الموضوع: الطريق الى أمريكا

[grade="00008B FF6347 008000 4B0082"] بسم الله الرحمن الرحيم
بصراحة حبيت أكتب معاناتي في هذا الموضوع اللي
بدت من اول يوم للتخرج مااعرف وين اسجل في

جامعة وفي أي تخصص وقمت أسال نفسي أسئلة
كثيرة هل الجامعة حلوة ولها سمعة والتخصص

هل أنا أفضله وهو مرغوب ولا لا (يحتاجه سوق العمل)

لين الله وفقني وسجلت في البعثة إلى *أمريكا* وبعد كذا
سجلت في* جامعة الملك سعود*

طبعا التخصص اللي اخترته للبعثة & هندسة كهر بائية &
وبالنسبة لجامعة الملك سعود سجلت في الهندسة بشكل
عام لأنه إلى الآن ما فيه تخصص

طبعا مرت الأيام وتابعة الاجراءات اللازمة للبعثة
وواجهتني أغلب المشكلات اللي واجهت إخواني في

(منتدى العرب المسافرون) من طباعة الضمان المالي
ومن ثم اعتماد الضمان المالي ومن ثم إصدار الضمان
المالي

وبعد أن انتهت هذه المرحلة والحمد لله بدأت مرحلة
مراسلة الجامعة الأمريكية
ومن هنا رجعت للحيرة اللي عشبها أول التخرج وشلون أراسل الجامعات وأي مدينة اختار وبغد تفكير واستفسار

وقع الاختيار على جامعة(south Carolina )في مدينة
كولومبيا حاولت أراسل عن طريق مكتب للبعثات لكن

اكتشفت أن ما عندهم اعند جدتي وبعد كذا قررت أراسل
هذه الجامعة عن طريق وزارة التعليم العالي

فقدمت أوراقي للوزارة وقالو لي مالك إلا تنتظر وراجعنا
بعد أسبوع قلت أنا إنشاء الله

ما صدقت على الله ألقى وقت ارتاح فيه واستغليت هالاسبوع
في أني أروح للشرقية مع أهلي

لأن أغلب اخو ياي رابحين من منتصف العطلة لأبها

وبعد متخلص الأسبوع راجعت الوزارة وقالولي تعال الأسبوع الثاني قلت أنا إنشاء الله

وبعد أسبوعين بالضبط راجعت الوزارة فالولي مبروك
جاك القبول أنا بصراحة ماص دقت من الفرحة

معقولة بس أسبوعين لشان يحيني القبول
(القبول هو الشيء الوحيد اللي ماطل معي الحمد لله)

بعد مااخذت القبول ووقع الدكتور نبيل الراجح جزاه الله خير على صورة الآي نوني (ورقة القبول) قالي ود الأوراق ل صالح آل الشيخ عشان يعطيك
(خطاب تحويل للسفارة)

وديت الأوراق لمكتب آل الشيخ وقالي تعال بكره عشا ن تأخذ الخطاب

وبع يوم بالضبط رحت لمكتب آ ل الشيخ وقعدت انتظره بالساعات كالعاده لين جا دوري وبعد كذا دخلت عليه
واخذت الخطاب

بكذا أصير قطعت شوط كبير في سبيل الحصول البعثة
مابقالي الا اني آخذ الفيزا

وهنا بدت المشكلة الحقيقية قعدت بالساعات علشان آخذ موعد عن طريق التلفون لاكن للاسف ماحصلت نتيجة

جلست على هالحالة تقريبا 3 او 4 ايام لين مسك معاي الخط الحمد لله

كلمت المسؤولة عن المواعيد وعطتني موعد بعد اسبوعين
من تاريخ المكالمة رحت الموعد يوم الاثنين 12/9/2005

