بسم الله الرحمن الرحيم
اول شي انا قررت اعمل الموضوع دا بسبب اني تعبت لما سافرت ل جزر المالديف وما لقيت اي موضوع يتكلم عن فنادق المالديف .. ف قررت اكتب الموضوع دا عشان غيري يستفيد وما يتعب مثلي ان شاء الله
الفندق تابع لشركة تدير مجموعة من الفنادق في المالديف اسمها Atoll paradise
في البداية كنت محتار جدا بين الفنادق وماني عارف ايش اختار وماهي مميزات الفنادق عن بعضها البعض .. ساعدني موقع xpedia.com بشكل جدا كبير وفي النهاية قررت اني اخد فندق Medhufushi بعد ما ناسبني سعره والخدمات المقدمة من الفندق ..
طبعا الفندق 5 نجوم وكان جدا جدا رائع .. انا اكثر شي كان يهمني في الفندق الالعاب المائية او activity .. ف كنت اراسل كل فندق بالايميل ويرسلولي قائمة بالانشطة اللي عندهم .. والحمدلله فندقي كان فيه كل الانشطة الي ارغب فيها ..
" بداية بالحجوازات "
حجزت عن طريق وكيل سفر لان كان عندي اكثر من رحلة ( جدة - دبي ، دبي - سيرلانكا - مالي ، مالي - مسقط - جدة )
انا نزلت في دبي 5 ايام قبل اروح المالديف لكن المهم اني سافرت من دبي للمالديف عن طريق الخطوط السيرلانكية .. في الحقيقة خطوط ممتازة وشبيهه الي حد كبير بالسعودية وقد تكون افضل منهم .. نزلت في سيرلانكا ترانزيت ساعتين وبعدين كملت الرحلة الي مالي ( عاصمة المالديف) .. والعودة من مالي الي مسقط على الخطوط العمانية ومن ثم الي جدة .. ايضا الخطوط العمانية رائعة ولا ينقصها شي .. طبعا اكيد كان في رحلات اقصر بكثير مثل الخطوط الاماراتية لكن فرق في السعر ملحوظ ..
ثانيا " الفندق "
الفندق باختصار اكثر من رائع والحمدلله كان اختياري جدا موفق ..
من هنا تم الحجز
الفندق يقدم ثلاثة انواع من الفلل ..
1- فيلا الشاطئ beach villa
فيلا ع الشاطئ وبجوارها مجموعة فلل والبحر على بعد خطوات من الفيلا
انا ما سكنت فيها لكن مما سمعت انها مشكلتها الوحيدة الحشرات
( ما عرفت كيف ارفق الصور !! )
2- فيلا البحر water villa
وسط البحر وبجوارك مجموعة من الفلل .. البحر تحت الفيلا قابل للسباحة وماهو عميق .. انا نلزت فيها ليلتين وجدا رائعة
3- Lagoon water villa
فيلا خاصة وسط البحر ولا يوجد اي فلل بجانبك .. منعزلة عن باقي المنتجع وايضا تقدر تتمتع بالبحر بحرية
المنتجع يتوفر فيه فلتين فقط من هاذا النوع .. وايضا نزلت فيها ليلتين لكن مشكلتها الاساسية ((( الدبابيير ))) .. جدا كانت مشكلة مزعجة جدا جدا .. ما تتواجد داخل الفبلا لكن تتواجد في الشرفة الخارجية وعلى البحر .. عن نفسي حرمتني متعة الاسترخاء ع البحر مع انها غير مؤذية لكن وجودها مصدر قلق ..
المنتجع فيه نادي صحي وفيه مكان للمساج SPA وايضا مركز للرياضات البحرية ومطعم
حجزي كان يتضمن وجبتين افطار وعشاء في بوفيه المنتجع .. بصراحة الاكل كان الطامة الكبرى .. ف انصح اي شخص ياخذ معاه وجبات خفيفة مثال الاندومي لان البوفيه كل يوم يختلف .. مره ايطالي مره مكسيكي مره عربي .. لكن مع ذلك ما كان مشهي وكان اكلنا الرئيسي فواكه فقط لا غير !!!
اي استفسار عن الرحلة او عن الفندق انا حاضر وعندي مجموعة كبيرة جدا من الصور لكن ماني عارف كيف ارفعها لكم في الموضوع ..
تحياتي
مواضيع عشوائيه ممكن تكون تعجبك اخترناها لك:
- مساعدهـ لشهر العسل
- استفسار سريع لمن زار موريشوس
- خطوط المالديف من لديه أية معلومات عنها ؟؟؟
- مسااااااااعده مهمه جدن جدن
- سيشل موريشوس مالديف؟؟؟؟
- ياخبراء المالديف رشحولي واحد من الاثنين
- رحلة للمالديف المشورة المشورة
- ترقبوا رحلة العمر الى جزر المالديف في اكتوبر
- عاجل من المالديف الة بانكوك ارجو المساعدة
- رئيس جزر المالديف يحذر من غرقها بسبب الاحتباس الحراري
- استفسار وابي اعرف اجابه ضروري اذا امكن
- رحلتي الجميلة الي السيشل
- محتاج مساعدة
- بين المالديف واستراليا
- سساعدوني
- شيرتون المالديف
- تكفون افيدونى يا اهل موريشوس محتااااار جدا
- وصلت من المالديف
- شاطئاً مفتوحاً أمام السياح بجزيرتا بربودا وانتجوا بالكاريبي
- منتجع الشيرتون هل هو ممتاز ويوجد فيه خصوصيه
المفضلات