الموضوع: بعد العيد باريس لقضاء شهر العسل ومنكم خدمة ياغاليين لو تكرمتوا يا أهل الخبرة

السلام عليكم ورحمة الله وبركاته
آخذ من وقتكم يا أهل خبرة لتخطيط بعض الأيام في باريس اللي رايح لها مع زوجتي شهر العسل وعندي جدولة لبعض الأيام بس بكتب كم مكان ومنكم ان شاء الله المساعدة في ترتيب هذه الأماكن على حسب الأوقات المناسبة والأيام

إن شا الله واصل الأثنين الظهر لباريس ومحتاج جدولة للأماكن التالية من الأثنين العصر إلى الجمعة الظهر لأني بعدها بطلع أكمل يومي الأخير في باريس في اللوفر وفرساي وبعدها بطلع لمدن فرنسية أخرى

ان شا الله راح تكون المحطة الرئيسية اللي اتحرك منها Charles de Gaulle - Étoile عند قوس النصر وإذا فيه بعد محطة باصات هناك غير المترو احسن يكون استخدمه وانتوا ونصيحتكم من الافضل المترو او الباصات

بالنسبة للأماكن كالتالي
1- برج إيفل
2- قوس النصر
3- الشانزليزيه
4- ديزني لاند
5- ميدان الكونكورد وشو افضل الحدائق والاماكن هناك
6- ميدان الأوبرا ( وهل هو التي توجد فيه دار الأوبرا نفسه )
7 - نهر السين ( الرحلة البحرية أفضل وقت نهار أو ليل )
8 - منطقة الاديفانس
9- قرية بيرسي ( وكيفية الوصول إليها وكم تحتاج من وقت تقضيه هناك تقريبا )
10- بالنسبة للشوبينق شو الأفضل غاليري لافييت أو غاليري لافييت 2 أو أروح الأوتليت أو أروحهم كلهم اذا كانوا مايتفوتون

11- بالنسبة للحدائق قيه
Park de Monceau اللي في قلب باريس و
Jardin Des Plantes حديقة الزهور و Tuileries إللي عند اللوفر
شو الأفضل بينهم وأي وحدة تناسب أروحها
12- متحف الشمع ( واذا عادي مو مميز ينحذف من الجدول)
13- هضبة مونتماتر ( واذا بعيدة أو ليست بذاك المكان المميز تنحذف من الجدول)
14- كاترئية نوتردام ( واذا مافيه أولوية له ينحذف من الجدول )

طبعا الأيام بتكون الأثنين ابتداء من العصر و أيام الثلاثاء والأربعاء والخميس والجمعة فقط صباحا

ممكن الأماكن الكثيرة بس مو مهم تكون كلها في الجدول أهم شي الأماكن المميزة والسهل الوصول إليها ويكون جدول كل يوم أماكنه متتابعة وقريبة حتى لايضيع الوقت وإنتوا أهل الخبرة واللي تشوفونه مناسب أنا راح أمشي على جدولكم وترتيبه وآسف جدا ع الإطالة وألف ألف ألف شكر لكم على تعبكم معي ^_^

مواضيع عشوائيه ممكن تكون تعجبك اخترناها لك:

• صور منتقاة لباريس من ابن نجد
• سحر الشتاء في باريس
• حددت عدة اماكن وعندي ايام كيف اقسم هالأماكن عالـ ايام بأقل توفير ووقت ؟
• فرنسا لأول مره
• الرحلات النهريه في شهر نوفمبر
• المدينة الأروع في فرنســـــا جرنـــوبـيـــل
• استفسار حول فندق في لانديفانس é
• هل تقبل فيزا تسوق الراجحي في الفنادق
• سيارة مع سائق في باريس اسرع وقت ممكن
• ساعدوني ياأخوان ؟؟
• رحلتي الى فرنسا و ايطاليا
• قروبات داخل الفنادق
• ارجو منكم ارشادي مطار اورلي
• الرجاء المساعده في تخطيطي لسفرتي
• وش الفرق بتذاكر دزني ميني ماجيك سوبر ماجيك ؟
• مساعده بخصوص فندق
• فرنسا مارس
• مساعدة في تخطيط رحلة لاروبا
• مساعدة في استئجار سيارة بأوروبا دوختنا هالسيارة
• اهل الخبرة ارجوووووووو المساعده ومشكورين مقدما

