الموضوع: استفسارات بخصوص السفر من جنيف الى انترلاكن؟

صباح/مساء الخير

كيفكم؟! ان شاء الله بخير ونعمه

اخواني ان شاء الله رحلتي انا وزوجتي بعد شهر واسبوع بالضبط على باريس لمدة 4 ايام

وبعدها طيران على جنيف ومن جنيف على انترلاكن مباشره وقريت اغلب الاخوان يفضلون السفر بالسياره على القطار على اساس تاخذ راحتك وتقدر تزور اماكن كثير حلوه في الخط !!

هل اذا بستاجر سياره احتاج رخصه دوليه غير رخصتي السعوديه؟! واذا احتاج كيف ممكن احصل عليها؟

وبالنسبه للطريق من جنيف لانترلاكن اي خط تفضلون؟ يكون سهل وامان ومناظره حلوه زي غرير مدري هي مدينه او قريه او جبل او بحيره لاني قريت في طريقين لانترلاكن!!

وبالنسبه للقارمن هل استخدامه سهل لاني ماعمري جربته؟ والاحداثيات كيف اعرفها؟ وبصراحه هذي اكثر نقطه مخوفتني من السفر بالسياره !!

وياليت تعطوني افضل فنادق في انترلاكن وجنيف تكون اطلالتهم ساحره وقريبه من كل الاماكن الحلوه!! وياليت تفيدونا بالاماكن السياحيه اللي نزورها في انترلاكن وجنيف!!

بالنسبه لانترلاكن حتكون اقامتنا لمدة 3 ايام كثير والا قليل فيها؟
وجنيف تقريبا يومين اليوم اللي نوصل فيه ويوم ثاني بس واليوم الثالث على جده ان شاء الله ..

وبالنسبه للجو كيف حيكون تقريبا في نهاية ابريل؟!

واعذروني على الاطاله بس تعرفون اول مره حسافر اوروبا واغامر واستأجر سياره؟!

وطبعا من اليوم ليوم السفر حتدور اسئله كثير في راسي واكيد مانستغنى عنكم الله يسعدكم ويحقق مبتغاكم ..

مواضيع عشوائيه ممكن تكون تعجبك اخترناها لك:

• رتبنا وحجزنا بس خايفه من شي طمننوني الله يسعدكم
• استفسار حول نظام القطارات في زيورخ
• الفزعه يا شباب رحلتي بكره استئجار سياره بدون فيزا يجي ؟
• ساعدوني باختيار سكن في انسي الفرنسيه
• ليالي انترلاكن مطلوب جدول سياحي
• كلمة ولو جبر خاطر ماهي أفضل الشقق في انترلاكن
• يوم في أوروبا وحايسة بالتخطيط
• استفسارات رحلتي لسويسرا تحديث
• سويت تأمين عن طريق موقع التعاونية للتأمين وهذي صورته هل هو أكيد
• رآيكم يهمني أحبتي
• استفسااااار عاجل بخصوص الشنغن
• ممكن برنامج من الخبراء
• فندق احتاج مشورتكم فيه
• ارجوا المساعدة لو سمحتواااا 
• كم سوال عن متحف
• القيادة بدول أوروبا
• جنيف ❤
• بالنسبة للتأشيره والسكن
• تقرير رحلتي المصوره الى سويسرا والنمسا صيف
• حجزت من كار ودفعت لكن لما جا الاستلام من سكست دفعونا حجز جديد ساعدوني

الحمد لله تم حجز الطيران الدولي ان شاء الله 23 بالضبط الاقلاع ع باريس ومن باريس لجنيف قطار وطبعا باخذ سياره ايجار ع انترلاكن..

ياليت تفيدني بخصوص مكتب ايجار السيارات ويكون يوفر قارمن.. او تنصحني اخذ قارمن من السعوديه ويكون يوفر اللغه العربيه افضل ؟! وايش افضل قارمن ؟!

وبالنسبه للسكن انا حجزت فندق Brinzersee

السوال هنا كم يوم تكفي زيارة اهم الاماكن السياحيه في انترلاكن ؟! وهل في منطقة تزلج ثلجيه واذا في ياليت تزودني باسمها؟!

