الموضوع: تلفون السفارة مشغول وش الراي؟؟

لي اكثر من اسبوعين وانا اتصل على تلفونات السفارة عشان تحديد موعد للفيزا والخطين كلها مشغوله والفاكس نفس الشي.....وش رايكم لو اروح لهم بيعطوني موعد والا لازم عن طريق الهاتف......

مواضيع عشوائيه ممكن تكون تعجبك اخترناها لك:

• أبا نصايحكم ورشاداتكم لاهنتو
• اشرايكم بجامعة هدرزفيلد ؟؟؟؟
• هل من مجيب ؟
• هذا يا أخوان تقرير عن رحلتي لـ منقول
• عاجل وللاهمية
• حاب اخذ كورس لغه لمدة 3شهور ومحتار بين بريطانيا وامريكا
• الجواز الأمريكاني
• خبراء واشنطن دي سي
• عاجل جدا طلبة امبيريال كولج لندن
• عتب على المشرف ملبورن
• إلى طلاب وطالبات وساكني مدينة تشابل هل بولاية نورث كاورولاينا
• جامعات تدرس بالفرنسي في أمريكا
• سؤال معهد امباسي نيويورك
• أنواع التأشيرات والفيز الأمريكيه
• مساعد منطقة و جامعة ديربي
• بكـالوريـوس قــانون بريطانيا أرجو المساعده
• المساعدة يا اخوانى ارجوكم
• ألي بسان دييغو يتفضل
• تعال يالحبيب والحق على بعثات الحرس الوطني اليوم بدأت
• الى طلاب امريكا مع التحية

السلام عليكم

مافي فايدة لو تروح لهم بيقلون لك

المواعيد عن طريق الهاتف

والله يعينك

السلام عليكم ورحمة الله وبركاته

انا عندي نفس المشكلة لي ثلاث اسابيع و الخط على طول مشغول
وارسلت صورة الجواز لكن لا مجيب ولامتصل
ما الحل .

الحل

اكثروا الدعاء

وان شالله بتنفرج

وكثر الطق يفك اللحام

يقولي شخص اخذ موعد قبل اسبوع

يقول ماردوا على الا على 3 اشخاص فقط في يوم كامل !!!

وعطوه موعد على 21/12

والفال لكم ان شالله

والله يعينكم

تحيه للجميع

نفس الشعور الصراحه

انتم لكم اسابيع

انا صارلي شهرين اتصل

ومرسل اوراقي صارلها اكثر من شهرين

وبلا جدواى

كرهونا الدراسه حسبي الله عليهم

اخرتها اليوم مشغول الخط

لكن السؤال هينا هل اكتفي بارسال الفاكس ولا لازم اتصل ..؟

اتمنى التوفيق للجميع

السلام عليكم ورحمة الله وبكاته

انا عاد دايم يمسك معاي الخط لكن المشكله أنهم ما يردون

يحطونك على المسج وتترك اسمك ورقمك بعدين هم يتصلون

لكن اذا تبي تعرف الطريقة اللي اتبعتها ...

الله يسلمك من الساعه 7 ونص صباحاً إلى 10 ماسك الجوال بيد وتلفون البيت بيد وهات يا اتصالات

يعني من غير مبالغه يمكن 1000 مرة أو أكثر ولقط كم معاي

لكن الفاكس أفضل من التلفون أرسل صورت جوازك ورقم تلفونك

والظاهر أن رقم الفاكس هو 4887275

وأدع ربك أن أمورك تتيسر ويتيسر كل شيء بإذن الله ...

كثفوا اتصالات ولاتفقدوا الامل

وحاول بكل الطرق

احد الشباب لقى له واسطه داخل السفاره ولا ساعده

وتوكل على الله من 12 رمضان وهو يحاول مامسك معه الخط الا قبل ايام معدوده

شدو الهمه والله بيوفقكم ان شالله

وتحيتي للجميع
بوشهاب

الى اليوم ومافيه فايده...............

والله حاله انا من اول رمضان ماني قادر اخذ موعد
والمشكلة علشان تأخذ موعد مافيه حل غير انك تتصل
لاني رحت للسفارة وقالو اذا تبي موعد اتصل على الارقام

:36_6_7: لكن وين يروحون عني وراهم وراهم

مسك معي الخط مرتين بس خلال اسبوعين وكلها يرد علي مسج بس.......

