الموضوع: مراحل رحلتي الى الصين

السلام عليكم

اشكر اصحاب المنتدى الرائع وكل المشاركين اللذين يحبون الفائده للجميع

طبعن من خلال هذا المنتدى الشامخ استطعت ان اتعرف على شخص تعجز كل الكلمات لشكري وتقديري له

فكنت معه خطوخ بخطوه وعيشني في جو الصين حسيت اني زرتها من قبل الله يجزاه كل خير وياكم

-----واليكم التقرير

1- لقد حجزت يوم الخميس 2010-9-16 على الخطوط القطريه بقيمة التذكره ذهاب واياب 3270 ريال سعودي بحيث يتم طريقة الاقلاع من البحرين الى الدوحه الى كوانزو ونفس الاياب بتاريخ 20-9-2010 مساء-- وبصراحه لم يكن الانتظار في الدوحه كثير يعني ابو ساعه وشوي والطيران بصراحه راقي

2- بالنسبه للفيزا لقد ذهبت يوم الاحد الى البحرين الشقيقه ووصلت السفاره الصينيه على الساعه 9 واستلمت جوازي على الساعه 12 بقيمة 260 ريال للزياره الواحد لانك لو تبي زيارتين اعتقد يتضاعف المبلغ.

وماشاء الله المسؤله اللي في السفاره الصينيه في البحرين جدن خلوقه ومتساعده مع العملاء
طلباتهم بس صوره من الجواز وصوره ملونه شخصيه اربعه في سته4*6 مع تعبية الاستماره اللي بتعطيك اياها
ملاحظه:اول ماتوصل عندها على طول اطلب استماره وعبها على مايجي دورك اذا كان في سرى

طبعن دوامهم من الاحد الى الثلاثاء يعني بس ثلاثة ايام في الاسبوع من الساعه 8ونص الى 11 ونص استلام الطلبات

ومن 12 تقريبا الى 12 ونص يتم تسليم الجوازات مع الفيزا

ودايم احرصو تروحون مبكرين

3- وصلت الى الصين اليوم التالي الثلاثاء .وماشاء الله على بلاد الصين فعلن روعه من خلال مشاهدتي لها عبر الطائره كلها خضار واشجار ومرتبه .

4- اول ماطلعت من المطار جاني رصيف ومرقم طبعن على طول اتجهت على رقم خمسه حسب التوصيه وركوب الباص ب16 رمبي
نصيحه:حاول انك قبل ماتطلع من المطار الا وانت صارف مايقل عن الف رمبي من المصارف اللي بالمطار واصرف ميه رمبي الى 20 او 10 عشان حق التكاسي

وتوجه على طول فندق دونج فونج لانه يعتبره محطه له وسكنت في فندق بارك فيو الليله بقيمة 380 رمبي

حطيت اغراضي وتجهزت وعلى طول سوق بيجين لو سوق الليل

5-الغريب في الموضوع ان التكاسي مشغوله يعني يبيلك تطول بالك شوي الزبده انتظرت وشوي يوقف لي باص صغير يقول بوديك ب30 رمبي قلت غالي بعدين عصب بعدين قلت خلاص ودني بس باللي تبي بيه

يوم جيت السوق الا السوق والله رهيب وحلو وفيه شغلات حلوه وفيه الغالي وفيه المعتدل وفيه موديلات حديثه وفي قمة الروعه.

6-تعشيت في مطعم سراي قريب من الفندق مشي وجبه ب100 رمبي

7-طبعن اليوم الاربعاء خطتي على سوق الساعات وبعطيكم التقرير لاحقا

مواضيع عشوائيه ممكن تكون تعجبك اخترناها لك:

• حجزت على هونج كونج توجيهات ونصائح واستفسارات
• رايح سنغافورة وتبي فندق فخم لا يعلى عليه؟ تفضل هنا بالصور
• الطيران من كوانزو الى الكويت
• الجويخات مصيف جميل
• رحلة هوكايدو في اليابان مع الصور
• اتمنى افادتي ب سنغافورة
• الفزعه يا الربع
• مين أفضل وأحلى اندونيسيا ولا تايلند ولا الهند ولا سيريلانكا؟؟؟؟؟؟
• تــبــي خــدمة في او من كـوريا الجنـوبيـة ادخـل
• العيد في الصين غير
• عايز اروح الصين اشترى اجهزة محمول
• رحلتي لسنغافورة ساعدوني
• مسافرين ضايعين سنغافورة
• كم يكفي ؟ طوكيو
• وش الافضل اضم معا اندونيسيا
• الثلج في سوريا
• مطعم ألف ليلة وليلة في دمشق
• ما هي افضل الأماكن للسكن في سنغافورة وأماكن الترفيه
• عاصمة جزر المالديف.. جزيرة ماليه
• سؤالين عالسريع كوانزو ومطار هونج كونج

والله بصراحه السوق مره كبير بس المشكله ابي اعرف الدرجه اولى من الباقي

يعني حصلت جفنشي شغل عدل ب450 رمبي وعيا لاينزل اكثر من كذا

وديور على 200 رمبي
رادو على 140
تشانيل على 200 رمبي 140 رمبي

واشتريت اي فون ب300 رمبي جيل رابع

بس السوق مره متعه يطير الوقت ولا تحس

بس نصيحتي للي بيروح للسوق يروح بدري ويحاول يرجع قبل المغرب بساعتين

لان وقت المغرب التكاسي ماتعطي وجه ويضربون بالاسعار ثلاث اضعاف واربع

وكذالك لايحد يستعجل بالشرى كل ماتلف على الساعات بتحصل ارخص ونفس الجوده

من ناحيتي بالف عليه مره ثانيه عشان اقدر اميز الدرجه الاولى

موفقين

حبيت اضيف لقين فندق ارخص من لي انا فيه بارك فيو لان بارك فيو ب380

بس راح اسكنه بكره ان اشاء الله قيمة الليله 280 رمبي وانا اشوفه احسن من اللي انا فيه وارقى

طبعن عندهم مساج وانصح لا يحد يروح مساجهم

السلام عليكم ...

حمدلله عالسلامه اخوي الاسد ...

وان شاء الله تتوفق في رحلتك ...

وبداية جيدة للتقرير ...

لكن عندي سؤال .. انت تقول رحلتك يوم الخميس ...

