الموضوع: بخصوص مكاتي وشارع بورقص وستيشن

السلام عليكم
انا بتكلم بحكم خبرتي حوالي 26 سنة في مانيلا
اولا ابي اطمن الاخوان الي دئما يسمعون ويشاهدون الاخبار عن مكاتي وبورقص وقصص ستشين 9
وللة الحمد من خلال هالسنين الى قضيتها في ترحالي للفلبين وللة الحمد والمنة لم اواجة اي مشكلة في مكان كان بالفلبين ليش انا اقولك
اولا فضل اللة ومن ثم لسانك حصانك ان صنتة صانك واخلاقك وماشي مع المثل الي يقول ياغريب كن اديب
وايضا ماشي بالمثل الى يقول اذا كان لك حاجة عند الكلب قل ياسيدي وماهم اشوف من مشاكل امامي ارجع للخلف واذا هي خلفي اسحب على قدام
كل بلد في العالم فيها مكاتي وشارع بورقص وستيشن 9 نعم ياخوان بالاصح اغلب الدول
على شن كذا انت اذا احترمت نفسك الناس تحترمك في اي مكان بالعالم اخلاقك تجبر الناس على احترامك
رغم كذا بورقص ماهو الشارع الى نفخر في زيارتة ولكن هناك الكثير من يمر فية بحكم عملة وسكنة وقربة من موقع معين ياتية من اجلة
نصيحة في الشارع هذا وغير لكن بالذات هالشارع لاتاخذ بيدك اي شي من اي كان كان ادوية عنوانين ورد اي شي فقط ابتسم وقل للشخص ثانكيو نو نيد وامش في سبيلك
هناك كثير من الاخوان صادفتهم مشاكل وحين ياتي يسرد قصتة ويجلس يذم الموقع وانة فية وفية وفية
طيب ماسالت نفسك ليش حدث معك هالشي لابد انة انت الى جبت لنفسك هالشي او هالمصيبة
واغلب الشباب الى صارت معهم المشكلة يكون في حالة سكر خلونا واقعين نعم سكر
ويجب لنفسة مشكلة واذا صحى من السكرة جات الفكرة كيف انا صار معي انا ماسويت شي
انا لا ابرء الفلبينين فيهم الطيب وفيهم الخبيث بامانة
لكن بالعام هم ناس محبوبين ويحبون الصدقات والانسان المرح والمحترم
بخصوص ستيشن 9 او الشرطة بشكل عام خل معك صورة دئما بمخباتك للجواز وين ماتروح
واذا شفت اي مشكلة لاتتدخل لنفرض معك صديق فلبيني هو المقصود بالمشكلة او حتى لو كنت انت المقصود انت سد فمك مع احترامي للجميع وخلك مثل قطعة جماد لا تتكلم هم يعرفون شلون يسنعون روحهم مع الشرطة بعضهم بعض
اما اذا انت وحدك وماشي سيدة ستريت لا يمكن ياتيك عسكري ويقول لك تعال انت عملت جريمة والا اخطيت ابدا
ومايمنع من الابتسامة ولما تروح اي مكان نايت كلب فندق اي مكان كان دئما تعرف على رجال االامن وخلك حليو معهم ومايمنع من البخشيش 50 100 بيسو شوكلاتة فصفص واللة من جد اسالوني اشياء مجربة
وايضا مع المسؤلين بالفندق ابتسامة وترحيب وشويت هدايا رمزية عطر قلم فنيلة هذي مردودها بعدين لو احتجتهم راح يكونوا معك وينصحونك بالاصح
وارجو ان ماطلت عليكم وعلى الاقل استفدتوا ولو شي بسيط من هالنقاط

مواضيع عشوائيه ممكن تكون تعجبك اخترناها لك:

