الموضوع: ابتعاث موظف بين خيارين

[align=center]سلام عليكم

ياشباب بكالوريوس وماجاستير ودكتوراه اول شي احب ابارك لكل من ابتعث ولمن يسير باجرات الابتعاث ان يوفقهم الله جميعا ويعودو باذن الله بالسلامه والشهادات .


عموما انا ودي اخش بالموضوع انا زي زي كل الللي قدموا على الابتعاث وحصلت على ضمان مالي
ونا ارسلت تقريبا لعدد 25 معهد في عدة ولايات وعدد كبير منهم رد على اننا ماعندنا مانع بس عبي الابليكيشن وصوره جوازك وطلبات يعني بسيطه بامكان الواحد انه يخلصه بكم يوم وترسله با دي اتش ال وراح يرسلون لك الـــ i-20 يعني بمدة بسيطه لانك انت تبي قبول بمعهد .



القبول بالمعهد بسيط وما فيه اي مشكله والابتعاث للماجستير حلو للي ماعنده وظيفه ويقول اروح اول ادرس لغه وبعدين ونا هناك اراسل جامعات وانشاء الله احصل قبول واذا ماحصلت الشكوى لله واقل شي اني استفدت لغه :115: .



بس اللي وضعه مثل وضعي :114: انا موظف بوظيفه محترمه وراتبي ولله الحمد جيد ومرتاح بالعمل جدا .
بس يوم شفت الابتعاث للماستر قلت فرصه الواحد يروح هناك ويدرس ويحصل انشاء الله الشهاده وراح تكون افضل انشاء الله للمستقبل الوظيفي :113: .



القبول بالمعاهد زي ماقلت لكم زي المويه سهل بس المشكله بالقبول بالجامعات هنا المشكله لاني راسلت كذا جامعه سواء مباشره او عن طريق معهدهم المعتمد لدى الجامعه وكلهم ردوا اننا ما نعطي قبول مشروط . :108:




لذلك انا ماودي اروح هناك وبعد مادرس لغه واضبط نفسي اتفاجأ ان الجامعه ما تقبلني وبعدين على قولت واحد من الشباب --- اشلق بصل ----- :11ab:



رجاء من جميع الاخوان اللي يعرف جامعه تعطيك قبول مشروط يعني انك تدرس لغه وتجيب التوفل والــ GMAT او GRE يعطينا خبر علشان يقدر الواحد يراسلهم حتى لو كانت الجامعه من اخيس الجامعات :36_1_39: لانك اذا رحت هناك وعندك قبول مشروط اقل حاجه تكون مرتاح لوضعك وبامكانك وانت هناك تراسل جامعات ثانيه ويمكن تحصل قبول بجامعه احسن بعدين تسحب على الجامعه اللي اعطتك قبول وتروح للجامعه اللي انت اخترت وبكذا تكون امأنت على نفسك ولا تكون ضيعت وظيفك . :36_9_2:


:36_1_13:

:smile001:





وشكرا للجميع [/align]

مواضيع عشوائيه ممكن تكون تعجبك اخترناها لك:

• محاسبه ؟؟؟ شرايك
• موقع الدراسه نت للمساعده على قبول الجامعات
• استفسار
• حضور الأطفال وخاصة الرضع في المقابله حقت السفاره استفسااااار أرجو الرد ؟؟
• ألي بسان دييغو يتفضل
• ارفاين لاصحاب الخبره
• استفسار عن جامعه ويلز او سوانزى ؟؟
• ملبورن و أهل الخبره أبي راايكم
• لو سمحتوووو ابي مساعدة الله يوفقكم
• وش البعثات الجديده
• ابي اعرف شيء عن الوزارة
• الملتقى
• ارجو المساعدة فيزا دراسة
• التعليم العالي يفتح باب الابتعاث الداخلي في الجامعات والكليات الأهلية بدءاً من الفصل
• ارغب بدراسة اللغة في امريكا ارجو المساعدة
• تكفون ردو بليز بليز بليز
• مساعده
• ممكن مساعده بحجز موعد الفيزا
• هذا السبب في تأخر إعلان اسماء المبتعثين والله أعلم
• طب اسنان في بريطانيا ضروري اطباء الاسنان خصوصا والجميع عموما

اخي الكريم انت لما تكون هناك او ترسل للجامعات لهم من هناك انت تكون على دراسة في معهد و بالتالي لما تراسل الجامعات قل لهم انك الحين بتدرس في المعهد الفلاني و بالتالي هم يقولوا لك لما تنهي دراستك في المعهد و تجيب التوفل قدم و هم بعدها يقرروا لكن انت في وضع دراسة المعهد انت لك الخيار تراسل اي جامعة تعجبك و بالتالي الفرصة احسن من طلاب الباكلوريس
و شكرا.

