الموضوع: بروح باريس ومو عارفة شي ساعدوني جزاكم الله خير

السلام عليكم
اخواني واخواتي انا رايحة علاج حق الوالد الله يطول في عمره على اول شهر 11 واول مرة اروح فرنسا ومو عارفة شي فيها
رايحين باريس لان الدكتور هناك
ابي شقق او فنادق زينة ورخيصة مو غالية
ابي مطاعم عربية عفية لان ابوي مريض بالضغط وماياكل اي شي الا رز ابيض ولبن وهالسوالف وسلطات
ابيويت فيه مثل هالمطاعم
ابي مترجم ثقة وامين
ابي تكاسي عرب اتعامل معاهم وثقة
شنو الهدايا المميزة اللي اقدر اخذها لامي واخواني؟
انااول مااوصل مطار باريس من الكويت وين اروح ؟؟
لغتي يعني لازم اختم الجواز والا لا ا
الانجلش زينة بس احتاج مترجم للدكتور وكذا
عطوني اماكن سياحية نتمشى فيها انا والوالد
ابي كافيهات عربية
الاسواق مثل ايش؟
شنو الاماكن ماتنصحوني ماروح يعني تخوف جرائم وكذا
حدائق وبحيرات مثل ايش
بالنسبة للقطار ودي اروح للريف واصور هناك طبيعة يمدحون الريف الفرنسي شلون طريقة الذهاب هناك لان والله ماعرف شي
شنو الاغراض المسموحة اخذها بالمطار وشنو الممنوع
ابي اخذ لابتوبي شلون طريقة النت هناك
ارجو روددددددددن علي سؤال سؤال وجزاكم الله الف خير
اختكم ام اسامة من الكويت

مواضيع عشوائيه ممكن تكون تعجبك اخترناها لك:

• تذاكر المترو لو سمحتو شو افضل تذكره للمترو لمده 8 ليالي ومن وين اشتريها في فرنسا
• من كان إلى باريس بالسيارة وبعض الإستفسارات
• مسافر لباريس في أغسطس وأتمنى الاجابة عن استفساراتي
• السفر من المغرب لفرنسا بالباخرة
• عاجل ارجو المساعده انا في باريس حاليا
• مساعدتكم يا اخوان رحلتي بعد ايام استفسار عن استأجار السياره
• استفسار عاجل عن سوريا
• ابي خبراتكم
• مجموعه استفسارات لاجمل ناس
• ارجو المساعده عاجلا
• مسااااري الليل أحاسيس مصورة
• باريس التي رأيتذكريات ومشاهدات من عاصمة النور والجمال
• كوافيرة شاملة بباريس
• ابليز اشلون الطريقة او الافضل
• استفسار عن الرخصة الدولية
• اخطط لجوله اوروبيه باذن الله بشهر اغسطس مع العائله اشخاص مساعده صغيره الله يخليكم
• رحلة لأوروبا ارجو المساعدة
• رحلتي الى باريس مع الصور
• مدينة نيس
• مساعدة يأهل الخبرة في ميزان حسناتكم

السلام عليكم
وعليكم السلام ورحمه الله وبركاته
اخواني واخواتي انا رايحة علاج حق الوالد الله يطول في عمره على اول شهر 11 واول مرة اروح فرنسا ومو عارفة شي فيها
العلاج ممنوع فأتمني عدم ذكر ذلك مستقبلا وأسال الله له الشفاء اسالي اسئله عامه وأبشري
رايحين باريس لان الدكتور هناك
ابي شقق او فنادق زينة ورخيصة مو غالية
مدتكم كثيره ولا أقل
ابي مطاعم عربية
المطاعم العربيه غاليه للعلم
ابي مترجم ثقة وامين
والله هالشيء اتمني تعرفينه من سفارتكم أفضل واذا كان الاخ محمد ابو شملان او كويتي يعرفون ياليت يفيدونك
ابي تكاسي عرب اتعامل معاهم وثقة
انصحك بعدم التعامل معهم انتي تبين موقع معين اي تاكسي يوديك له او بالمترو
شنو الهدايا المميزة اللي اقدر اخذها لامي واخواني؟

انااول مااوصل مطار باريس من الكويت وين اروح ؟؟
تروحين للتكاسي برا تلين لوحه بالمطار ويوصلك للمكان اللي تبين
لغتي يعني لازم اختم الجواز والا لا ا
الجواز يختمونه قصدك اول ما تنزلين من الطياره لا دخلتوا لمطار الي الجوازات يختمون وتطلعين للشنط تاخذونها ولا خلصتوا لوحات للتاكسي برا
الانجلش زينة بس احتاج مترجم للدكتور وكذا
هم بيتكلمون بلغتهم والمترجم وضحت لك مسبقا
عطوني اماكن سياحية نتمشى فيها انا والوالد
اذا ايامكم طويله تلفون باريس كلها لا تخافين من هالمووضع والمنتدي مليان تقارير علي سبيل الذكر لا الحصر
ايفل - فرساي - ديزني - اللوفر- القوارب بنهر السين- مونمارت- الحي اللاتيني- اللاديفانس- قوس النصر- منطقه الاوبرا والتسوق
ابي كافيهات عربية
ما فهمت قصدك ايش تفرق الكافيهات عن بعض
الاسواق مثل ايش؟
جاليري لافيت- الفضول الاربعه - الشوارع المتفرعه من الشانز- شارع ريفولي خلف ايفل - شارع هوسمان وما جاوره بتتعبون بالاسواق كل مكان فيه سوق
شنو الاماكن ماتنصحوني ماروح يعني تخوف جرائم وكذا
غابه بولونيا حلوه الصبح ترد الروح قبل المغيب ما تصلح - منطقه بيغال هم ما تصلح هذا اللي اعرفه يمكن من عنده خبره يبلغك