بعدين تقول وصلت الثلاثاء ...

شلون يعني ؟؟

متابعين لتقريرك ....

وينقل الموضوع لقسم التقارير ...

الحمد لله على السلامة وبداية موفقة

المشاركة الأصلية كتبت بواسطة اسيرالدوحه
http://www.arabtravelersforum.com/tr...6/#post4249876

السلام عليكم ...

حمدلله عالسلامه اخوي الاسد ...

وان شاء الله تتوفق في رحلتك ...

وبداية جيدة للتقرير ...

لكن عندي سؤال .. انت تقول رحلتك يوم الخميس ...

بعدين تقول وصلت الثلاثاء ...

شلون يعني ؟؟

متابعين لتقريرك ....

وينقل الموضوع لقسم التقارير ...



هلا بك يااسير الدوحه اقصد اني حجزت على يوم الخميس لاكن بداية رحلتي من يوم الاثنين بالليل الساعه 11ونص من البحرين . وصلت الدوحه 12 وربع اقلعنا من الدوحه الى كوانزو 2وثلث وصلنا كوانزو 3وربع يوم الثلاثاء العصر تقريبا

ولا تنسى فارق الوقت تقريبا خمس ساعات

المشاركة الأصلية كتبت بواسطة alhana.kullah
http://www.arabtravelersforum.com/tr...9/#post4249929

الحمد لله على السلامة وبداية موفقة



الله يسلمك اختي ويوفق الجميع

حمدلله على سلامتك نورت كوانزوا بك

المشاركة الأصلية كتبت بواسطة مرسيدس111
http://www.arabtravelersforum.com/tr...9/#post4251129

حمدلله على سلامتك نورت كوانزوا بك



هلابك مرسيدس النور نوركم يالغالي

تقرير اليوم الرابع

التقيت بأخي وابن ديرتي مرسيدس111 واتشرفت بمعرفته وقد استفدت منه معلومات مفيده والله يجزاه كل خير.

طبعن جيت بجدد الحساب للفندق على 11 يوم قدام لاني سكنت فيه الى الان 3 ايام اكتشفت ان حساب الغرفه 308 رمبي وانا على بالي 380 رمبي طبعن انبصطت واللي ابصطني اكثر عطوني يوم مجاني يقولون عشان اليوم الوطني حقهم
فعلن فندق راقي ويستحق السكن فيه وانصح فيه

كالعاده ركبت التاكسي الى سوق الملابس النسائيه والرجاليه بتكلفة 10 رمبي من فندق بارك فيو

اسم السوق ليو خو

يتكون من ثلاث ادوار وماشاء الله فيه والله موديلات حلوه وفي بعض المحلات ممكن تبيع بالوحده بس بسعر اعلى شوي

وانا اشوف التجاره بالتخصص هذا ممتاز للشخص اللي عنده اداره صح ويعرف كيف يختار احسن الموديلات

ومن خلال بحثي(وجهة نظر طبعا) اكتشفت ان كثير من هذي المحلات عباره عن مكاتب المصانع يعني مايحتاج تعني نفسك وتروح من مصنع الى مصنع

بعدها رحت مطعم البسبور التركي والله جنان الوجبه بتكلف حدود 70 الى 80 رمبي بس شغل عدل

يعني صحن لحم بالطماط وعليه حركات مع صحن رز مجموعهم 68 رمبي

طبعن اليوم مافي مطر شمس شوي
بالتوفيق

ماشاء الله

توصل بالسلامة

تقرير اليوم الخامس

طبعن توجهت اليوم الى مجمع الحقائب وبصراحه كل محل يقول الزود عندي

طبعن اسعار هم بالجمله وبعضهم يمكن يبيع بالحبه والثلاث وفوق وطبعن يختلف السعر حسب الكميه

واسعارهم تقريبا بالنسبه للماركه شغل عدل تقريبا 200 رمبي وطالع ويمكن تحصل ارخص والله اعلم

وبالنسبه للماركه العاديه تقريبا 80 رمبي بس لازم تطلب كميه تقريبا فوق 30 قطعه لكل نوع ولازم تاخذ كذا نوع يعني لو تقول بس ابي نوع واحد اكثر المحلات مايرضون يقولون لازم تعدد وتطلب فوق 30 من كل نوع

وبالنسبه للشنط حلوه وجلد ولا هي مو ماركه لاكنها بخامة الماركه اسعارهم من 50 رمبي الى 85 رمبي

انا طبعن اشتريت اربع شنط نفس الموديل كل نوع لونين بقيمة 75 رمبي مجموعهم 300 رمبي جلد طبعن

اشوفكم على خير

المشاركة الأصلية كتبت بواسطة حظي خذلني
http://www.arabtravelersforum.com/tr...8/#post4256808

ماشاء الله

توصل بالسلامة




مرحبا بك يالغالي والله يسلمك

معلوماااات قيمة جدا جدا جدا

بس ياليت ان رجعت بالسلامه تطعمنا بالصووووووور


بسالك انت بأي مدينة !!

غير كذا , كيف التعامل مع الشعب من ناحية الانجليزي و من ناحية الامن

انا بإذن الله شهر 10 مخطط اروح لمعرض كوارنز

وابيك ترشح لي 3 مناطق صينيه تمدح فيهـا


وسأواصل معك بالمتابعه

الله يوفقك

متابعين نهاية التقرير

متااابعة تقريرك اول بأول

مع كل التوفيق

المشاركة الأصلية كتبت بواسطة مـستـر مـيـمـو
http://www.arabtravelersforum.com/tr...2/#post4260112

الله يوفقك

متابعين نهاية التقرير



هلا بك مستر ميمو ويفقك

وتسلم

المشاركة الأصلية كتبت بواسطة alhana.kullah
http://www.arabtravelersforum.com/tr...3/#post4260303


متااابعة تقريرك اول بأول

مع كل التوفيق




هلا بك الهنا كله

ويوفقك يارب وتسلمين

تقرير اليوم السادس

طبعن بعد ماافطرت توجهت على سوق حسيت انه شعبي لاكنه يجمع الجديد والقديم والخرده وكل مايطري على بالك

السوق هذا فيه ملابس اطفال ونلابس داخليه وجنزات وبنطايل واحذيه واكسسوارات وملابس نسائيه اندر وير يعني داخليه

