الموضوع: الحقوني يالربع انا بدون زوجي

السلام عليكم ورحمه الله وبركاته
اخواني من راح لفندق اتلنتس يوم العيد او ثاني العيد
يستاهل نروح؟
وش الفعاليات اللي فيه؟
وغالي او رخيص؟
لاني بصراحه جيت لدبي بدون زوجي مع ولدي 16سنه وبنتين واستخدمنا المترو والتكسي
واخاف نروح مشوار على الفاضي ويصير مايستاهل
تكفووووون ردو علي بسرعه الان لان الساعه ب45درهم في الفندق الله ساكنته
واذا فيه اماكن غير المولات فيها استجمام وراحه وهدوئ علموني

مواضيع عشوائيه ممكن تكون تعجبك اخترناها لك:

• الدهاب الى دبي
• هارد روك كافيه دبي ينتقل إلى فستيفال سنتر، دبي فستيفال سيتي
• أدخلوها امنين تقرير مصور عن زيارة مدينة مصدر أبوظبي
• استفتاء بأفضل مطعم بدبي
• كم اسعار الفنادق والشقق بدبي في العيد
• بليز الشارع اللي مثل الشانزليزيه بدبي
• يا اهل الامارات ياريت تفيدوني
• ايام في دبي اطلب وقفتكم ما ادل فيها شي
• عندي عشرة ساعات في مطار أبوظبي ساعدوني
• الي اهل الخبره
• رشحولي افضل او اكبر مجمع في ابوظبي
• استفسار
• استفسار عن العطورات في دبيضررروري
• فندق الفور بوينت
• السواح الإماراتيون يتدفقون إلى سنغافورة خلال رمضان والعيد
• إنشاء فندق سيتي سيزنز بر دبي بتكلفة مليون درهم
• كوكتيل
• مجموعة «اللولو» تفتتح «المشرف مول» بأبوظبي الأربعاء المقبل
• محتاجه فزعتكم بدبي
• من يساعدني في موقع السفر السبت ولا حجزت

بصراحة ماأعرفه
إن شاء الله يردوا عليك قريبا ويفيدونك يالغلا

مشكوره اختي الغجريه
وييييييينكم ياأهل الخليج

اتلاتنس مو الغالي لديك او المناسب !
احكي لي ايش المناسب عندك ؟
كم روم ؟ (

اختي غاده ماأبغى اسكن
انا اسال يستاهل اروح له
بعني فيه فعاليات وجلسات حلوه ومتوسطه في الاسعار
وكم الدخول للشخص؟وهل قيه زحمه
لاني بصراحه ماأحب الاماكن المزدحمه

اتلانتس حلووو ماعلية كلام روحي وانبسطي فيه كل شئ

فيه مدينه مائيه والسباحه مع الدلافين وثلاث مطاعم ممتازه واسعاره مرتفعه حبتين
اتمنى اكون افدتك بس يستاهل الزياره جدا راائع

اتلانتس غالي حده اذا ميزانيتك متوسطه لاتسكني فيه

شكرا لكم
هل فيه احتفالات بالعيد؟
ومتى اروح الصباح اوالعصر او بالليل؟
والمترو يودي للفندق؟
واذا يودي لازم نركب تاكسي او باص اذا وصلنا هناك؟
وكم اسعار الدخول يعني هل كل شي له سعر والا بتذكره وحده ادخل كل شي؟
معليش ازعجتكم بأسئلتي بس ودي بردود اكثر

معقوله 214 ومارد الا خمسه
الله يسامحكم

في ظني ان اتلانتس بروحه فعالية خاصة ويتساهل مشوار خاص

لكن اذا الميزانية ما تسمح فهذا أمر ثاني ... بعدين مادام معك مراهقين بأعمار 16 حاولي تاخذي رأيهم ورغباتهم

لأن بصراحه اللي ينفع للوالدين ما ينفع لهم لو دفعتي فيه دم قلبك .. والله يكتب لك اللي فيه الخير وان شاء الله تنبسطوو

فيه مدينه مائيه جميله

اذا ابنك ما له رغبه يدخلها

تروحو وتتفرجو علي المنتجع فيه اكواريوم كبير وفتوح للجمهور والمنتجع مره حلو فيه كثير من المطاعم والكوفي شوب

تقدرو تلفو فيه بعد ذلك تتوجهو لمطعم وشاطي نسيمي في الاتلانتس وممكن تتقهوو هناك

تقدري تلفى علي التقارير راح تشوفي تقارير عنه تعطيك فكره اكثر

كذلك يوجد في فندق أتلانتس عرض للألعاب النارية طوال أيام العيد , واليوم هو العرض الأخير , وسوف يبدأ العرض في تمام الساعة العاشرة أو العاشرة والنصف .

زيارة الفندق و التجول في تستحق العناء، و هي مجانية. أما المرافق الأخرى التي فيه، مثل الألعاب المائية و المتحف المائي، فهي برسوم، و ليس بالضرورة دخولها.

ولاتنسى الامارات مول وهو مجمع كبير فيه اسواق راقيه والعاب اطفال وفيه مدينه الثلج للكبار وللصغار
واذا تبين تتسوقون وتتعشون في احلى مكان فعليكم في مجمع صحاري وهو مجمع كبير بالمره وبصراحه من ناحيتي اكبر مجمع شفته بحياتي بس ملاحظه مهمه مهمه مهمه انتبهي على عيالك علشان مايضيعون فيه واذا لاسمح الله غفلتي عنهم اعتقد ماراح تلاقيهم للأبد
وموقعه على طريق الشارقه يعني دبي - الشارقه

اسعد الله مسائك اختي بالخير والمسرات


اولا سعر الغرفه لليله الواحده في اتلانتيس 1100 درهم من غير 20% ضرايب


ثانيا يوجد في فندق اتلانتيس الاتي :

- مطاعم وكوفيات كثيره
- لوست شامبر سعر الدخول للشخص 75 درهم
- اكوافينتشر ( المدينه المائيه ) سعر الدخول للشخص 250 درهم
- جلسات على الشاطئ خاصه لفندق اتلانتيس
- شاطئ نسيمي يوجد به اماكن على البحر مع مشروبات و حفلات سعر الدخول 100 درهم
- عروض الدلافين والنزول لإطعامها السعر للشخص اذا ما كنت غلطان 500 درهم
- الغوص في حوض الاسماك السعر لا يحضرني.
- المسبح الملكي ولا يمكن الدخول اليه الا اذا كنت ساكن بالفندق. جلسه هاديه وجو روعه تصلح
بعد الساعه 12 بالليل.
- يحتوي على بعض المحلات للتسوق وبعض المحلات للهدايا التذكاريه.
- طبعا في حالة سكنك في الفندق جميع الاماكن في اتلانتيس تدخلونها مجانا
- في حالة انه الميزانيه متوسطه او قليله انصحك بالذهاب اليه يوم واحد والتمشي فيه واختيار ما يناسبك
من الفعاليات والاماكن والدخول اليها.

- فندق اتلانتيس يستحق الزياره وان شاء الله ما راح تندمين بزيارته وقضاء يوم به.

شوفي رابط الخبر اللي كتبه العضو Dubai love: http://www.arabtravelersforum.com/travel425906/