السلام عليكم
تمت المقابلة وان شالله بذكركم ايش صار معي
كان موعدي الساعة ٩ ونص في ٢ فبراير وصلنا عند السفارة ٨ وربع
كان في انتظار بس ماكان طويل تقريبا ربع ساعة وكان يمشون الي مواعيدهم(8.30 و 9) بعدين مشوا مواعيد 9.30 وقبل البوابة في موظف يدقق الاوراق
وكان يبغى طباعة الباركود (تاكيد الطلب) + ايصال سامبا + الجواز
وبعدها دخلنا تفتيش بسيط وسلمنا (الجوالات + ريموت السيارة+ السوائل)
كان عندنا عطر ومعقم
وبعدها عطانا سيكورتي رقم انتظار وجلسنا في صالة على اساس تدقيق الاوراق قبل المقابلة
وكان في عدد مو قليل من العوايل تقريبا ١٠ عوايل
وبعدها جا رقمنا وصارت مشكلة بسيطه قالي انت موعدك على الظهران (لان كانت بياناتي على قنصلية الظهران وغيرت المعلومات وصارت على الرياض والمشكلة من نظامهم لان ورقة التاكيد الي انا طابعها كان على الرياض)
على العموم مشت الامور وادخال بيانات قبل المقابلة
وبعدها جا دورنا قي المقابلة :
كانت بنت شابة امريكية(سالتني تبي عربي ولانجليزي) قلت لها عربي
كانت الاسئلة من الطلب
العمل؟ ليش سافرت سوريا؟ خريج جامعه؟
واخذت كشف الحساب وسالتني عن بعض المبالغ
وسالت رحت امريكا وسالت زوجتي اذا سافرت ولا لا
وبعدها سجلت على اوارقنا a
عرفت ان طلبنا للفيزا مقبول
وقالتي الفيزا مقبولة وعطتني ورقة للفيدكس
قالت لزوجتي وولدي بعد 3 ايام الى اسبوعين
وجوازي 3 اسابيع
وطبعنا في فيدكس ايصالين واحد لي وواحد لزوجتي ب(250 ريال)
خل عندك كاش افضل
ملاحظات:
الي بيجي من بره الرياض يسكن في بودل(العليا تقاطع خريص) او شارع التخصصي
كانت المقابلة سهلة وشكلية نوعا ما
حاول تكون في اللاين(صف الانتظار) قبل نصف ساعة من الموعد
واسف على الاطالة بس حبيت اذكر اقل التفاصيل
ودعواتكم،،،،،،
مواضيع عشوائيه ممكن تكون تعجبك اخترناها لك:
- استفسار بخصوص مواعيد طلب التأشيرة
- منسيسوتا مانشستر مايو كلينيك
- ممكن مساعدة ؟
- متابعة الوضع مع إعصار ساندي
- قدمت بطلب فيزا عمل من ديسمبر
- محتاجكم ضروري
- التقديم على الفيزا وتذاكر الطيران
- افضل ولايه للمتزوجين
- صيف نصااااااااااااائحكم بلييززز
- نيويورك×كالفورنيا ؟
- الأخ للضروره
- مقابلتي في السفاره اليوم ابريل
- سوبر ماركت عربي بلوس انجلس موضح العنوان
- استفسارات حول استخراج الفيزا الأمريكية
- مهم جدا جدا جدا
- سؤال يخص استخدام الجواز الامريكي للسفر
- مهم وعاجل
- فيلا روعة رخص التراب كالفورنيا
- ياليت تساعدوني الله يخليكم ؟
- استفسـار بخصوص تسجيل الخـروج
رد مع اقتباس
المفضلات