الساعة 7:30 تقريبا ومادخلت السفارة الا حوالي 9:30
بعد مادخلت وخلصت التفتيشات وقدمت اوراق كاملة
ودفعت الفلوس اللي تطلبها السفارة عشان الفيزا 370 ريال
وجلست انتظر ساعة لين جا موعد المقابلة في كاونتر 6

طبعا سالوني زي مانتو عارفين ليه تروح امريكا وتعرف احد هناك ولالا وقد رحت امريكا ولالا وبعدين طلب مني اضع السبابة على حهاز البصمات

بعد المقابلة عطاني ورقة صفراء تثبت ان اوراقي كاملة
وعليها توقيعه وقالي بالحرف الواحد
(بنرسل اوراقك إلى واشنطن وبعدين ندق عليك بعد اسبوع او اسبوعين او ثلاثة)
بينما ولد عمي عطوه موعد بعد اسبوع من تاريخ المقابلة
وذهب للموعد واخذ التاشيرة

وانا الآن تقريبا لي 15 يوم ولم ياتيني اتصال


أخواني اعضاء منتدى العرب المسافرون :--

مشكلتي اني انا اروح لجامعة الملك سعود بدون نفس مو لانها ماهي حلوة السبب هو انا خلاص متعلق في الدراسة في امريكا (حبيت الدراسة فيها)

وانا الحين بين نارين
نار اني انسى البعثة واشد حيلي في الجامعة
ونار اني اتمسك في البعثة واسحب على الجامعة..


آخر كلامي الحمد لله على كل شيء وانا راضي بقضاء الله وقدره

والواحد مننا مايعرف وين الخيرة والخيرة فيما اختاره الله

لاكن كل اللي ابيه منكم نصيحة لي او توجيه
وعندي سؤال أرجو ان يجيب عليه الجميع هل سجل في جامعة غير البعثة ولالا؟

وهذا الموضوع اعتبروه فرصة لكم للتعبير عن المشاكل اللي واجهتكم في البعثة سواء اخذتو امر اركاب او باقيلكم اشياء بسيطة

وآسف على الاطالة [/grade]
[move=left]أخوكم $طالب مبتعث$[/move]

مواضيع عشوائيه ممكن تكون تعجبك اخترناها لك:

• القبــــــــــــول بكـــــندا
• بدي مسااعدتكم شباب وصبايا
• خطة سعودية لابتعاث الالاف الى الولايات المتحدة، والطلبة لا يخشون من بقايا الازمة
• بسرعة ياشباب قبل لاتعبي الاستمارة
• اخيرا قدرت اخذ موعد مع السفاره
• استفسار عن ولاية فلوريدا؟؟؟؟
• مانشستر مناسبه ام لآ ؟؟
• مطلوبين بالرد بأسرع وقت
• السفارة مرة اخرى والطفل؟
• اترفضت الفيزا ومالحل
• ضروري أحد يجابونييي بلييييز شي مصيري ؟
• مساعدة فى السفرو الدراسة فى جامعة فى بنسلفنيا
• تدقيق وثائق المبتعثين تمهيداً لإعلان المقبولين
• تكفوووووون جاوبوني
• مطلوب قبول مشروط او غير مشروط لدراسة الماجستير
• مكافئة شهر رمضان في حسابات المبتعثين اليوم الخميس رمضان هـ
• هل التخصص في امريكا أسهل بالنسبة لطب الأسنان أم الهندسة
• استفسار ارجو المساعدة ادخلو
• الشام مع عسل
• لو كنت مبتعثا فأي دولة تختار امريكا استراليا كندا نيوزلندا؟ ولماذا؟

[grade="00008b ff6347 008000 4b0082"]اخوي والله لوتقولي اللي تقول محد تعب مثلي لكن وش تسوي انا مثلك بالملك سعود لكن كل اللي اقولك شد حيلك بالجامعه كأن مافي شي اسمه بعثه وكأن الجامعه هي مستقبلك واهم شي بحياتك واذا جت البعثه اسحب على الجامعه وعلى كلامك انك على وشك وتخلص الاجراءت يعني هانت والله يوفقك والله يكتبلك مافيه الخيره لك ولنا
والله الموفق[/grade]

