الموضوع: ماهوالافضل طريق لدبي من الرياض

على حد علمي يوجد طريقين طريق حرض وطريق الهفوف الجديد يقلون انه سيدين الى عنده فكره يفيدني جزاه الله خير

مواضيع عشوائيه ممكن تكون تعجبك اخترناها لك:

• استفسار عن أفضل محلات المجوهرات
• ساعدوني محتارة
• العاب مائيه في دبي وايلد وادي المائية  
• «ميناء زايد» يستقبل السفينة السياحية «أم أس سي ليريكا» غداً
• «دبي مول» يستقبل العيد بعروض متميزة
• استفسار صغنون مره
• أريد أماكن الجمله لأجهزه الكمبيوتر
• فلاي دبي إلى بلغراد قازان أوفا تبليسي و
• مسافر دبي وابي سكن مناسب
• مقتل سائحين في سقوط منطاد قرب مدينة العين الإماراتية
• أريبيان سنتر
• بليزززززززززززز رابط طيران العربيه بسرعه
• مساعده للسفر لأول مره لدبي
• اخوي الفارس
• رايكم في فندق بارك حياة دبي
• مشورتكم الله لايهينكم
• سوال عن السفر الى دبي
• فندقاً أخر لأنانتارا في جميرا دبي
• مساعدة في اختيار فندق او منتجع
• تدشين فندق رمادا جميرا في الربع الأخير من

هلا اخوى

طريق الهفوف افضل واحسن بكثير من طريق حرض

وانصحك فيه سيدين لين ما تاصل الحد

طرق الهفوف سيدين الى البطحاء

شوف الرابط

http://www.arabtravelersforum.com/travel70039/

عالحسب حرض أسرع بس آخطر ( بالنسبه للآسرع والاقرب حرض اقرب )
الهفوف ( أبعد وآآمن )
دعواتك لي بالتوفيق

يا امير المعرفه فيه موضوع لاخونا عريس استراليا ولي فتره ما شفت الموضوع وصار لي ساعتين ابحث والان لقيته

هذا الرابط ولا تنساني من الدعاء فيه خريطه توضح الموقع

http://www.arabtravelersforum.com/travel83062/

الافضل وبلا منازع .. الرياض - خريص - الهفوف

الاسوء ... الرياض - حرض ... والفرق ما يسوى فقط 60 كم من مخرج 13في الرياض الى مخرج البطحاء

يوجد طريق ثالث وهو مفرق الهفوف لكنه بعيد ...

الافضل الرياض - خريص - الهفوف ... ومخرج خريص هو مخرج سعد على بعد 100 كم تقريبا من الرياض

الروابط المرفقه لطريق دبي من مواضيع قديمه والطرق اكيد تغيرت
انا جربت جميع الثلاث طرق وانا مع راي الاخ الهلالي
الرياض الى مخرج سعد بعدين يمين للهفوف
قبل تدخل الهفوف يجيك لوحة المطار يمين تفرق مع مخرج المطار كانك رايح المطار
اول دوار عديه ثاني دوار رح معه يسار باتجاه سلوى ( على فكره فيه لوحات) بعدين يجي مفرق البطحاء يمين

وبحفظ الله

طيب الحين انا بوح للامارات

هل افرق مع اول مفرق بعد سعد

[b][font="times new roman"][size="3"]طيب الحين انا بوح للامارات

هل افرق مع اول مفرق بعد سعد

وبخصوص البنزين فيه محطتين اول ما تفرق مع سعد ... واذا مشيت شوي تجيك قرية خريص فيها محطه بس لا تتعدى خريص وانت ماعبيت

رحلة سعيدة للجميع ان شاء الله

معليش بقط مع الاخ الكريم في الاسئله
ان شاء الله بنمشي لدبي بعد العيد من الرياض
وش الوقت المناسب اللي نمشي فيه

لو حنا في الشتاء كان قلت بعد الفجر هو افضل وقت

لكن افضل الساعه 2 الضهر توكلو علي الله

وبما ان درجات الحراره الايام هذي بداءت بالنزول فا اعتقد الساعه 2 مناسبه عشان تاصلون الحد قبل المغرب ان شاءالله
وتوصلون دبي تقريبا" بين الساعه 11 الي 12 مساء" بتوقيت الامارات
تعملون شيك ان وتنامون بدري استعدادا" ليوم جديد

فيه محطة بنزين اسمها استراحة ادنوك علي الكيلو 90 عن دبي - بين ابو ظبي ودبي -استراحه كبيره فيها مسجد نضيف ومرتب ودورات مياه نضيفه
فيها سوبر ماركت وعدة مطاعم مثل ديمونزبيتزا وبرجر كنج وببايز وغيرهم
تقدرون تريحون فيها نصف ساعه وتتعشون وتصلون
عشان لما تاصلون دبي ما تلفون علي المطاعم - علي طول علي الفندق

الطريق بين الاحساء وسلوى يخاف الواحد من الجمال اللى تقطع الخط فا مشيه بالنهار افضل عشان كذا اقترحت الساعه 2 الضهر

الله يجزاكم خير ردودكم ومساعدتكم

انا عندي سؤال

هل يوجد استراحات نظيفة بالقرب من الحد اللي هو منتصف الطريق تكون مناسبة اني انوم فيها كم ساعة