طبعن بالنسبه لملابس الاطفال فيه الراقي والمتوصط واهم شي انك تفاصلهم بالسعر يعني انا مثلا اخذت 9 بجامات بمعدل 7 ريال سعودي هذا النوع عندنا بالسعوديه يساوي 23 ريال بارالراحه

طبعن بالنسبه للاكسسوارات اخذت اكياس من المقاضيب كل كيس طلع علي ب 12 ريال فيه 20 جوز هذا الكيس ينباع عندنا بالسعوديه ب30 ريال واخذت بعض الدرازن ب 5 ريال بينما اني اعرف ان سوق ايوو ارخص وبروح له بكره ان شاء الله

بالنسبه للاحذيه اسعارهم مره حلوه الحلو والراقي وتقليد ماركة قوتشي للاطفال بيطلع عليك ب 9 و8 ريال وطالع والمتوصط ب 5 ريال

وبالنسبه للاحذيه النسائيه من فوق يعني 14 وفوق وشغل عدل ب 12 و13 ريال وحولها بينما تنباع عندنا بالسعوديه شي ب40 35 50 على حسب موقع المحل


بالنسبه لملابس النساء الداخليه اذا تبون شغل عدل ب 15 ريال للجوز الكامل والعادي ب 4 اريال وفيه الزين ب10 ريال

والتجاره فيها حلوه للي يحسبها صح

وجيت بطلع من السوق وفي ايدي اكياس واشوف ذيك الشنطه للسفر تقليد ماركة فرزاتشي وقلت بكم قالت ب150 وقلت ب 80رمبي المهم وصلت معها بتسعين 90 رمبي وشغل عدل

عاد لاتنسون حسبة شغلات الشحن واعرف معدل ربحك التقريبي
بعدها رجعت الفندق ورحت شوي ورحت سويت لي مساج لرجولي ب55 رمبي لاباس في مساجهم

ملاحظه مهمه يااخواااااااان: يوم طلعت من الفندق بروح اسوي مساج جاتني وحده بالشارع تقول لي تبي اسوي لك مساج قلت وين مركزكم قالت في غرفتي وبسعر 50 رمبي قلت لها اسف مع السلامه ولحقتني تحاول فيني قلت لها في واحد راح مع وحده غرفتها عشان تسوي له مساج وجاته عصابه وشالو كليته وباعوها وقطوه بالشارع واسكتت وولت
طبعن لاتخافون هذا نادر بس الزم ماعليك لاتعطيهم وجه

يعني احذرو من هالاشكال ولا تروحون مع احد الى اماكن تحس انها غير امنه

بعده توجهت للحديقه كالعاده وهي قريبه من الفندق مشي خمس دقايق واخذ الحم المشوي من التركستاني مسلم اسمه عبد الله وارجع على الذره واجلس عند البحيره وتتجمع حولي السمك الملون كبار واصغار وارمي عليهم بعض الاكل
وتراها مفتوحه بالليل وانصحكم بزيارتها

بعدها تعشيت في المطعم التركي وبصراحه ماكولاته مره حلوه هو صحيح غالي بس يستاهل ولاتنسى تاخذ شاي من عنده بعد الوجبه تراه شغل عدل يعني احسب على النفر بتكلفة من 50 الى 80 رمبي ويمكن اكثر حسب كبر بطنك هههههههه

يتبع لليوم السابع
موفقين

ماشاء الله عليك مزيد من التألق و التآنق

انا اللي اسمعه عن كوانزو انه مدينة صناعية اقتصادية بحتهـ

هل فيها اماكن ترفيهه سياحية و سهرات

المشاركة الأصلية كتبت بواسطة Abo Reem 2009
http://www.arabtravelersforum.com/tr...5/#post4261075

ماشاء الله عليك مزيد من التألق و التآنق

انا اللي اسمعه عن كوانزو انه مدينة صناعية اقتصادية بحتهـ

هل فيها اماكن ترفيهه سياحية و سهرات



تسلم يابو ريم لاطرائك وماعليك زود

ومثل ماقلت اللى انا شفته انها مدينه صناعيه بحته واعتقد مافيها ترفيه ذاك الزود يعني شي بصيط جداا

شوف هالموقف
وانا نازل اللوبي حصلت شباب خليجيين زقرت قلت لهم ها شخبار الصين قالو اووف والله طفشنا اول واخر مره نزورها
على بالنا سياحيه ومافيها الا البزنس والحين لنا اسبوعين جالسين ننتظر بس رحلتنا .والله ضحكت عليهم .

نصيحتي لك يابو ريم وحط عشر خطوط جيب معك اللاب توب هو وسيلة الترفيه بالنسبه لكوانزو راح يفيدك ويسلك كثير

المشاركة الأصلية كتبت بواسطة Abo Reem 2009
http://www.arabtravelersforum.com/tr...1/#post4261081

الله لا يهينك اسامي الفنادق بالانجلش

عشان بشيك سعرها موقع بوكينج وبعدين بقارنه بالسعر اللي انت اخذته



اسم الفندق بالانجليزي Parkview Square Hotel

ركز على كلامي زين اذا تبي عرض مغري في الاسعار للفنادق اذا دخلت اي فندق توجه على طول الى مكاتب الشحن اذا كان في الفندق مكتب لهم وروح عند المسؤول وقل له انا انشاء الله راح اتعامل معكم وابي عرض خاص للغرفه عن طريقكم مثل ماسويت انا لان في واحد سكنها ب380 رمبي بدون مكتب وانا ب308 رمبي شفت الفرق
اعتقد المكاتب ارخص من النت بعد

وبعد ماتششيك علمنا عشان نعرف الفرق وشاكر لك

المشاركة الأصلية كتبت بواسطة الاسد1977
http://www.arabtravelersforum.com/tr...3/#post4261193

اسم الفندق بالانجليزي Parkview Square Hotel

ركز على كلامي زين اذا تبي عرض مغري في الاسعار للفنادق اذا دخلت اي فندق توجه على طول الى مكاتب الشحن اذا كان في الفندق مكتب لهم وروح عند المسؤول وقل له انا انشاء الله راح اتعامل معكم وابي عرض خاص للغرفه عن طريقكم مثل ماسويت انا لان في واحد سكنها ب380 رمبي بدون مكتب وانا ب308 رمبي شفت الفرق
اعتقد المكاتب ارخص من النت بعد

