احم احم ثم احم...
الااااااان وبعد طووووول انتظاااار نعوووود اليكم...(اشفيه مقدم برنامج ارحم حالك بس...احم)
ارحبوا ارحبوا...
يالله حيهم...
المهم...
اليوم...هي يومية من يومياتي...لكنها غير...
هالمره في الصين...(اسحببببببب)...
لا ووين...في سور الصين...وشو بعد...متسند عليه...(اوش اوش...احم)
ومدعوم بالصور...(الله يشافيه يارب...عسى ماتعور بس...احم)
نعطيكم نبذه...
سنة 2005 انا و 2 من الربع خططنا على الصين...ها يبيله...قالوا يبيله...ها رخيصه...اي رخيصه...اجل ما بدهاش...(ضروووووس)...
لا وايامها كنت عزوووبي...توني قطو مغمض...(اي هين...احم)
ماعلينا...وحنا في مدينه(تزذغثبلدمثنربز) بالصيني الله يسلمكم...(ابد مايعرف يكذب...)
كان بودي اشوف سور الصين...وكان يبعد عنا مسافة 3 ساعات بالقطار...الربع...ها يالله نحجز بكره نروح...استريح زين...ماعندك سالفه...اذا تبغي روح لحالك...طيب باخذ المترجم معاي...حلااااالك...من زينه...مايعرف الا اذا رحنا مطعم يطلب معانا ويعزم ربعه...والحساب علينا..احم
المهم رحنا انا والمترجم الصباح الباكر...للمحطه وركبنا القطار وكان جيد...
بس تاخير ما تاخير وسالفه ومادري من مسوي اضراب...(طبعا قراده)...وصلنا على العصر هناك...
طيب يالله على السور قبل الليل عشان نرجع...قال لي المترجم...اعشق الراحه...افا ليه...سور الصين اذا بتروح له لازم من الصباح الباكر...والحين مايدخلونك...افااااا....اشلووون...قال لي اي عشان التلفريك وغيره...
طيب وش الحيله الحين...(حلوه الحيله...لا وحق صيني...احم)...قال لي في كهف هنا يركبونك طراد ويمشونك فيه...وهالكهف اللي فيه اشكال ناس وحيوانات من داخل...كا مجسمات مستويه ومنحوته من الله...
وبكره نروح سور الصين...
قلت له يالله مو مشكله...
المهم...
وصلنا الكهف وهذي بوابته...
الكهف من داخل درجة حرارته تقريبا 5 ال 10 تحت الصفر...فا يلبسونك جاكيت...ويركبونك طراد...
والمتحدث كان صيني...؟؟!!! (رقع)...طيب انا وش افهم...اكلم المترجم...يسوي له بصبعه يعني ششش ماتشوف الرجال يتكلم...في قلبي مادري احذفك في ذا الماي البارد...يا بوعيون مشخطه...احم...امحق مترجم...مب لله الشباب معطيني اياك...مامنك فايده...
المهم تفضلوا وشوفوا الصور...
بس عشان ارقع حق عمري...
التصوير كله بكيمرة جوال
سوني اريكسون K750 سنة 2005 وكان 2 ميقا بيكسل...
فا على قده المسكين...احم...لكن انا اشهد انه جوال...
ها لا حظتوا المجسمات كيف صايره...(خوفي يبين شي اصلا...احم)
هنا لازم نمر من تحت...فا لازم تدنع...
المهم كانت الرحله طيبه...
ورحنا ندور فندق حق ليله لبكره...
وعينا فندق وكان المغرب...
صليت وانبطحت على السرير...والمترجم متابع التلفزيون...الصيني...
حسيت اني مب صاحي...جسمي متكسر...قلت يمكن لاني تحركت واجد اليوم...بس كنت احس بسخونه...قلت اشدخل هذا وسواس ومافيني الا العافيه...شوي والا احس اني بردان...لا اله الا الله...شسالفه...المترجم لاحظ اني متلحف وملتوي...جا وشيك على راسي طلعت مسخن...