حدائق وبحيرات مثل ايش
حدائق كثير موضوع اخونا محظوظ ذاكر اشياء كثيره

بالنسبة للقطار ودي اروح للريف واصور هناك طبيعة يمدحون الريف الفرنسي شلون طريقة الذهاب هناك لان والله ماعرف شي
الوقت بيكون خريف اتوقع ما راح تشوفون مناظر زي الصيف او الربيع
شنو الاغراض المسموحة اخذها بالمطار وشنو الممنوع
مثل ايش بتاخذين لحم وهالامور ممنوع اهم شيء اذا تحبون القهوه خذوا عدة القهوه بس البقيه متوفره وخذوا رز وبهارات

ابي اخذ لابتوبي شلون طريقة النت هناك

اذا السكن يوفر الانترنت المجاني تقدرين وفيه وصلات بس مااعرف الطريقه من فودافون ولازم اثبات الجواز تعطينهم هالامر ليس في غايه الصعوبه
ارجو روددددددددن علي سؤال سؤال وجزاكم الله الف خير

هذا ما اعرف وان شاءلله الاخوه يفيدونك والله يشفي مريضكم ويسهل دربكم

الي اخواني المسافرون الي فرنسا

ارقام تهمك

سفارة الكويت تـ / 0147235425

سفريات الكويتيه في باريس تــ / 0147207515

مكتب شحن لتوصيل الي الكويت ت / 0148617700

المكتب العسكري في باريس فاكس 0147203642

فندق موقعه الاستراتيجي ممتاز قريب من برج ايفل

وشارع الشانزليزيه (( اداجيو )) باريس 15 ويوجد بالفندق

خليجين للسياحه والعلاج ت/ 0145718888

تحذير من النصابين الموجودين في شارع الشانزليزيه

من الجناسي العربيه والاجانب

اخوي الوسيم ۔

اسأل الله الكريم رب العرش العظيم ان يشفي بنتك ويلبسها لباس العافيه عاجلا غير اجل يارب العالمين ۔
ويشفي كل مرضى المسلمين

أختي أم أسامة .۔ سأرسل لك رسالة خاصة بعد قليل .

مشكورين عالردود
الوسيم الف شكر عالارقام وابغى ارقام التكاسي والمترجمين ربي يوفقج ضروري كذلك ابغى سكن زين ورخيص
انا بسكن شهر في باريس بس مافهمت اخوي فيصل ليش ممنوع العلاج؟؟
ابي سكن زين ورخيص
ابي ارقام مترجمين ماعندي مشكلة رجال او بنات
وابي مطاعم يرجى تحديد بالاسم
في حاجة مافهمتها الرسائل الخاصة كيف اروحلها؟ لان مافي خانة الرسائل الخاصة
حاولت ادخل على بريد الياهو وحطيت الباسوودمايفتح معي
ايش الحل
يرجى ضرورة الرد والف شكر جزاكم الله خير ووفقكم في دينكم ودنياكم ورزقكم جنة عرضها السموات والارض مع الانبياء والصحابة والشهداء والطاهرين

للاسف اختي لا تستطيعين استقبال رسائل خاصه
لان اشتراكك بالمنتدى جديد
وممنوع وضع الارقام بالمنتدى
ولا اعرف كل ارسل لك الارقام
ارجو من الاخوه المراقبين مساعدتنا بحل لمساعدت الاخت

الله يجزاكم خير

المشاركة الأصلية كتبت بواسطة قايدعنادك
http://www.arabtravelersforum.com/tr...8/#post6267268

اخوي الوسيم ۔

اسأل الله الكريم رب العرش العظيم ان يشفي بنتك ويلبسها لباس العافيه عاجلا غير اجل يارب العالمين ۔
ويشفي كل مرضى المسلمين




اميـــــــن يارب العالميـــــن

بــــارك الله فيــــــك اخـــــــوي

قـــــــايــــد عنــــادكـ

من عيونـــي الارقام موجوده


وتقبلي مروري

جزاكم الله الف خير

ارجو من الاخوة مساعدتي بالارقام الله يجزاكم خير

جزاك الله خيراً اخونا فيصل

تم ارسال جميع الارقام عن طريق الخاص

واي استفسار انا حاضر

اسمعوا بالله عليكم اي شخص يبحث علي علاج في باريس ينتبه من المترجمين كلهم نصبين وكذابين وترجمتهم ليست ترجمة طبية الافضل عايشة او دلال ترجمتهم100 في100وبالنسبة الي السكن افضل شي فندق ادجوا
وان شالله بالشفاء للجميع من الموبايل

بالله عليكم انتبهوا من السكن في الاديفانس كله مشاكل ونصب والمترجمين ترجمتهم مع المريض اي كلام لان الترجمة الطبيه تبي شخص يكون يعرف المصطلحات الطبية وحاجة تانية انتبه اذا سكنتم في الكمبيته بالاديفانس ضاع زوجك وانقلبت حياتك الزوجية من الموبايل

والله العظيم الناس الا تجي فرنسا علاج ما تعرف شي علي الشقق والمترجمين بالنسبة الي الشقق من مريض الي مريض بدون تعقيم الاقامة في الفنادق افضل بكثير لان كل الفرش يتعقم بالماء الساخن والكلور لان اصحاب الشقق التعقيم يكلفهم كثير لا يريدون الدفع والمترجمين بالنهار ترجمه وبالليل مع الرجال يودوهم الي امكان الزنا والاحفالات ومكان تواجد بنات العربيات كم واحد من دول الخليج متزوج وبدون علم اهله انتبه من شقق باريس نيصحة مني من الموبايل