الموضوع: محتاس و حالتي حاله و شايل هم قبيلة

السلام عليكم ..

يعني العنوان أكبر دليل على ما فيني من هم و بصراحة أبي منكم المساعدة ..

موعد دراستي في 5 ديسمبر و اليوم 31 أكتوبر يعني باقي 35 يوم بالظبط على بداية دراستي ، و بصراحة أنا للحين ما حجزت و فيزتي ما بعد اخذتها لكن هي جت الموافقة من واشنطن ، فما أدري يا جماعة الخير وش الحل لحالتي ، يا ليت تفيدوني ، لو رحت للسفارة ( موعدي للمقابلة الثانيه 8 نوفمبر ) بيرفض خون إعطائي للفيزا لأنه ما بقى الا أقل من شهر ؟؟

وبالنسبة للحجز ؟ وش الحل معاه ؟؟ هل الطيار يحللي المشكلة ؟؟ أو أنا أروح أحجز بنفسي ؟ و لازم يكون على الخطوط السعودية ؟؟ أو عادي في خطوط مختلفة ؟؟ ترى نفسيتي دمار هاليومين بسبب هالمشكلة

مواضيع عشوائيه ممكن تكون تعجبك اخترناها لك:

• استفسار يا خبراء سوريا
• سوال حول تجديد فيزا طالب من السعوديه
• ساااااااعدوني سياسة التأشيرة البريطانية
• ارجو المساعدة ملبورن واصحاب الخبرة
• اللي يعرف معلومات عن مدينة بولاية
• الملتقى
• أسأل عن ماستر الإعلام
• شاب سعودي يدور فـــزعــه
• حبيـــت اسألكم عن هالولايه وهالمدينه
• الى الاخ الرصاصي خاصة وبقية الاخوه عامه ولا هانوا
• استفسار عن جامعة لوس اجلس
• قبول للغه لمرافقي بجامعة ليستر
• للجميع وش رايكم في الفكرة الجديدة للوزارة بخصوص قبول الجامعات للمبتعثين ؟؟
• استفسار عن الدراسه في برمنقهام
• تكفون ياطلاب جامعه ساوث الاباما وربي تعبت نفسييييييا
• والله قهر
• الرجاء المساعدة موعد التقديم لبرنامج الملك عبدالله
• هل الجامعات الامريكية تحتفظ بنسخ الوثائق اكثر من سنه ؟
• مساعده عن
• الى متى

الأخ ابو لطيفه ،،،

وسع صدرك تراك مسوي أزمه و شايل هم عالفاضى :smile: ..

1- ايش تقصد انه جت الموافقه من واشنطن و موعد ايش اللى فى 8 نوفمبر ؟ تقصد طلبوا منك احضار الجواز عشان ختم الفيزا ؟؟ :114:
2- بعد حصولك عالفيزا تروح الوزاره و يعطونك أمر الإركاب و بعدها تروح تحجز

مدة 35 يوم كافيه لعمل كل هذا ، وين المشكله :114: :114:

ان شاء الله يمديك والسفاره بتعطيك الفيزا لو باقي على دراستك شهر لانها فتره كافيه للسفر (حسب ما أظن). أما بالنسبه للحجز فانصحك تحجز لنفسك من الان لان انا بيناير دراستي ومو محصل حجز والحجز لازم يكون على الخطوط السعوديه ولكن (حسب ما سمعت) اذا قربت موعد دراستك والطيار ما قدر يحصلك رحله على الخطوط السعوديه فانهم راح يحجزونلك على اي خطوط ثانيه.

الأخت بنت الصقور : مشكوره وما تقصرين على اللي تسوينه لخدمة أخوانك ، و طمنتيني الله يطمنك






المشاركة الأصلية كتبت بواسطة بنت الصقور


1- ايش تقصد انه جت الموافقه من واشنطن و موعد ايش اللى فى 8 نوفمبر ؟ تقصد طلبوا منك احضار الجواز عشان ختم الفيزا ؟؟ :114:



إيه هذا اللي أقصده بالظبط ..

أخي الربيعان :جزاك الله خير على ردك ، و الحمد لله حجزت و للأسف طلع إنتظار و ان شاء الله بيتأكد ..

بالتوفيق للجميع

يمديك اخوي ان شاء الله ....

بعدين انت وكل امرك لله سبحانه وتعالى ... و الله يكتب لك اللي فيه خير وصلاح لك ...

وفقك الله ,,,

السلام عليكم


وسع صدرك يابو لطيفه ان شاء الله بيكون معاك وقت تخلص امورك

بس ترى للمعلوميه ان غالبية الشباب يعطونهم الفيزا قبل دراستهم بشهر ونص او اقل لانهم مايبونك تروح لاامريكا قبل الدراسه بثلاث شهور تعرف على اساس احتياطات امنيه .





تحياتي عبادي