وبعد ماتششيك علمنا عشان نعرف الفرق وشاكر لك




الفندق سعره عن طريق موقع ogda 154

عليه تخفيض

وفي غرفة افضل منها يشوي 172

اما بوكينج ما حصلتها
---------------------

بخصوووص مكاتب الشحن ، اذا انت بتشتري كميات كبيرة ، تشحنها عن طريق الشركات العالمية او في محلية واسعارها حلوووة

المشاركة الأصلية كتبت بواسطة الاسد1977
http://www.arabtravelersforum.com/tr...5/#post4261185

تسلم يابو ريم لاطرائك وماعليك زود

ومثل ماقلت اللى انا شفته انها مدينه صناعيه بحته واعتقد مافيها ترفيه ذاك الزود يعني شي بصيط جداا

شوف هالموقف
وانا نازل اللوبي حصلت شباب خليجيين زقرت قلت لهم ها شخبار الصين قالو اووف والله طفشنا اول واخر مره نزورها
على بالنا سياحيه ومافيها الا البزنس والحين لنا اسبوعين جالسين ننتظر بس رحلتنا .والله ضحكت عليهم .

نصيحتي لك يابو ريم وحط عشر خطوط جيب معك اللاب توب هو وسيلة الترفيه بالنسبه لكوانزو راح يفيدك ويسلك كثير




حلوو افهم من كلامك يعني اعطيها مدة 4 ايام ، بعدها اشوف وجهة ثانية بكين او شنغهاي او تنصح اني احول دولة ثانية كملها سياحة احسسن !!


ع طاري اللاب توب ما يدقرون عليك في سالفة البرامج التقليدية

المشاركة الأصلية كتبت بواسطة abo reem 2009
http://www.arabtravelersforum.com/tr...8/#post4261618

حلوو افهم من كلامك يعني اعطيها مدة 4 ايام ، بعدها اشوف وجهة ثانية بكين او شنغهاي او تنصح اني احول دولة ثانية كملها سياحة احسسن !!


ع طاري اللاب توب ما يدقرون عليك في سالفة البرامج التقليدية



اذا لك هدف معين عطها مثل ماقلت او خمسه واذا حاب تستكشف بشكل عام يبي لك تقريبا اسبوعين

لان كل سوق يبي لك يوم عشان تاخذ فكره حلوه عنه طبعن مجرد وجهة نظر

وحلو انك تروح بكين وشنقهاي للاطلاع والسياحه بس خذ حسابك بخصوص الفيزا اطلب تعدد زيارتت في الفيزا

بخصوص اللاب توب ولا دقو له حساب ولا فتحوه .عاد مدري عن الغير

المشاركة الأصلية كتبت بواسطة الاسد1977
http://www.arabtravelersforum.com/tr...6/#post4260416

تقرير اليوم السادس

طبعن بعد ماافطرت توجهت على سوق حسيت انه شعبي لاكنه يجمع الجديد والقديم والخرده وكل مايطري على بالك

السوق هذا فيه ملابس اطفال ونلابس داخليه وجنزات وبنطايل واحذيه واكسسوارات وملابس نسائيه اندر وير يعني داخليه

طبعن بالنسبه لملابس الاطفال فيه الراقي والمتوصط واهم شي انك تفاصلهم بالسعر يعني انا مثلا اخذت 9 بجامات بمعدل 7 ريال سعودي هذا النوع عندنا بالسعوديه يساوي 23 ريال بارالراحه

طبعن بالنسبه للاكسسوارات اخذت اكياس من المقاضيب كل كيس طلع علي ب 12 ريال فيه 20 جوز هذا الكيس ينباع عندنا بالسعوديه ب30 ريال واخذت بعض الدرازن ب 5 ريال بينما اني اعرف ان سوق ايوو ارخص وبروح له بكره ان شاء الله

بالنسبه للاحذيه اسعارهم مره حلوه الحلو والراقي وتقليد ماركة قوتشي للاطفال بيطلع عليك ب 9 و8 ريال وطالع والمتوصط ب 5 ريال

وبالنسبه للاحذيه النسائيه من فوق يعني 14 وفوق وشغل عدل ب 12 و13 ريال وحولها بينما تنباع عندنا بالسعوديه شي ب40 35 50 على حسب موقع المحل


بالنسبه لملابس النساء الداخليه اذا تبون شغل عدل ب 15 ريال للجوز الكامل والعادي ب 4 اريال وفيه الزين ب10 ريال

والتجاره فيها حلوه للي يحسبها صح

وجيت بطلع من السوق وفي ايدي اكياس واشوف ذيك الشنطه للسفر تقليد ماركة فرزاتشي وقلت بكم قالت ب150 وقلت ب 80رمبي المهم وصلت معها بتسعين 90 رمبي وشغل عدل

عاد لاتنسون حسبة شغلات الشحن واعرف معدل ربحك التقريبي
بعدها رجعت الفندق ورحت شوي ورحت سويت لي مساج لرجولي ب55 رمبي لاباس في مساجهم

ملاحظه مهمه يااخواااااااان: يوم طلعت من الفندق بروح اسوي مساج جاتني وحده بالشارع تقول لي تبي اسوي لك مساج قلت وين مركزكم قالت في غرفتي وبسعر 50 رمبي قلت لها اسف مع السلامه ولحقتني تحاول فيني قلت لها في واحد راح مع وحده غرفتها عشان تسوي له مساج وجاته عصابه وشالو كليته وباعوها وقطوه بالشارع واسكتت وولت
طبعن لاتخافون هذا نادر بس الزم ماعليك لاتعطيهم وجه

يعني احذرو من هالاشكال ولا تروحون مع احد الى اماكن تحس انها غير امنه

بعده توجهت للحديقه كالعاده وهي قريبه من الفندق مشي خمس دقايق واخذ الحم المشوي من التركستاني مسلم اسمه عبد الله وارجع على الذره واجلس عند البحيره وتتجمع حولي السمك الملون كبار واصغار وارمي عليهم بعض الاكل
وتراها مفتوحه بالليل وانصحكم بزيارتها

