الموضوع: ساعدوني وش الاوراق اللي احتاجها للسفارة الامريكية

اخيرا والحمد لله شبك الخط معي وقدرت اخذ موعد من السفارة الامريكية ..................
بس المشكلة هالحين ان الموعد اللي عطوني اياه بعيد مررررررررررة
قالوا لي موعدك يوم 2005/12/17 (سنة / شهر / يوم)
وانا دراستي تبدأ 2006/1/9 (سنة / شهر / يوم)
يعني الفرق بينهم 22 يوم فقط
وقالت لي اللي ردت علي اذا كانت اوراقك كاملة راح يمديك
واذا صار فيها اي نقص رح قشر بصل في بيتكم وماراح يمديك تطلعلك فيزا

مواضيع عشوائيه ممكن تكون تعجبك اخترناها لك:

• متى اجازات الملحقيه في رمضان
• أخوي ملبورن وأخوي أبو تميم عاجل الرجاء مساعدتي وشكراً
• طلب مساعده لمبتعث جديد ؟؟
• الى طلاب سياتل
• أفضل الجامعات في ولاية نيو جيرسي
• اللغة في بريطانيا بشكل ثنائي
• رد على من يسيئ لـطلاب البكالريوس في امريكا
• ولاية
• بريطانيا آول مررهـ
• التربية الخاصة بين بريطانيا وامريكامحتار
• تصديق الشهادات في الخارجية استفسار ضروري
• زيارتي الثانية للدراسة والسياحة لبورمث
• اللي يعرف عن جامعه بلفاست يدش ويفيدني
• حتى لا تخسر الكثير ،،،، من واقع خبرتي
• رد ضرووووري بليز
• جامعة في فرجينيا
• ياشباب متى البعثات مال دول شرق اسيا
• استفسار بخصوص بعثة التأمينات
• تكفوون ابي خبر الخطاب تكفوون
• ما هي آخر تقليعات السفـارة ؟؟؟

أخوي شيك هالرابط:

http://www.travel4arab.com/vb/showthread.php?t=25583

ممتاز مرة فيه شرح وافي جداً.

أهم شي لا تنسى تدفع الـSEVIS DS-2019.

وبالنسبة للنماذج تلقاها في موقع السفارة الأمريكية في الرياض على هالرابط:
http://riyadh.usembassy.gov/saudi-ar...ent_visas.html
بتشوف على يسارك كلمة Form راح تحصل فيها كل النماذج.

ملاحظة: يمكن تلقى الرابط فيه مشكلة لذا لازم تشيك على هالرابط:
http://travel.state.gov/visa/frvi/forms/forms_1342.html

أتمنى لك التوفيق من صميم قلبي وثلاث أسابيع بإذن الله تكفي لأن بعد المقابلة تاخذ أسبوع لين ما تصدر الفيزا. أهم شي تلقى حجز على الطيران قبل موعد الدراسة.

بالتوفيق وأتمنى تدعو لي في ظهر الغيب وأتوفق ببعثة لأمريكا.

أخوك المحب: معاذ

كم قعدت اللين شبك معك الخط ومتى واي يوم رجاء ترانا محتاسين
ومبروك من كل قلبي

السلام عليكم


يارجال احمد ربك الي ردو عليك انا مرسلهم من نص شهر شعبان ولا دقوا علي الا بنص شهر رمضان
وقالولي مقابلتك في 5 ديسمبر والله قهر بينما صديقي ارسل بعدي بيومين ودقوا عليه وقالوله مقابلتك
في 15 اكتوبر وخوي راح وقابل ومشت اموره( الله يوفقه) وانا جالس اقشر بصل


بس شباب ممكن استفسار
نماذج السفاره نعبيها بخط اليد ولا بالطابعه ؟؟؟؟


تحياتي عبادي

مشكورين وماقصرتوا ....

اخوي معاذ :
الـ SEVIS اللي لازم اسدده هل هو DS-2019 او I-20
لانه فيه خيارين وانا اخترت I-20 حسب الشرح اللي في هذا الرابط http://www.saudiclub.us/almoltaqa/sh...C7%E1%D5%E6%D1
والله يوفقك دنيا واخره ....

مركـب الخـلـــى
طولت والله يمكن قعدت شهر بالتلفون والفاكس والايميل
وبالاخير شبك معي الخط بالعشر الاواخر في رمضان الساعة عشر ونص ..
والله يوفقك ويشبك معك الخط ..
وانتبه اذا شبك معك الخط لازم يكون معك موعد الدراسة وصوره من الجواز ..

الاخ MarMrita
انت شايف التواريخ اللي فوق ... متى برأيك افضل موعد ... لاني اخاف احجز موعد طيران لكن الفيزا ماتصدر ثم يروح علي الحجز ...
انا اتوقع اني ابحجز في الوقت الضايع ... 5 يناير والدراسة 9 يناير ....

الاخ عبادي
والله الموضوع غريب الظاهر الدعوه فيها حب خشوم ... ههههههههههههههه
الله يوفقنا ان شاء الله ....