الموضوع: برنامج مهم للمسافر ،

السلام عليكم

اليوم بحط لكم برنامج مهم للمسلمين

عسى الله يكتب لي فيه الأجر والقائمين عليه

اسم البرنامج

الذبيحة

zabihah
فقط اكتب في اب ستور الذبيحه بالانجليزي وبيطلع لك البرنامج ومجانا حاليا

من الايقونه والاسم يدل انه برنامج للمسلمين فالشوكة تدل على المطاعم والهلال يدل على المساجد

البرنامج سهل جدا ومفيد المسافرين من حيث المطاعم العربيه والاسلاميه والحلال فيها وايضا المساجد

ندخل في البرنامج

في الصوره

وطبعا هذي في لندن

اول خانه المطاعم والعدد ما شاء الله 150

والكلمة ثانيه السوبر ماركت او البقالة او دكان الحلال فقط في كل شي

والعدد ما شاء الله 140

والكلمة الثلاثة المساجد

والعدد 150 مسجد

والحين نضغط على كلمة المطاعم

وراح تطلع هذي الصوره

7

7

7

طبعا مثل ما في الصوره

أسامي المطاعم الحلال

وبالمسافه مابينك وبين المطاعم

وتقدر تختار المطعم بالاسم مثل ما هو موجود بالصوره او تختار الاقرب من مكانك مثل هالصوره

7

7

7

طبعا مجرد ماتحط صبعك على العلامه الحمر بتطلع لك معلومات عن هذا المطعم

نجرب الحين ونضغط على مطعم مروش

مثل ما هو باين بالصوره اسم المطعم مع المعلومات اسم شارع والعنوان ورقم الهاتف ونوع المنيو قائمة الطعام وطبعا مثل مامكتوب ان المنيو كله حلال

وعلى يسار الصوره ثلاث كلمات

الاتصال في المطعم للحجز او استفسار

والكلمة ثانيه مكان المطعم الخريطه

والكلمة الثلاثه اذا عجبك المطعم وحاب تخبر ربعك او اقاربك عليه

نضغط على الكلمه ثانيه عشان نعرف وشلون نوصل المكانه

طبعا يعطيني ثلاث طرق مقترحه وانا اختار انسب واقرب واحد لي

ولو تلاحضون فوق في صورة سياره وباص ومشي ..

انت تختار لي تبيه ويحدد لك المده الزمنيه

واذا اخترت باص راح يعطيك اقرب محطة عندك ومتى الباص بغادر المحطه

مثل هالصوره

موقعي في الصوره

العلامة ألخضره وأنا في وستمن ستر

والعلامة الحمرة المطعم وموقعه في شارع أجور روود

السوبرماركت او الجمعيات او البقالات

نفس طريقه بس بشرح لكم المساجد

بعد ماخترنا قائمة المساجد بيطلع لنا اسامي المساجد

مثل لي في الصوره

نختار على مسجد الماي فير

مثل ما هو واضح بالصوره معلومات عن المسجد وان هذا المسجد مسجد سني

واذا نبي انروح له نفس الطريقه لي قلت لكم عنها فوق نضغط على الكلمه get directionc

وبيطلع لنا موقعه

7

7

هذا هو موقع المسجد خلف الهلتون بارك لين والانتر

والقائمين على المسجد السفارة القطرية

الموضوع وضعته في بوابة السفر الى بريطانيا
ومش مختصر على لندن فقط على جميع مدن العالم
وحبيت اضعه هنا حتى تعم الفائده اكثر
http://www.arabtravelersforum.com/travel645468/



أتمنى إني وفقت في هذا الشرح ..وان تستفيدوا..

لا تنسوننا بالدعاء

أخوكم ,,

البرستيج كله

مواضيع عشوائيه ممكن تكون تعجبك اخترناها لك:

• قصيده ابكت الامام احمد بن حنبل
• أروع و أجمل صور الأحوال الجوية
• افضل الفواكه والخضار لجسم مثالي
• انتقل الى رحمة الله والد اخونا
• عجوز سويديه تبلغ من العمر عاما تملك حاليا اسرع اتصال انترنت فى العالم
• زوج يعشق زوجته والسبب‏‏
• دموع القلب الحزين
• في زمن كثر فيه الخير وقلت فيه القناعه اعذروني
• بــابـــا إســـم مال انـــا خــان ،، فِكــر أنـــــا في خـــــوف
• لا يفوتكـــم الخصــم كما ورد في الإعـــلان
• صور نادره جدا لحياه البدو قديماً
• ومن لامني في حب سلطان غلطان
• أضحك شوي
• أفكار جميلة بالصور
• خمس خمس
• الفرق بين ان شاءالله و انشاءالله مهم جدا ؟؟
• السفر من الإمارات إلى مصر براً
• نصيحتكم يا اهل الخبرة النمسا - سويسرا - ايطاليا
• ماذا يعني فندق خمس نجوم | Five Star Hotel
• ” أرحـنـا بـالـصـلاة يـا بـلال ”

أخي الغالي البرستيج كله أشكرك على هذا الموضوع المفيد
لكن الصور ليست ظاهرة
تحياتي لك

من شرحك حسيت بروعة البرنامج واهميته وتمنيت اشوف الشرح بالصور.۔
جزاك الله خير ونفع بك

مرحبا بالجميع .۔

اسمحولي الخطئ غير مقصود .۔
ان شاء الله الصور الحين واضحه .۔

تحياتي للجميع ..

الحين ظهرت الصور جزاك الله خير مجهود رررائع ..يعطيك العافيه

شكرا لك على البرنامج الرائع اخوي برستيج ....۔
يعطيك العافية اخوي ......جزاك الله خير

جزاك الله كل خير

المشاركة الأصلية كتبت بواسطة مسافره 27
http://www.arabtravelersforum.com/tr...4/#post6318284

الحين ظهرت الصور جزاك الله خير مجهود رررائع ..يعطيك العافيه



الله يعافيج .۔

تحياتي

بارك الله فيك اخوي البرستيج كله
على البرنامج الرائع والمفيد

تسلم يا ابو مشاري .۔
شرفني مرورك الطيب