يا شباب أنا أتصلت عليهم في رمضان وكان مشغول لكن ما يأست وأتصلت في كل الأوقات وكان يرد الأنسر مشين و احط إسمي لكن لاحياة لمن تنادي .....زززززززز....ودلني الله وصحيت الساعه 11 وأدهرت إتصالات تقريبا ربع ساعه حتى ردت الموظفه وقالت أقرب موعد 17 ديسمبر وقلت أوكي وأخذت المعلومات وعقبالكم إن شاء الله وحاولوا تتصلون الصبح 9-12

ودي اصيح لمن اسمع طاري السفاره

جتني عقده


احاول دايم ما قدرت حتى مرات بالليل من الطفش اقول بجرب اتصل بشوف يشبك ولا لا لان العالم ما راح تتصل القاه مشغول

المشكله خلاص الحين يقول خوينا الي فوق موعده تاريخ 17 ديسمبر وقريب مره عطله كريسمس وراس السنة


يالليل ما اطولك

يا شباب اليوم الاثنين اتصلت عليهم ومن الساعه 11.44 الى الساعه 12 ورحت اصلي وبعد الصلاة حرقت الجوال اتصلات لن مسك الخط معي الساعه 2.45 وردت الموظفه وعطتني موعد في تـــاريخ
4 يناير وقالت هذا اقرب موعد تبي والا بكيفك قلت اوكي ,,, لا احد ييئــس اتصلو وراح يمسك معكم وركزو على الرررقم 014881472 والله يوفقكم بس ترى اذا مسك تبي تعطيكم موعد في شهر
ينـــــأيــــــر وتقبولو تحيات اخوكم غرررررررريب الررررررررررروح

بس ياخوي غريب الروح أكثر الطلاب تبدا دراستهم بـــــــــيناير(وأنا منهم) ...........

يمكن مايعطونك الفيزا الابعد أسبوع كأقل تقدير من المقابلة ويكون باقي وراك قرار أبتعاث وغربلة .......

وش بنســـــــوي في هالحالة.........

تحياااااااااتي.........

سفير العرب حياك اخوي ,,, بنسبه لمشكلتك هذي مشكله عشرات بل مئات الطلاب صدقني بس اللي اعرفهم الدراسه تبدا في يناير اربعه طلاب هذولا بس اللي اعرفهم يعني موب انت لحالك ,,, عموما انا قلت للموظفه يوم ردت علي وقالت موعدك في 4 يناير قلت لها تبدا الدراسه يوم 10/ يناير يعني عطيني موعد اقرب شوي قالت هات رقم جوالك ونسجل بياناتك واذا صار فيه فرصه اقرب من هذا الموعد راح نتصل عليك عموما هي تصرف ادري انها ما راح تتصل ولا شي ولكن الحل يا سفير العرب انك تتصل با الجامعه اللي انت جايب منها القبول وتحاول تاخر موعد دراستك شهر واحد فقط وتجيب i20 جديد عشان اذا جا موعدك ورحت للسفارة تكون اوراقك كامله ولا يتحججون عليك بشي ,,, اتمنى اني اكون افدتك بشي واخيرآ وليس اخرآ تقبل تحياتي ....

مشكووووووووور اخوي & غريب الروح & صدق انك ريحتني الله يريحك انا انشاءالله بحاول اذا حصلت موعد في وقت غير مناسب اني اكلم الجامعة بس خلهم يردون أوووووول.............

ادخل على الويب سايد الموقع حقهم على الانتر نت وخذ رقمهم وخل احد او انت اذا تعرف انكليزي كلمهم قل لهم اسمك ورقم جوازك وبياناتك وهم يسون لك i20 جديد وبالموعد اللي انت تبيه ماعندك مشكله وبتوفيق انشاء الله ...............................

أحسن شي ارسل فاكس في صورة الجواز وصورة حطاب السفارة والضمان المالي والــ i-20
على السفارة اللي بالرياض وهما يرجعو يتصلو عليك وحط رقم جوالك ويقولك اذا ما رديت راحت عليك الفرصة

تدرون وش القهر اني مخلي واحد من اصحابي ياحاول يتصل وانا اتصل ان لقيت فرصه ولا مره مسك معي الخط

ارسلت لهم فاسكات ولا نفع

حتى كتبت لهم ايميل ولا ردوا علي ولا عبروني

بالنسبة لل i20 الظاهر علشان يعطونك جديد ترجع القديم "مو متأكد من هالمعلومه ويمكن مو كل الجامعات تسويها"

بس الحياه حلوة

[
بالنسبة لل i20 الظاهر علشان يعطونك جديد ترجع القديم "مو متأكد من هالمعلومه ويمكن مو كل الجامعات تسويها"
بس الحياه حلوة [/QUOTE]


بالنسبه لهذي صح عليك اخوي لازم يطلبون منك ترجع القديم



وانا عندي خبر حسب كلام واحد يعرف واحد في السفاره الامريكيه انهم وقفوا يعطون مواعيد للمقابله

نتيجه للظغط الي عندهم وراح تبدأ استقبال اخذ المواعيد بعد8/12



والله يوفقنا جميعا