السلام عليكم ورحمة الله وبركاته
هذه اول مشاركة لي فالمنتدي ، بعد بحث مطول في المنتديات وجدت إن هذا
المنتدي هو الموسوعه الاولي للمسافر العربي ،،
ومحتاااج مساعده ضرورية ومستعجلة تخص المالديف لاني ناوي احجز
هالايام تذاكر وفنادق وصارلي شهرين ادور ما عرفت شو الفنادق الافضل
انا دخلت معظم المواضيع في الموقع بس محتار ،
وبوجه كلامي بالخصوص للخبراء وكل اللي راح المالديف ،،
راح احط ميزانيتي و ان شاء الله كل حد عنده تخطيط يساعدني
بالنسبة للتذاكر ناوي احجز ع الاتحاد او السيلانيه الامارتية علي حسب
الرحله اللي اتوصل المالديف الصبح ع الساعة 8 او 9 تقريباً ،،
عدد الليالي 4 من تاريخ 4 / 5 الي 8 / 5
الميزانية للاربع ليالي 24 الف درهم يعني 6000 في كل ليلة ( قيمة
الفندق + الاكل + النشاطات )
مواصفات الفندق اللي أباها :
· يكون الخصوصيه فيه عااااااليه لان نبا ناخذ راحتنا انا والحرمة .
· تكون الفيلا شاطئية لان نبا نستانس برمال البحر ومب شرط يكون داخلها
مسبح لان يكفينا البحر ، المسبح بيكون عبء ومب محتاج له اصلاً .
· في فنادق عندها جزيرة خاصه لمدة ساعات معدوده مثل فندق W او
توصل لجزيرة نائية ومهجورة هذه ضروري أباها بس ما عرفت شو هاي
الفنادق ما ذكروها الاعضاء .
· يكون مستوي الاكل والخدمة زين مب أي كلام .
· هل احجز هاف بورد ؟ وشو المقصود بالهاف بورد غدا او عشا ؟
· هل في مجال اني اقسم الاربع ايام علي فندقين يكونو عدال بعض ؟ او
انتقل من الفيلا الشاطئية الي الفلا اللي داخل البحر مع اني لاحظت ان الفلل
اللي داخل البحر لو حد نزل للبحر ممكن حد يشوفه وهو يسبح صح كلامي؟
بالنسبة للطائرة المائية الكل مدحها بس أنا ما أبيها لان السعر وايد مبالغ
فية تقريباً 3800 درهم لشخصين فوسيلة المواصلات اللي أبيها هي البوت
أرجوكم أرجوكم أرجوكم ساعدوني لاني جداااً محتاااار ومتأكد ما حد
بيساعدني غيركم وأبي احجز الحين قبل لا تروح الفنادق الحلوة ،
انتظر ردودكم ولا تتأخرون علي دخيلكم
ويزاكم الله خير مقدماً.مواضيع عشوائيه ممكن تكون تعجبك اخترناها لك:
- الرجاء المساعدة برنامج سياحي لموريشيوس
- يااهل الخبره جاني عرض ايام بالتذاكر ريال شخصين في افضل الجزررايكم؟
- العمله المفضله للمالديف
- استفسار بخصوص كرت الدخول للمالديف
- ابغي رقم مترجم انجليزي في المالديف
- اخي نجم الكويت اتفضل ابي شورك
- صور موريشيس
- باركولي راح اتزوج بس محتاااار والله
- قبل سنتين ازعجتكم عن المالديف ومارحت السنة هذي ان شالله بروح
- المالديف قرار واستشارة
- المالديف والفنادق
- عرض للمالديف كيف أثق ؟؟؟؟؟؟؟؟؟
- مساعدة ضروريه بخصوص السفر الي المالديف
- استفسار عن المالديف افيدوني جزاكم الله خير
- هل تنفع زيارة سيشل ب شهر فبراير او مارس؟
- اهل المالديف ابي فزعتكم بمنتجع حلو
- الرجاء مساعدتي في الإختيار
- المساعدة في نوع الوحدة في موريشوس
- سؤال بسيط لوسمحت
- استفسار المالديف و سنغافوره اقتراحات بديله
المفضلات