مرحبا اخوي والف مبروك مقدمااا
الجدول السياحي : الباص السياحي عندك الاحمر وله سعر ويودي لاهم الاماكن والاصفر يودي اغلب الاماكن
مدته : يومين
الاصفر يودي لممونامارت بينما الاحمر مايودي ع حسب علمي
ويختصر عليك اشياء كثير ويوفر لك قيمه المترو يومين لووووول لانه ياخذك ويرجعك
خل اليوم الاول الباص وانزل بالشانز الصباح والعصر ايفل وساحه مارس وعشاء رومنسي ع نهر السين مع اضواء باريس
ملاحظه : قوص النصر بالشانز
اليوم الثاني ساحه كنكورد يفصل بينها وبين اللوفر حديقه جميله جدا اسمها تويلري بها زهور وطيور و وز ومقاهي يعني بهاليوم كنكورد والتويلري واللوفر
ديزني لاند بما انكم شخصين يوم بحالو يكفي واسالوا عن وقت العروض عشان تستمتعو بالتصوير
قبل محطه ديزني الاوت لت لكن انا مافضل اجمع بينهم لاني من عشاق الشوبينج وفي ناس تروح للاوت لت سريع سريع وباقي اليوم بالديزني لاند
تقدر تشتري تذاكر ديزني لاند من محل ديزني اللي بالشانز
اليوم اللي بعده ميدان الاوبرا ونعم فيه دار الاوبرا وتقطر تدخله بعد المنطقه منطقه تسوق وفي الغاليري لافييت قريب منها خلي هاليوم شوبينج بالاوبرا وفي شوارع مهمه للتسوق بالاوبرا زي هوسمان وسانت هونور ورويال و ريفولي وطبعا ساحه الفوندوم اغلا منطقه في باريس كلها محلات مجوهرات وراقيه
ايضا بالشانز شارعين مهمهين بالتسوق وهو جورج سانك والافينومونتين شارع الماركات كيف توصل له بقولك .... بالشانز بتشوف بوتيك كبير جدا حق لوي فيتون وحتشوف مقهى الفوكيت بينهم شارع هو جورج سانك امشي لاخره نزولا حتلاقي افينومونتين
اليوم اللي بعده خليه للحي اللاتيني وكاتدريه نوتردام ومتحف الشمع
بالنسبه لمتحف الشمع طبعا اللي بلندن اكبر واجمل لكن اللي بباريس مش سيئ خاصه لو اول مره تروح له وانك مارحت اللي بلندن فيه عرض اضواء وفيه مجسمات شمعيه وممتع لكنه اصغر من لندن واكرر بيعجبكم لو اول مره تشوفون متحف للشمع
اليوم اللي يليه هضبه مونمارت وحديقه لكسمبورغ
قريه بيرسي شارع فيه محلات ومقاعي ع هيئه اكواخ بس لا اقل ولا اكثر
اللاديفانص منطقه تسوق ممكن تجمع معها بما انكم عرسان جسر الاقفال ع نهر السين بتشوفونه بالجوله النهريه
اتمني اني افدتك لو بالقليل من الموبايل

وعليكم السلام ورحمه الله وبركاته
الشانز وقوس النصر قريب من سكنك لا تحط لهم يوم

الاثنين ايفل والقارب والحديقه اللي خلف برج ايفل وتروح الي طريق محطه ترايكادور وتصور ايفل افضل شيء من هناك
الثلاثاء ديزني لاند
الاربعاء تطلع مشي للكونكورد وعنده حديقه ولا بالمترو وتتمشي فيه ومن ثم مشي الي الاوبرا وتتسوق في جاليري لافييت وبعدين الحي اللاتيني
الخميس حديقه لوكسمبورغ مونمارت ثم لاديفانس
الجمعه
حقيقه ما اعرف اين تقع باريس المصغره

فيصل ماقصرر بس كنيسه نوتردام لا تفوتك....

ماقصر بس انا ابسالك عن المطاعم هل في راسك مطاعم معينه ول لا...


الجمعه ...مالك الا انك تتمشى في الشانز

المشاركة الأصلية كتبت بواسطة YAS2
http://www.arabtravelersforum.com/tr...5/#post7138215

ألف ألف شكر لك أختي لندنية على تعبك ومجهودك الرائع معي بس كأنه توزيع الأيام أكثر من المتاح عندي فمعذرة لو كلفت عليك شوي في تقنين الأيام حتى لو تطلب حذف بعض الامور الغير مهمة
وبالنسبة للباص الاحمر والاصفر آخذ واحد منهم والا مايحتاج واذا باخذ ايهم افضل ومن وين احجزه

