الموضوع: شيء غريب لفت نظري في الفنادق والشقق المفروشة

السلام عليكم ورحمة الله وبركاته ..
مساكم الله بالخير ...

بدخل في الموضوع على طول ..

انا زرت الكويت مرتين .. وان شاء الله ناوي ازور الكويت مرة ثالثة مع العايلة ..
بشكل عام العائلات الخليجية تفضل السكن في الشقق المفروشة أكثر من الفنادق .. لعدة اسباب
الشقة المفروشة تكون اكبر .. وتسع عدد اكبر من افراد العايلة .. وممكن تحصل شقة غرفتين او ثلاث غرف وصالة ومطبخ وحمامين او ثلاث حمامات .. يعني بالمختصر .. الشقة المفروشة مريحة اكثر من الغرفة اللي في الفندق ...

لكن اغلب الشقق المفروشة اللي حصلتها في الكويت عن طريق موقع بوكينج سيئة من حيث آراء الناس اللي سكنوها او جربوها ... الكل يشتكي من ان المبنى قديم .. اثاث متهالك .. حمامات قذرة .. خدمة سيئة .. واسعار مبالغ فيها ... ومثال عليها :
روم ان
لا رويال
بودل
ريتز شرق
ريتز السالمية
برج ارينزا
الواحة
بلازا أثيني
مارينا إن
مارينا هوم

طيب .. قلت اشوف الفنادق .. الفنادق الممتازة يبدأ سعرها من 1000 درهم حوالي 70 دينار !!! والفنادق اللي مستواها اقل تبدأ من 900 درهم 65 دينار ...

بصراحة كثير ...

شو الحل اذا ؟؟؟

بصراحة انا شخصيا ارتحت كثير لما زرت الكويت في المرتين اللي مضوا .. ولابد من زيارة ثالثة للكويت .. التاريخ المتوقع للوصول 25-03-2012م لمدة 4 او 5 او 6 ايام حسب البرنامج .. وابحث عن شقة مفروشة غرفتين وصالة ..

وين تنصحوني أسكن ؟؟؟

حصلت في منتدانا عدد من التقارير لشقق مفروشة .. الاعضاء ما قصروا .. لكن من خلال الصور وبكل صراحة ما تشجعت أحجز فيها ....

وين تنصحوني أسكن ؟؟؟؟

جزاكم الله خير مقدما

أخوكم أحمد
من دبي

مواضيع عشوائيه ممكن تكون تعجبك اخترناها لك:

• ¨°•√♥ العيد الوطني بكاميرتي ♥√•°¨
• مطعم فرايديز البدع
• استفسار تجارى هام
• رقم شقق الاليزيه
• السفر عن طريق مطار الكويت
• دليل الفنادق في الكويت
• متحف شهداء القرين
• تقرير رحلتي الى الكويت بالصور
• استفسار للسفر الى الكويت
• ممكن اروح الكويت وابي مساعدتكم
• تغطية معرض الكويت للسفر العالمي بالصور
• نـبي فزعـتكم
• إستتفسار بخصوص تأجير الموتر
• احتاج اسماء شقق فندقية قريبة من المجمعات
• سـاعدوني بلييز
• ¸¸۝❝ الـــكــويــت الحبيبه اكثر من صوره❝۝¸¸
• حضانة اطفال بالكويت لطفل تحت السنه وتكون مجربه وسمعتها كويسه
• سوبر ماركت في الأفنيوز
• الفندق الدولي اسعار الغرف ابتداء من دينار فقط
• الوضع ربشة والتقارير حاست مخي

وعليكم السلام ورحمة الله وبركاته

هلا والله بأهلنا من الإمارات الغالية والحبيبة بتنوروووون الكويت وإن شاءالله تتكرر دائما زيارتكم لنا

وحساااافة ماعندنا شقق فندقية مفروشة بالكويت إلا على عدد الأصابع و تكون مستهلكة وقديمة وإن شاءالله تكون عندنا شقق فندقية أربع نجوم قريبا مثل دبي
ولا تتكدر رحلتكم من أجل الفنادق أحجزو بإلي ترتاحون له من الموقع والفخامة والنظافة لأنه الفندق هو بداية الرحلة السعيدة بزيادة المبلغ

وهذا فندق Safir Marina Hotel والمميز عند مجمع مارينا ومول وموقعه الحلو والقريب من كل شئ بمنطقة السالمية
http://www.booking.com/hotel/kw/safi...ml?aid=1329869

وفندق

Mövenpick Hotel & Resort Al Bida'a

http://www.booking.com/hotel/kw/moev...ml?aid=1329869

The Palms Beach Hotel & Spa
http://www.booking.com/hotel/kw/the-...ml?aid=1329869

وحتى هذا أخر فندق مفتوح بالكويت فندق ميسوني
http://www.booking.com/hotel/kw/miss...ml?aid=1329869

وقبل الختام إذا كان فيكم وسواس من نظافة الفندق من مفروشاته مثلي دائما أخذ معانا لحاف وشرشف وكيس مخدة من إيكيا يسمونها لحاف سفر حتى بفنادق 5 نجوم بدبي وتركيا

ورحلة موفقة بإذن الله

غريبه بودل الكل يمدحه والكل يحبه ليش كل انواع الشقق متوفره
هذا تقرير عن فندق يثرب زالثاني عن بودل ويمدحون بلازا اثينا في بنيد القار والاخير سويت هوم في بنيد القار انا شايفه الغرف وايد نظاف بس نسيت اذا عندهم شقق 3 غرف ولا لا