• مراسلكم الى الوردة باذن الله الاربعاء
• ارخص خطوط طيران الي مانيلا
• رحله الي جزيره في
• ارجو افادتي عن علاج الاسنان في الفلبين
• الي رواد الفلبين ارجو المساعده
• عاجل قرّب السفر آمل المساعدة ببرنامج
• نماذج باللغه الانجليزيه الموجهه للسفارات والقنصليات
• غشيم يبي يروح لبروكاي
• اين تقع مدينة Calocan City أو Kalookan City
• أرخص سعر تذكرة
• استفسار عاجل والف شكر
• سؤال بخصوص طيران سيبو باسيفك
• اسعار التذاكر الي الفلبين مانيلا غالية مرة
• الفلبين مع حمودي الرساوي
• استفسار عن فندق قريب من الخدمات
• أمـآكن مهمه واماكن اقل اهميه
• أريد معلومات خاصة عن الفلبين
• اهداااء بسيييط لكم تقرير بسيط
• هل صحيح ان الفلبين ليس آمنة وبوجد عصابات
• سيبو ودافاو وبروكاي تعرفني والجلورتيا وميقا مول والجلبي

كلامك معقول جداا وهذا عين العقل ومشكور على الطرح الجيد

بيض الله وجهكـ

بصراحه كفيت و وفيت
:7k0ij:
وأنـــا قلت هكلام من زمان بنفس المضمون تقريباً

صدقت ياابو دحيم
فى كل كلمه كتبتها
انا اوافقك من واقع تجربه شخصيه
لاهنت ومشكور

شكراًٌُ
وأوافقك الراي

السلام عليكم ورحمه الله وبركاته

كلام الاخ ابو دحيم ميه على ميه احترم نفسك يحترمك الاخرين وياغريب كن اديب

اخوكم ستار 11

كلام واقعي ومن تحربة شخصية ياغريب خللك اديب يعني لو تمشي في الليل في مابيني وماداراك مابيني واللي فيها محد يقدر يتعرض للك يسلموا ع الكلام

مع الاحترام والتقدير للجميع فالناس يختلفون وقد يواجه البعض ممن تنقصه الخبرة أو من صغار السن بعض المواقف الحرجة الخارجة عن الارادة والإنسان بشر قد " يعبي الطاسة" وممكن يتعرض لموقف غلط، لكن بالاضافة إلى النصائح القيمة أنصح الجميع ونفسي بالاحتفاظ برقم شؤون الرعايا بالسفارة في حالة وجود أي مشكلة فهم وأنا شاهد على ذلك فالمعين - بعد الله- في حالة وجود أي مشكلة ولديهم الموارد اللازمة والعلاقات اللي " تطلع االشعرة من العجينة" بدون مبالغة، فبوجود الأستاذ العزيز : إبراهيم المالكي والأخ عبدالعزيز السديس وهم من خيرة الشباب اللي يعتمد عليهم في حال وجود أي طاريء لاقدر الله. أول خطوة تعملها أتصل عليهم قبل تدفع أو تحاول تعمل أي شي.
وتحياتي للجميع

السلام عليكم ورحمه الله وبركاته

كلام الاخ ابو دحيم 100% احترم نفسك يحترمك الاخرين وياغريب كن اديب ولو ان ذلك المكات البلاوي تجيك بس برضك ابعد واحترم نفسك تجدها ان شاء الله

كلامك عين العقل يا بودحيم المشاكل ليست موجودة في الفلبين وحدها أو شارع برقص وغيرة المشاكل موجودة في كل البلدان وسلوك المرء وتعاملة مع أهل البلد هي من تجلب لة الأمن بعد الله سبحانة وتعالى وصدق المثل الذي يقول ( إمش عدل يحتار عدوك فيك ) ومشكور على مجهودك. دمت بود.

يا جمااااااااااااعة اذا كل هالامان بها مشاكل بورقص مابيني ملاتي ستيشن 9 وين الواحد يسكن أنا حصلتي مشكلة العام الماضي من اجل الاسم وهاتك ياسبعة دوخات في الاميقريشن كلير فاي وتصوير وبصمات وراجعنا بعد اسبوع نفس المشكلة حصلت مع شباب لكن هم ما ادري وش سوا في الاميقريشن وانهوا موضوعهم في يومه .
يصراااااااااااحة تعقدت وهم اللحين اشوف اراءكم خلت راسي يلف يعني نهووون من الروحة ولا وشلون
تحياتي

المشاركة الأصلية كتبت بواسطة بو شبوك
http://www.arabtravelersforum.com/tr...5/#post3868285