والف شكر على مجهودك الرائع



العفو وماسوينا شي ياخوي
انا ابيك تعرف انو يمديك تروح لهالاماكن لان النهار طويل لو تقسم وقتك فترتين وترتاح بينهم بعد يمديك
لكن من وجهه نظري بيرسي عاديه وماتستاهل العنوه
واللاديفانص اللي فيها من محلات موجوده بالاوبرا بس لو تمرها مرور سريع اذا انت تحب المباني والعمران
والشانز تقدر تلفه بيوم القدوم وتفطر فيه ويوم تودعه يكون اخر يوم تتعشي فيه
والجدول فيه اهم المعالم وانت لك الخيار ولو تبي تختار اماكن محدده وننسق معك ابشر ولايهمك من الموبايل

بالنسبه للباص اذا هي زيارتك الاولى لباريس نعم خذه الاحمر يودي اهم المعالم والاصفر يودي لكل المعالم ومنها الهضبه
الباص جميل ويوفر عليك وقتك ويعطيك جوله تعريفيه عن باريس 👍 من الموبايل

عزيزي فيصل بالنسبة للحي الاتيني شو يكون فيه وكيف أوصل له
وايضا حديقة لوكسمبورغ هل هي افضل الحدائق وكيف اوصل لها
ولك ألف شكر عزيزي

أخي الغالي مغرور نجد شكرا لمرورك وأخونا فيصل خير وبركة علينا
أما بالنسبة للمطاعم فإذا بتظبطني الله يعطيك ألف عافية
أنا سكني بكون قريب جدا من قوس النصر واهم شي مطاعم حلال واذا كانت شغل سندويشات شاورما واتباعها يكون أحسن و إذا فيه مطاعم وجبات سريعة من شان شغلات الفيش والشريمب هم كويس
فشوف لي المطاعم القريبة من قوس النصر أو في الشانز أو أكيد اللي عند إيفل لأني أكيد بجلس عند إيفل وقت طويل في إحدى الأيام ولو كانت بعد الكونكورد قريبة مشي من قوس النصر بالظبط وفيها شي هناك أوكي بعد
وألف شكر لك ياغالي

الحي اللاتيني مقاهي كشك مطاعم عربي تركي محلات
توصل له مشي ولا مترو
محطه سانت ميشيل

لوكسمبورغ حلووه وحديقه تويلري حلوه كمان
بقولك شغله عن نفسي لما اجلس بحديقه وهادئه وكبيره واشرب قهوه يكفيني غيري يبي تجديف وركوب خيل وهيك شغلات بعضها موجود وفيها بحيرات صغيره

الأخت لندنية ربي يعافيك.. وبالنسبة للجدول ماشا الله عليك بس الباص الأحمر أو الأصفر من وين أحجز لهم وأعرف جدولهم من ناحية الأوقات والأماكن اللي يروحون لها .... هل من النت؟ او لرحت هناك في مكتب لهم عند قوس النصر او في الشانز؟

لوكسمبورغ عند محطه لوكسمبورغ
وحديقه تويلري عند اللوفر
عطني ايامهم فين علشان يمكن يكون مشي افضل وامتع

المشاركة الأصلية كتبت بواسطة YAS2
http://www.arabtravelersforum.com/tr...5/#post7142435

الأخت لندنية ربي يعافيك.. وبالنسبة للجدول ماشا الله عليك بس الباص الأحمر أو الأصفر من وين أحجز لهم وأعرف جدولهم من ناحية الأوقات والأماكن اللي يروحون لها .... هل من النت؟ او لرحت هناك في مكتب لهم عند قوس النصر او في الشانز؟



الاحمر مختصر يودي اهم المعالم
والاصفر اوسع واشمل ويودي للهضبه
من نفس الباص من الموبايل

المشاركة الأصلية كتبت بواسطة YAS2
http://www.arabtravelersforum.com/tr...1/#post7142441

طيب عزيزي فيصل الحي الاتيني عند محطة سانت ميشيل
أما حديقة لوكسمبورغ وحديقة تويلري كيف أوصل لهم هل مشي وسكني قريب من قوس النصر أو أطلع لهم باص أو مترو وشو المحطة اللي توصلني لهم
أذا ماعليك أمر عنوان الحديقنين وأيهم أفضل



فيصل ماقصر بس في جدول مثبت لاهم معالم داخل وخارج باريس شوفه في اهم المعالم وكيفيه طرق الوصول بيفيدك حييييل من الموبايل

