الموضوع: استفسارات مهمه عن الاوقات في باريس

السلام عليكم ورحمة الله وبركاته

حبيت اعرف متى بيكون وقت المغيب من 24/10/2012 الى 01/11/2012

وبكون باذن الله في باريس يوم الخميس 25/10/2012

ورجعتي بتكون في يوم 01/11/2012

ياليت من الاعضاء الكرام افادتي بالاماكن اللي بتكون مقفله وباي يوم

وياليت ترتيب جدولي حسب الوقت وش الاماكن اللي تكون بالنهار والاماكن اللي تكون بالليل

وهذا هو الجدول


اليوم الاول الخميس
لقرب الفندق من الشانز بيكون
قوس النصر + الشانزليزيه + الباص السياحي


اليوم الثاني الجمعه

ميدان الكونكورد + متحف اللوفر + غاليري لافييت + الاوبرا


اليوم الثالث السبت

مونمارت + قرية بيرسي


كنت ضايف غابة بولونيا بس بعد ماشفت المواضيع عنها هونت ههه

وش اضيف لهذا اليوم

اليوم الرابع الاحد


قصر فرساي + اللاديفانس + مجمع le dome + مجمع الفصول الاربعه


اليوم الخامس الاثنين


برج ايفيل + نهر السين


اليوم السادس الثلاثاء


ديزني لاند


اليوم السابع الاربعاء


الحي اللاتيني + الاكواريوم + حديقة الحيوان + الاوتلت


وياليت اذا تعرفون مكان الاكواريوم لاني شفته على الخريطه قريب من الفندق اللي باسكنه قرب ديزني

وهل يستاهل الزياره
وياليت مكان حديقة لاكسمبورغ وكيفية الوصول لها مع العلم اني قريب من قوس النصر

وياليت بعد مكان مصنع العطور

تحياتي للجميع

مواضيع عشوائيه ممكن تكون تعجبك اخترناها لك:

• استفسار مخطط سفري من مكتب سياحي
• باريس في شهر نوفمبر
• مساعدتكم في المخطط الاخير لرحلتي
• مدة التامين الطبي
• رائي الخبراء الفرنسيين
• استفسار بخصوص باريس
• الى خبراء فرنسا ارجو افادتي
• اتمنى فزعتكم في باريس ليله
• لخبراء اوروبا وفرنسا بالتحديد استفسار عن ستكر المعاقين للسيارة
• استئجار سيارة من باريس وتسليمها في ميونخ
• وصلت رسالة من السفارة الفرنسية ؟
• ألغيت الحجز لفندق في فرنسا
• أريد شريحة بيانات بفرنسا وانترلأكن وقارمش وميونخ
• متجه الى فرنسا و اسئلة محتاجه نصيحتكم
• فندقي ومحطات المترو والاماكن السياحيه من الفندق
• مدينة الرشيد ودرة الفرات ؟
• احترت ودي من يساعدني ابليز ؟
• من باريس الى ديزني
• استفسار عن موعد الحضور
• مساعدة بلييييز معهد كافيلام فيشي

هلا اخوي تغيب الشمس 7 الا ربع ... ويوم 27 اكتوبر يتغير الوقت وتغيب الشمس 5:40
وعن جدولك

اليوم الوابع حطه بدال الخامس

واليوم للي تروح فيه لديزني حط معه الاوت لت لانه ع نفس الطريق وحاول تروح بدري

الاكواريم العضو ausa اعتقد قال انه قريب من الاوت لوت
مصنع العصور قريب الاوبرا
لوكسمبورغ عند محطه لوكسمبورغ وتقدرون اذا راعيين مشي من الحي اللاتيني

هذا سايت ( رابط ) مصنع fragonard musee du parfum

http://www.fragonard.com/?noredirect=1

والسايت ممكن قراءته باللغتين الفرنسية والانجليزية والمصنع له افرع بكذا دولة


وهذا هو عنوانه بباريس

Le musée du parfum
9 rue Scribe
75009 PARIS
FRANCE
Tél: +33 (0) 1 47 42 04 56
Fax: +33 (0) 1 47 42 17 45


وهو يفتح من يوم الاثنين الى يوم السبت من الساعه 9 الصبح الى 6 الليل

اما يوم الاحد وايام العطل يفتح من الساعة 9 الصبح الى الساعة 5 الليل

وكل شي بالتفصيل بالنسبة للمرشد المرافق لج بالمتحف وموقعه بالضبط وقريب لأي مترو وغيره

