الموضوع: أنا مسافر لحالي أندنوسيا

السلام عليكم ورحمة الله وبركاته تحيه طيبه لجميع الاعضاء ، أنا هنا عضو جديد وإن شاء الله بستفيد منكم وإنتم ماراح تقصرون ، انا سبق لي زيارة اندنوسيا مرتين انا واصحابي بس المره الثالثه هذي ناوي أروح لحالي متعمد علماً إن سبق وأن سافرت لحالي لدول عربيه كثيره يعني لاتخافون علي بس المشكله أندنوسيا وهنا السؤوال ؟؟؟؟

الوضع بيكون عادي ؟؟ أنا كل الفتره ابجلسها بجاكرتا ولمدة 15 يوم فقط ومتعمد أيضاً عشان أستكشف خباياها كلها و ترى أنا ما أحب المشاكل أبد يعني أمشي جمب الحيطه

مواضيع عشوائيه ممكن تكون تعجبك اخترناها لك:

• الحجز عن طريق اير اشيا
• تم قطع التداكر ولله الحمد وجينا للحجز ببطاقة فيزا تسوالراجحي مسبقة الدفع ومشاكل الحجز
• تاشيرة الدخول الى اندونيسيا
• استفسارات لقضاء شهر العسل في جزيرة بالي
• أهم وأشهر المجمعات التجاريه في جاكرتا وبالي
• سفره مقترحه الي سنغافوره و بالي
• بلللللللللللييز لاصحاب الخبره افيدوني
• ممكن مساعده
• استفسارات مسافر لأول مرة
• عريس جديد ومتردد أرجوكم ساعدوه
• جدول رحلتي لمدة يوم
• طالع لحالي فمالي الا الله ثم اصحاب القلوب الرحيمة الفزعة
• ابي رايكم ياخوان
• يستاهلوا اهل طيبه
• الفززززعة يا رواد العمة
• شو رايكم في فندق
• بالله عليكم إستفسار ضروري
• افضل مقاعد في الطائره
• ارجو منكم مساعدتي أول سفرة لي خارج السعودية
• سؤاال مهــم

فيه ماريوت الليله ب 90 دولار واتوقع شيراتون 80 تصنيف 4 نجوم

و 60 دولار مصروف كافيه

مشكور أخوي Mezajee_KSA السكن بالماريوت والشيراتون فخم ولا عليه غبار بس انا ودي ياخوك اسكن بأرخص من كذا يعني بحدود 50 - 60 دولار ممتااااااازه وبتكفيني سكن عشان تخبر أهم شي الباقي الـــ 90 دولار أخليها للتمشيات والاستكشافات والبحث عن كل ماهو جديد والسؤوال هنا هــالـــ90 دولار بتكفيني إن شاء لله لحالي ؟؟

150 دولار بدون خروج من جاكرتا مناسبه جدا اخوي اذا انت ادمي عرف نفسك تقتصد ولا تبذر وسبق زرت الديره من قبل

بس لي راي ان حبيت تحاول فعله
الخوي في السفر جيد يونسك وتتونس معه في حال مرض وتعب ايضا بيكون عون لك لا سمح الله فحاول تلقي رفيق سفر مناسب قدر الممكن
و15 يوم كثير بجاكرتا تقدر بنص المده تطمر يوم تتمشي في بوشناك ان حبيت لتغيير جو
ورحله موفقه

تكفيك بالراحة وتزووووووووووووود

انا اصرف 100 دولار باليوم

والله ياخووك الوحده مهيب زيييينه ابدا

وإذا معزم رح لبالي الحياة فيها حلووه وتنسيك وتلتهي بالنشاطات

دامها لخاطره خلوه يروح ياجماعه هههههههههـ

شفت كيف الكل شايلين همك انت واسمك الخنفشاري

عندك هنا اسعار مناسبه
Swiss-Belhotel Mangga Besar فندق جيد جدا واشوف انه الانسب لك
FM7 Resort Hotel ممتاز وسعره مناسب لكنه يعتبر ابعد من استونا مارينا عن وسط البلد وبتعوض فرق السعر بالتاكسي
Aston Marina مليان سعوديين ومعروف بمستواه الجيد جدا

رحلة موفقة أخي الفاضل وبالتوفيق أن شاء الله ...

