الموضوع: مانستغنى عن معلوماتكم لاتفشلونا

السلام عليكم ورحمة الله وبركاته

كيف الحال يالاخوان عساكم بخير ،، وعلى البركة كل من ضموهـ البعثة وان شاء الله يرجع لنا بالشهادة رافع الرأس والوظيفه في انتظارهـ .

في الحقيقة يالاخوان أنا في حيرة من أمري ،، لاني بحثت وسجلت في اكثر من منتدى وحاولت افهم والاقي اجابات لاستفساراتي لكن للاسف مالقيت ،، رغم ان الاسئلة بسيطه وعادية وكل اللي ابيه ان الواحد يذكر وجهة نظره ويجاوب على الاسئلة فقط .

لكن بعض الاخوان الله يهديهم مجرد ماتجيه البعثة أو يوصل للبلد اللي يبي يدرس فيها ينسى المنتدى باللي فيه ،، ونا ما ألومهم لان الواحد مايعلم بظروف الاخرين لكن مو معقولة ظروف تستمر طول العمر ،، فيالاخوان من فرج عن مسلم كربة فرج الله عنه كربة من كربات الاخرة ،،، حتى لو كانت معلومتك بسيطه على قدك وتحس انها ماراح تفيد اذكرها ،،، الواحد اوقات يستصغر نفسه ومايدري ان كلامه مهم جدا لصاحب الموضوع وللبقية .

المهم

أنا يالاخواني حالي كحال الكثير أبي ادرس في امريكا على حسابي الخاص ثم أنضم للبعثة ،، طبعا انا بصراحة ما أثق بالوزارة ولا بالملحقية واي كلام اسمعه عنهم لو كان ايجابي اعتبرهـ اشاعة لذلك مرتب نفسي على اساس اني ادرس على حسابي وامشي على الشروط المذكورة واخلص الثلاثين ساعه وانضم للبعثة ونا مرتاح البال وواثق ،، واذا ضموني قبلها عاد خيرهـ من الله .

فالحاصل تعرفون الواحد وهو يدرس على حسابه الخاص يحاول يوفر ويحرص جدا ويستفسر أكثر من اللي رايح على حساب الحكومة او بعثة اخرى عشان لمن يروح هناك ماينصدم بالامر الواقع ويكون مرتب نفسه لاي توهيقات .

فأنا يالاخوان سافرت في اكثر من بلد للدراسة وعندي معلومات على اكثر من بلد واعرف ناس في اكثر من بلد ،، ماعدى امريكا ،، ما اعرف عنها شي ابد وماعرف احد فيها ابد ،،، ماعدى السيد مبارك اوباما هههههه .

فبوجهة نظري أهم سؤال للي حاب يسافر للخارج سواء في امريكا او في بنغلاديش هو موضوع السكن ،، متى مانتهى موضوع السكن راح يهون الباقي كله ،، وبعد موضوع السكن يجي الاسعار حقت الدراسة والمعيشه وبعدها يجي موضوع المدينه او المنطقة وغيرهـ .

فأول سؤال يالغاليين برأيكم وبمعرفتكم وبخبرتكم ماهي أفضل مدينة تنصحون فيها طالب يدرس على حسابه الخاص ،، من حيث السكن والاسعار ؟
يعني أبي مدينه أسعار السكن والدراسة فيها جيدة ،، فناس نصحوني بـ أوهايو وناس نصحوني بـ كلومبس مدري شنو وناص نصحوني بـ دورتمند زي كذا فمادري انتم وشرايكم ؟
فياليت اللي يذكر لي اسم المدينة يبين لي التالي :
1- اسعار السكن ؟ ونوعه ؟
2- اسعار المعاهد ؟ ونوعها ( تبع جامعه او اهلي ) ؟ وياليت يضع الرابط .
3- اسعار المواصلات بالباص سواء الكارد او غيرهـ ؟
4- أسعار المعيشه بشكل عام ؟ وكم تقريبا ؟
5- ملخص عام عن المدينة من حيث المساجد والمسلمين والامن واماكن الترفيه وغيرهـ ؟
6- بوجهة نظرك سبعة الالاف ريال سعودي شهريا هل هي كافيه للسكن والدراسة والمعيشه ،، مع العلم اني شخص مايصرف كثير ؟



