الموضوع: شهر عسل في انترلاكن ايام ارجو المساااعده

السلام عليكم
انا مخطط اني اسافر سويسرا 8 ايام وبالتحديد الى انترلاكن
المهم ناوي اسافر شهر عسل بتاريخ 12/10/2013 الى 20/10/2013
لكن اخوي والعزيز على قلبي ميدو يقول ان الانشطه الصيفيه تقفل يوم 15/10 والله قهر
اجل بقدم السفر 11/10 واروح خمس ايام واقعد في انترلاكن
لكن انا ناوي اطلع من الدمام الى ميلانو لاني ودي ازور ساحة الدومو وملعب السانسيرو ملعب ميلان الايطالي
وبعدها بطلع الى انترلاكن ثم الى جنيف عوده في اليوم الخامس
لكن ابي جدول كيف اقضيه في انترلاكن وكيف الموصلات لاني صراحه ما افضل اني استاجر سياره لاني بجيب العيد ههههههههههههههههههههههه

مواضيع عشوائيه ممكن تكون تعجبك اخترناها لك:

• استفسار عن الفنادق القريبة من التلفريك مكشوف كابريو –
• استفسااااار مهم
• ليلتين في سويسرا انطلاقا من لوزيرن ،، أرجو المساعدة في البرنامج
• افيديوني رجاءا
• من ميلان لسويسرا
• من المدينة التي لاتنام إلى أرض الأحلامتقرير سويسرا مايو
• جبال الالب و جنيف
• فندق وفندق النوفوتيل بجنيفراايكم عن تجربة لاهنتوا
• سويسرا في مايو
• وين تنصحوني أسكن في انترلاكن ؟؟
• مساعدة في برنامجي ياخبراء أوروبا
• شلال جس باخ
• مسافر من فرانكفورت الى سويسرا غريندلوالد
• طالبكم المساعدة اجازتي في نوفمبر وش رايكم سويسرا والا شرق آسيا
• عاجل انا في جنيف و ابغى احداثيات هالفندق ضروري
• مقترحاتكم وملاحظاتكم القيمة على مخطط سير رحلتي إن شاء الله
• رحلة هادئة في سويسرا
• فصل الشتاء في سويسرا
• ودي تساعدوني
• الاماكن السياحيه في زيورخ وطريقة الوصول اليها

وعليكم السلام ورحمة الله وبركاته ::


هههههههه الله يصلحك اخوي ..قلت في الغالب تقفل من 15 اكتوبر ..ومو كل الانشطة .


وانت ممكن تبقى على المخطط حقك وعدد الايام ...بس غير محطة الوصول والمغادرة .


يعني تنزل على جنيف بالاول ..ثم العودة من ميلان .


لأن ميلان اغلبها تسوق..وخليها على اخر الرحلة ,




============


وانا مثل ما قلت لك ..بعض المواعيد ما نزلت ..لكن في انشطة حلوة ممكن تسويها في انترلكن .


اما تطلعلي بس خمسة ايام ..سلامات اخوي بو خلود .


اذا ما عكست خط السير ..خليك على مخططك ..وصول ميلان ..وعودة جنيف ...والانشطة لو تبغى لعيونك اخليهم يأخروها شوي .




وفي انتظارك

هههههههه تسلم عيونك اخوي ميدو
اجل بقولك مخطط السفر 8 ايام بيكون الانطلاق في تاريخ 12/10/2013 الى 20/10/2013 ويمكن امدد على حسب المصاريف
اجل بحجز من الدمام الى جنيف واقعد في جنيف ليله ومن ثم باخذ كرت السويس باس واطلع بالقطار الى انترلاكن واقعد فيها 3 ايام
ومن ثم بطلع من انترلاكن الى لوزرين واحجز فيها ليلتين ومن ثم الى ميلان واحجز فيها ليلتين ودي وانا في ميلان اخصص يوم كامل اروح ل فينسيا ومن ثم اعود للفندق في ميلان
صراحه انا لا رايد استأجر سياره والقياده هناك لانها اول مره
وش تنصحوني هل اخذ معي شناط كثيره ولا نكتفي بشنطه صغيره تكفينا الاثنين
ومن ناحية الانشطه في المدن اللي ذكرتها ابي ترتبون لي جدول في كل مدينه وين اروح
ومن ناحية التكلفه كم تتوقعون الميزانيه من ناحية تذاكر ومصاريف وحجز فنادق وتذاكر السويس باس علما بأن اللي معي تقريبا 25 الف ريال حق 8 ايام هل تتوقعون تكفي ولا كيف
ومن ناحية اللغه انا لغتي الانجليزيه متوسطه يمكن اعطي نفسي 35%
والله يعطيكم الف الف الف عااااااااافيه

وين الشبااااااااااااااااااااااااااااااااااااب
وينك يا ميدو

هلا والله بو خلود ..المعذرة للتأخر بالرد ..
تعرف ويكند والواحد ما غير رايح جاي يخلص اموره ..والنت ولا سألت عنه .


ما شاء الله عليك على المخطط ..ما تحتاج مشورة ..على قول هذاك : والله اعلق وأصفق .




سعر التذاكر ممكن تشوفه على موقع الخطوط السعودية لشخصين ..الروحة جنيف والعودة ميلان .


بالنسبة للتكلفة للسويس باس لأربعة ايام 477 فرنك سويسري لشخصين ..تشمل كامل تنقلاتك خلال أربعة ايام في سويسرا .
يعني اخر يوم في سويسرا ..واللي يعتبر الخامس تكون الانشطة حقتك فيه قريبة لأنتهاء مدة البطاقة ..في لوزيرن يعني .
لكن الاهم انترلكن ..استفيد من البطاقة صح ..لأنها تشمل جميع المواصلات القطارات والباصات والترام والبواخر ..وخصم 50 % على القطارات الجبلية .


المصروف اليومي تقريبا من 200 الى 250 فرنك ريال ..يا رجال قول 1000 ريال .


الفنادق على حسب اختياراتك ..وبوكنج موجود ..ويعطيك جميع الفئات .


بالنسبة للشناط ..خذ شنطتين وسط ..والملابس فيها 60 % ..لأن ممكن تشترون شي ولا تضطرو تاخذو شنطة ثالثة .
الوسط عشان تكون تنقلاتكم بالقطار خفيفة .


الانشطة ممكن تطلع على هذا الموضوع :
http://www.arabtravelersforum.com/tr...b=user_related




وبالنسبة للغة ..انت رايح لعالم لغتها ألمانية وفرنسية ..يعني الانجليزي اذا عندك شوي راح تخارج نفسك .


الميزانية تتحدد انها تكفي ولا لأ ..بعد ما تدخل موقع الخطوط وتشوف الاسعار + الفنادق على بوكنج .




وبالتوفيق.

الله يعطيك الف عاااااااااااااااااااااااااافيه