنت اتلوم في الوالد واخافه يتعب



والا لو كان علي كان ما خليت ولا سوق في كوانزو الا بسيرله وبلفه



بس الواحد يقول الحمدلله ..... يوم سرنا وشفنا كوانزو واستانسنا


شيئ احسن من ماشيئ


ولا شو رايك

المشاركة الأصلية كتبت بواسطة alhana.kullah
http://www.arabtravelersforum.com/tr...3/#post4272813


هلا بك اخويه مرسيدس


كوانزو فيها اسواق وااااايدة ما تنمل



وانا بعد ما زرت اسواق واااايدة .... لاني كنت اتلوم في الوالد واخافه يتعب



والا لو كان علي كان ما خليت ولا سوق في كوانزو الا بسيرله وبلفه



بس الواحد يقول الحمدلله ..... يوم سرنا وشفنا كوانزو واستانسنا


شيئ احسن من ماشيئ


ولا شو رايك





الراى رايك والعين ما تعلى على الحاجب

الله يخلي لك الوالد العم ويطول في عمره
وبأذن الله داير العام القادم ماني خلي شي ما ازوره

يزاج الله خير يالهنا كله وفي ميزان حسناتج كل حرف وكل كلمة كتبتيها والله يحفظلج الوالد ويطول بعمره ويوديكم مرات ومرات بس هالمرة ودوني وياكم لأني انا بعد احب السوق وااااااااااااااااااااااااااااااااااااااااايد. وعندي استفسار بخصوص ملابس اليهال وين احسن الاماكن ومشكورة

تقرير رائع

متابعة بقوة

المشاركة الأصلية كتبت بواسطة مرسيدس111
http://www.arabtravelersforum.com/tr...8/#post4272848

الراى رايك والعين ما تعلى على الحاجب

الله يخلي لك الوالد العم ويطول في عمره
وبأذن الله داير العام القادم ماني خلي شي ما ازوره






الله يخليك يا اخويه ويحفظك واهل بيتك


ومادامك بتسير ان شاء الله السنه الياية ... بكون من اول المتابعين لتقريرك ... ان الله عطاني عمر


بس بشرط


ابغيك تيبلنا تقرير عن اسواق يديدة غير عن الموجودة في قائمة سبأ مع الكروت .... لاني اكتشفت


ان كوانزو في كل فريج مب سوق واحد الا اسواق تسر الناظرين

المشاركة الأصلية كتبت بواسطة basabis00
http://www.arabtravelersforum.com/tr...5/#post4273225

يزاج الله خير يالهنا كله وفي ميزان حسناتج كل حرف وكل كلمة كتبتيها والله يحفظلج الوالد ويطول بعمره ويوديكم مرات ومرات بس هالمرة ودوني وياكم لأني انا بعد احب السوق وااااااااااااااااااااااااااااااااااااااااايد. وعندي استفسار بخصوص ملابس اليهال وين احسن الاماكن ومشكورة







الله يجزيج الجنه حبوبه


اللهم آمين


فالج طيييب يا الغاليه ما طلبتي بنوديج ويانا


ثياب اليهال بتحصيلنهم في سوق الكيدز سيتي والاندرجراوند وفي جراند فيو مول

المشاركة الأصلية كتبت بواسطة سالي كروي
http://www.arabtravelersforum.com/tr...8/#post4273348

تقرير رائع

متابعة بقوة





يشرفني حضورج ياحلوة