بعدها تعشيت في المطعم التركي وبصراحه ماكولاته مره حلوه هو صحيح غالي بس يستاهل ولاتنسى تاخذ شاي من عنده بعد الوجبه تراه شغل عدل يعني احسب على النفر بتكلفة من 50 الى 80 رمبي ويمكن اكثر حسب كبر بطنك هههههههه

يتبع لليوم السابع
موفقين









السلام عليكم اخوي الاسد


اشحالك



ممكن تخبرنا عن اسم هذا السوق الي اسعارة وايد حلوة ويشمل كل شيئ

هلا والله بو محمد
كيف حالك
تراك وحشتني ،،،،،

متابع للم ـوض ـووووووووووووووووووووع

المشاركة الأصلية كتبت بواسطة alhana.kullah
http://www.arabtravelersforum.com/tr...9/#post4262849

السلام عليكم اخوي الاسد


اشحالك



ممكن تخبرنا عن اسم هذا السوق الي اسعارة وايد حلوة ويشمل كل شيئ







عليكم السلام اختي الهنا كله انا بخير ابشرك وفي احسن حال الحمد الله بس اذني تعورني ههههههههههه داخل فيها ماي

بالنسبه للسوق جلست ادور كرت للمحلات اللي رحت لهم مالقيت لاكن عطيني فرصه ا ن شاء الله بلقى

لان بصراحه السوق اسعاره مرره حلوه مقارنه بالاسواق اللي رحت لها وانصح اللي بيشتري بالجمله ياخذ منه بس يارب القى لهم كرت

المشاركة الأصلية كتبت بواسطة مرسيدس111
http://www.arabtravelersforum.com/tr...7/#post4262907

هلا والله بو محمد
كيف حالك
تراك وحشتني ،،،،،



هلا وغلا ومليون مرحبا . حي اللي سافر وخلانا هههههههههههه يالله فرصه ثانيه ان شاء الله

والله انا بخير يابو احمد ولا تعبت في سفرك

نتقابل مره ثانيه ان شاء الله فديتك

السلام عليكم اخواني وخواتي

تقرير اليوم السابع

طبعن توجهت الى سوق الاكسسوارت بالتكسي بقيمة 12 رمبي من فندق البارك فيو

نزلني عند شارع طوييييييييييل كله ملابس داخليه وفيه اشكال والوان الزين والوصط والراقي واسعارهم تتفاوت والشارع هذا قريب من فندق ليدو دقيقتين تقريبا

من 2 رمبي للقطعه وطالع

يعني في كلوتات الملونه فيها رسومات الدرزن ب 25 رمبي
وبالنسبه للراقي من 14 رمبي وطالع
وبالنسبه للوصط وشغل حلو من 6 رمبي وطالع

المهم رجعت ماكملت نهاية الشارع ورحت يمين وشوي واشوف عماره طويله فيها مجمع تحت ودخلت وكلها اكسسوارت وملابس داخليه ومحافظ مره حلوه وعلب هدايا والله تعبت وانا اتجول فيه يمكن اكثر من سبع دور كله محلات

السوق طبعن حلو وفيه موديلات حلو وانصح بزيارته بصراحه احس اسعراه غاليه شوي بس التاجر الذكي يعرف كيف يحسبها ويعرف كيف يفاصل بالسعر

طبعن بالنسبه للكروت راح اعرضها بعدين في صفحه وحده كل كرت بكتب فوقه لليوم الفلاني لاتخافون موناسي

اشوفكم على خير

طبعن لاسعار الاكسسوارات لتقرير اليوم السابع ماحصلت درزن ب4 و5رمبي مثل مايقولون

يمكن فيه بس ماوصلت المحل المطلوب

اللي حصلته ب 7 رمبي وطالع للدرزن للشغل العدل وموديلات جديده

وفيه محافظ حلوه للبنات على 4 رمبي وطالع شغل حلو وزين

وفيهمحافظ للرجال ب 6 رمبي وطالع شغل زوين والشغل العدل ب 15 رمبي وطالع

كيف حالكم

تقرير اليوم الثامن

توجهت الى سوق الاحذيه تكلفة التاكسي 12 رمبي وبصراحه انبهرت

طبعن هي عباره عن مجموعة مجمعات جنب بعض

اول مادخلت مجمع الاحذيه الراقيه فيها احذيه راقيه فوق ماتتصورون طبعن الاحذيه في بحر 80 المتوصط والراقي صح من 120 الى تقريبا 180 . المهم اتجهت للمجمع اللي جنبه فيه غالي وفيه محلات اسعارها حلوه وشغل زين ب30 و25 38 رمبي وفيه

من ورى هذا المجمع احذيه عاديه وفيها شي زين اسعارهم لا باس فيها من 6 رمبي وطالع

وجنبهم سوق ملابس داخليه رجاليه وكبابيس وبدل رياضيه وفي مجمع قريب منهم فيه ملابس جناااان وشنط جنااااااان

واسعاره حلوه للمتسوقين

وجهة نظري للاسواق هذي ماتصلح للتاجر المبتدئ لان اسعارها شوي غاليه الا اذا كان عندك محل فاشوف توكل على الله

الى الان ارشح سوقين للاسعار المناسبه سوق تقرير اليوم الرابع وهو سوق ليو خو واليوم والسادس

يعطيك العافية تقرير ممتع

ما قصرت يالغالي



بالنسبة ــ للنقل البضايع كيف ناوي تنقلها من الصين للديرة

ما شاء الله عليك

قزيت قونزوا قز

ممكن اسئلك بخصوص سوق الاكسسوارات
تقصد السوق القريب من سوق الملابس الداخلية ، والقريب من فندق ماين لاند ، والقريب من السوق اللي تحت الارض

تحياتي

المشاركة الأصلية كتبت بواسطة حظي خذلني
http://www.arabtravelersforum.com/tr...5/#post4266735

يعطيك العافية تقرير ممتع



مرحبا بك يالغالي وتشرفني طلتك

المشاركة الأصلية كتبت بواسطة abo reem 2009
http://www.arabtravelersforum.com/tr...9/#post4266819

ما قصرت يالغالي



بالنسبة ــ للنقل البضايع كيف ناوي تنقلها من الصين للديرة



هلا بو ريم هالمره راح اشحن جو

والمره القادمه يمكن شحن بحر ان شاء الله حسب الكميه

المشاركة الأصلية كتبت بواسطة مـستـر مـيـمـو
http://www.arabtravelersforum.com/tr...8/#post4267138

