الموضوع: استفسار عن شقق سويت هوم وفندق

الله يسعدكم بننزل الكويت الاسبوع الجاي

وابغى اسال عن شقق سويت هوم اللي كان اسمها قبل نوفوتيل سويت كم لها تقريبا فاتحه؟؟ وليش تغير اسمها

لاني اخاف انها لما تركت الشركه العالميه نوفوتيل مستواها نزل تكفون ابغى احد نزل فيها قريب

والفندق الثاني plazzo

رقمهم عندي

0096522671600

بس من يومين اكلمهم تلفونهم مشغول

احد يعرف رقم ثاني لهم؟؟

واي الخيارين افضل واجدد؟؟؟

لاني كنت ابغى اسكن في بلازا اثينه جربته مرتين قبل بس بصراحه سعره غالي جدا

مواضيع عشوائيه ممكن تكون تعجبك اخترناها لك:

• اسواق الجملة في الكويت
• متوهق وين اروح
• «الوطنية» تضيف المزيد من الرحلات تلبية للطلب المرتفع في عيدي «الوطني والتحرير»
• استفسار عن مجمممممع؟
• كرسبي كريم في المنشر ، بالصور
• بشرى سارهشركة طيران كويتيه جديده
• من لها غير الكويتي
• ياهل الكويت حابه استفسر
• استفسار عن مطعم الستينات ؟؟
• الطيران البريطاني يطرح عروض مميزة الى لندن
• موقع جامعات الكويت بالتحديد
• تقرير شامل بأحدث الصور المذهله لبرج الحمراء السينما النادي المول
• استفسار عن بلوكات في الكويت
• مجمع الكوت والعوضي
• هل من الممكن ان احصل شغل وسكن للاستقرار في الكويت وانا سعودي؟
• سؤال عن مجمع تجاري
• زيــارتي لمطعم الياباني بالصــور
• اليمن
• مشاريع الكويت المستقبلية في عاصمتها مميز ومتجدد
• استفسار بخصوص تأجير سيارة بالكويت

http://www.arabtravelersforum.com/travel320759/

http://www.arabtravelersforum.com/travel503712/

صور من فندق يثرب في منطقهه شرق

http://www.arabtravelersforum.com/travel353560/

وهذا الموضوع عن بلازو وصور عنه والرقم مافي الا اللي انتي كاتبته

http://www.arabtravelersforum.com/travel646584/

سامحيني ماعندي معلومات عن سويت هوم وحياكم الله في ديرتكم

ياغاليه شكرا ما قصرتي

انا شفت التقارير بس ابغى احد زارها قريب بعد ماتغير اسمها الى سويت هوم
واما الفندق مستغربه ليش مشغول

سويت هوم ما ادري عنه وبلازو الحين بدق واشوفهم واذا مشغول اروحلهم باجر ان شاءالله ولايهمج

توني كلمتهم وقالوا الحجز فل بس شوفي سايت بوكينغ وحجزي منه اذا فيه لان يقول مافي

الاسبوع الجاي كله فل عندنا زحمه وعندكم زحمه الله يعين

احنا عددنا كبير جدا ماشاء الله وماودي احجز من بوكنج ودي اكلمهم عشان يراعونا لاننا 10 اشخاص ماشاء الله

طيب سويت هوم كم له سنه فاتح؟؟ هل عندك علم لاني لقيت عندهم وسعرهم زين بس خايفه لانهم ماعادوا تابعين لنوفوتيل

طيب بسالك ياغاليه احنا نازلين الكويت نبغى نتسوق فساتين افراح عشان عندنا مناسبه هل نزلوا الملابس الشتويه والسوق كله شتوي
لاني اخاف ننزل ومانلقى كل شي يكون كله شتوي

ياليت اذا نزلتي السوق هاليومين تقولين لي هل نزلوا الشتوي زينا ولالسه يمدينا نلحق لاننا مانبغى شتوي

سويت هوم اشوفه لج ان شاءالله واعطيج خبر .. على اي تاريخ ان شاءالله يايين وجم يووم ؟؟

الهدوم نزلو الشتوي بس محلات السهره عادي ماينزلون شتوي اتحصلينهم شارع سالم المبارك السالمية : مجمع مريم - ليلى غالري - البستان - الفنار - زهره ..

منطقه حولي في : المهلب - العثمان - مجمع النقره الشمالي فوق ..

الديره : الرايه - الصالحيه ..

الفروانيه : الحمرا مول ..

ياغاليه سويت هوم كلمتهم وقالوا لي عندهم شاغر لكن انا خايفه من مستواها يكون مش ولابد وتعرفين احنا بنكون جايين من سفر 4 ساعات ونبغى الشقق تكون نظيفه
الله يجزاك خير وماقصرتي

الله يسعدكم ردوا علي ابغى احجز اليوم خلاص تاخرنا اخاف بعدين ما القى شي

فندق plazooلقيت في بوكنج غرف وكلمتهم وعادي عندهم احجز

بس شوفوا لي سويت هوم لان حتى ما في موقع لهم على النت وخايفه الغرف ماتكون نظيفه للاسف

محتاره اختار اي وحده فيهم اخاف القاها مونظيفه

اليوم بروح لهم موناسيتج وبشوف غرفهم واذا قدرت اصورهم راح اصورهم واعطيج خبر

ياغاليه الله يسعدك دنيا واخره ويفتحها عليك يارب ويزرقك من فضله
انتظر الصور الله يسعدك

المشاركة الأصلية كتبت بواسطة q8ya metnaqla
http://www.arabtravelersforum.com/tr...0/#post6344150

اميين ومشكووره عالدعوه .۔
شوفي رحت الفندق اهو بس من غيرين اسمه ودخلت وشفت الغرف وعزج الله الحمامات وكل شغلهم صراحه مرتب ونظييف .۔
عندهم السويت غرفه وصاله ومطبخ تحضيري واتكفي 3 اشخاص وعندهم غرف الدبل .۔

انا صورتهم للامانه بس بعد مانزلتهم لان عندي شي في جهازي مو راضي يخلي الصور اتحمل عالمنتدى لازم اسويه بس بحطلج سايتهم وشوفي الصور ونفس اللي شفتهم بالواقع .۔

http://sweethomekw.com/Rooms.html

اسعارهم لليله مع الريوق

السويت 40 دينار
الدبل 30 دينار
الدبل بس لشخص واحد 25 دينار

تقدرين اتكلمينهم


00965-22570627/8


بس على فكره اهو قال انهم حزه العيد فلللل انتي شوفي معاه يمكن اتحصليين ..

وسامحيني اذا مانزلت الصور هاليوميين .. وحياج الله في ديرتج

يعطيج الف عافيه على الفزعه بنت درتي لازم تفزع يعني مسويه دعايه هههههههه

المشاركة الأصلية كتبت بواسطة أبــوعبدالله
http://www.arabtravelersforum.com/tr...8/#post6344478

يعطيج الف عافيه على الفزعه بنت درتي لازم تفزع يعني مسويه دعايه هههههههه

لووووول والله مودعايه بس ببتدي ايمع الفنادق واصورهم وراح انزلهم ان شاءالله في موضوع بروحه .۔ والله يعافيك