المشاركة الأصلية كتبت بواسطة عاشق الرياض11
http://www.arabtravelersforum.com/tr...5/#post4261195

والله ياخووك الوحده مهيب زيييينه ابدا

وإذا معزم رح لبالي الحياة فيها حلووه وتنسيك وتلتهي بالنشاطات




بصراحه بالي ماعمري جيتها أبد أبد أبد بكل سفراتي وإنت بصراحه ثاني واحد ينصحني ، عندي واحد من عيال عمي سبق وزار بالي مرتين ويعرف مزاجي بالظبط قال نفس كلامك إنه بالي تصلحلي أكثر من جاكرتا وشكلي أبي أقسم الـ 15 يوم نص جاكرتا ونص بالي مشكور على مداخلتك ونصيحتك لاخلى ولا عدم

المشاركة الأصلية كتبت بواسطة Mezajee_KSA
http://www.arabtravelersforum.com/tr...3/#post4261343

دامها لخاطره خلوه يروح ياجماعه هههههههههـ

شفت كيف الكل شايلين همك انت واسمك الخنفشاري

عندك هنا اسعار مناسبه
Swiss-Belhotel Mangga Besar فندق جيد جدا واشوف انه الانسب لك
FM7 Resort Hotel ممتاز وسعره مناسب لكنه يعتبر ابعد من استونا مارينا عن وسط البلد وبتعوض فرق السعر بالتاكسي
Aston Marina مليان سعوديين ومعروف بمستواه الجيد جدا



والله إلى حد الآن النيه لحالي إن شاء الله ، إلا أذا الله أراد شي ثاني .

وش فيه إسمي ؟؟ فيه أحد مايحب معصوب بالقشطه ؟؟ ترى فيه فايده واااااجد هالمعصوب (واحد طلع برى الموضوع)





صحه وعافيه .

نرجع للموضوع بالنسبه اخوي للفندق Swiss-Belhotel Mangga Besar بصراحه صوره خطيييييييره بس فيه مشكلة الحمام الله يكرمك زجاج مكشوف ، لأني شفت اراء بعض النزلاء ولفت إنتباهي سائح نيوزلندي ذكر هذا العيب يقول لو معاي ضيف الوضع محرج جداً الزجاج شفاف ولا أدري صاحب هذي الفكره ليش عاملها كذا ومن خلال الصور لقيت كلامه صحيح بس لقيت بعد التدقيق ستاره خارجيه برى الحمام حولينه بس هذي اللي يتحكم فيها اللي برى الحمام مو اللي جوى واذا كان معاك احد بالغرفه ماتضمنه يفتح الستاره عليك يستهبل

المشاركة الأصلية كتبت بواسطة أبن السعودية
http://www.arabtravelersforum.com/tr...9/#post4261389

رحلة موفقة أخي الفاضل وبالتوفيق أن شاء الله ...



وانت الله يوفقك أخوي إبن السعوديه والتوفيق للجميع إن شاء الله .

توكل على الله ولا يهمك و100 دولار بأذن الله تكفيك يوميا وانا سبق وسافرت لوحدي لاحدى الدول والحقيقه اني انبسطت لا اخفيك انه لحقني شوية طفش اخر يومين من السفر ولكن اجملا السفره كانت ممتعه
اتمنى لك سفر سعيد

المشاركة الأصلية كتبت بواسطة شيباناس
http://www.arabtravelersforum.com/tr...9/#post4263129

توكل على الله ولا يهمك و100 دولار بأذن الله تكفيك يوميا وانا سبق وسافرت لوحدي لاحدى الدول والحقيقه اني انبسطت لا اخفيك انه لحقني شوية طفش اخر يومين من السفر ولكن اجملا السفره كانت ممتعه
اتمنى لك سفر سعيد



ياهلا باخوي شيباناس ، 100 دولار قصدك السكن مع كامل المصاريف ؟

بالنسبه للسفر وحدي انا اجد فيه متعه بالخارج بس مشكلتي إنه أندنوسيا هي اللي أول مره لوحدي ولا أدري النظام اللي أنا كنت أتبعه بالدول العربيه لوحدي بيمشي معاي بأندنوسيا أو مختلف (هذا اللي محيرني بس) .

