الموضوع: طالبتكم لا تردوني؟؟ من البحرين

مراااااااحب خواتي و اخواني

شلونكم و شخباركم؟؟؟عساكم بخير انشاء الله
انا عندي طلب صغير و اتمنى انكم تساعدوني

انا ابي اروح الكويت خاطري اروحها من زمان..بس ودي احد يقولي لي وين احصل الاسواق الي فيها ثياب الكويت العجيبه و الشيلات الروعه ...بليييز ساعدوني انا من زمان خاطري في لبس اهل الكويت الحلو:24:

اختكم
احلى بحرينيه:106:

مواضيع عشوائيه ممكن تكون تعجبك اخترناها لك:

• هل السعر هذا مناسب لفندق المارينا
• ماذا عن جزيره فيلجا
• عاااجل ؟؟؟؟؟؟؟؟
• استفسار عن فندق او شقة
• جولناااار
• استفسار عن افضل طريق من الدمام للكويت
• مطلوب محلات غرف نوم راقية وتكون مو غاليه
• استفسار بسيط عن اسواق الكويت
• بالله علـــيــــــكــــم هذا متحف
• ابي لحم نعام
• بووووووووم الكويت وين صاير؟؟؟؟
• هل يوجد شاليهات ذات مسابح خاصة في الكويت
• بزور الكويت ثالث يوم بالعيد
• كوانكزو والصين
• استفسار لاهل الكويت
• إنا لله وإنا إليه راجعــون
• إلى دار أبو ناصر اليوم بإذن الله
• سؤال هام وعاجل اشكركم للتجاوب
• صور استاد جابر صرح رياضي
• تأجير يخت في الكويت

اختي الكريمة حياج الله بالكويت في اي وقت

بالنسبة لبيع الشيلات فهي منتشرة في معظم المجمعات التجارية وهناك محل اسمة ((نوران)) متواجد في جميع الأسواق والمجمعات الحديثة والقديمة

والدراعات موجودة في مجمع الأوقاف داخل مدينة الكويتية واذا تحبين الأسعار الرخيصية للهدايا فعندك اسواق المباركية في مدينة الكويت ومشاء الله جميع الأخوان الخليجين تلاقينهم بكثرة في اسواق المباركية

مثل ما قال الأخ كويتي2...
و انصحج اختي (احلى بحرينية) أن تأخذي جولة حول القسم و ستشاهدين أمور أخرى تعجبك...
-------
شكرا و حياكم الله في أي وقت في بلدكم...

حياج اختي في بلدج الثاني
في كل المجمعات تحصلين الثياب يعني مثلا الدراريع تلقينهم بالاوقاف ومجمع العربيد اضافة الى محلات المصممات الكويتيات مثل انسام الخلف ونوال البعيجان وغيرهم
بدلات الطلعة والدوام تلقينهم في كل المجمعات مثل النقرة الشمالي سوق شرق المارينا مول الفنار العثمان لاند مارك سيتي سنتر بالسالمية والكوت كويت ماجيك اجيال وغيرهم.
الملافع والشيلات تلقينهم باكثر المجمعات يوجد محل نوران وتحصلين ايضا محلات اخرى واكشاك في كل المجمعات يبيعون الشيلات.
اذا تبين الجناط الماركة والساعات والملابس الراقية جدا تلقينهم في مجمع الراية والصالحية والعوضي وفيلا مودا .
ولا تنسين سوق المباركية سوق تراثي وايد حلو

وانشاءالله اني قدمت لج الافادة

السلام عليكم
اخوتي ودي رايكم عوفوا الماضي احنا ولد اليوم
انا اخوكم من العراق-------والله استحي احجيها بس شنسوي لعن الله الماضي
المهم ودي اروح الكويت ومن صغري والله مشتاق اشوفها وسافر لها واشوف اهلها
الطيبين وها الايام اشوف اعلانات على مكاتب السياحة والسفر انو توجد فيزا سياحية
للكويت والاسعار متفاوتة منهم يطلب 1400$ مع فندق 5ليال ومنهم1000$مع فندق 4ليال
هذا في مكاتب بغداد اما في البصرة فمنهم من يطلب 800$ ومنهم 750$ بدون فندق
شرايكم :114:
جزاكم الله خير ودي رايكم وليعرف عن هذا الموضوع لا يبخل علي
خاف اطي فلوسي وتطلع تقفيصة:112:
منتظركم بااااااي

مشكوريييييييييييييين و ما قصرتوا و الله تسلمون لي انا قلت ما بتقصرون معاي و بتساعدوني
و اذا في بعد اماكن ثانيه قول لي ..خصوصا اني محتاجة ثياب للدوام قولي لي اذا بلييزويكونون ستايل حلووو و الوان احلى