عزيزي tmjn

انا مستعد اجيب قبول بمعهد من بداية السنه الجديده الموضوع هذا سهل بس وش يضمن لك انك تجيب الدرجات اللي الجامعه تشترطها بالقبول للماستر يطلبون GMAT OR GRE وبدرجات معينه يعني اذا ماجبتها انس القبول بالجامعه وبعدين تكون انت استفدت لغه بس ماقبلت بالجامعه وهذا اللي مانبيه .

ترجع للسعوديه لغك كويسه بس يله تكون خسرت وظيفتك وتبدا بموال البحث عن وظيفه وزي منت عارف هالايام الواحد مايصدق خبر انه يتوظف يعني انا بالنسبه لي اذا ماحصلت قبول من جامعه مشروط ولا والله ماعندي استعداد اني اخسر وظيفتي .

لو الموضوع موضوع توفل كان ادرس هنا ولحد مايجي موعد السفره اكون قد كونت نفسي صح وبعدين اروح هناك واكمل لغه لكم شهر وبعدين ادخل الجامعه.

ياجماعه موضوع الــ GMAT و GRE تراه مو سهل واسالوا اذا لكم احد هناك بامريكا يدرس انا لي زميل هناك قالي تبي شوري لاتترك وظيفتك اللا انت محصل قبول مشروط بجامعه يعني لو تقول لك الجامعه اننا نبي بتوفل او بدرجة جيمات ماتتعدى 450 او جي ار اي 950 اكثر من كذا تراك بتموت بسنة اللغة بتحضير هالاختبار وخطر انك ماتحصله وتتوهق لانك استقلت.


لاحظ ممكن تحصل جامعات تعطيك قبول بس بدرجات اعلى وهذا صعب جدا انك تجيب الدرجه المطلوبه اذا كانت اعلى .
تحياتي للجميع .

شباب اذا فيه احد مقدم على ماستر وجاه قبول مشروط من اي جامعه يعطينا خبر .

اخوي البرق
تبغي نصيحة لوجه الله من اخ يبغا المصلحة لاخوة
اول شيء تقول انك موظف وظيفة ممتازة فانا انصحك انك تقعد على وضيفتك لانو مو اكيد اذا رجعت بالماستر راح تلاقي وظيفة ممتازة
واذا كنت موضف حكومي راح اسوي لك معدلة بسيطة:
البكالوريو يوظف على المرتبة السابعة
والماجستير على الثامنة
والترقيات كل اربع سنوات
يعني اذاكنت موظف علي السابعة مثلا بعد اربع سنوات الترقية مضمونة على الثامنة
اما اذا رحت تدرس الماستر : سنة لغة+ ثلاث سنوات ماستر = اربع سنوات (والوظيفة مو مضمونة)
لكن الرأى لك بالاول والاخير
فانت حاول مع جهت عملك ذا كانت شركة خاصة انو يبتعثوك على حسابهم
وفي النهاية اقول وظيفة باليد خير من سفر وهجوله ووظائف غير مضمونة
ولاتحسب يا اخي ان كلامي هذا للتخويف او اني ما ابغاك تكمل بالعكس اتمني الخير لجميع اخواني المسلمين
وعسى الله ان يسهل لك مافية خير لك بالدنيا والاخرة

اخوي مشعل


اول شي شكرا للنصيحتك وجزاك الله خير بالنسبه للوظيفه ولله الحمد ممتازه بس تعرف الواحد وده يروح هناك ويدرس ويجيب انشاء الله الشهاده المشكله الان مو بالوظيفه المشكله الان اني مالقيت قبول مشروط وهذا هو السبب اللي مخليني ماروح هناك لاني زي ماقلت بالسابق اذا مالقيت قبول مشروط ولا والله ماعندي استعداد اروح هناك على امل قبول بجامعه .