وافكر ازور يوروب بارك لمدة يوم واحد؟ هل تستحق الزياره او اكتفي بديزني لاند باريس؟!
ان شاء الله دخولنا سويسرا يوم السبت وعودتي السعودية يوم الاربعاء من مطار جنيف
ياليت ترتيب جدولي حسب المده المحددة !!

انتظر ارائكم !! من الموبايل

في مطار جنيف , حاول أن يكون استئجار السيارة من القسم الفرنسي (( أرخص )) , والطريق إلى انترلاكن ممتع وآمن جداً , وكل مالقيت فرصة تبتعد عن جنيف حاول تروح للقرى القريبة ,جنيف دعايتها أكبر من متعتها


بالتوفيق

الله يجزاكم خير ان شاء الله

بخصوص القارمن الظاهر باخذه من نفس الشركه اللي هيا avis عشان اضمن تكون الخريطه موجوده.. بس انا شوية متخوف من الطرق والتنقل هناك لا سمح عطل معانا القارمن كيف يكون التصرف!!

وانتظر رد الخبراء على باقي الاستفسارات !! من الموبايل

المشاركة الأصلية كتبت بواسطة م.ايـمن
http://www.arabtravelersforum.com/tr...6/#post7675136

الحمد لله تم حجز الطيران الدولي ان شاء الله 23 بالضبط الاقلاع ع باريس ومن باريس لجنيف قطار وطبعا باخذ سياره ايجار ع انترلاكن..

ياليت تفيدني بخصوص مكتب ايجار السيارات ويكون يوفر قارمن.. او تنصحني اخذ قارمن من السعوديه ويكون يوفر اللغه العربيه افضل ؟! وايش افضل قارمن ؟!

وبالنسبه للسكن انا حجزت فندق Brinzersee

السوال هنا كم يوم تكفي زيارة اهم الاماكن السياحيه في انترلاكن ؟! وهل في منطقة تزلج ثلجيه واذا في ياليت تزودني باسمها؟!

وافكر ازور يوروب بارك لمدة يوم واحد؟ هل تستحق الزياره او اكتفي بديزني لاند باريس؟!
ان شاء الله دخولنا سويسرا يوم السبت وعودتي السعودية يوم الاربعاء من مطار جنيف
ياليت ترتيب جدولي حسب المده المحددة !!

انتظر ارائكم !! من الموبايل






السلام عليكم ورحمة الله وبركاته .


حياك الله اخوي ايمن .




بالنسبة للمخخط ..راح يكون اربعة ايام انترلكن ويوم واحد جنيف .


وبالنسبة للقطار من باريس الى جنيف ..الافضل تخليه الى زيورخ ..ومن زيورخ تاخذ السيارة وتنزل على انترلكن .
لأن القطار برضو دايركت من باريس الى زيورخ .
والامر راجع لك اخوي .




بالنسبة لليوروب بارك ..صعبة في هذه الايام المحدودة هذه ..لأنها من سبت الى اربعاء ..كلها خمسة ايام .


والافضل في الجارمن انك تشتريه من هنا .
لأن سعر الايجار القارمن هناك مع السيارة بقيمة واحد جديد هنا ...في حدود 500 ريال .


المنطقة الثلجية عندك ثنتين ..تتلس او قمة اوروبا .


الصعود لتتلس يكلف 90 فرنك


الصعود لقمة اوروبا يكلف 170 فرنك .




واذا ودك بزيارتها الاثنتين ..فما عندك مشكلة .


التتلس تجي بين زيورخ وانترلكن ...وممكن تمر عليها .


والقمة موجودة جنوب انترلكن وتطلع لها من محطة قطار لوتربرونن .




وبالتوفيق

المشاركة الأصلية كتبت بواسطة م.ايـمن
http://www.arabtravelersforum.com/tr...4/#post7675844

الله يجزاكم خير ان شاء الله

بخصوص القارمن الظاهر باخذه من نفس الشركه اللي هيا avis عشان اضمن تكون الخريطه موجوده.. بس انا شوية متخوف من الطرق والتنقل هناك لا سمح عطل معانا القارمن كيف يكون التصرف!!