شفته يتلفت...شوي والا يطلع بسرعه...قلت بل...ليكون شرد...اي والله...تلقاه قال توه صاحي...كيف جاته السخونه مره وحده...فا قال شكله بيموت...خلني احط رجلي...احم
شوي والا اسمع الباب يفتح...وانا منهد حيلي ماقدر اتحرك...والا اشوف المترجم...وبيده كلك ماي...قال لي انبطح على ظهرك...
والا اشوفه مغطس في الكلك ثلج ومطلع منها كماده...قلت يحليله والله...ضلمته...احم
ومسكين تم معاي حول الساعه ونص...يحط ويشيل...ويقلب وعدل...ماقصر صراحه...وكنا نسولف...ودخلت معاه في سوالف عن حرب الصين مع اليابان وغيره...(احم)...والحمدلله خفت السخونه وعطاني حبوب مضاد حيوي...ترتيب...ثاني يوم كنت طيب الحمدلله...(بس مادري وش سالفتها هالسخونه...تجيني لحد الحين...تضرب وتروح...احم)...
المهم جا باكر...وطلعنا الصبح الباكر...
وكان هذا عند المدخل
اهم شي الحمام...
وهذا دليل اني هناك...احم
وهالبيت كان موجود هناك...قصر...
وهذي بداية سور الصين من البحر...(بحر الصين)
وهذي صورته من بعيد...
وهذا دليل اني كنت هناك...احم...وهذا هو حجر الاساس للسور...،اسمه بالصيني...(لونق لونق تو)...لحد ينسى براطمه بره بس...احم
وهنا المترجم حلف علي الا يصور معاي...للذكرى...(حبني الولد...احم)
صورة ثانيه لبيت من البيوت موجوده هناك...او القصور...مب متذكر والله...من 4 سنين...(نرقع)
وعلى ما اعتقد ان هذا هو اللي طلب ببناء السور...بس ليه...ما اذكر بالضبط...لكن كان في كلام على اساس ضد الاوروبيين...الاستعمار...
طبعا مخلدين ذكراه...واتوقع انهم يعبدونه...
من وجهه يبين انه شديد ها...احم
وهذي كنها المدام...(اوش اوش)احم
احم...هالصوره انا كنت اداعب الحارس...واوريكم طوله...لانه مب هين...(ماضن انه كان صدق هذا طوله...اتوقع اقصر...لان انا طولي 190سم فا ماضن...ولا يمكن بعد ليش لا...دامهم بنوا هالسور...)
وفي هالصوره...احتر مني المترجم وقال باقط وجهي...عاد فريت الكاب اني ستايل...اخرتها كني شسمه...احم
هنا كنا مارين رايحين صوب التلفريك عشان يطلعنا قمة الجبل...لان السور كان مبني على الجبال...يعني على قمة حدود الجبال...بجد سبحان ربي...كيف بنوه...تحفه معماريه...والحجر مب صغير...
هالصوره كان فيه شوية ضباب...وعجبني المنظر ورى...بس الدعله المترجب ماصور عدل...احم
وصلنا مكان التلفريك...وكل تلفريك مايشيل الا شخصين...فا انا والمترجم...وانا من النوع اللي يخاف من الاماكن المرتفعه...شوفوا المنظر...خاصه ان القاع حق التلفريك قزاااااز...
شوفوا صور التفريك اللي راجع وين وحنا وين...هم تحت وحنا فوق...لما سألت المترجم كم ارتفاع الجبل...قال لي 800 متر..قلت له شنوووووووو...وطبعا في وقت سؤالي كنا في قمة الجبل...
طبعا انا انهد حيلي...والحمدلله وصلنا القمة...عقب ربع ساعه في التلفريك...يعني ربع ساعه رعب...
