بسم الله الرحمن الرحيم
السلام عليكم و رحمه الله و بركاته
بعد انقطاعي الشبه طويل حبيت اطل عليكم موضوعي المتواضع عن سفرتي الرائعة الى باريس الشرق ( الصين ) و تحديدا شنغهاي
انشاء الله راح احد الصور اللي اقدر عليها بس لان اغلب الصور كاني لي و الى زوجي فعذروني راح تكون نسبيا قليلة
تاريخ السفر من البحرين 15 10 2009 وقت اقلاع الطائرة 11 و ربع تقريبا صباحا بتوقيت البحرين
تاريخ الوصول في شنغهاي 16 10 2009 وقت الهبوط 1 و ربع صباحا بتوقيت شنغهاي
مدة الرحلة 8 ساعات
الطيران طبعا طيران الخليج
الرحلة بشكل عام جيده جدا بس طول الرحلة هو اللي تعبنه صراحة يعني 8 ساعات حكرة في طيارة و على الدرجة السياحة صراحة صراحة عذااااااااااااااااااااااااب
طبعا قبل ما نبدأ في تفاصيل الرحلة اكيد لازم نضيفكم شي انتوا تحبوه فخترت لكم كيكة اسكريم من شنغهاي تفضلوا عشان نبدأ في تفاصيل الرحلة
استعدوا الى الاقلاع مع رحلة عجيبة الى بلاد العجائب
مشاهدة ممتعة
طبعا و صلنا المطار و كانت الساعه عندهم 1 بالليل و كان المطار كبيييييييييير بس تقريبا محد فيه يعني لان طيرانهم غالبا يكون صباحا و طبعا عندهم في شنغهاي مطارين و احنه نزلنه في مطار بودنغ الدولي
طبعا و المفروض و اللي كنه مخطيين ليه ناخذ لنا اول ما نوصل تاكسي بس لان زوجي تعب فجأة خصوصا انه لما رحنه عند الجوازات حققوا معاه و اني من زمان طفت و ادوره ما حصلته فظليت انطر بس بعدين لما نادوني و عرفوا اني زوجته و ان احنا جايين سياحة مشونا على طول اي و نسيت اقول لكم ليش وقفوه مده طويلة لان في الجواز صورته و هو ضعيف ولما رحنه كان متختخ شويلان هناك قوانين بالنسبة الى الوافدين من دول غير دولتهم لهم معاملة خاصة ما يدخلون اي احد بدون تدقيق الحمدلله و الشكر البحرين كل من هب و دب
نرجع الى سالفه التاكسي المفروض ناخذ تاكسي بس زوجي مثل ما قلت تعب فجأة فاول شخص قال لنا تبغون توصيل رحنه وياه و في المصعد يقول ترى باخذ 300 رمبي استغرب زوجي لان الفندق قالوا لنه اذا تبغون سيارة من الفندق ب 500 رمبي اخذوا لكم تاكسي بطلع عليكم ب 170 رمبي تقريبا
الرمبي = نص ربية
100 رمبي = 5 دينار تقريبا و زود شوي
على العموم اتفق زوجي معاه ان ب 200 رمبي بس و لان نبغي نوصل وتعبانين و الدنيا ليل فوصلنا الفندق عاد تعالوا الى المعاملة اول ما شافونا تيبسوا لان شافوا الحجاب و الحجاب عندهم شي نادر و بعد تفكير عميق رحبوا فينه و الحمدلله تم كل شي بسهولة و رحنه غرفتنا عاد زوجي و احنه في المصعد يقول لي طلعي دولار بعطيه الصبي فطلعت لما رحنه الغرفة على اطول طليت من البلكونه و كان طبعا ليل و لا يبين شي
لما دخل الصبي الاغراض نزل راسه الى زوجي و مشى ناداه زوجي وعطاه الدولار استغرب و استانس في نفس الوقت عرفنه ان البقشيش مو من صوبهم
و على طول لا سباحة ولا غيره نومه اهل الكهف
قعدنا الصبح اقصد العصر الساعه كانت تقريبا 3 و نص طليت من البلكونه كان الجو يجنن سبحت و قعدت زوجي عشان يسبح ونطلع طبعا اول طلعه لنا كانت ماكدونالدز لان بنموت جوع و في الطيارة ما اكلنه لان اكلهم ما يعجبنا
عاد رحنه ماكدونالدز و اخنه وجبة سمك الله لا يراويكم ما ادري شلون ياكلونه تلوع الجبد بصراحة اكلنه الالو و الكولا بسسسسسسسسسس
و هاذي بعض الصور من بلكونه الغرفة
طبعا هناك ما شفنا بيت واحد كله بنايات وفنادق و عمارات
هاذي حديقة الفندق كانت كبيرة وحلوة وشرحة
بعض البنايات اللي كانت صوبنا
و كانت قريب منه مدرستين و هاذي المدرسة تبين من غرفتنه عاد مرضونه من الجرس و اللعب و الصراخ بس يلا
اتمنى الجزء اول عطاكم فكرة بسيطة عن باقي الاجزاء و اللي يحب يتابعني اهلا و سهلا
تابعونيمواضيع عشوائيه ممكن تكون تعجبك اخترناها لك:
- الى خبراء باندونق
- حبابي انتم ممكن تردون علي
- استفسار بخصوص الدخول لـ اندونيسيا
- لخبرا اندونيسيا ؟؟؟؟
- قنوات الجزيرة الرياضية في جاكرتا
- تكفون يالربع مسافر لأندنوسيا لأول مره
- لاصحاب الخبرة والمعرفة في بالي ارجوا مساعدتي
- رأيكم في برنامج رحلتي ؟
- استفسار عن شقق في بالي
- ممكن لاهل الخبرة مساعدتي
- استفسار عن بالي وعن جدول السفرة لعائلة
- خبراء فنادق بالي الفزعة
- بخصوص بونشاك
- استفسارات عن الوقت والمكان للسفر إلى بلاد العمة
- افيدوني جزاكم الله خير
- تذكره شخص اقتصاديه الى جاكرتا
- سلام عليكم الله يسعدكم ابغى جدول لمده يوم
- فزعتكم في ترتيب جدول شهر العسل
- استفساراتي ابوفصولي
- النت
رد مع اقتباس
المشاركة الأصلية كتبت بواسطة سفيرةالموضة
المشكلة لما وصلنا اخر النفق كان قسم القروش الكبييييييييييرة و اللي لونها ابيض و الله كانت اكبر من حجمنا باضعاف و اسنانها يمه من اسنانها 4 صفوف فوق و 4 صفوف تحت 
عاد زوجي يقول لي بنصور ما شاف الا الريش شردت رحت اركض اخر النفق 
لاني حسيت بخوف فظيع ما قدرت حسيت راسي يعورني من مجرد التفكير انهم يقدرون ياكلونه 
المشاركة الأصلية كتبت بواسطة مرسيدس111
زاج الله خير مقدما
المشاركة الأصلية كتبت بواسطة هـمـس
زاج الله خير مقدما
عادي يمكن حتى تصك عليكم الباب بس هاذي السوق السوداء فلا تخافي يعني راح تدخلك من باب الى باب عشان توصلي للكنز ( حشى مغارة علي بابا )
المفضلات