الأستفسار الاخر يالاخون :
أنا شخص أبي اخلص اموري بنفسي واراسل المعهد بنفسي واطلع فيزتي بنفسي بدون استغلال وكذب هالمكاتب اللي تأكل فينا اكل .
فسؤالي هو :
1- هل لابد علي من دقع قيمة دراستي كاملة للمعهد اللي ابي منه ورقة قبول ؟ أو مالهم دخل فقط تعطيهم اتعابهم ويعطونك القبول ؟
2- بحكم أني اريد التقديم للبعثة هل لابد أن يكون المعهد معترف للملحقية أو باستطاعتي أطلع قبول من معهد معترف متى ماوصلت امريكا ؟
3- كيف هو تعامل الملحقية مع الطلاب الخاصين ؟ لاني سمعت عنها كلام شين .
4- سؤال للخبراء ، تقريبا وبوجهة نظركم كم يحتاج الشخص للانضمام للبعثة اذا كان في مرحلة دراسة اللغة ؟ تقريبا .


ملاحظة اخيرهـ

يالاخوان رجاء خاص سواء كنت سافرت لأمريكا و تعرف عنها أو قراءت معلومات في الانترنت أو كنت تبحث مثلي عن هالاستفسارات ووجدتها ياليت ماحد يبخل علينا بشي ابد ،، حتى لو كان بسيط بوجهة نظرهـ
كل انسان يضيف ردهـ وياحبي للناس اللي تفصل تفصيل لاني احب التفاصيل والسالفة كلها رد وماراح ياخذ اكثر من خمس دقايق .

أتمنى أتمنى أجد اجابات استفساراتي لديكم لانه فعلا بدأ يجيني احباط ههههه

شاكر لكم
بالتوفيق

مواضيع عشوائيه ممكن تكون تعجبك اخترناها لك:

• لعشاق سوريا فقط الجمال الشمالي صور بلا تعليق
• ساعدوني بتعلم اللغة شهور فقط
• قبول في المعاهد الامريكية
• الدراسة في سان انجلو تكساس
• هام جدا جدا لكل من يعلم عن بريطانيا
• سـؤال عن الرخصـه الـدوووليـه
• طفشت من هالتخصص فيدوني ابي ارحل
• وش الفرق بين ماجستير تجارة اليكترونية ونظم معلومات ادارية؟
• أسباب قبول فيزا انجلترا
• هام جداً يتعلق بالكرت الأصفر من السفارة
• الى مشرفين وخبراء بوابة سوريا مع التحيه
• ابي منكم خدمه الله لا يهينكم
• رمضاني الجديد
• حياتك وتجربتك فى بريطانيا لكل من سافر بريطانيا
• انديانا بوليس
• هل بامكاني دراسة لغه وانا فيزة سايح
• أبي نصيحتكم خمسة استفسارات بالداخل
• بعثات خادم الحرمين الشريفين الدفعه الثالثه انزلت
• استفسار محتاجه مسااعدتكم
• من يجيب العلم عن موعد أعلان الاسماء النهايئة

عليكم السلام ورحمة الله وبركاته

شوف هاذي اجبابات اسئلتك الي بالاحمر
المدينة هي هيوستن

1-السكن رخيص وتلاقي استديو من 400 دولار الى 700 دولار مكون من غرفتين وهذا موقع راح تشوف اسعار السكن فيه
http://ww1.apartments.com/Search/Ind...lmcKkpV6cj0%3D

2- اسعار المعهد يعتمد عليه نفسه والافضل تروح معهد تبع امعة لأنه بيكون قوي اكثر من المعاهد التجارية شوف الرابط هذا
http://www.charleshamiltonhouston.org/Home.aspx

3- الروابط هاذي راخ تفيدك بخصوص المواصلات http://www.ridemetro.org/
http://www.google.com/search?sourcei...ion+in+Houston

4- المعيشة رخيصه وممكن تمشي حالك فيها

5- بخصوص الترفيه هاذي لمواقع بتفيدك http://www.10best.com/destinations/texas/houston/
http://travel.yahoo.com/p-travelguid...things_to_do-i
http://www.visithoustontexas.com/visitors/attractions/
http://www.google.com/search?hl=ar&s...ouston&spell=1
وهذا بخصوص المساجد http://www.elfarouq.org/
http://www.isgh.org/
وهاذي خريطه للمساجد http://maps.google.com/maps?hl=ar&sa...-8&sa=N&tab=wl
والمسلمين بكثره ختصة الجنسية العراقية
6- 7 الاف ان شاء الله تمشيك اذا ما صرفت كثر بس في اول ايام راح تصرف كثير لين ما تأقلم

وراح اجاوبك على الاسئلة الي بالازرق في المشاركه الي بعدها

هاذي اجابات الاسئله باللون الازرق

1- لا اخوي انت بس تدفع قيمة الالبلكيشن في البداية وهيه 100 دولار ولمن توصل امريكا تدفع باقي المبلغ .