يثرب

http://www.arabtravelersforum.com/travel353560/

بلازا اثينا
http://www.arabtravelersforum.com/travel230706/

بودل

http://www.arabtravelersforum.com/travel544482/

ساره بلازا (في ناس يمدحونهم ) انا بحاول اروح واشوف شققهم دام ييتكم ان شاءالله متأخره عالاسبوع الياي لان الحين اكيد كلهم فل هالفتره لما اتخلص الاحتفالات اروح لهم
http://www.saraplaza.com/Ar/default.aspx

سويت هوم انا شايفتهم ونظااف
http://sweethomekw.com/

وحياكم الله في ديرتكم وهدوء ماقصرت في الفنادق وسامحونا عالقصوور

أخوي هدوء العالم ... قبل كل شي جزاك الله خير على اهتمامك .. وعلى ترحيبك ..
فندق سفير مارينا فخم ووايد حلو .. لكن ينطبق عليه اللي انا قلته عن الفنادق ..
الاقامة فيه لمدة 5 ليالي بتكلف على اقل تقدير 12500 درهم يعني تقريبا 900 دينار .. بصراحة مبلغ كبير جدا !!!
فندق الموفينبيك .. للاسف ما حصلت فيه حجز ..
فندق The Palms Beach Hotel & Spa حصلت فيه حجز
بــ 550 دينار ... بقول معقول ومقبول ...
وأخيرا فندق ميسوني ... بصراحة الفندق حلو وفخم ويبين عليه انه فندق جديد .. لكن ايضا غالي مثل باقي فنادق الخمس نجوم ...

تصدق بالله ... قبل حوالي 3 اسابيع .. وفي عز مهرجان التسوق .. حجزت شقة مفروشة لواحد من ربعي .. من عمان .. حضر الى دبي مع عائلته .. شقة غرفتين وصالة ومطبخ و3 حمامات .. بناية جديدة .. اثاث جديد .. منطقة راقية .. شارع الشيخ زايد .. خلف مول الامارات .. بكم ؟؟
بــــــ 750 درهم !!! في عز المهرجان ... يعني حوالي 50 دينار فقط لا غير .....

لكن اقول لك ... ان شاء الله جايين الكويت يعني جايين الكويت وان شاء راح تتدبر ....

مشكور على اهتمامك وجزاك الله خير ...

عليكم السلام

عندك فميلي سويتس شقق نظيفه وحلوه وموقعها ممتاز
هذا الويب سايت تبعهم
http://www.family-suite.com/english/booking.html


اتصل فيهم وشوف الاسعار
لان مو ضايفينها على البوكينق

المشاركة الأصلية كتبت بواسطة cslloll
http://www.arabtravelersforum.com/tr...9/#post6668719

عليكم السلام عندك فميلي سويتس شقق نظيفه وحلوه وموقعها ممتاز
هذا الويب سايت تبعهم
http://www.family-suite.com/english/booking.html
اتصل فيهم وشوف الاسعار لان مو ضايفينها على البوكينق



جزاك الله كل خير على اهتمامك .. ان شاء الله بتصل فيهم ..

السلام عليكم ورحمة الله وبركاته

حبيت افيدك بما اني توني راجعه من الكويت الحبيبة


احنا سكنا بالصدفه في شقق خالد هاوس بالسالمية نظيفه وحلوه وسعرها 1000 ريال 70 دينار مع الفطور


انصحك فيها


تحياتي ورحله موفقه والله الكويت تهبل وتستحق الزيارة على طول

اولا توصل بالسلامه\\
انا توي جاي من الكويت الحبيبه وسكنت في سويت هوم في بنيد القار 40دينار لكن ماانصحك تسكن فيها ...اذا لقيت افضل منها احسن لك
وسارابلازا سكنت فيها من فتره مااعجبتني وسخه ولها ريحه وخدماتهم بطيئه
,,,,,,,,
واي استفسار حاضرين

المشاركة الأصلية كتبت بواسطة مسلم وافتخر
http://www.arabtravelersforum.com/tr...1/#post6675301

اولا توصل بالسلامه\\
انا توي جاي من الكويت الحبيبه وسكنت في سويت هوم في بنيد القار 40دينار لكن ماانصحك تسكن فيها ...اذا لقيت افضل منها احسن لك
وسارابلازا سكنت فيها من فتره مااعجبتني وسخه ولها ريحه وخدماتهم بطيئه ,,,,,,,, واي استفسار حاضرين

هذا اللي انا قصدته من الموضوع ..... شو الحل اذا ؟؟؟

جزاك الله خير على التنبيه ... واتمنى الكل يستفيد

المشاركة الأصلية كتبت بواسطة قطريه عسل
http://www.arabtravelersforum.com/tr...7/#post6673087

السلام عليكم ورحمة الله وبركاته حبيت افيدك بما اني توني راجعه من الكويت الحبيبة احنا سكنا بالصدفه في شقق خالد هاوس بالسالمية نظيفه وحلوه وسعرها 1000 ريال 70 دينار مع الفطور انصحك فيها تحياتي ورحله موفقه والله الكويت تهبل وتستحق الزيارة على طول



وعليكم السلام والرحمة ... الحمد لله على سلامة وصولكم ... اذا ممكن : الشقة كم غرفة ؟؟ الحجز مباشرة من عندهم ولا عن طريق موقع مثل بوكنج ؟ هل محتفظة برقم تيلفونهم ؟؟ شكرا مقدما

انصحك بفندق سارة بلازا
خلف مجمع الفنار تقريبا