كله بتلاقينه ان شاء الله بهذي الصفحة

http://www.fragonard.com/parfums_gra...agonard/paris/


وبداخل السايت ذاكرين اسامي ماركات العطور اللي ينتجها المصنع من الموبايل

الله يعطيكم العافيه على الردود والتفاعل

لكن حبيت احد يفصلي الاماكن اللي تكون افضل بالنهار وبالمساء على حسب خبرتكم

واذا ممكن اوقات فتح واغلاق كل مكان وفي اي يوم يكونوا مسكرين مثل اللوفر وقصر فرساي واوقات المجمعات


اذا مابه كلافه واسف على كثرة الاسئلة

تحياتي للجميع

المشاركة الأصلية كتبت بواسطة abou saud
http://www.arabtravelersforum.com/tr...9/#post7133479

الله يعطيك العافيه اخوي بس ياليت تذكر لي سبب تبديل اليوم الرابع بالخامس وبالنسبه لديزني انا ان شاءالله بسكن قرب الاوت لت تحياتي



لان المحلات تقفل المحلات اكثرررها ماعدا اللي ع الشانز حتى زي المحلات الاستهلاكيه زي كارفور تقفل بدري يعني 1 الظهر او قبل تقفل...

الله يعطيك العافيه مغرور نجد على المعلومة المهمة

ياليت الاخوان والاخوات يجابوني على استفساراتي الاخرى

والا شكل الصيام يخلي الواحد ماله نفس يفكر ويكتب

لاني بصراحه ماحب اسافر وانا مو مرتب وقتي لان كذا بيضيع الوقت بالتفكير ايش بيكون في البداية وايش بيكون بالنهار وايش بالليل

خصوصا مثلي اول مرة اروح فيها اوروبا ومالي اي خلفيه عن نظامهم واماكنهم اللي تنفع بالليل واللي تنفع بالنهار او بالاصح انها تكون افضل باوقات معينه

لان اغلب الاماكن تنفع في كلا الوقتين بس في اماكن مثل متحف اللوفر وبرج ايفل ونهر السين والشانز افضل اروحهم بالليل عشان المنظر يكون افضل

عشان كذا حبيت اخذ رايكم ويهمني رايكم على حسب خبرتكم

وش تنصحوني فيه على حسب توزيع الايام والاماكن

والف شكر لكم

اللوفر يغلق الثلاثاء
فرساي تغلق الاثنين
الاحد من اول شهر فرساي واللوفر مجانا الدخول
ديزني لاند بالويكند ما تصلح
الاسواق تغلق غاليا الساعه 7 السبت تغلق6 الاحد يفتح لاديفانس والاوت لوت والبقيه لا اعلم

الله يعطيك الصحه والعافيه

ماقصرت اخ فيصل

تحياتي لك

تبي الصراحه برمضان الله يعين

ابو سعود ... والله كنك داري هههههههه

المشاركة الأصلية كتبت بواسطة مغرور نجد
http://www.arabtravelersforum.com/tr...3/#post7133853

ابو سعود ... والله كنك داري هههههههه



هههههههههههههههههههه

معروف الوضع بنهار رمضان مع الصوم الواحد ماله خلق شي زين انه يتابع

وانا ناشب لكم من الصبح لاني مداوم هههههههههه

الله يعطيكم العافيه وعذروني بس محتاج التفاصيل اللي سالت عنها عشان اتوفق برحلتي ولاتكون متخلبطه عشان كذا كثرت اسالتي

لاهنتوا ويعطيكم الف عافيه على رحابة صدركم

والله يقدرني وارد الجميل بعد الرجعه بالسلامه ان شاءالله

بالتقرير اللي يفيد الجميع وبكل متجدد

تحياتي لكم جميعاً

باقي لك شيء لسه

المشاركة الأصلية كتبت بواسطة فــيـصـل
http://www.arabtravelersforum.com/tr...1/#post7133891

باقي لك شيء لسه



والله انا بس باقي لي اعرف وش الاماكن اللي اخليها بالنهار والاماكن اللي بالليل حسب الجدول ونظرتك الاخيره على الجدول اذا اوكي او يحتاج له تغيير

مع اني لحظات بغيير فيه كذا شغلة على حسب نصيحة اخوي مغرور نجد وبحطه وعطوني رايكم فيه

وهذا هو الجدول


اليوم الاول الخميس
لقرب الفندق من الشانز بيكون
قوس النصر + الشانزليزيه + الباص السياحي


