الموضوع: قدر الله وماشاء فعل وش صار وش ممكن يصير

مرحبا اعضاء المنتدى كلكم ..
ماانسى وقفتكم معاي في موضوعي لسفرتي عن دبي
اللي صار انو جواز زوجي ضاااااااااااااااااااااااااااااااااااااااااااع
ماحصلته لانو كنا معتمدين انو المفروض اليوم تكون خالصه الجوازت
لانها مثل ماسمعنا ماراح تاخذ وقت مثل اول (الجوازات السعوديه)
(كانت غلطه كنت ابحث وادور عن كل شي وناسيه الجوازات )
بصراحه الى الان عندي امل انه ممكن احصله ؟؟لكن لو ماحصلته
تتوقعون ممكن نمشي الوضع ونطلع جواز له في اقرب فرصه ولا مافي امل
لانوانا جوازي يبي له تجديد والاولاد جديده جوازاتهم بس المشكله
في زوجي يعني كل ترتيباتي راحت ع الفاضي
(قدر الله وماشاء فعل )
ومو مشكله لو التاخير مو كثير يااروح اخرالايام يعني تكون رحلتي 5 ايام
بدل السبعه يا نقول ايام العيد (مع العلم انو ماكنت افضل ايام اعيد..
دلوني ووسعوا صدري وش اللي ممكن يكون وكيف اتصرف ..؟؟؟
0وعسى ان تكرهوا شيئا وهو خيرا لكم وعسى ان تحبوا شيئا وهو شرا لكم.

مواضيع عشوائيه ممكن تكون تعجبك اخترناها لك:

• استفسار بخصوص المشاوير بالموزين
• او ليالي في دبي
• المولات في مدينة العين
• لأصحاب الخبرة مساعدة
• تحذير دبي مولعه نااااااااااااااار
• مطلوب معلومات عن أسعار الايجار في قصر الامارات
• شقق جزيرة النخلة
• مين بقي عنده كتاب الكوبونات لدبي
• الطاير للسيارات وين بابوظبي ؟
• بخصوص توفر شرائح الجوال بدبي والانترنت
• غدا سوف اسافر الي دبي ان شاء الله واريد بعض النصائح
• فندق ابن بطوطة يقدم المثلجات مجاناً للأطفال
• اللي يعرف فله بمسبح خاص بدبي ولا الشارقه
• الأسعار في دبي
• فزززززعتكم ياهل الامآ آ آ آ ر آ آ آ آت والفاهمين هناك
• مهم جدا عن فندق
• اول زيارة لي لدبي ارجو مساعدتي في ايجاد الفندق المناسب؟
• اقتراحاتكم لي اسبوع العسل
• ماهي افضل مطاعم السي فود في دبي
• وين اكشخ مكتبات لبيع الادوات المدرسية للمدرسات والطلبة بعد

يقدر يسافر ببطاقة الاحوال اذا جديدة ... ودوري الجواز ... زين ... يمكن طايح تحت الدرج حق الكامدينة او التسريحة دوري بالمحلات اللي ماتتوقع انك تحصلها فيه ...

دوري زين بتحصلونة أن شاء الله ..

يطلع الجواز في اسبوع اذا كان اول مره ويدفع غرامه 500 ريال اما ثاني مره يمنع من السفر سنتين

في سفره سابقه ممكن قبل 3 شهور


كان امامي في مطار الملك خالد مسافر لدبي غادر بالبطاقه بدون الجواز .. واذكر ان الموظف على كاونتر


الجوازات كلم الموظف اللي بجواره .... اللي اعطاه الاوكي .


لكن .... لابد من التاكد من هالموضوع قبل اتمام عملية شراء التذاكر او حجز الاوتيلات .. لانه مثل هالمواضيع


تختلف من موظف لاخر .. وعلى طاري الاختلاف بين موظفين الجوازات ...


في رحله سابقه رفض موظف الجوازات السماح لشاب سعودي بالمغادره لانه شعره ( كدش ) والله مدري


وشلون متحمل نفسه ... والتعليمات من الامير محمد بن نايف ترفض السفر بهالشكل .. لكن تدخل بعض


الموظفين في الموضوع ... مشى الامور وسافر ها الشاب ( وهو في وضع لا يحسد عليه !!! )



بالنسبه لجوازك ... اذا باقي فيه 3 اشهر .. يمكن السفر به او يتم تجديده .. والمسئله سهله تقديم


اليوم وبكره الاستلام .




تحياتي ,,,

بالإمكان أن تصدر له الجوازات جواز لسفرة واحدة فقط، إلى أن تنتهي إجراءات ضياع الجواز. أما البطاقة فلا يمكن السفر بها للإمارات.

