السلام عليكم...بداية شهادة خير والحق يقال...من افضل المنتديات اللي مرت علي واعتبره كمرجع لي في كل اسفاري ولكنني فالمرات الماضيه كنت كقارئ فقط فاعجبني واحببت ان انظم اليكم واستفيد منكم...
ارجو مساعدتي واجركم عند الله..
بمشيئة الله ناوين نسافر انا وزووجتي الى امريكا وبيني وبينكم ابدا ما اعرف شي عن امريكا..قرات بعض التقرير والاجراءات لبعض الاعضاء جزاهم الله خير واريد الاستفادة اكثر منكم...
خطتي اسافر بتاريخ 17|2 وبتكون على طيران الاتحاد ان شاء الله(احد فيكم جرب الاتحاد وشو رايكم؟) وسابدا بنيويورك..مخطط اجلس فيها يومين او ثلاث بالكثير...طيب لما اوصل مطار جون اف كنيدي...وين فندق مناسب توصون به وكم تقريبا المسافه من والى المطار؟ وكيف ممكن اوصل له؟ والاهم من هذا ..لو مثلا رحلتكم كذا قصيره وين افضل الاماكن اللي ازورها في نيويورك؟؟؟؟ ونفس الشي قرات ممكن نطلع ف رحله بباص يلف بك حول المدينه فكيف احصل هذا العرض؟ كنت ناوي اروح شلالات نياجرا بس سمعت ثلج وما بنستمتع خلال هالفتره فكنسلتها:-(
طيب بعد نيويورك...ناوي اسافر الى اورلاندو وبحجز طيران دلتا او جت بلو...بس وين افضل احجز ف اورلاندو؟ وكيف بالنسبه للوصول الى ديزني وينفرسال وبقية الاماكن ؟؟ثانيا بالنسبه لدزني على حسب ما قرات فيه بعضها للصغار وما يحتاج ندخلها..ف اي حديقه ادخل ومناسبه للكبار؟؟ وكيف اسعارهن؟ والمده المناسبه؟ نفس الشي لينفرسال واتوقع قرات بعض الاعضاء ينصحوا بالذهاب الى سيرك او سينماء...فوين هذا؟ وكيف الطريقه؟ والحجوزات؟
وتقريبا ناوي اجلس هنا 5 اياموبعدها استاجر سياره واروح ولايات او اماكن قريبه من اورلاندو...فهل افضل استاجر السياره منذ البدايه او اسكن فالبدايه ف فندق ف ديزني لاند او قريب منها واقدر اروح لديزني ويونيفرسال والسرك من خلال الفندق ولما اخلص من اورلاندو استاجر سياره واروح بقية البلدان؟.فهل الفكره مناسبه وامنه خصوصا بكون انا وزوجتي فقط واول مره اسوق ف امريكا؟؟؟...فمن وجهة نظركم وين افضل؟ سمعت ميامي قريبه بس بعض الاعضاء صراحه تخوفت لما يقولوا يحتاج تنتبه فيها..اذا كان فيه اماكن اخرى وين؟ حاط تجوال بالسياره لمدة 3 الى 4 ايام.. وبعدها ارجع لاورلاندو وبهدا بالطياره لنيويورك...
وكيف الاجواء ف خلال هالفتره؟
مع العلم الانجليزيه تمام معي ولله الحمد..
كل الشكر والتحية:-)مواضيع عشوائيه ممكن تكون تعجبك اخترناها لك:
- اجراءات استخراج الفيزة للزوجة الاجنبية
- دانه تبحث عن مساعده لتحقق حلمها بالسفر الى اميركا
- سعر تكت الطيارة من سوريا إلى أمريكا
- لو سمحتوا ضروووري ابي رايكم في هذي الفنادق في نيو يورك
- الرجاء المساعده
- استلمت الفيزا
- استفسار بالنسبة لحجز تذاكر ديزني والسيرك بالنت
- الطيران الداخلي
- ارجو المساعدة لدي حجز لدولة ميامي ولم تصدر لدي الفيزا لمن يريد الاستفادة منه
- أخيرا الحلم أصبح حقيقة يا امريكا تقرير مصور ابريل نيويوركواشنطن نياجرا
- سان دييغو و لاس فيغاس ولوس انجليس ادخل الان
- اماكن سياحية كثيره ارجو المساعدة في ترتيب جدول يومي
- الافاده لوجة الله
- والله حيرتني ال ٣ شهور
- الاجراءات المشدده في مطارات واشنطن و نيويورك
- استفسار لو سمحتم
- عاجل عاجل ارجو الدخوووووول
- تبي تسافر لامريكا ببلاش اركب معي
- استفسار عن الولادة بامريكا
- ما هو اقرب سكن في واشنطن للسفارة السعوديه
المفضلات