ما شاء الله عليك

قزيت قونزوا قز

ممكن اسئلك بخصوص سوق الاكسسوارات
تقصد السوق القريب من سوق الملابس الداخلية ، والقريب من فندق ماين لاند ، والقريب من السوق اللي تحت الارض

تحياتي



هههههههههههههههههههههههههههههههههههههههههههههههههه ه

الله يقطع بليسك عز الله انك ضحكتني

قول ماشاء الله ترى بسكت مو قايل شي ياخي شسوي نبي الاجر من الله اذا قدرنا نسهل على الاخوان بعض الشي في كوانزو

والله مدري عن الاسواق اللي ذكرتها ولا اعرف الفندق اللي ذكرته

راح احط العناوين قريب ان شاء الله

المشاركة الأصلية كتبت بواسطة الاسد1977
http://www.arabtravelersforum.com/tr...6/#post4265286

السلام عليكم اخواني وخواتي

تقرير اليوم السابع

طبعن توجهت الى سوق الاكسسوارت بالتكسي بقيمة 12 رمبي من فندق البارك فيو

نزلني عند شارع طوييييييييييل كله ملابس داخليه وفيه اشكال والوان الزين والوصط والراقي واسعارهم تتفاوت والشارع هذا قريب من فندق ليدو دقيقتين تقريبا

من 2 رمبي للقطعه وطالع

يعني في كلوتات الملونه فيها رسومات الدرزن ب 25 رمبي
وبالنسبه للراقي من 14 رمبي وطالع
وبالنسبه للوصط وشغل حلو من 6 رمبي وطالع

المهم رجعت ماكملت نهاية الشارع ورحت يمين وشوي واشوف عماره طويله فيها مجمع تحت ودخلت وكلها اكسسوارت وملابس داخليه ومحافظ مره حلوه وعلب هدايا والله تعبت وانا اتجول فيه يمكن اكثر من سبع دور كله محلات

السوق طبعن حلو وفيه موديلات حلو وانصح بزيارته بصراحه احس اسعراه غاليه شوي بس التاجر الذكي يعرف كيف يحسبها ويعرف كيف يفاصل بالسعر

طبعن بالنسبه للكروت راح اعرضها بعدين في صفحه وحده كل كرت بكتب فوقه لليوم الفلاني لاتخافون موناسي

اشوفكم على خير







السلام عليكم اخويه بو محمد

ان شاء اذنيك احسن احينه هههه

بالنسبه لسوق الاكسسوارات هل هو نفسه الموجود في قائمة سبأ


موفق وفي حفظ الله

المشاركة الأصلية كتبت بواسطة alhana.kullah
http://www.arabtravelersforum.com/tr...7/#post4268647

السلام عليكم اخويه بو محمد

ان شاء اذنيك احسن احينه هههه

بالنسبه لسوق الاكسسوارات هل هو نفسه الموجود في قائمة سبأ


موفق وفي حفظ الله



هلا اختي الهنا انا ابو حمد معليش غلط مطبعي

والله اذني خفت شوي يوم اشتريت علبة قطور من الصيدليه ب 8 رمبي الحمد الله

بالنسبه لقائمة سبأ ماعرفها والله لاكن ياليت تعلموني شلون اضيف الصور بالمنتدى وابشرك تراني لقيت العنوان لسوق اللي ضاعت عليه كروته تصدقون لقيت العنوان اللي كتبه لي مترجم صيني في ورقه صغيره .ربك حميد لقيت لي دليل

ورحت طبعن له اليوم شي والله خيالي خيالي خيالي واللي يبي يصير غني غني غني وتاجر يروح له مايخسر

شرايكم ماعلمكم

تقرير اليوم الثامن
بسم الله

اليوم توجهت الى سوق جمله بمعنى الكلمه الاسعار فيه مره حلوه وهم لازم تفاصل بالسعر

طبعن سعر التاكسي من فندقي البارك فيو الى السوق المعني بتكلفة 23 رمبي تقريبا

السوق هذا هو نفسه السوق اللي رحت له في اليوم السادس

وانصح بقوه وبقوه وبقوه الشراء منه للتجاره في مجال الملابس والقلادات والاحزمه والشرابات والاندر وير والبجامات وبعض محلات الاحذيه وبعض محلات الاكسسوارات وفي شغلات كثيره يمكن ماذكرتها لانه كبيييييييييييييييييييييييير يبي لك ايام على ماتلفه
ملاحظه: السوق بتحس انه شعب لاكنه فيه شغلات راقيه وفخمه وفيه الوصط وفيه الخرده

وش تبوني اقول لكم عن الاسعار يااخوان تبتدي من 1 رمبي وطالع

ملاحظه مره مهمه: لا تغرك الاسعار يمكن السعر رخيص بس وزنه ثقيل شوي يعني احسب معادلة الشحن زين

عشان مايطلع عليك اكثر من بيع السوق .

اسم السوق راح اذكره ولا تشيلون هم في نهاية التقرير

في امان الله

اخوي الاسد

ما شاء الله عليك

تراك شوقتنا .. والاسعار اللي تقول عليها مغرية جدا .. وماهي طبيعية .. وخاصة في سوق الاكسسوارات

شفت الاسعار اللي تقول عليها في ايوو ولكن بصراحة ما تنسبني لا جوده ولا غيره

نبي اسامي الاسواق
في انتظارك

تحياتي

المشاركة الأصلية كتبت بواسطة الاسد1977
http://www.arabtravelersforum.com/tr...1/#post4267491

هلا بو ريم هالمره راح اشحن جو

والمره القادمه يمكن شحن بحر ان شاء الله حسب الكميه




بس كيف تكاليف النقل و الشحن !!

يعني وش افضل حلول


دي اتش ال

او في شركات نقليات او بواخر


وكم رسوم الله لايهينك

المشاركة الأصلية كتبت بواسطة مـستـر مـيـمـو
http://www.arabtravelersforum.com/tr...3/#post4269463

اخوي الاسد

ما شاء الله عليك

تراك شوقتنا .. والاسعار اللي تقول عليها مغرية جدا .. وماهي طبيعية .. وخاصة في سوق الاكسسوارات

شفت الاسعار اللي تقول عليها في ايوو ولكن بصراحة ما تنسبني لا جوده ولا غيره

نبي اسامي الاسواق
في انتظارك

تحياتي



هلا اخوي ميمو بالنسبه للاكسسوارات في سوق اليوم الثامن ماشفت الا محلات قليله يعني يمكن في شوارع قريبه من السوق انا مارحت لها والله اعلم

وابشر بالعناوين انتظروني عشان اعطيكم رايي في الاخير

المشاركة الأصلية كتبت بواسطة abo reem 2009
http://www.arabtravelersforum.com/tr...2/#post4269872

بس كيف تكاليف النقل و الشحن !!

