الموضوع: السفر مع رضيع الي دبي

خذه اخوي وان شاء الله ماعلية شر

الرضيع في هذا السن مريح، فهو في سريره دائماً، فتوكلوا على الله

نفسيا ماراح ترتاح وهو مو معك

خذة وتوكل على الله

وبتنبسطووون معه

يعطيكم العافية جميعا

بس لو كان معانا ماراحين نقدر ندخل سكي دبي ولاالمقهى الثلجي ولا عبارات الجميرا ولا سفينة البوم واشياء كثير مااحقدر اسويها ومنها السينما عشان لو بكى مايزعج الناس وش ذنبها تبي تتفرج بسلام ............

وش رايكم؟؟؟؟

لو الصغير مو متعب جدتة وبتصبرون على فراقة اتركوة

لان كلامك صحيح فيه اماكن ماتقدر تدخلها علشان الولد معاك

اخاف ينسى حليب امه وانا مااقدر فراقه ......

بس قريت الحين انه في حضانة في مول الامارات واتمنى اعرف وين بعد موجود سوق جميرا الممشى دبي مول ............
اي مكان ثاني قد يفيد

ومشكوووور اخوي

شوف عندك حلين..

الحل الأول..

اخذ الرضيع معاك وان شاء الله ماراح يجيه شئ..

أهم شئ ( عربهـ أطفال ملائمهـ للمواليد ، المستلزمات المعروفه ، خافض حراره ، نقاط للآلآم الأذن ، لهايه)..

وقبل اخذ العلاجات اسأل الطبيب أولاً لأنه مازال الرضيع صغير..

وإذا ع المقهى الثلجي لا مانع من دخول الأطفال وحدثت لي تجربه لدخول الطفل..

والعبارات و السفينه بإمكانك اخذ الطفل في مقعد السياره أو اخذه بالعربهـ..

السينما بإمكانكم تجهيز ( رضاعه أطفال + لهايهـ )..

الحل الثاني..

ترك الطفل عند احد افراد العائلهـ..

..

نفس رأي الأخت Ğ Ĩ Я Ŀ


بورك لكما في الموهوب وشكرتما الواهب

رزقكم الله بره وبلغ أشده ... وجعله الله من عباده الصالحين

أنصحك بإستشارة دكتور من الناحية الطبية

والباقي كله يهون

اخوي ياليت تطلع على الموضوع اللي في التوقيع ،، اتوقع رح يفيدك

سفره موفقه

نحن بعد ناويين نزور دبي على إجازة العيد
ومعانا طفلة رضيعة
وبخصوص دبي سكي ما بندخله ولا بنروح السينما
ما خاطري اخليها لانها وايد صغيرة

لا أخوي ما أنصح أنكم تاخذونه

صغير الله يخليه لكم

وهو صج ما يتعبكم بس

أنتم وباقي الأعضاء ذكرتوا يحرمكم من بعض الأماكن وأنا أشاركم الرأي

بس التعب بكون عليه هو الخروج من الفندق أكثر من 10 ساعات و الأزعاج بالمولات والسينما والمطاعم من الناحية الصحية
ومن بعد والأهم الضغط الجوي

وبالسن هذا ما ينصح في التمشية فيه داخل أو خارج دولنا إلا للضرورة

فخلوه عند أحد جداته أو الخالة أو العمة

وهي كذا يوم تستانسون وإن شاء الله ترجعون له مشتاااااقين له

بالعكس هالعمر أريح شي اللهم الا رضعه ونغيير حفاظ ورقـــــــــــــــــــــاد .. بعدين بييك وقت الأكل ولازم تشل أكل خاص لهم ولازم يستكشفون المكان يا أما بالزحف أو المشي ..

تراني أنا نفس الحاله كنت أمشي في المولات ومعايه بنتي الله يحفظها

وفي شي حلو أن دبي مووول مجهز للأطفال من حيث تغيير أماكن تغيير الحفاظ وأماكن للرضاعه عشان الأم تاخذ راحتهــا

وأنا نصيحتي أنكم أتسافروون بالبر عشان ضغظ الطياره وغير الزحمه اللي ممكن أتييب الأمراض المعديه

مبروك عليكم المولود ربي يجعله من الذرية الصالحة ان شاء الله

اذا ما فيها ازعاج تركه عند الاهل اتركوه مع انه اتوقع مزعج التكفل برضيع ما كمل الست اشهر مع غير الام

بس لو مظطرين لأخذه معاكم الافضل استشاره الطبيب عشان التاكد من الحالة الصحية للطفل هل تسمح بسفره

واخوي ما فيها شي لو تنازلت عن بعض الاماكن الصعب زيارتها بصحبة الاطفال بهالعمر بيكبر ان شاء الله كلها سنة وبيدخل معاكم بكل مكان واذا ع موضوع انه يبكي ويزعج الناس فالطفل بيبكي وبيزعج الناس لعمر الثلاث سنين واكثر يعني هالنقطة لا تخليها ببالك والا ما راح تطلعو ابدا اذا بتخاف من بكاء الطفل

وبعمر ابنك الوضع مريح نوعا ما لانه ما يحتاج غير الحليب وتبديل الملابس واهم شي طبعا العربة من غيرها راح تتعبو كثير

رحلة موفقة ان شاء الله

الله يعطيكم العافية ويخلي لكم اولادكم

بستخير وبشوووف ......

ممكن نخليه عند الاهل بس بنقلق عليه وغير كدا انا من مشجعين الرضاعة الطبيعية

الف شكر للجميع