وانتظر رد الخبراء على باقي الاستفسارات !! من الموبايل





القارمن لا تعتمد عليه وحده ..ممكن تضيف الجوال معاك ..وممكن تخلي جارمن ثاني احتياط (يعني تستعيره من احد )


جوالات الايفون والسامسونج والنوكيا موجودة فيها خرائط ملاحة ...وخرائط قوقل تدعهما برضو .






-===


بالنسبة للسكن ..اختيار موفق ما شاء الله فندق البرنزرسي .




وبالتوفيق

هل في شركة ايجار سيارات قريبة من محطة قطار جنيف ؟! واذا مافي ياليت تفيدوني باقرب فرع من محطة القطار؟! وياليت تزودوني برابط للشركه وكيفية الحجز من النت؟! من الموبايل

الله يسرلكم رحله سعيدة

خلاص بالنسبه للسياره قررت اسافر من باريس لجنيف طيران وبستاجر سياره من المطار دايركت بدون حجز ،، اهو ريحتكم من سوال😁
الله يسعدكم رتبولي الجدول لثلاث ايام في انترلاكن نص يوم السبت ويومي الاحد والاثنين كامله.. اسف ع الثقاله بس تعرفو عريس جديد وماابغى اتفشل قدام المدام😄 من الموبايل

اخي ايمن
انا حاجز بنفس الفندق عند البحيرة وابي راي الاعضاء فيه سعره حلو واطلالته رائعة بس وش رايكم فيه من الموبايل

السياره احجزها من النت لا تضيع وقت في المطار وانت تدور
وهذا موقع وسيط سبق حجزت منه وياخذ المبلغ من الان والتأمين تدفعه في المطار
http://www.easyterra.com/
او موقع رينتال كار التابع لبوكينغ يمدحونه الاعضاء هنا ما جربته
او الحجز مباشرة من يوروب كار او هرتز

ولاتنسى الرخصة الدوليه و الفيزا


بالنسبه لانترلاكن
اول يوم بيكون الطريق من جنيف الى انترلاكن

محطة التوقف الأولى قرية بروك وبالتحديد مصنع كايلير نستله للشوكولاته - Cailler-Nestlé chocolate factory
من الساعة 9:30 وحتى 4 عصرا (يوميا)
المحطة الثانية منزل غريير حيث مصنع الجبن الشهير جدا - Maison du Gruyere
من 9 إلى 11 صباحا
ثم
من 12:30 إلى 2:30 بعد الظهر
المحطة الثالثة جبل ومنتزه موليسون - Moleson
المحطة الأخيرة قرية وقلعة غريير - Gruyere village & Castle

ثم المرور
Ouchy - شاطيء لوزان (أوشي)
او مونترو
والعشاء فيها وبكذا يخلص اليوم الاول والتوجه للفندق

اليوم الثاني
زيارة القمه الثلجية تتلس
والتلفريك المكشوف كابريو ومدينة لوزيرن
والعشاء فيها

اليوم الثالث

البحيرة الزرقاء (Blausee)
من الساعة 9 صباحا حتى 4 والنصف بعد الظهر

Kandersteg القريبة (10 دقائق)
يوجد بها عدة تلفريكات تأخذك لقمم الجبال ومنها التلفريك المؤدي الى البحيرة الجميلة
جدا أوشين سي - Oeschinensee والتي تقع فوق قمة الجبل
التلفريك يغلق الساعة 4 عصرا
العشاء في انترلاكن
مطعم سبايس انديا
n 46 41.084
e 007 51.180

يوم بديل لو تغير شي في الخطه

مطــل
Heimwehfluh
الإرتفاع 669م
الطــلوع بالمركبة و النزول با الزحليقة

شلال تروميل باخ Trümmelbach Falls
مواعيد العمل
من 1 ابريل حتى نهاية أكتوبر من كل عام
من الساعة 9 ص وحتى 5 عصرا
وتصبح يوميا من 8 ونصف صباحا حتى 6 مساءأ
جبل Mürren

طبعا تأكد من اوقات العمل في وقت زيارتك من هذا الموضوع الرائع
http://www.arabtravelersforum.com/travel784111/


انا ما بعد سافرت بس هذا من الجدول اللي بسويه
وناقص كثير بس حبيت افيدك
الاحداثيات في هذا الموضوع
http://www.arabtravelersforum.com/travel644994/

ثلج ومطر كثر الله خيرك ويعطيك الف عافيه

جدول كامل ومرتب خلاص بعتمده بشكل نهائي ..