مشكوورييين و الله
اختكم
احلى بحرينيه

احلى بحرينيه
حياج الله بديرتج الثانية الكويت والساعه المباركة اللي بتزورين الكويت فيها
بالنسبة للملابس النسائية فالكويت فيها ميزة حلوة
الغني يلبس
واللي على كد حاله يلبس
بالنسبة للمجمعات
1. الصالحية
2. سوق شرق.
3. الفنار.
4.المارينا مول.
5.ليلى جاليري.
6. مجمع زهرة .
7. شارع سالم المبارك (( الفنار- ليلى جاليري - المارينا مول - مجمع زهرة))
وهناك الاماكن الكثيرة في السالمية والديرة وحولي

بالنسبة للأخ ra76al حياك الله يا ابن العراق
بالنسبة لموضوعك ما اقدر افيدك بشئ

الله يحييك اخوي بو فهد مشكور عل الرد
والي عندة معلومات لا يقصر
العافية عدكم:36_3_11: :36_3_11: :36_3_11:

السلام عليكم ورحمة اللة




أختي احلى بحرينيه أذهبي الي الرابط فية الكثير من المعلومات عن طلبك في الردور.
http://www.travel4arab.com/vb/showth...D4%ED%E1%C7%CA




أخويra76al حياك اللة و رقم الأحداث الماضية اللتي ذكرتها فلعلاقة بين الشعبين مازالت طيبةوكثير منها مبني علي مصاهرة أو صداقة. وفي الكويت يعيش أكثر من 34 ألف عراقي من جميع الطوائفة من سنين بشكل عادي و بأحد السنين طالبة عراقية كانت الأولي علي مستوي خريجين الثانوية أدبي وأخر كان أمام مسجد.

بالنسبة للأسعر فأعتقد أسعار البصرة معقولة, بس مشكلتك راح تكون هي الحصول علي أذن من الداخلية لأن هناك 7 أو 9 دول من بينها العراق لابد من الحصول علي الأذن المسبق وهذا ماأعرفة من الجرايد.

اخوي يا ([COLOR="Red"]الوطن )جزاك الله خير ومشكور عل ها الرد:x1:
وعسى الله يحفظ الكويت وهلها واميرها من كل سوء قولوا امين:icon_chee
ولي عندة خبر لا يقصر:113:
مشكورين وعساكم بخير

احلى بحرينية ..

محلات الدراريع او الجلابيات مثل ما تسمونهم
في الاوقاف و اذا ودج تخيطين عندج العربيد

محلات الملافع
عندج نوران و كاروهات (كاروهات في مجمع العثمان اللي بحولي)

عندج اذا ييتي الكويت
عندنا معارض يسوونها الحريم في البيوت ..
مثل بيت كاريزما و بيت بدره و بيوت شرق ..

و باجي الاشياء
الاخوان و الخوات افادوج

احلى بحرينيه حياج الله
بديرتج الثانيه الكويت
نصييييييييييييييحه
لا يطوفج العربيد بالنسبه لدراريع الصراحه روعه واسعارة معقوله حييل
أغلى دراعه ب25 دينار كويتي
وهو موجود بالفروانيه خلف جمعية الفروانيه

هلالا و الله هلالالا
و الله يعطيكم العافيه على هالمعلومات
مشكوريين و ما قصرتوا والله...و انشاء الله راح ازور الكويت في نص يوليو انشاء الله
و انا في انتظار المزيد
اختكم
احلى بحرينيه

حياج الله اختي احلا بحرينيه بالكويت والاخوان ماقصروا كفوا ووفوا
وبالنسبه للاخ العراقي اقولك لاحد يقص عليك ( يكذب ) مافي فيزا سياحيه كلهم نصابين الفيزا لازم كون من وزارة الداخليه من الكويت على شكل كرت زيارة
كل اللي اقدر اقوله الله يجازي اللي كان السبب والله ياخذه بعد ونفتك منه ومن ربعه ونعيش اخوان واحبايب في امن وامان

هلا باهل البحرين اختي اذا تبين دراريع حلوه عليك بالعربيد الدراعه الناعمه 15والفخمه 30 وهو بالفروانيه خلف جمعية الفروانية والشيلات الحلوه في مجمع العربيد بلازا كشك بلسرداب الشيلة 4 وبدلات الدوام عليك بلمهلب في محل بلسرداب اسمه ريفا

حبيبتي اذا تبين بدلات حلوه ورخيصه للدوام عندج
مجمع الأيوب ومجمع السندس اهم بحولي
الملافع الحلوه والعبايات عندج الفروانيه مجمع العربيد جاليري
ترا اهم اثنين يم بعض واحد اسمه العربيد بلازا وواحد اسمه العربيد جلري الأول للبدلات الكشخه وهم غيه محل اسمه منصور للمكياج عنده خوش مكياج ورخيص والثاني للعبي
وهم مرة ثانيه اذكرج في مجمع العربيد اللي خلف جمعيه الفروانيه