اختي دوري الجواز زييييييين
اقري قرآن وصلي على النبي وانتي تدورين
وسبحان الله يمكن ناسينه في مكان

نحنا جوازاتنا ما تطلع من التجوري الا للسفر او للظروره

اعتقد والله اعلم ان زوجك يقدر يسافر بالبطاقه الجديده

ولكن عن طريق البحرين يعني طيران

اما بالنسبة لجوازك تحتاجين تجديد فقط و خلال يومين

ملاحظه / اخر دوام للدوائر الحكومية يوم الاربعاء القادم

ان شاء الله تلاقين الجواز في اسرع وقت

الله يسهل امركم ويكتبلكم الي فيه خير

بالنسبه للجواز راح يتاخر اصداره الا بقانون الواو

والبطاقه سمح بامرها فتره ووقفتها الامارات

ومثل ماقالو الاخوان اخر دوام الاربعاء القادم والله يعينكم ويسهل اموركم

ان شالله تلقينه وماتدرين وين الخيرة فيه
وزي ماقالوا لك
االاكيد ان جواز زوجك مع جوازاتكم فدوري زين في نفس المكان
احيانا تكون بين الاداراج والدواليب

وادعي ربك انك تلقين ضالتك

اختي ام عمر

للمعلوميه لا يمكن السفر الى الامارات عن طريق البطاقه المدنيه حتى لو كانت جديده

ولك أن تتأكدي عن طريق الاتصال بجوازات المطار...

و بخصوص جوازك لازم تجديدنه الاسبوع هذا لأن الجوازات هذا اخر اسبوع لهم ويسكرون يعني باقي
يومين ويسكرون...

ثالثا الجواز اذا كان ضايع يمنع زوجك من السفر لمدة سنتين...
مع التحقيق في قضية ضياع الجواز...
ويجب التبليغ قبل الذهاب للجوازات

وان شاء الله تلقين الجواز واقري سورة الضحى وانتي تدورينه...

وطمنينا...

الله يعينك اختي
توكلي على الله ودوري الجواز زيين ان شاء الله بتلاقينه

يمكن هو اللي


خذهـ وموزيه مايبي يسافر هههههه واحد فتاااان


بس ياام عمر انا حاس انك بتكتبين انك حصلتية


واجراءات الجواز الضايع مشكلة

انا اتوقع مقلب من ابو عمر

يبي يسوي لك مفاجأه ... وأذكرك ...


هذي حركاتنا يالرجال دايما نحب نفجع زوجاتنا .. قصدي نفاجئ زوجاتنا ...


اتمنى لكي ولعائلتك التوفيق ,, واذا ما مشت الامور في العيد ,. بعيد الأضحى تكون اموركم افضل ياكريم.

ابشركم حصلته يارب لك الحمد
بس تخربط كل شي على اساس المفروض انو اليوم نروح
ومن يدري يمكن يصير ان الله على كل شي قدير
يعطيكم العافيه

المشاركة الأصلية كتبت بواسطة um.omar
http://www.arabtravelersforum.com/tr...4/#post4185414

ابشركم حصلته يارب لك الحمد
بس تخربط كل شي على اساس المفروض انو اليوم نروح
ومن يدري يمكن يصير ان الله على كل شي قدير
يعطيكم العافيه



الحمد لله


و ان شاء الله رحله موفقه

بالنسبة للأخ اللي يقول الجوازات تغلق أبوابها بعد يومين

العام الماضي قمت بتجديد جوازي في يوم العيد وأعتقد أن الجوازات تظل تعمل في جميع أيام الإجازة


والله يعين الأخت صاحبة الموضوع على ما أصابها

ايه الحمد لله فكيتينا من العنوه يام عمر بغيت انقز افزع لكم

مع اني شاك بالزوج مثل ماقال الأخوان بس شكله راجع نفسه وتحسف ورجع الجواز لمكانه الله يجزاه خير ليال فضيله ما وده يضيق صدرك ...

الله يسعدكم الزوج اللي تقولو هو اللي مخبيه
هو اللي مخطط للرحلة وهو اللي يبي يسافر
مو من طبايعه هالمزحات البايخه

ودي اقول شي بس ترررررررررره مزح...لايزعل علي زوجك ههههههههههه
اكيد هو مخبيه علي شان هون عن السفر...وقال ضاع

مبروووووووك عليكم

والله أني احاتيكم


اكره هالحركات


وعلى فكره ترى يمديكم تحجزون

لايفوتك طيران العربيه


أرخص الله الرخيص

زييييييييين والله لقيتيه شلت همك والله
رحله سعيده ان شاء الله

المشاركة الأصلية كتبت بواسطة سعود بن محمد
http://www.arabtravelersforum.com/tr...7/#post4183067

بالإمكان أن تصدر له الجوازات جواز لسفرة واحدة فقط، إلى أن تنتهي إجراءات ضياع الجواز. أما البطاقة فلا يمكن السفر بها للإمارات.




كلام غير صحيح..المواطنين السعوديين يقدرون يدخلون الامارات ببطاقة الهوية وانا متاكده من هالاكلام 100% لان عندي معارف في المطار و سالتهم...بس الاماراتي مب مسموح انه يدخل السعوديه بالهويه..ليه؟ الله اعلم!

مبروك ورحلة سعيدة إن شاء الله