بالنسبه للطفش في اخر يومين هذي مرت علي كثير بس فعلاً ايام الطفش قليله جداً مقارنه في باقي الأيام يعني لايوجد هناك عيب في ذلك .

مشكور لتشجيعك وسفرات قادمه سعيده لك إن شاء الله

متى سفرك بالضبط ؟
مارايك اخاويك من بعيد لبعيد بمعنى اكون معك بالطائرة والفندق ومعك رقمي ومعي رقمك ونتواصل متى مااردنا ونتباعد ايضا انما احس وتحس ان حولك احد ونجتمع بعض الاوقات ونتشاور وتراي زيك خفيف ظل ومرات احب اسافر وحدي
اخي اجزم اك لن تندم لو خاويك على الوجه الذي ذكرت لك
ان راق لك رايي فانا اشري صحبتك والا ترى ذالك دعوت لك بكل توفيق

يارجل اسكنها وماعليك من هالحمام وانت راعي معصوب وشكلك ماينخاف عليك

مجنون اللي بيحاول يطل عليك من ورى الستاره

اسكن وتوكل وانا قد جرت الحمام المكشوف للشاور فقط لكن المرحاض يكون مغطى

هههههههههههههـ طرى علي فيلا سكن فيها واحد من الشباب قي بالي .. الحمام مكشوف بالحوش
يقول انا جالس واشوف ضفدع يتفرج علي

رحله موفقه ان شاء الله

المشاركة الأصلية كتبت بواسطة ابو المكارم
http://www.arabtravelersforum.com/tr...4/#post4265264

متى سفرك بالضبط ؟
مارايك اخاويك من بعيد لبعيد بمعنى اكون معك بالطائرة والفندق ومعك رقمي ومعي رقمك ونتواصل متى مااردنا ونتباعد ايضا انما احس وتحس ان حولك احد ونجتمع بعض الاوقات ونتشاور وتراي زيك خفيف ظل ومرات احب اسافر وحدي
اخي اجزم اك لن تندم لو خاويك على الوجه الذي ذكرت لك
ان راق لك رايي فانا اشري صحبتك والا ترى ذالك دعوت لك بكل توفيق



أخوي ابو المكارم مشكور على الإطراء الجميل يمكن أكون أستحق ماذكرت ويمكن لا أكون وبصراحه كل اللي ذكرته من أفكار أعتبرها حلوه بالنسبه لك ولي على وجه سواء ، وسفري ان شاء الله بعيد الاضحى إذا الله أراد وكتب وفكره حلوه انه نتونس بالطياره 9 ساعات ونطلع شرايح من المطار وناخذ ارقام بعض وإذا حب أحد يسكن بفندقه المفضل مسموح ونتقابل يومياً إن شاء الله على غداء أو على عشاء أو على فطور أو على كافي بعد على كم رحله سياحيه ومنها عرفنا بعض وراح تكون أوقات حلوه وذكريات حلوه ومن أبرك الساعات إن شاء الله شاكرلك مرورك بس خلني أول أجزم على الرحله تحياتي .

المشاركة الأصلية كتبت بواسطة Mezajee_KSA
http://www.arabtravelersforum.com/tr...0/#post4265360

يارجل اسكنها وماعليك من هالحمام وانت راعي معصوب وشكلك ماينخاف عليك

مجنون اللي بيحاول يطل عليك من ورى الستاره

اسكن وتوكل وانا قد جرت الحمام المكشوف للشاور فقط لكن المرحاض يكون مغطى

هههههههههههههـ طرى علي فيلا سكن فيها واحد من الشباب قي بالي .. الحمام مكشوف بالحوش
يقول انا جالس واشوف ضفدع يتفرج علي



أصلاً إن دخلت الله يكرمك الحمام باخذ معاي تيزار ولا رواق عشان عملية الثقه بس ، حشا صارت كشته ذي مو حمام فندق ... والله العالم إني بغير هالفندق الا لو كان عندهم حمامات أوادم .

بالنسبه لخويك اللي في بالي زين إنها جت على قد كذا (ضفدع) . ومشكوووووور على تعليقاااااتك ...

المشاركة الأصلية كتبت بواسطة ابودحمي
http://www.arabtravelersforum.com/tr...3/#post4265513

رحله موفقه ان شاء الله



الله يسعدك ويوفقك أخوي ابو دحمي