يا جمااااااااااااعة اذا كل هالامان بها مشاكل بورقص مابيني ملاتي ستيشن 9 وين الواحد يسكن أنا حصلتي مشكلة العام الماضي من اجل الاسم وهاتك ياسبعة دوخات في الاميقريشن كلير فاي وتصوير وبصمات وراجعنا بعد اسبوع نفس المشكلة حصلت مع شباب لكن هم ما ادري وش سوا في الاميقريشن وانهوا موضوعهم في يومه .
يصراااااااااااحة تعقدت وهم اللحين اشوف اراءكم خلت راسي يلف يعني نهووون من الروحة ولا وشلون
تحياتي



شد الرحال ودرب عمك تدله ,,,,انا مارديت عالموضوع مع احترامي الشديد لشايبنا,,,,,علشان ماينرفع كل شوي ويكون فلم رعب ..للأصحاب القلوب الضعيفه...
بس مسألت تهون ياأخوي ليش ؟طيب تسمحلي أقولك شي تحطه حلقه بوذنك وأسمحولي علي الكلام يمكن عياره ثقيل....

أبعد عن الشر وغنيله يعني لاتسكن فيه .اسكن بجنبه او بجنب اي مول ازينلك .واذا بخاطرك .رح لبرقص بس لاتهتم له و لاتهيم فيه علي وجهك رايح جاي.واذا بتتركه أحسن لك.......أوخل مانلا بكبرها علي جنب.دايمن العواصم تكون مزدحمه ومزعجه ومكلفه
ولاتعطي شي أكبر من حجمه...
تذكرت سالفة 2 من الشباب جلسو أسبوع في مكاتي ومعهم سياره ويوم ردوا يقولون ياأخي ماخلينا شارع الا مريناه
الا هالبرقص ستريت...فقلتلهم وين سكنتو....قالو في الويسترن.......ههههههه.طبعا مستحيل مامروه ..
خل عنك الكشخات الزايده والماركات خلك خفيف وسياحي درجه أولى. وشغل ابوعراب و. السلام عليكم.
ماينفع والتميلح شوفوني. لاتطلع الفلوس قدام الناس...
والله انا أشوفهم يوم يمسكون 500 بيسو كانهم شادين أم خمس اللي عندنا .
والابتسامه لن تكلفك الكثير واحلى من الف كلمه ولاتحتاج لترجمان .واحيان الطنش ينفع.
وقاعده( لاأسمع لاأرى لاأتكلم) وأضيف عليها لاأفهم للي ماتبي تفهمه.
وبخصوص الأكراميه ................متي. وكيف. وين؟......يبيلها فن.....ولاتطمع السذج بك...........ليش تبخشش ....بس علشانك عربي .....
تبخشش واحد من الباب للطاقه ليش....؟ طيب يمكن أهو ماتعود علي خير تعطيه 100 مره وحده وتجلطه ليش...
في ناس هناك يستغربون هالشئ ....
مو قعاطه... لكن سوف نسأل عنه من وين أكتسبناه وكيف انفقناه....
ياأخي ممكن تستخدم قاعدة أحتفض بالباقي فقط..
وبالرغم ان المحلات الكبرى هناك يمنع من الويتر ان يحتفض به بل اي اكراميه هي لصندوق المحل.

ايش قصة هالشارع بالضبط اخاف نروح نتوهق فيه
تتكلمون عنه كثير في هالموضوع وكانه شارع رعب

( لاأسمع لاأرى لاأتكلم)

كلام كله منطق

يا سلام عليك


هذا اللي اسويه بكل دوله ازورها ولا تحصل لي مشاكل ولاشي

تدري ..؟ قبل اشوي كنت اقرى في المواضيع وكلام الاعضاء عن الفلبين

ما حبيتها ولا حبيت اسافر لها وارسلت لصديقي اللي بروح معاه مسج قلت فكر بغير الفلبين ههههههه

بس من قريت كلامك طلعت الفلبين حالها حال اي دوله ثانيه

بعض البشر يكبر الموضوع ويخوف خلق الله

شاكر لك يا غلاهم

يازينها من ديرة بس تبي اللي يعرف لها

اهنيك على الطرح اخوي وكلامك على العين والراس بس وين الي يسمع ويطبق

اتفق معاك مية مية وياليت كل الشباب يخذون بهذي النصايح

ياخوي علمونا وش قصة شارع برقص ذه
نبي نروح بعد شهر انا واخوي
تكفون وش اللي فيه

السلام عليكم

توي راجع قبل أيام وسكنا كان قريب جداً من برقص ستريت صدقوني ما في اي مشاكل أبداً لدرجة أني أمشي لحالي الساعة

2 بالليل و لا أحد يتعرضني .