اليوم الثاني الجمعه

ميدان الكونكورد + متحف اللوفر + غاليري لافييت + الاوبرا + الحي اللاتيني + حديقة لوكسمبيرغ


اليوم الثالث السبت

مونمارت + قرية بيرسي + قصر فرساي




اليوم الرابع الاحد

برج ايفيل + نهر السين


اليوم الخامس الاثنين

اللاديفانس + مجمع le dome + مجمع الفصول الاربعه



اليوم السادس الثلاثاء


ديزني لاند


اليوم السابع الاربعاء


الاكواريوم + حديقة الحيوان + الاوت لت


ياليت ابداء رايكم وهل اعتمد ذا الجدول واذا في اي نصايح او تغيير ياليت تفيدوني

وبالنسبه لحديقة الحيوان هل تستاهل او لا

وخلاص ماراح اتعبكم اكثر هههههههههه

مجهودكم على راسي من فوق وماقصرتوا

اليوم الاول الخميس
لقرب الفندق من الشانز بيكون
قوس النصر + الشانزليزيه + الباص السياحي
اولا الباص السياحي يبدأ من 9ونص الي 8 وكل ما صار بعد 6ونص يقل وصول الباص

اليوم الثاني الجمعه

ميدان الكونكورد + متحف اللوفر + غاليري لافييت + الاوبرا + الحي اللاتيني + حديقة لوكسمبيرغ
طبعا الحدائق افضل بالصباح الباكر روعه مع قهوه هناك يا سلام وتتأمل المناظر
لوكسمبورغ قريبه الحي اللاتيني انا افضل الحي اللاتيني بعد ما يغلق الاوبرا
اللوفر تطلع منه يجيك الكونكورد ومن بعد الكونكورد الي الاوبرا مشي والجو حلو

اليوم الثالث السبت

مونمارت + قرية بيرسي + قصر فرساي

فرساي احلي بدري علشان تقدر علي بقيه الاوقات
قريه بيرسي ما شفت الا واحد كتب عنها انها ما تستحق ولا زرتها
مونمارت لا تروح لها متأخر


اليوم الرابع الاحد

برج ايفيل + نهر السين

شويه يا شيخ
حول ايفل حديقه شامب حلووه وفيه مطل قريب محطه ترايكادور وعنده مقاهي لا يفوتك
اليوم الخامس الاثنين

اللاديفانس + مجمع le dome + مجمع الفصول الاربعه
مبحبح الامور مره اليوم الثاني مضغوط وبقيه الايام مخليها علي راحتها
اختر حديقه لوكسمبورغ اولا وبعدين لاديفانس العبره مش بالقرب العبره بالاستمتاع


اليوم السادس الثلاثاء


ديزني لاند


اليوم السابع الاربعاء


الاكواريوم + حديقة الحيوان + الاوت لت


ياليت ابداء رايكم وهل اعتمد ذا الجدول واذا في اي نصايح او تغيير ياليت تفيدوني

وبالنسبه لحديقة الحيوان هل تستاهل او لا
ما زرت حديقه الحيوان والله

هههههههههه يالبى قلبك يافيصل ودي اخمك ونروح لليمن هههههههههههههههههههه

هذا بعد التعديل على شان فيصل هههه

اليوم الاول الخميس



لقرب الفندق من الشانز بيكون



قوس النصر + الشانزليزيه + الباص السياحي


اليوم الثاني الجمعه



قصر فرساي + ميدان الكونكورد + متحف اللوفر + غاليري لافييت


اليوم الثالث السبت


قرية بيرسي + الاوبرا + الحي اللاتيني + حديقة لوكسمبيرغ



اليوم الرابع الاحد


مونمارت + برج ايفيل + نهر السين +
حديقه شامب

بالنسبه لمونمارت اخليها الصبح افضل بعد 8 او ايش الوقت المناسب


اليوم الخامس الاثنين


اللاديفانس + le dome مجمع + مجمع الفصول الاربعه



اليوم السادس الثلاثاء


ديزني لاند


اليوم السابع الاربعاء


الاكواريوم + حديقة الحيوان + الاوت لت

هل اعتمده او يحتاج تغيير على حسب الايام هل بيكون شي مقفل يحتاج اغيره او اوكي

من جد اليمن على القبل بتلقى امطار والفطور ابشر بعزك كبدة حاشي او ماااعز هههههههههههههه