وشكرا لك اخي مره ثانيه ........... علما اني موظف بقطاع خاص


تحياتي للجميع

السلام عليكم ورحمة الله وبركاته
الله يجعلك من أمرك خير ويرزقك الصواب وين ما كان .
أخي الكريم أبغى أقول لك تجربتي ويمكن تفيدك ، عزيزي أنا معاي ماجستير من جامعة مرموقة ومن خارج السعودية ويضرب بها المثل ويشتد فيها الظهر بالنسبة للتخصص ، المهم إني بعد ما حصلت على الماجستير قلت و الله ياولد إنفتحت لك أبواب الشغل من كل مكان وبالفعل وزعت أوراقي ( شهاداتي ، الخبرات ، الcv وغيرها .... :11ight: إلى هنا تمام وأستنى يوم ويومين وثلاث وهذا أنا لي سنتين من يوم ما ضحكت على نفسي وقلت إني وصلت وباقي على الحلو دأه على قولة أخوانا المصريين .
المشكلة مش هنا المشكلة إني سرت أحس نفسي مثل الشحاد لمن أروح أتابع أوراقي ولا لمن أتصل عليهم ويتهربوا مني ، وبعد دعاء لله وتمسح باستار الكعبة الله جاب الفرج وطلع إسمي بالديوان بالافضلية والله ماكذبت خبر وطرت للديوان أسرع من الصاروخ وعملت الاجراءات بيوم ولمن جيت أسألهم عن الراتب صاروا يناظروني وكأني كفرت بالله واليعاذ بالله ، طبعا أنا عملت إني يعني مستغني لوكان الراتب أقل من 7000 ريال وراح أفكر لو كان 6800 وربك رحيم إني ما قلت هذا الكلام ، وكانت الطامة يوم قالوا لي إنت الدرجة الرابعة المستوى الاول ومعين على البكالوريوس والراتب 4087 ريال ، أقسم بالله حسيت إن الدنيا لفت بي مش لأن الراتب هذا هو ولا لأن التعيين على البكالوريوس ، لكن لأني لمن جيت أدرس درت على الطحاطيح الكبار وكلهم قالوا كمل البكالوريوس بهذا التخصص والماجستير كذلك لأننا بحاجة ماسة وإحنا مش ممكن نسد العجز هذا ولوبعد عشر سنوات وخذ عاد من كلام الهلس و المجاملات التعبانة المهم جيت أبغى أناقشهم بالماجستير ، ردوا علي ودك ولا ظف وجهك ترى الملف معبا ماجستير من تخصصك ، وللعلم فقط تخصصي مافي ماجستير بالسعودية وجديد صار في ، واللي معاهم ماجستير ما مامعاهم بكالوريوس من نفس التخصص ، فلذلك أنصحك و الله أعلم بحالنا عصفور سمين باليد خير من عصفور أجرب منتف على الشجرة ، ومعلومة صغيرة ، ترى راتب الماجستير و الدكتوراة أقل من راتب المدرس و السبب إن شواغر الماجستير كل كم قرن ينزل شاغر ولا إثنين ويكونوا لناس بعينهم .
توكل على الله فهو حسبك ، وإستخير وعسى أن يجعل الله لك خيرا كثيرا .

وليـــس لي إلا غــدي * * * تبنيه آمــــال كبـــــار


مشكورين إخواني على المشاركات ........
وصدقوني بعض الأحيـــان التعلق بالطموح , يكون أقوى من التعلق بالوظيفة ...

إذا كن مُستائين من أن الشهادات لاقيمة لهــا .... فهذا وضع مُزري .... وإذا بقينا على وظائفنا فنحن لن نساهم في تغيير الوضع ... لكن ربما عودتنا بالشهادة تجعلنا نتحصل مناصب نستطيع التغيير من خلالها ... فمرور الشخص ( بالمحن ) ربما يفيده أكثر من فائدة شهادته ودراسته ... وليس من تحصل على المنصب بعد كفاح كمن تحصل عليه بالواسطة ..


وأخوي البــرق اسأل الله أن يكتب لك الخيرة في أمرك , ويوفقك أينما ذهبت ...

أنا بعد مثلك بين نارين .... ولايزال التردد يحتدم بين أضلعي هل أترك الوظيفة أم البعثة ( مع أني في وظيفة مناسبة ومريحتني ولله الحمد )

*
*
*
*
وانا عندي تساؤل ياليت ألقى من يجاوبني عليه /

هل إذا تحصلت على إجازة دراسية طويلة من عملي بدون راتب وتفرغت للدراسة , راح توافق وزارة التعليم العالي على ابتعاثي ؟



وشكراً لكم , وتمنياتي بالتوفيق للجميع

المشاركة الأصلية كتبت بواسطة طوق الحمامة


وانا عندي تساؤل ياليت ألقى من يجاوبني عليه /

هل إذا تحصلت على إجازة دراسية طويلة من عملي بدون راتب وتفرغت للدراسة , راح توافق وزارة التعليم العالي على ابتعاثي ؟



وشكراً لكم , وتمنياتي بالتوفيق للجميع



نفس السؤال؟؟؟؟؟؟؟؟؟؟؟؟؟؟؟؟

المشاركة الأصلية كتبت بواسطة طوق الحمامة


وانا عندي تساؤل ياليت ألقى من يجاوبني عليه /

هل إذا تحصلت على إجازة دراسية طويلة من عملي بدون راتب وتفرغت للدراسة , راح توافق وزارة التعليم العالي على ابتعاثي ؟



