بسم الله الرحمن الرحيم
السلام عليكم ورحمة الله وبركاته
أنا سوف أسافر لدولة الكويت أنا وزوجتي عن طريق البر من المجمعة إلى الكويت وأريد مساعدتكم لا هنتو .
وبصراحة هاذي أول مره أسافر لها
وأبسافر لها ثاني أيام عيد الأضحى المبارك يوم 11 وأبرجع يوم 15 يعني تقريباً أربع أيام أبجلس فيها .
وكل عام والجميع بخير ۔
أريد أستفسر عن الفلوس أسحب بالبطاقة حقتي الصرافة ألي هي بنك الراجحي أو الفيز أحسن عندهم علشان تطلع لي فلوس كويتية وإلا كيف ۔
وغير كذا أريد شقق فندقية ممتازة رائعه وأسعارها معقولة ۔
وهل أحجر الشقق إذا رحت هناك وإلا أحجز قبل لاني ما أعرف أحجز عن طريق النت لأني خايف أروح ما أحصل سكن نهائي في دولة الكويت ۔
وأنا أبسافر بسيارتي بأسمي هي سعودية إلي أعرفه أن تكون الأستمارة سارية المفعول صح وإلا لا ۔
وغير كذا هل السفر بالجواز وإلا البطاقة الذكية لي أنا وكرت العائلة للزوجة وكرت العائلة جديد زي البطاقة الذكية ۔
ونحن عندنا بنزين 95 الأحمر 91 الأخضر وسيارتي ينسبها 91 الأخضر والظاهر الكويت مو عندها هذا البنزين أريد من ألي يعرف يفيدني بهذا الخصوص ۔
وكيف الجو عندكم برد وإلا حر والأ معتدل .
وكم المبلغ إلي يكفي تقريباً لهذه الأيام علشان أعرف الميزانية كم ۔
وأريد برنامج سياحي لهذه الأيام في دولة الكويت الشقيقة والحبيبة علينا ۔
وكل الشكر والتقدير لكم مقدماً ۔
والله يوفقكم دنيا وأخره يارب .
مواضيع عشوائيه ممكن تكون تعجبك اخترناها لك:
المفضلات