بعدين الشارع شغال 24 ساعة و العالم رايحة جاية يعني ما خوف ابد.

انا معك بان احترم نفسك تحترمك الاخرين
بس مو ان تستعطف الاخرين اذا كلام كذا بالاستعطاف والاسترحام فغير وجاهتك السياحية واجلس بالسعودية احسن من النصيحة اللي وجهتها بالاخير مادم اني محترم فلا يستوجب هذه النصيحة (دئما تعرف على رجال االامن وخلك حليو معهم ومايمنع من البخشيش 50 100 بيسو شوكلاتة فصفص واللة من جد اسالوني اشياء مجربة ووووايضا مع المسؤلين بالفندق ابتسامة وترحيب وشويت هدايا رمزية عطر قلم فنيلة هذي مردودها بعدين لو احتجتهم راح يكونوا معك وينصحونك بالاصح ) وشكرا على النصائح ولك التقدير

مراحب

الصراحه كلامك عين العقل

بالنسبه لي قبل سنه تقريبا اول مره رحت لم الفلبين

قال تكسي المطار وين قلت ابي مكاتي المهم نزلني قلت خلاص رح انت الفنادق كلها هنا ؟

قال ايه اذا تبيني معك ولا تمشي لحالك قلت لا ابمشي لحالي ادور لي فندق

المهم جلست ادور من فندق لفندق وبعد كم فندق لقيت لي فندق رايق وسكنت فيه

بعد يومين من سكني بالفندق سالت الرسبشن قلت وين شارع برقص الي هنا

من كثر ما سمعت عنه هنا من سب ( سرقه - مشاكل - مكان غير محترم)

وانا ما اصدق اي شي الا لين اشوف المكان بعيني

المهم قالي الي باستقبال الفندق قال اذا طلعت من الفندق تشوف شارع صح

قلت اكيد اشوف شارع قال هذا برقص قلت لا عاد قال ايه

وبعدها قلت كل هالسب على هالشارع وبالاخير ما فيه شي ينسب عليه

لاني ما شفت فيه اي شي اقرف الا بعض الروايح في بداية الشارع من عند المطعم الايراني وبنات الليل
بس

يعني فعلاً لا تصدق اي شي حتى تشوفه بعينك

تحياتي

الحقيقة اولا اشكرك كل من شاركنا بهالموضوع حتى تتم الفايدة للجميع واشكر الاخ الى اضاف نقطة مالك ومال برقص مافية الى برقص فية مليون شارع شبية لبرقص واطلع من مانيلا ارخص واهداء بس خلك مع القاعدة الى الي تقول في كل مكان ياغريب كون اديب

بصراحة رحت الفلبين 3 مرات ولوحدي وتراني حليوه

يعني معرض لتحرش طيب والله ما واجهت اي مشكلة ولفيت الفلبين كلها وصلت قري
باقيو-انجلس-لاقونا-بروكاي-داقوبن-سيبو-مانيلا قطعتها على رجلي
وشارع برقص هو السبب الوحيد الي بخليني ارجع وحشني شارع عادي عيبة ريحة عند المطاعم وكل روحاتي ما اسكن الا فيه لان في امن قوي انتبه من السرقة ولا تكشخ وامورك عسال واحذر من الشاذين لانهم يسرقون ما في جيبك من اموال بدون ما تحس طبعا اذا عطيتهم وجه لانها صارت كثير ولا تبخشش ابدا اعط الاجير حقة واذا بقى ريال ريالين كيفك بس بخشيش شغل مصر غلط تفتح عليك الاعين
النقطة المهمة في هذا الشارع الامراض فيه خاصة الايدز وغيره منتشره جدا احذر واذا لم تستطع استخدم الواقي الخطا في هذه المناطق قد يكلف حياتك

اخوي خيال1 اشكرك على النقطة الاخيرة بردك مهمة جدا ااا
ومافيها شي النصيحة مطلوبة حتى لو فيها خجل