يعني وش افضل حلول


دي اتش ال

او في شركات نقليات او بواخر


وكم رسوم الله لايهينك



هلا ابو ريم وتراك طحت على الجرح وراح افيدكم بكل شفافيه قريب ان شاء الله لما اخلص شغلي معاهم

تقرير اليوم التاسع
وبكل شفافيه وصدق واوفر عليكم معلومات حلوه تختصر عليكم اشياء كثيره
تم شراء بضاعه بصيطه بوزن تقريبا 180 كيلو على كلامهم عباره عن ملابس اطفال بقيمة 50 رمبي للحبه الواحده من نوع راقي بقيمه اجماليه 13500 رمبي وقالي المكتب وزن الشحن للكيلو 36 ونص رمبي زطبعن للحين ماعرفت وزن البضاعه بالظبط عند الشحن

وترى الزين من 27 رمبي وطالع

باقي نحسب قيمة الشحن وقيمة السكن والله كريم وعسانا بس نطلع قيمة رحلتنا هذا هدفي كااول زياره

يعني اذا توفقت وبعت البضاعه باللي في بالي يكون بس غطيت مصروف رحلتي

طبعن المشكله اللى وقعت فيها ومسلم ربي لله وابيكم تنبهون لها
اني يوم اشتريت البضاعه اشتريتها في وقت البلد عندهم اجازه لمدة سبع ايام من 1 اكتوبر الى 7 اكتوبر يعني المصانع مسكره وبعض المحلات تسكر
خذو بالكم زين من هالنقطه يعني اول ماتصولون كوانزو اعرفو متى حيكون عندهم اجازه عشان لما تيجي تشتري يجهزون لك الطلبيه بسرعه

على العموم انا اشتريت الطلبيه يوم الخميس قالو بالموت مناومناك يوم الاثنين حاتكون جاهزه وانا موعد طيارتي يوم الاثنين بالليل

طبعن عطيتهم عربون 500 رمبي والباقي عند الاستلام يوم الاثنين

الغلطه الثانيه طبعن سبحان الله ربك وفقني وياهم بدون مترجم وقدرت اتفاهم معهم بالاشاره وبعض الكروت اللي عندي للفندق ومكتب الشحن
لاكني انصح وبقوه بحته اذا قررت تشتري اشتر قبل رحلتك باسبوع وكذالك اشدد هنا بأن تأخذ معك مترجم قبل وقت الشراء هلى شان يتفاوض معهم ويهتم بالموضوع بكامله

طبعن كلمت المكتب وعلمته قال الحين احنا في اجازه قلت له تعال لمدة ساعه المكتب اخلص وياكم واهتم بالموضوع لان رحلتي يوم الاثنين وهم دوامهم يوم الجمعه القادم قال اوكي اتصل علي الساعه 12


قولو لا اله الا الله وماشاء الله والله يرزقني وياكم

المشاركة الأصلية كتبت بواسطة الاسد1977
http://www.arabtravelersforum.com/tr...1/#post4268941

هلا اختي الهنا انا ابو حمد معليش غلط مطبعي



حيا الله اخويه بو حمد




والله اذني خفت شوي يوم اشتريت علبة قطور من الصيدليه ب 8 رمبي الحمد الله

بالنسبه لقائمة سبأ ماعرفها والله لاكن ياليت تعلموني شلون اضيف الصور بالمنتدى وابشرك تراني لقيت العنوان لسوق اللي ضاعت عليه كروته تصدقون لقيت العنوان اللي كتبه لي مترجم صيني في ورقه صغيره .ربك حميد لقيت لي دليل

ورحت طبعن له اليوم شي والله خيالي خيالي خيالي واللي يبي يصير غني غني غني وتاجر يروح له مايخسر


عيل كيف تعرف الاسواق ... ما شاء الله


شرايكم ماعلمكم




لا تستوي شرير




[B]

بالنسبة لتنزيل الصور


اول شيئ


سير تحت اسمك مكتوب ... معرض صوري .. اضغط عليه


بتطلعلك صفحة .... اضغط على انشاء البوم جديد...

بتطلعلك صفحة .... اكتب اللي تباه في خانة العنوان

وتاكد ان العلامة على العام ... علشان صورك تنزل في الموضوع...

بعدين اضغط على ارسال.... بتطلع لك صفحة .... اضغط على.... اضغط لرفع الصور

بعدين اضغط على براوس ونزل الصور سواء كنت حاطنهم على سطح المكتب ولا من الموبايل او الكاميرا


وعقب اضغط .... رفع الصور

الحين خلصنا رفع الصور

ارجع لمعرض الصور ... واضغط على الصورة ... وانسخ الرابط من
كود BB Code)الصورة

وبعدين الصقه في المكان اللي تباه في موضوعك

وبس خلصنا


ان شاء الله فهمت

واي سؤال انا حاضرة
:/B]

عسى الله يرزقك يا بو حمد ويعوضك تكاليف رحلتك

المشاركة الأصلية كتبت بواسطة مرسيدس111
http://www.arabtravelersforum.com/tr...2/#post4272792

عسى الله يرزقك يا بو حمد ويعوضك تكاليف رحلتك



امين يابو احمد ويجزاك خير

شقولك بس صارت علوم بس ربك كريم انحلت مع بطاقة الفيزا شوف تقرير اليوم العاشر

تقرير اليوم العاشر

طبعن صحيت متأخر ومالي خلق اطلع اليوم قلت بس بجلس برى اتفرج

وانا اتفرج مرو علي اثنين وسلمنا على بعض وتعرفنا الاثنين طبعن من دولة الكويت الشقيقه وقررنا نروح سوق الجمله

طبعن حمسوني واتجهنا واشترينا بعض الاحذيه اقل من الراقيه بشوي بقيمة 20 و17 25 رمبي لاننا اخذناهم بالحبه