الله يسهل امر كل المبتعثين

ماعليك اخو لا تشل هم ان شالله تتيسر امورك وماازيد على كلام اخوي المبدع شي
بالتوفيق للجميع

[align=center]تصدقون لي عشرين يوم من يوم جاني الضمان المالي باقي
الا الان ما راسلت الجامعة مع العلم ان ارواقي زاهبة

محتار ما بين الوظيفة + 15% ومحتار بين اني اكمل هندسة الحاسب

بس سؤال يا طالب مبتعث تنصحني اني ا راسل بنفسي واعرف ناس كثر بيساعدوني
ولا أروح الوزارة يراسلون لي بالنيابة :114: [/align]

الصبر زين انت ما صار لك الا 15 يوم اصبر مثلها وانا اتوقع انهم يتصلون عليك لانه مو بس انت اللي طولوا حتى اتصلوا عليه

وبالتوفيق ان شاء الله للجميع

طالب مبتعث

الله ييسر أمرك

وكثير اللي السفاره ما ردت عليهم إلا بعد 20 أو 25 يوم

فلا تستعجل ومثل ما قال المبدع شد حيلك في جامعة الملك سعود
كأن ما وراك بعثه واذا طلعت قل لهم فمان الله

أخواني (المبدع , النمر السائح , ابن السعودية,alnoor ,مهاجر)

أشكركم على تفاعلكم مع الموضوع :113:

وبالنسبة لك يا ابن السعودية نصيحتي لك تراسل عن طريق الاثنين بس بشرط انك ماتراسل

نفس الجامعة اللي بتراسلها الوزارة

المشاركة الأصلية كتبت بواسطة k_meshal


هلا والله أخوي طالب مبتعث

ودي اسأل سؤال مهم جدا

ماهو الرقم الذي أتصلت عليه وردوا عليك؟؟؟؟؟؟؟؟؟؟


ولك جزيل الشكر




[grade="00008B FF6347 008000 4B0082"] هلا والله أخوي k_meshal الرقم هو 014887678

وآسف على التاخير واذا احتجت شيء ثاني تراني حاضر[/grade]


[blink] طالب مبتعث[/blink]

اللي قابلك بالسفاره الامريكي ولا الهندي ولا البنانيه

[grade="00008b ff6347 008000 4b0082"]اللي استلم مني الاوراق في الصالة الصغيرة هي (اللبنانية)

لكن اللي قابلني هو الهندي شباك 6

لكن وش المعنى من سؤالك[/grade]

المشاركة الأصلية كتبت بواسطة طالب مبتعث


[grade="00008B FF6347 008000 4B0082"]اللي استلم مني الاوراق في الصالة الصغيرة هي (اللبنانية)

لكن اللي قابلني هو الهندي شباك 6

لكن وش المعنى من سؤالك[/grade]



الهندي هذا نحس انا وانت وثلاث من الشباب قابلهم هالهندي ولحد الحين ما اتصلواعليهم واثنين من الشباب قابلهم الامريكي واتصلوا عليهم بعد اسبوع واحد بس علما ان كلهم تبداء دراستهم بجانوري، واحد من الشباب سوى المقابله 14 سبتمبر ودراسته 17 يناير يعني بعد اربع شهور (قابله الامريكي) ما جاء 21 سبتمبر الا وهم متصلين عليه قالوا له خلاص وافقنا عليك يوم 17 اكتوبر جب جوازك وتعال علشان الفيزا.

يعني اللي افهمه من كلامك اخوي swiss ان الامريكي اوكيه
وانشالله قابلكم الهندي والاغيره انشالله بتتيسر اموركم لانه مافيه سبب ولله الحمد عشان يردونكم...
وفقكم الله ووفقنا


::: ودمتم سالمين :::