2- اخوي ادخل موقع التعليم العادي وشوف المعاهد المعترف فيها وانا سويت موضوع عن كيفية معرفة الجامعات الي معترف فيها او لا http://www.arabtravelersforum.com/travel415838/

3- اخوي التعامل ان شاء الله يكون تمام وخليك من اشاعات بعض الناااس

4- المعدل اتوقع 3 او 2 !!

عمر ترى انا اخذت منك العباره الي كتبتها في الايميل بطريقة ثانية ههههه ( القديمه )

المشاركة الأصلية كتبت بواسطة rshoody
http://www.arabtravelersforum.com/tr...6/#post4935776

الله يجزاك خير يبو حميد معلومات قيمة جدا ،،، بس عندي بعض الاستفسارات البسيطة لاهنت :

1- بخصوص معاهد الجامعات ،، المشكلة اللي اعرفه ان معاهد الجامعات تجي أغلى بكثير من المعاهد الأهلية والله أعلم فمدري شرايك انت ؟

كلامكـ صحيح المعهد تبع الجامعة يكون اغلى بس راح تستفيد ويكون افضلك

2- بخصوص مدينة هيوستن اللي فهمته انها بولاية تكساس او بالاصح طعوس امريكا ذوليك حقين الكوبوي فمدري هل عندهم عنصرية مثل ما أعرف او عادي ؟

اغلب الشعب الامريكية مافيه عنصرية بس اكييد راح يكون في المدينة بس الاغلبية ماعندهم عشان كثيير من الناس تمدح هاذي المدينة
3- ممكن تعطيني رايك بولاية أوهايو ؟

والله اوهايو رخيصة زي هيوستن وانت شوف الي يعجبك

4- اذا امكن هل تعرف كم المسافة بين واشنطن وهيوستن ،، يعني بعيده او قريبه ؟


اخوي المسافة تقريبا 1964 كيلومتر او 1220 ميل !!

5- أستفسار بعيد شوي ،، بصراحة وناخوك وبوجهة نظرك لو كنت بوضعي مثلا وماقدرت تروح أمريكا راح تختار أي بلد بدالها ؟

هيوستن او سياتل او فلوريدا
واشكرك مرهـ اخرى وماقول غير الله يجعله في موازين حسناتك

عفوا اخوي وهاذا واجبنا

ويالربع اي شخص عنده معلومات لايبخل علينا حتى لو كانت بسيطة

(( الا بسألك يوم تقول عمر تقصدني أو تقصد شخص آخر ))

والله حسابك في الفيس بوك يقول كذه ههههههه

بالتوفيق



اي سؤال انا حاضر

الله يعطيهم العافية الشباب على المعلومات القيمه اللي عطوك اياها

وتحيتي لك ولاخونا احمد

المهم اخي الكريم

ارخص المدن اللي سعر السكن فيها يتراوح من 500 الى 700 دولار تلقاها في midwest بمعنى ولايات الوسط الامريكي

هناك سلمك الله تلقى الاسعار ارخص من ولايات الشرق وولايات الغرب مثال على ذلك ولاية اوهايو الي فيها مدينة كولمبوس

وممكن انك تسكن في مدينة يكون خيار السكن مع عائلة متوفر

وسعر العوائل قريب بين جميع الولايات والمدن الامريكية

يعني السعر من 600 الى 800 دولار

وقليل جداً من تلقى مدن ارفع من هالسعر

فـ مشكلة سعر السكن ماراح تفرق معاك اذا انت ناوي تسكن مع عائلة في مدينة متوفر فيها هالمطلب

والسكن يكون شامل وجبتين إفطار وعشاء يعني في الاكل والمشرب إن شاء الله منت صارف شي

--------------------------------------

المواصلات

في مدن كثيرة يكون عندها خدمة الباصات وهو اشتراك شهري تدفع مثلا 50 $ ويمكن اكثر قليلاً

وكذا انت راح ترتاح من مصاريف المواصلات

--------------------------------------------

اسعار المعيشه تختلف اكيد من ولاية لولاية لكن ولايات الوسط هي اللي تلقاها ارخص من البقية

