الموضوع: سوق الاقمشة البلوكات

المشاركة الأصلية كتبت بواسطة Steven Gerrard
http://www.arabtravelersforum.com/tr...9/#post6669529

https://s.yimg.com/qn/up/travel/8/d/...cb779ee90b.jpg





العفو يا ليفربلاوي .........................................اللي قهمته رديت عليه
.............ممكن ترجمة .......نو هندي توكينغ ههههههههههههههههههههههه

السلام عليكم
كل عام و انتم بخير و عسى الكويت دوم سالمة

اللحين الكل يدل على البلوكات بس ممكن لو سمحتوا تدلوني على فندق قريب منها و اللي زار البلوكات شو احسن مكان للدراعات فيه

وشكرا

المشاركة الأصلية كتبت بواسطة orax
http://www.arabtravelersforum.com/tr...7/#post6670377

السلام عليكم كل عام و انتم بخير و عسى الكويت دوم سالمة اللحين الكل يدل على البلوكات بس ممكن لو سمحتوا تدلوني على فندق قريب منها و اللي زار البلوكات شو احسن مكان للدراعات فيه وشكرا




وانت بخير وصحة وسلامة وشكرا لك
اقرب فندق يمكن 3 نجوم فندق الواحة ......في منطقة دسمان قريب من المستشفى الاميري فنادق مثل
هوليدي ان ...وآيبس الشرق .......
اما محلات الدراعات ما في محلات دراعات الا الدراعات الهندية ........
مثل التراث الهندي والمحلات المجاورة له
اما المحلات الثانية فيها اقمشة فقط واذا حبيت تخيط بمدة قصيره عندك الخياطين في الطابق الاول
وسلامتك

المشاركة الأصلية كتبت بواسطة توبليرون
http://www.arabtravelersforum.com/tr...9/#post6669709

العفو يا ليفربلاوي .........................................اللي قهمته رديت عليه
.............ممكن ترجمة .......نو هندي توكينغ ههههههههههههههههههههههه

هههههه ،، أدري إنج ما فهمتي الكلام المكتوب
وكنت متأكد إنج بتطلبين الترجمة

الترجمة :
شكرا جزيلا
في رحلتنا الجاية للكويت
بنسوي لنا زيارة لهالســوق
شكرا أم يوسف شكرا

كل عام وإنتي والكويت وأهلها بخيـر
وعسى أيامكم كلها أفراح

المشاركة الأصلية كتبت بواسطة Steven Gerrard
http://www.arabtravelersforum.com/tr...7/#post6671517

هههههه ،، أدري إنج ما فهمتي الكلام المكتوب وكنت متأكد إنج بتطلبين الترجمة

الترجمة : شكرا جزيلا في رحلتنا الجاية للكويت بنسوي لنا زيارة لهالســوق شكرا أم يوسف شكرا كل عام وإنتي والكويت وأهلها بخيـر وعسى أيامكم كلها أفراح

بهت شكريه يا الليفربلاوي بهت شكريه هههههههههههههه
الله ينور ايامك

المشاركة الأصلية كتبت بواسطة RozaLine
http://www.arabtravelersforum.com/tr...1/#post6681691

السلام عليكم ورحمة الله وبكاته،،، أولا طارحت الموضوع لك جزيل الشكر والتقدير على الطرح الرائع والمعلومات والصور الجميلة وكل ما خطته يداك. صراحة أنا من أكثر من أسبوع وأنا أدور على هذه المعلومات وأخيرا وفقني الله وقرأت موضوعك. ) وين ممكن أحصل على الدراريع الكويتية القصيرة أو الميني الي ممكن ألبسهم على جينس أو بنطلونات بس أتمنى تكون الداعات الحلوة الأنيقة الي تنفع تنلبس في مناسبات رسمية وخاصة بسبب طبيعة عملي أحضر اجتماعات خارج البلد وأمثل السلطنة ودايما أحب أن لبسي يعكس ثقافتنا الخليجية وحرصنا على العراقة مع لمسة أناقة وبالتأكيد لمسة تتوافق والموضه وأكيد تكون الملابس كمان مو مجسمه جسمي..... أدري كثير متطلبه وإنتقائيه ولكن أنا صعب ألاقي شي يرضني ويلفت انتباهي لين لقيت مجموعة دراعات بمسقط لكن سعر الوحدة مو أقل عن 80 ريال عماني (80 دينار) فقلت لو السعر كذا ليش ما أسافر وآشتري بنفسي وأنقي على راحتي. ولو في مواقع الكترونية ممكن اشتري منها على طول يا سلام ما في أحلى من كذا ولو في حتى حد يتاجر فيهم مافي مانع، بس لو ما تعرفي تدليني على الأماكن الي أشتري منها الدراعات والله لا يحرمنا منك. وأخيرا لو ما عليكي أمر وين ممكن أقرب مكان آسكن فيه.





هلا فيج حبيبتي واحنا نرحب فيج وبأهل السلطنة كلهم
الدراريع اللي تسألين عنهم تلاقينهم بالمعارض الكويتيه عند مصممات كويتيات ودايما تكون هناك معارض بس تابعي الجرايد تلاحظين الاعلانات
وممكن تلاقين في محلات مثل انوتا ..وجويس ...ريفا
هذه الثلاث محلات تلاقينهم بالافنيوز ..........واغلب المولات بالكويت
في محلات العربيد بالفروانية تلاقين الخيايييط مثل اللي بالسوق اللي بهذا الموضوع وايد
والسكن وين ما تسكنين بالكويت ما يبعد اكثر من ثلث ساعة بالسيارة لان الكويت صغيرة
ويعطيييييج العافية على الاسعار اكيد بتلاقين الرخيص والغالي