طيب عزيزي فيصل انت حطيت حديقة لوكسمبورغ في الجدول بس حديقة تويلري وين تحطها لي في أي يوم والا لوكسمبورغ تكفيني
أخوي فيصل انت تقريبا حطيت مرة مشاركة عن كيفية استخدام قوقل ماب من شان التنقل بالمترو تقريبا والحين جالس ادور عليها ولا لقيتها تقدر تعطيني رابطها او تشرح لي الكيفية مرة ثانية لأنه كان موضوع جدا رائع وانت ماتحط الا المميز

الاخت لندنية ألف شكر لك على نصيحتك بالجدول وجدا جدول مميز
بس حبيت أعرف منك اذا فيه موقع أو احد حاط مشاركة بالأماكن اللي يروح لها الباص الأحمر والأصفر واذا من نفس الباص آخذ التكت واركب طيب أكيد فيه محطة لإنطلاق هذه الباصات السياحية فهل فيه محطة لهم في الشانز أو عند قوس النصر أو أقرب شي لهذين المكانين

المشاركة الأصلية كتبت بواسطة YAS2
http://www.arabtravelersforum.com/tr...5/#post7147085

طيب عزيزي فيصل انت حطيت حديقة لوكسمبورغ في الجدول بس حديقة تويلري وين تحطها لي في أي يوم والا لوكسمبورغ تكفيني
أخوي فيصل انت تقريبا حطيت مرة مشاركة عن كيفية استخدام قوقل ماب من شان التنقل بالمترو تقريبا والحين جالس ادور عليها ولا لقيتها تقدر تعطيني رابطها او تشرح لي الكيفية مرة ثانية لأنه كان موضوع جدا رائع وانت ماتحط الا المميز



حديقه التويلري بين الكنكورد واللوفر وعشان تروح للوفر لازم تقطعها يعني كذا كذا ع طريقك من الموبايل

المشاركة الأصلية كتبت بواسطة YAS2
http://www.arabtravelersforum.com/tr...9/#post7147089

الاخت لندنية ألف شكر لك على نصيحتك بالجدول وجدا جدول مميز
بس حبيت أعرف منك اذا فيه موقع أو احد حاط مشاركة بالأماكن اللي يروح لها الباص الأحمر والأصفر واذا من نفس الباص آخذ التكت واركب طيب أكيد فيه محطة لإنطلاق هذه الباصات السياحية فهل فيه محطة لهم في الشانز أو عند قوس النصر أو أقرب شي لهذين المكانين



العفو
شوف هالموضوع ممكن يفيدك
http://www.arabtravelersforum.com/travel400879/ من الموبايل

تويلري مع اللوفر او الكونكورد
بخصوص قوقل ماب ومتر ما اتصور تأكد وانا اخوك وابشر
هذا قوقل ماب

http://maps.google.com/

خريطه المترو يمكنك تقصد ذي

http://www.ratp.fr/plan-interactif/carteidf.php?lang=uk

يمكن قلت انك تشوف فندقك اولا بالخريطه وين يقع وايش اقرب محطات له وبعدين تسوي التنقل عن طريق رابط الثاني

يعني مع كلام فيصل ما اقدر ازيد شي

الأخت لندنية أو بوجود فيصل ومغرور نجد ربي يعطيكم العافية ومعليش لو ثقلت عليكم
بالنسبة للباصات شفت الموضوع وفيه مدة محددة مثلا الباص الأحمر ساعتين وربع والأصفر ساعة وربع بس الأماكن اللي يروحها كثيرة ومايمدي لها ذا الوقت القصير والا المعنى فقط مرور الباص على هذه الاماكن من دون دخولها والا يكون تنزل وفيه باص آخر يمر وتقدر تركب فيه بشكل دوري يعني كل ساعة تقريبا يوصل باص ينزل ويركب من هذه الاماكن السياحية... وأيضا بالنسبة للوقت يبتدي من متى لأنه التذكرة يوم أو يومين
ولكم جزيل الشكر

التذكره بالخيار يوم او يومين
يبدأ من الساعه 9 ونص وفي الوكيند اتصور يبدأ 10 والنهايه تقريبا الي 8
الباص كل عشر دقائق يمر باص اذا مثلا نزلت عند القوس تروح وتتتمشي عند القوس وبعدين يجي باص ثاني وتركبه وهكذا
وضحت يا باشا

الله يهنيك ويسعدك يارب

وضحت عزيزي فيصل ولك الشكر... وبالنسبة لإنطلاقته تكون من عند قوس النصر قريب من السفارة القطرية كما قرأت في الموضوع صح

صح بقرب السفاره

الاوقات عاده من 9ونصف الي 7