بحكم التاكس وهو الضريبة على المبيعات من الماء لشراء المنزل

--------------------------------------------

نأتي للنقطه الاهم وهي المعهد

احرص كل الحرص على اختيار المعهد التابع لجامعة

لان بيكون تعليمه اكاديمي

بمعنى ان يدخلك كورسات مكثفه لتعليم اللغة الانجليزيه

وتدريسها لك بطريقة اكاديميه تفيدك في الدراسة الجامعية

لان الدراسة الجامعية هناك متعمده على الابحاث يعني يجب عليك تكتب بحوث

فـ الافضل انك تبتدي مع المعاهد هذي

غير كذا هالمعاهد تكون تابعه لكلية الاداب يعني المعلمين حاصلين على الاقل على ماجستير تدريس اللغة الانجليزي لغة ثانية

وترا موب كل المعاهد تعليمها ممتاز لا

بعضها فقط وهذا تلقاه معتمد من جمعيات تتابع تلك المعاهد وتشرف عليها من ناحية الكتب والتدريس وما الى ذلك

ولها تقرير سنوي في التقييم

http://www.uciep.org/

راح تلقا فيه المعاهد المعتمده فيه ولو تسأل عن اداء احد هالمعاهد تلقاه ممتاز ويفيد في وقت قياسي للطالب المجتهد

طبعا الموضوع طويل وللمساعدة حاضرين لك اخي الكريم بس انت حدد المدينة اللي تبيها وابشر بالمعلومات التفصيلية عنها

وان شاء الله ماتروح للديرة اللي تبيها الا انت متطمن من كل الامور

تحياتي

المشاركة الأصلية كتبت بواسطة ahmad059
http://www.arabtravelersforum.com/tr...2/#post4937792

اي سؤال انا حاضر



ههههههه يارجال والله مدري عن حساب الفيس بوك من زمان مادخلته ،، علعموم لاتعلم احد اوكي

وماتقصر يالغلا رايتك بيضاء والله ،،،

طيب أبسالك معليش هالحين برأيك افضل خطوط للطيران لواشنطن ؟؟؟ يعني اسعارها جيدهـ .
أنا ودي مباشرة أول ما أوصل لواشنطن أروح للملحقية وارفع اوراقي مباشرة ثم اروح للمدينة اللي اختارها ، فوشرايك انت ؟

وايضا بغيت اسالك عن التأمين يالغلا ،،، هالحين كم اسعار التأمينات عندهم بالسنة ؟؟ وتشمل شنو يعني عمليات وادوية وغيره او ماذا بالضبط ؟

والسؤال الاخير ابسالك وناخوك هالحين لو أجيب قبول من معهد معترف للملحقية وأقدمه للملحقية ثم ادرس في معهد أرخص منه وغير معترف هل فيه أشكالية أو عادي ماحد يدري عنك ؟

واخيرا أنا في بحثي عن اسعار المعاهد لقيت أرخص معهد بـ 1400 $ لكن المشكلة أني في احد الردود خارج المنتدى قالي واحد أنه يدرس في معهد بـ 900 $ ودراسة مكثفة ،،، فمدري ماتخبر لي رابط يبين لك اسعار المعاهد في المدن الامريكية المختلفة ؟؟ غير الرابط اللي حطيته أول لاني مافهمته هههه .

وأخيرا يالغالي أنا لمن رحت للجامعات الموصى بها في وزارة التعليم لقيت المعترف فيها معاهد التابعه للجامعات فقط ،،، مدري هل فيه معاهد أهليه معترف فيها غير الـ ESL ??

عارف طولت عليك بالاسئلة لكن شنسوي مالنا الا الله ثم وجيهكم السمحة .

بالتوفيق والله يستر عليكم ان شاء الله

المشاركة الأصلية كتبت بواسطة rshoody
http://www.arabtravelersforum.com/tr...6/#post4940796

ههههههه يارجال والله مدري عن حساب الفيس بوك من زمان مادخلته ،، علعموم لاتعلم احد اوكي

وماتقصر يالغلا رايتك بيضاء والله ،،،

طيب أبسالك معليش هالحين برأيك افضل خطوط للطيران لواشنطن ؟؟؟ يعني اسعارها جيدهـ .
أنا ودي مباشرة أول ما أوصل لواشنطن أروح للملحقية وارفع اوراقي مباشرة ثم اروح للمدينة اللي اختارها ، فوشرايك انت ؟

اذا تبغى تروح مباشر روح بالخطوط السعودية
وايضا بغيت اسالك عن التأمين يالغلا ،،، هالحين كم اسعار التأمينات عندهم بالسنة ؟؟ وتشمل شنو يعني عمليات وادوية وغيره او ماذا بالضبط ؟