طبعا الحين تتمشى...وتنزل من القمة شوي شوي...وفي مناظر ومعابد وغيره...وطبعا السور...وغيره....
بينما كنا نتمشى شفت هالنحت...
اللي لابس نفسي ترا مب انا...احم...
ولا انه يقلد النحت...احم(مشكله الخبال)
وهنا قاعد اهمز الشايب...نفس اللي واقف...(راعي واجب)
المهم قعدنا حول ساعه ونص نحوس...وصلنا مكان التفلريك اللي يرجعك...طبعا هذا ارتفاعه اقل من اللي قبل...فا مافي مشاكل...
وصلنا المكان اللي بنركب فيه...تخيلوا وش شفت...
التلفريك يجي من بره ويلف داخل المحطه وهو طالع بره...
طيب كيف شكله التلفريك..؟؟
عاده يجيك مغطى...ومسكر وله باب..صح؟
تتوقعون هذا كيف شكله؟؟؟
شفتوا المرجيحه...ولها كرسيين...ومفتوحه من كل مكان...
اللهم كرسي لك واللي جنبك...وحاطين حق رجولك شي تحط رجلك عليه...
طيب كيف نركب الحين؟؟؟
التلفريك مايوقف....على سنته...طيب كيف اركب؟؟؟
تعطيه ظهرك...ولما يقرب تركض...واول مايجي حذاك تمسك الحديده في الجنب وتحط رجولك على مكان الرجل...وتنقز وتحط شمسه على المقعده...!!!
(طيب افرض اني زلق...طحت...انشلخت...)لا لا عادي مايصير...احم
المشكله مافي الا هالحركه عشان تنزل...
قلت يالله امرنا لله...
والله وركبنا...وطلع الكرسي يرجع على ورا لما تركب...في يعني سيفتي ...احم
بس كان منظر مب طبييييييعي...عجيييب صراحه...
تمر بين الشجر وتكون تحتك وخلالهم...والهوا من كل صوب...شي شي...ترتوب...
المهم وصلنا تحت...
فا خذت هالصور...
صوره للسور
وهذي اني كيوت...قاعد...احم...(اوب اوب)
وطبعا هذي وهي ختام اليوميه...وهي عنوان الموضوع...
اني متسند على سور الصين...
اتمنى الموضوع والقصه والالقاء اعجبكم...
وابشروا بالجديد ان شاء الله...من يوميات...
ولاهنتوا...مواضيع عشوائيه ممكن تكون تعجبك اخترناها لك:
- ماهي افضل منطقه للسكن في سيول ؟؟؟
- رحلتي الى جوانزو من جولاي تسوق واستكشاف
- مطعم الزعفران كوريا
- من البحرين الحبيبة الى شنغهاي الجميلة
- إلى خبراء سنغافورا
- سنغافورة البلاد العجيبه و جزر المالديف الروقانيّه الاستكنانيّه
- هكذا رايت كوريا
- إستفسارات وإجابات عن أوزبكستان
- تقرير مصور رحلتي الى كوريا الجنوبية
- استفسارات متعددة عن فيتنام للعضو
- مهم جدا لمن أراد السفر الى الشرق الأقصى في الوقت الراهن
- رحله الى سوريا تصوير اكثرمنه تقرير
- فرعتكم يا اخوان
- العيد في الصين غير
- نداء لكبار الرواد للشام الكبير دمشق
- مساعدة بالنسبة لفهم طريقة تحويل بين العملة السعودية والفيتنامية
- وصلت لمملكتي الغالية بعد رحلة ممتعة وموفقة مقتطفات من الرحلة
- قربت موعد السفرا وانا لسه ماقررت؟؟؟
- السورية رحلات من دمشق إلى الكويت ودير الزور
- تحذير من سنغافورا
رد مع اقتباس
المشاركة الأصلية كتبت بواسطة سارووونه
المشاركة الأصلية كتبت بواسطة أبن السعودية
المفضلات