سافرت للفلبين قبل سنتين تقريبا ومن كثر ما سمعت عن شارع برقص خفت إني أمره بكل صراحة
وسكنت بفندق قريب جدا من الشارع وعرفت الشارع على حقيقته وإن أغلب الكلام اللي ينقال عنه فيه مبالغة شوي
وأسبابه ترجع بالغالب من خطأ من ربعنا بتعاملهم الجاف مثلا أو عدم الإحترام للشخص المقابل
وكلام الأخ أبو دحيم صحيح وهو عين العقل وهذ نصايحي لكم
1 / يا غريب كن اديب يعني اترك عنك الفشخرة اللي مالها سنع وخلك إنسان محترم الكل يحترمك .
2 / ابتسامتك خلها دايما مرافقه لك والله لها مفعول سحري لدي الفلبينين ولا تشوف نفسك عليهم .
3 / جميع الباعة اللي بشارع برقص لا تتعامل معاهم نهائيا ( علوك ، فياغرا ، ورد ، كروت محلات .. إلخ )
جمله وحدة بس ( نو ثانكيو ) وخله وروح بحال سبيلك .
4 / العاملين بالفنادق لا تقلل من احترامك لهم ، هم اول ما يشوفونك على طول يسلمون عليك ... رد التحية لهم
حسسهم إنهم لا يقلون عنك بشي وهذا من أكبر الدوافع إنهم يحبونك ويعاملونك بشكل طيب .
5 / لا مريت من جنب الشرطة سلم عليهم ( قود إيفيننغ ، قود مورنغ ) أي كلمة طيبة تنفع معهم .

عقب النصايح ذي رح بالهشارع وتعال بأي وقت ولا في أحد يكلمك نهائيا
الشعب الفلبيني شعب طيب وودود جدا ومع حفظ الله لكل أخوانا المسافرين ويرجعون بسلامة إن شاء الله

المشاركة الأصلية كتبت بواسطة abo_fars23
http://www.arabtravelersforum.com/tr...3/#post3954963

سافرت للفلبين قبل سنتين تقريبا ومن كثر ما سمعت عن شارع برقص خفت إني أمره بكل صراحة
وسكنت بفندق قريب جدا من الشارع وعرفت الشارع على حقيقته وإن أغلب الكلام اللي ينقال عنه فيه مبالغة شوي
وأسبابه ترجع بالغالب من خطأ من ربعنا بتعاملهم الجاف مثلا أو عدم الإحترام للشخص المقابل
وكلام الأخ أبو دحيم صحيح وهو عين العقل وهذ نصايحي لكم
1 / يا غريب كن اديب يعني اترك عنك الفشخرة اللي مالها سنع وخلك إنسان محترم الكل يحترمك .
2 / ابتسامتك خلها دايما مرافقه لك والله لها مفعول سحري لدي الفلبينين ولا تشوف نفسك عليهم .
3 / جميع الباعة اللي بشارع برقص لا تتعامل معاهم نهائيا ( علوك ، فياغرا ، ورد ، كروت محلات .. إلخ )
جمله وحدة بس ( نو ثانكيو ) وخله وروح بحال سبيلك .
4 / العاملين بالفنادق لا تقلل من احترامك لهم ، هم اول ما يشوفونك على طول يسلمون عليك ... رد التحية لهم
حسسهم إنهم لا يقلون عنك بشي وهذا من أكبر الدوافع إنهم يحبونك ويعاملونك بشكل طيب .
5 / لا مريت من جنب الشرطة سلم عليهم ( قود إيفيننغ ، قود مورنغ ) أي كلمة طيبة تنفع معهم .

عقب النصايح ذي رح بالهشارع وتعال بأي وقت ولا في أحد يكلمك نهائيا
الشعب الفلبيني شعب طيب وودود جدا ومع حفظ الله لكل أخوانا المسافرين ويرجعون بسلامة إن شاء الله




مشكور يابو فارس

كلامك صحيح 1000% انا اسافر للفلبين من 1983 ماصادفت اي مشكله والحمد لله. واتفق معاك اخوي بودحيم الهديه الرمزيه لهااثر كبير عندهم.

هالمرة اتابع شرطة بورقص ستيشن 9 متغيرين مرة
الظاهر جاهم توبيخ اشوفهم خلوقين مرة والدورية شغالة رايحة جاية مو مثل اول بالسنة حسنة تشوف دورية

ما ادري وش صار عليهم بعد الرئيس الجديد ان شاءالله يقضي على النصب

نتمنة ذلك يارب

شكرا وماقصرت .. يعني احط شكولاته معي في شنطتي