لاكن بالجمله تقدر تاخذهم بأقل واشترينا بعض الشغلات واتجهنا الفندق نزلنا الاغراض وتوجهنا لمطعم حضرموت

واتعشينا هناك لا اوصيكم اللي يروح قريب من مطعم حضرموت يتمشى فوق كبري المشاه فيه مناظر ومجمع قريب منك فيه شغلات حلوه

بعدها توجهنا على الشارع الليلي شارع بيجي لو وشفنا عندهم شغلات عجيبه طبعن فيه ممرات صغيره لاوصيكم عليها فيها شنط وفيها ساعات وملابس ووووواللي تبون اسعارهم غاليه بس ماعليكم فاصلوهم صدقوني يوافقون

بضرب لكم مثال قلت حق واحد بكم الشنطه قال 350 قلت له ب 50 قام ينزل لين وافق بعدين هونت لاني قلت بس ابي اشوفه يعني اذا بتشتري شنطه وفخمه فخمه حاول انها ماتزيد عن 125

واهم شي ضحكهم شوي عشان ينبصطون منك ويوافقون على السعر


هذا اليوم كان عندي ممتع برفقة اخواني الثنين الله يحفظهم

هذي عناوين افضل الاسواق بالجمله حسب ماوعدتكم واسعارهم مره حلوه ويمكن يكون في افضل والله اعلم

لاكن هذا اخر ماتوصلت فيه سوق مره كبير يبي لك ايام على ماتلفه

بالنسبه لمجمع الاكسسوارت اللي جنب فندق ليدوو بالنسبه لي انا اشوفه غالي شوي اعتقد لو بحثت في موقع العنوان الاول من الموضوع يمكن تحصل

واتمنى لكم التوفيق ودعواتكم




اي عنوان تحتاجونه لاتترددون كلنا اخوان ولازم مانبخل على بعض في المعلومه وربكم الرازق

ماشاء الله تبارك الرحمن

الله يفتحها بوجهك ويجعلها بداية خير عليك ويرزقك من واسع فضله وكل مسلم ومسلمة
اللهم آمين

المشاركة الأصلية كتبت بواسطة حظي خذلني
http://www.arabtravelersforum.com/tr...2/#post4276432

ماشاء الله تبارك الرحمن

الله يفتحها بوجهك ويجعلها بداية خير عليك ويرزقك من واسع فضله وكل مسلم ومسلمة
اللهم آمين



الله يجزاك كل خير يالغالي ويفتحها علينا وعليك وعلى كل مسلم

اللهم امين

شاكرلك اخوي العزيز

مرحبا بو حمد كيف حال

بشرني عسى وصلت ؟

كذلك اود ان اسألك كم كيلو الوزن عندك تم شحنه

وهل واجهتك مشكله في زيادة الوزن من دون سجل تجاري

مع التحيه والتقدير لك

شكرا اخوي الاسد

تقرير رائع

تحياتي

ماشاء الله
والحمد لله على سلامتك
نحن في انتظار جديدك من التقرير

المشاركة الأصلية كتبت بواسطة الاسد1977
http://www.arabtravelersforum.com/tr...7/#post4273937

تقرير اليوم العاشر

طبعن صحيت متأخر ومالي خلق اطلع اليوم قلت بس بجلس برى اتفرج

وانا اتفرج مرو علي اثنين وسلمنا على بعض وتعرفنا الاثنين طبعن من دولة الكويت الشقيقه وقررنا نروح سوق الجمله

طبعن حمسوني واتجهنا واشترينا بعض الاحذيه اقل من الراقيه بشوي بقيمة 20 و17 25 رمبي لاننا اخذناهم بالحبه

لاكن بالجمله تقدر تاخذهم بأقل واشترينا بعض الشغلات واتجهنا الفندق نزلنا الاغراض وتوجهنا لمطعم حضرموت

واتعشينا هناك لا اوصيكم اللي يروح قريب من مطعم حضرموت يتمشى فوق كبري المشاه فيه مناظر ومجمع قريب منك فيه شغلات حلوه

بعدها توجهنا على الشارع الليلي شارع بيجي لو وشفنا عندهم شغلات عجيبه طبعن فيه ممرات صغيره لاوصيكم عليها فيها شنط وفيها ساعات وملابس ووووواللي تبون اسعارهم غاليه بس ماعليكم فاصلوهم صدقوني يوافقون

بضرب لكم مثال قلت حق واحد بكم الشنطه قال 350 قلت له ب 50 قام ينزل لين وافق بعدين هونت لاني قلت بس ابي اشوفه يعني اذا بتشتري شنطه وفخمه فخمه حاول انها ماتزيد عن 125

واهم شي ضحكهم شوي عشان ينبصطون منك ويوافقون على السعر


هذا اليوم كان عندي ممتع برفقة اخواني الثنين الله يحفظهم








السلام عليكم اخويه بو حمد


اشحالك


يا اخي انته بتخبلنا بهاي الاسواق وهاي الاسعار ....... لازم تعطينا عناوين كل الاسواق اللي رحتلها ..


حتى عنوان هذا السوق سوق الاحذيه



الله يحفظك يا اخويه وين ما كنت :

المشاركة الأصلية كتبت بواسطة تمام القمر
http://www.arabtravelersforum.com/tr...7/#post4278487

ماشاء الله
والحمد لله على سلامتك
نحن في انتظار جديدك من التقرير



ابشر ياتمام القمر

وجعلك دوم تمام

المشاركة الأصلية كتبت بواسطة alhana.kullah
http://www.arabtravelersforum.com/tr...8/#post4278758

السلام عليكم اخويه بو حمد


اشحالك


يا اخي انته بتخبلنا بهاي الاسواق وهاي الاسعار ....... لازم تعطينا عناوين كل الاسواق اللي رحتلها ..


حتى عنوان هذا السوق سوق الاحذيه



الله يحفظك يا اخويه وين ما كنت :



هلا اختي الهنا كله

انا ابشرك باحسن حال

هههههههههههههههههههه لا شدعوى لاتستعجلون انتظرو التقرير الاخير ان شاء الله

انا توني الحين واصل مطار الدوحه بعدين بتجه الى البحرين

انا حطيت بعض العنواين شوفيها قبل