بس انتظر اراء الاعضاء بخصوص الهيلوكبتر!!

تاجر نجد اعضاء كثير يمدحوه ان شاء الله يكون ممتاز في خدماته ونظافته.. من الموبايل

اخوي ثلج ممكن اضيف لك قمة اوروبا ( jungfrau ) افتكر انها افضل م قمة تتلس ع كلام الاخ ميدو ولكن فرق السعر بينهم كبير جدا ،، اذا ممكن احد يفيدنا بخصوص الانشطه في قمة تتلس هل في التزلج ع الاطباق وعربة الكلاب اعزكم الله وغيرها ؟!

بالنسبه للسياره انا بستاجرها من شركة سيكست اسعارهم جيده وتقريبا سعر القارمن 50 ريال يوميا اعتقد انه سعر جيد والا ايش رايك؟! من الموبايل

المشاركة الأصلية كتبت بواسطة م.ايـمن
http://www.arabtravelersforum.com/tr...0/#post7694220

اخوي ثلج ممكن اضيف لك قمة اوروبا ( jungfrau ) افتكر انها افضل م قمة تتلس ع كلام الاخ ميدو ولكن فرق السعر بينهم كبير جدا ،، اذا ممكن احد يفيدنا بخصوص الانشطه في قمة تتلس هل في التزلج ع الاطباق وعربة الكلاب اعزكم الله وغيرها ؟!

بالنسبه للسياره انا بستاجرها من شركة سيكست اسعارهم جيده وتقريبا سعر القارمن 50 ريال يوميا اعتقد انه سعر جيد والا ايش رايك؟! من الموبايل



قمة تتلس بالنسبه لي افضل لانك تقدر تمر على لوزيرن و تلفريك كابريو على الطريق ويكون خط سيرك مرتب
وغير كذا قمة jungfrau تروح لها ساعتين بالقطار واشوف انها متعبه بس ما يمنع تحطها في بالك لو بغيت
المميز فيه إنها أعلى قمة في أوروبا يستطيع أن يصل إليها الناس
والفعاليات يقولون على حسب الجو وراجع الموقع الرسمي للقمة
http://www.titlis.ch/en/titlis/titli...ion_activities
اللي جنبه نقطه حمرا يعني مغلق والاخضر مفتوح

هذا موضوع للاشخاص زارو القمتين وابدو رايهم
http://www.arabtravelersforum.com/travel390931/



بالنسبه للقارمن الافضل تشتريه من هنا وتحمل خريطة لاوروبا عشان اللغه تختار عربي ويكون اسهل

والله يوفقك

الحمد لله على كل حال صارت علينا ظروف وتم تأجيل السفر اسبوع

ثلج ومطر الله يعطيك الف عافية
تم اعتماد قمة تتلس في الجدول النهائي وتم شراء قارمن ويدعم اللغه العربية

كل تأخيره فيها خيره ان شاء الله تم تغيير الخطه وكنسلت يوم من جدول باريس واضافة يوروب بارك

اخواني الخبراء الله يسعدكم احتاج نصيحتكم بخصوص التنقل من والى يوروب بارك
انا خروجي من باريس يوم الجمعة 3 مايو على انترلاكن طيران طبعا وراح استاجر سياره من مطار جنيف القسم الفرنسي
وراح استقر 3 ايام في انترلاكن وبعدها انطلق بالسياره على يوروب بارك!
كيف الطريق من انترلاكن ليوروب بارك المسافه قريبه ساعتين ونص بس هل الطريق امان؟
وبالنسبة لدخول الحدود الالمانية ايش راح احتاج من اوراق وهل لازم اشتري تربتيك من هنا؟
علما ان عودتي من جنيف للسعودية 8 مايو !! يعني ازور يوروب بارك يوم الاثنين والنوم ليلة في احد فنادقها والخروج يوم الثلوث والتوجه الى جنيف.

انتظر رايكم الله يسعدكم دنيا واخره ..