وشكراً لكم , وتمنياتي بالتوفيق للجميع



وأنا كمان نفس السؤال :114:

المشاركة الأصلية كتبت بواسطة albarq


[align=center]سلام عليكم
عموما انا ودي اخش بالموضوع انا زي زي كل الللي قدموا على الابتعاث وحصلت على ضمان مالي
ونا ارسلت تقريبا لعدد 25 معهد في عدة ولايات وعدد كبير منهم رد على اننا ماعندنا مانع بس عبي الابليكيشن وصوره جوازك وطلبات يعني بسيطه بامكان الواحد انه يخلصه بكم يوم وترسله با دي اتش ال وراح يرسلون لك الـــ i-20 يعني بمدة بسيطه لانك انت تبي قبول بمعهد .
وشكرا للجميع [/align]



بداية اخوي البارق اشكرك على طرح الموضوع...
كلنا نعاني من نفس المشكلة لكن الطموح اكبر من كل شي، والمستقبل القريب يتطلب شهادة المهارة! يعني اذا الشخص متميز وعنده المهارات فالشهادة داعم قوي جدا جدا بإذن الله في المستقبل القريب..
المشكلة اللي نعاني منها الآن في المملكة هي الفهم الخاطئ من اصحاب القرار في غالبية القطاعات الحكومية والخاصة لمسئلة الخبره! كثير منهم يطلب شخص له خبره في مجال معين لمدة كذا سنه،، لكن يُغفل ان الأولويه بلا شك هي للمؤهلات اللي يحملها الشخص واللي من خلالها تبنى الخبره الصحيحه!

كثير اشخاص احتكيت فيهم لهم خبره سنوات عديده لكن للأسف اساسهم خطأ! فهمهم خطأ لأمور كثيره متعلقه بالعمل، والخطأ هذا يتراكم مع الزمن ليكون الخبره اللي يُبحث عنها للأسف!!!! وللأسف نستقطب هذا الشخص بحجة ان معاه خبره!
لكن في الجانب الآخر الشخص اللي معاه مؤهلات ومهارات مميزه،، ويملك خبره بسيطه لأنه منطقياً قضى سنواته اللي راحت في اكتساب هالمؤهلات ومايأخذ فرصة في مقارنته باللي معاه خبره سلبيه!!
وجهة نظري الشخصية ..

اخوي البارق انا بدأت امس اراسل جامعات لطلب قبول مشروط لماجستير ادارة الاعمال MBA الى الآن ما احد رد علي ..
لفت نظري نقطة في طرحك للموضوع،، وهي انك حصلت على الضمان المالي!، الاسئلة هيا كالتالي
1-كيف قدرت تحصل على قبول للإبتعاث في الماجستير وانتَ ماحصلت على اي قبول وقتها؟؟
2- وماهي الاجرائات اللازمة لذلك؟؟
3- هل يجب ان تنطبق عليك الشروط مثل ماحددت الوزارة (المعدل مثلاً والتخصصات المطرحة في نموذج التقديم)؟؟


الله يوفقنا ان شاء للتسجيل في المعهد وماتحرمنا الوزارة من فرصة الابتعاث،، هذي همي الآن

اخوي ابو العيال مشكلتك قد تكون لها علاقه بتخصصك واذا كنت ترى ان اكمال الدراسه ما يستاهل التعب وبعد تجربتك وحصولك على الماجستير لماذا تحاول الحصول على الدكتوراه ؟ما تلاحظ انك تقع في نفس الخطأ السابق؟
انا معلم وخدمتي اكثر من 6 سنوات وراتبي يقارب ...... ( ولا بلاش احسن تصيبنا عين ) ومقدم تخصص تجارة الكترونيه وارجح اني اني راح استقيل لان القصد مو فقط الراتب المهم العلم وتجربه حياة جديدة

يا اخوة انا مقدم على الماجستير والملحقية ولله الحمد وفرت لي قبول مشروط في جامعة سان فرانسيسكو واستغرق شهر تقريبا ولكن الذي ينظر الى القائمة التي نشرتها الملحقية يلاحظ قلة عدد المقدمين على الماجستير والحاصلين على القبول (تقريبا يبلغ عددهم اقل من سبعين من اصل 750 تقريبا تم قبولهم والباقي تقريبا 700 بكالوريوس)

الزبدة راسلو الملحقية وان شاء الله تجيب لكم قبول مشروط