السلام عليكم

انا والله ما ادل لاني مو من الرياض

ياليت يالهلالي تفصل اومن الشباب الي فيهم الخير ان شاء الله يشرح

لاني مسافر باهلي وابي وصف للطريق مضبوط

فيه مخرج 13 المعارض والنسيم وما ادري وين يودي

ومن كبري الفحص طريق الدمام ولا ادري من فين افرق للحساء وللامارات

ياليت احد يوصف الطريق مضبوط وكم كيلوا للمنفذ ( البطحاء ) ومن المنفذ الى دبي كم كيلوا

والله لا اعرف سعد ومفرقه ولا مصطفى ولا مفرقه

وجزيتم خيرا ولكم الف مليون شكر

المشاركة الأصلية كتبت بواسطة الهلالي
http://www.arabtravelersforum.com/tr...9/#post4204409

الافضل وبلا منازع .. الرياض - خريص - الهفوف

الاسوء ... الرياض - حرض ... والفرق ما يسوى فقط 60 كم من مخرج 13في الرياض الى مخرج البطحاء

يوجد طريق ثالث وهو مفرق الهفوف لكنه بعيد ...

الافضل الرياض - خريص - الهفوف ... ومخرج خريص هو مخرج سعد على بعد 100 كم تقريبا من الرياض



بالنسبة لطريق الرياض-خريص- الهفوف انا سمعت انه في حفريات فما ادري حل صلحوه ولالا...شاكر لك *

اووما مفرق مصطفى جديده هذي هههههه
شف يا طويل العمر قبل اوصف الطريق بالتفصيل بتكلم عن افضل وقت للسفر حسب وجهة نظري
افضل وقت في اعتقادي الساعه 11 الى 12 بالليل بحيث انك توصل الحدود الفجر تصلي وترتاح وتكمل طريقك وتوصل دبي على الساعه عشر او احدعش الصباح

اما تفصيل الطريق فهو كالتالي
تمسك خط الدمام سواء من مخرج 13 او من مخرج 8
اذا كنت بالدائري الشرقي اتجه شمال كانك رايح المطار تجيك ارقام المخارج تناقصيه افرق مع مخرج 8 يمين مكتوب عليه الدمام
تمشي مسافة 90 كيلو تقريبا يجيك لوحة مكتوب عليها سعد تطلع مع مخرج سعد واذا صرت فوق الكبري فيه لوحة يمين خريص والدمام والهفوف قدام ( انتبه تروح قدام) رح يمين مع خريص لا تخاف من اللوحه حنا ابخص ههههه

الان انت متجه للاحساء اول ما تقبل على الاحساء وقبل تدخل بيجيك لوحة المطار يمين رح يمين مع مخرج المطار
اذا رحت يمين ثاني دوار رح معه يسار واذكر فيه لوحات مكتوب فيها سلوى
خلاص امش قدام الى ان يجيك دوار مكتوب فيه سلوى قدام والبطحاء يمين
رح يمين ولا تنسى تعبي بنزين قبل تدخل الامارات توفر شوي لانه البنزين غالي بالامارات

المسافه من الحدود لدبي تقريبا 450 -500 كيلو

والله يحفظ الجميع
الله يعين عليكم شكلكم بتزحموننا بالحدود هههه

بيض الله وجهك

ونور طريقك وكتب اجرك لكل من سلك هالطريق وتيسرله

بسبب وصفك

تقبل شكري وتحياتي

هلا اخوي اسمع زين كل الكلام الي فوق من الاخوان صحيح 100% ولكن تبي نصيحتي انا توني جاي من الامارات قبل رمضان بيومين بس يعني تااااازه . انا والمدام بس والبزران خليناهم بالبيت ..

اول شي مشيت من الرياض الفجر الساعه 4 تقريباً وعبيت بانزين من المحطات الي على الطريق ومسكت الخط لين وصلت مخرج موضح فيه لوحه (( الامارات قطر عمان )) افرق من عندها يمين وتسعين كيلو تقريباً تجيك محطه بنزين وبعدين لين تطب بقيق ومن عندها لين تاصل البطحاء .. انا وصلت الساعه 10 الصبح وبعدها لين طبيت دبي الساعه 3الظهر تقريباً

الطريق بصراحه حلو ولا يخوف بالنهار امش الفجر وتوكل على الله تراني مجرب الخط عيبه بس البعد شوي مهب كثير ولكن مريح جداً سيدين الخط .

والله يوفقك اخوي

الطريق 12 ساعة والله كثيييييييييييييييييييير

الله يكون بعونكم

ماقصرتوا جميعاً
الله يجزاكم خير

الطريق لا يمكن يكون 12 ساعه ... كثير مررررررره أكيد فيه خطأ

رحت بالسيارة أكثر من مرة
11 ساعة فيك فيك
للعلم لما تختم الجوازات وتدخل الحدود الاماراتية تمشي 360 كيلو للوصول الى أبوظبي
وبعدها تمشي 120 كيلو للوصول الى دبي
يعني 480 كيلو من منفذ (الغويفات) الى دبي يبي لك 4 ساعات أو 5 بعد

هل موجود خط الرياض دبي بالقارمن

ياجماعة الخير انا جاي دبي ان شاء الله بكرا من القصيم

و ودي اروح مع منتزه سعد والمشكلة اني اول مره اروح من هناك وضايقة بي الدنيا

فياليت الي يدل من هناك يعطينا الوصف بالتفصيل لاني قريت موضوع عن الطريق ومافهمت

وماله الا الي يدعي له طول الخط