هذا العضو يشمر عن ساعديه ..
اخوي ثامر .. انا والله تعمدت انه يكون ردك بموضوع ثاني عشان ابدا فيه تكملة التقرير .. !
..
شف حبيب قلبي .. انا يوم اخترت النمسا اني اروح لها شهر عسل كان من باب عشق لهالدوله وعشق لطبيعتها لدرجة ان الوالده تقولي وش هالجرأه اللي خلتك تاخذ بنت الناس وتروح دولتين انت ماتعرف عنها الا بالاحوال الجويه ولا بالاخبار ..
ثاني شي كنت اقرا واقارنها بدول ثانيه , يعني لاحظ اني انا ابي اروح النمسا بس ماكان في مانع اني اقرا اكثر عنها واقارن ...
( يعني اللي ابي اقوله لك شف الدوله اللي انت تبي تروحلها وتحس انك تبي ترتاح اكثر وحاول انك تروحلها ولاتخلي اشياء هي اللي تردك عن الدول اللي تحبها لانك مهما انبسطت بتقول ياليتني رحت الدوله الفلانيه )
اما العنوان تراه يشرح نفسه .. لاني عمر ام ام ام ام ام امي ماسافرت حدي جده مكه المدينه لا واضيع فيها بعد يعني يوم شطحت اوروبا شطحت شطحه ( على ماقالوا هذا والله الدلخ اللي زوجناه الاولى وسافر اوروبا اجل وشلون لو زوجناه الثانيه ) هههههههههههههه
. اما بالنسبه اما اللغة على ماقالوا لغة دراسه والميزانيه محدوده يعني اللي سافرت فيه هو كان حصاد سنه كامله حتى يوم رجعت من السفر سعابيلي تقوطرت على ذهب المعزبه . بس الحمدلله تيسرت بعد كذا .. وان شاء الله تكون وصلت الفكره اخوي ثامر ..
,,,,,,,,,,,,,,,
نرجع لمحور تقريرنا ..!
جات موعد الرحله وعلى طاري نقطة نظام للاخوان اللي بيسافرون شهر عسل واخص بالذكر الرجال .. انا تزوجت يوم اربعاء وسافرت يوم الاثنين يعني خمس ايام بسس وواجهتني مشاكل طفيفه خلتني اخاف شوي يعني لو قدر الزوج انه يخلي بين السفر وليلة دخلته اسبوع على الاقل عشان يتجنب روحة الصيدليات والمستشفيات .. يارب انهم فهموني ..
مالكم بالطويلة ..!
الساعة 6 صباحا كانت رحلتي على الخطوط الاردنيه جده - عمان - فيينا ..
واقلعنا بفضل من الله ورعايته تعرفت على واحد سعودي بالمطار كان يقوولي كل شوي الحين بتشوف الاحترافيه بالطيران واللي لاحظته ان اغلب الخواجات معنا باهالرحله .
اول شي كانت الخطوط الاردنيه مريحه جدا في مقاعدها والاهم من ذا كله دقيقه جدا جدا جدا في مواعيدها . يوم اقلعنا قام الاخ السعودي اللي تعرفت وقالي ناظر ساعتك ونظرتها وقالي شوف موعد الرحلة الساعه كم لقيته نفس التوقيت بالضبط . واول ماوصلنا الاردن وقف من بعيد وقالي شف كم الساعه ونفس الحال وناظرت التذكره لقيته نفس التوقيت .. وهو نازل قالي ترا هالميزه نادرا تلقاها .. طبعا ناهيكم عن الخدمه وعن الاكل
وذي صوره من داخل الطايره ولوجباتهم اللذيذه ..! نياهاهاهاهاها
ولنا عوده ان شاء الله مع الصور بداخل فيينا والفندق على الله مااتطلع الصوره كبيرها بحجمها ..!
تراني حطيت صور بس يوم رفعت الموضوع الا الصور طلعت كانها عمامة سوداني مفروده من كبرها ..
المفضلات