ماقدرت امسك نفسي وشفت انه لزاما علي اتصدى لهذا الهجوم الغاشم
خذي 4 مميزات للعزوبي الرجل وعلى فكره تراها من طرف راسي وان بغيتي زياده حاضر
مميزات العزوبيه بالنسبه للرجال
1
ماتظطر تشتري غساله ملابس اتوماتيكيه وغساله صحون اوتوماتيكيه ومكنسه اتوماتيكيه ونوعين من الافران وثلاجه وفريزر منفصلين وبعد كل هذه الاجهزة تطالبك بشغاله تكلفك 20 الف ريال
لان الشغل هلكها مع انك ترجع البيت تاكل بقايا غدا امس
واكثر ملابسك تغسلها برا مو بالبيت
2
ماتظطر تلف السوبرماركت كل يوم خميس وتعبي عربيه باغراض ما تقل عن 500 ريال ونهايه الشهر انت بنفسك تطلع نص الاغراض من الثلاجه على الزباله مباشره لانها تعفنت
اضف الى ذلك انك كل يومين تقريبا بتطلع كيس زباله من ابو 30 جالون
بدون ما تعرف المحتويات
3
ما تظطر تشتري لها ايفون اخر موديل وبعدين تكتشف انها تتسلى بالتريقه عليك وعلى كل راعي سروال وفنيله مع صديقاتها بالواتساب
4
ماتضطر تشتري لها مكياج وعطور واخر صيحات الموضه في الملابس بعدين ما يحصل لك تتهنى بشوفتها بكامل اناقتها حتى بعد ما تنتهي المناسبه اللي هي حفلة زواج لانها على طوووول ترجع البيت تمسح المكياج وتلبس جلابيتها
المفضلات