التأمين امره بسيط ممكن تعمله في امريكا وممكن تعمله في السعودية والتعاونية للتأمين تعمله لك
والسؤال الاخير ابسالك وناخوك هالحين لو أجيب قبول من معهد معترف للملحقية وأقدمه للملحقية ثم ادرس في معهد أرخص منه وغير معترف هل فيه أشكالية أو عادي ماحد يدري عنك ؟

اخوي هو عادي بس لو المعهد ليس معترف فيه مايمداك تنضم للبعثه يعني افضل شي معهد معترف فيه !!!
واخيرا أنا في بحثي عن اسعار المعاهد لقيت أرخص معهد بـ 1400 $ لكن المشكلة أني في احد الردود خارج المنتدى قالي واحد أنه يدرس في معهد بـ 900 $ ودراسة مكثفة ،،، فمدري ماتخبر لي رابط يبين لك اسعار المعاهد في المدن الامريكية المختلفة ؟؟ غير الرابط اللي حطيته أول لاني مافهمته هههه .

اخوي صعب تلاقي بنفس السعر معهد قوي بس الافضل تدرس في مهعد تبع جامعة زي ما وضحلك مشرفنا استرنج مان

وأخيرا يالغالي أنا لمن رحت للجامعات الموصى بها في وزارة التعليم لقيت المعترف فيها معاهد التابعه للجامعات فقط ،،، مدري هل فيه معاهد أهليه معترف فيها غير الـ esl ??

والله ما ادري بس الافضل انك تروح اي معهد بس يكون معترف فيها

عارف طولت عليك بالاسئلة لكن شنسوي مالنا الا الله ثم وجيهكم السمحة .

لا عادي اخوي بس العشاء عليك
بالتوفيق والله يستر عليكم ان شاء الله



ههههههه لا ماعليك مافي احد راح يدري

واي سؤال حاضرين للطيبين

المعاهد التابعه للجامعات انا ارى ان اسعارها عادية جداً

خصوصاً ان الدوام مكثف تقريباً 6 ساعات يومياً

ولو تقارن سعرها مع المعاهد التجارية مثل els و ef

تلقا السعر اغلى من سعر المعاهد الحكومية

فـ اتعب على ايجاد معهد تابع للجامعه

وبالنسبة للموقع هذا يبين لك احسن معاهد تابع للجامعات

واكيد الجامعات مرموقة ومعروفة بس مب بالضرورة انها اقوى جامعات

الموقع يختص فقط في تقييم المعاهد

وبالنسبة للتأمين الطبي هذا يكون شامل السعر اللي تدفعه للمعهد

فـ لاتحاتي اخي الكريم

اوهايو ولاية متوسطة الغلاء وفيها جامعات كويسة والحياه فيها رخيصة

تكساس انا ارشحها لك فيها مدن جميلة وجامعات قوية ومعاهد قوية والديرة راخص من غيرها وتصلحلك من رأيي

أستاذنا القدير / http://www.arabtravelersforum.com/user304461/
ومشرفنا الغالي / [b]http://www.arabtravelersforum.com/user226602/
وكل من شارك في الموضوع .

أشكركم من أعماق قلبي وأستفدنا منكم كثير والله ،، والظاهر خلاص بنختار تكساس وامرنا على الله ..

وياليت تفيدوني بهالاسئلة الشبه اخيرة هههههه

المشاركة الأصلية كتبت بواسطة rshoody
http://www.arabtravelersforum.com/tr...0/#post4943320

أستاذنا القدير / http://www.arabtravelersforum.com/user304461/
ومشرفنا الغالي / [b]http://www.arabtravelersforum.com/user226602/
وكل من شارك في الموضوع .

أشكركم من أعماق قلبي وأستفدنا منكم كثير والله ،، والظاهر خلاص بنختار تكساس وامرنا على الله ..

وياليت تفيدوني بهالاسئلة الشبه اخيرة هههههه



اذا انت مصر انا راح اكل من البيكـ

المشاركة الأصلية كتبت بواسطة ahmad059
http://www.arabtravelersforum.com/tr...0/#post4948900

اذا انت مصر انا راح اكل من البيكـ




هههههه يارجال أقولك أي بوفية تقولي البيك
لكن ماعليه خل يفتحون فروع للبيك عندنا بالرياض وأبشررر باللي يعزمك

7500 ماهي شينه احتياط

انا مثلك ومتوهق الانقلش عندي مييح وامس رحت معهد قلت ابختبر نفسي طلع المستوى من 1 - 0

لكني افك الخط كثر منها ^^

ع العموم انا ببحث واذا لقيت معهد حلو قلت لك وبتابع موضوعك ...